ከ45 ሀገራት የተውጣጡ 70 ወታደራዊ አታሼዎች በመኮንኖች ክበብ ተሰበሰቡ


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ


የኢፌዴሪ መከላከያ ሚኒስትር ዶ/ር ቀነዓ ያደታ ፣ ተቀማጭነታቸው በኢትዮጵያ ለሆኑ ወታደራዊ አታሼዎች በወቅታዊ ጉዳይ ላይ ማብራሪያ ሰጡ ።በመኮንኖች ክበብ በተካሄደው በዚሁ መድረክ ላይ ፣ ከ 45 ሀገራት የተውጣጡ 70 ወታደራዊ አታሼዎች ተሳትፈዋል ።
ሚኒስትሩ ፣ በኢትዮጵያ ፣ ግፈኛው የህወሐት ቡድን የብሔር ግጭቶች ማስነሳቱን ፣ ብዙ ህዝብ እንዲጨፈጨፍ ማድረጉን ፣ የዜጎችን ሰብዓዊ መብት መጣሱን ፣ ጦርነቱንም ራሱ ሰሜን እዝን በማጥቃት እንደጀመረው እና ኢትዮጵያም የህግ የበላይነት እያስከበረች መሆንዋን ለዓለም አቀፉ ማህበረሰብ አብራርተዋል ።
በውይይቱ ላይ ፣ የመከላከያ መረጃ ዋና መምሪያ ሀላፊ ሌ/ጀ አስራት ዴኔሮ ፣ ጁንታው ህገ መንግስቱን ጥሶ የፈፀመውን ግድያ ፣ ከሀዲው የሰላም መንገድን ረግጦ ሰሜን እዝን በመውረር ግጭቱን እንዴት እንደ ጀመረው ፣ እያሰራጨ ስላለው የሀሰት ፕሮፓጋንዳ እንዲሁም የፌዴራል መንግስት ህግን ለማስከበር እያደረገ ስላለው ጥረት በዝርዝር ማብራሪያ አቅርበዋል ።
አንዳንድ የውይይቱ ተሳታፊዎች ፣ በሰብዓዊ ድጋፍ ፣ በውጭ ጣልቃ ገብነትና በሰብዓዊ መብት አያያዝ ላነሱት ጥያቄ የመከላከያ ሚኒስትሩ ማብራሪያ ሰጥተዋል ።ዶ/ር ቀነዓ ፣ ነጻ በወጡ አካባቢዎች መንግስት የሰብዓዊ ድጋፍ እያደረገ እንደሚገኝ ፣ ኢትዮጵያ የውጭ ድጋፍ የምትፈልግበት ምንም ምክንያት እንደሌለ እንዲሁም ሠራዊታችን የጦርነት ህግና የአለም ዓቀፍ ህግን እንደሚያከብር አረጋግጠዋል ።