የፖለቲካ ፓርቲዎች የጋራ መድረክ የሚጠበቅበትን ፍሬ አለማምጣቱን ፖለቲከኞች ገለጹ፡፡


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ


DW : በኢትዮጵያ ብሔራዊ መግባባትን እና የፖለቲካ ፓርቲዎች የጋራ ፍኖተ ካርታ ይፈጥራል ተብሎ እየተካሄደ ያለው የፖለቲካ ፓርቲዎች የጋራ መድረክ እስካሁን የሚጠበቅበትን ፍሬ አለማምጣቱን ፖለቲከኞች ገለጹ፡፡ የኦሮሞ ፌዴራላዊ ኮንግሬስ (ኦ.ፌ.ኮ.) ሊቀመንበር ፕሮፌሰር መረራ ጉዲና እንደሚሉት በሃገሪቱ ተቋማት የሚመሩት በገዢው ፓርቲ ፍኖተ ካርታ ይሁኝታ በመሆኑ መሰል ውይይቶች የተቀናቃኞችም ምልከታን ለማካተት የሚያስችሉ መሆን ይገባዋል ነው የሚሉት፡፡

ቀጣዩን ብሔራዊ ምርጫ ነጻና ፍትሃዊ በማድረግ ለዴሞክራሲያዊት ኢትዮጵያ እውን መሆን መሰረት የምጥል ነው የሚሉት ፕሮፌሰር መረራ አሁን በሃገሪቱ እየተከናወኑ ያሉት የፖለቲካ ምህዳርን የማስፋት ጥረት ሙሉ ተስፋ እንዳልሰጣቸውም ይገልጻሉ፡፡ የኢትዮጵያ ሶሻል ዴሞክራቲክ ፓርቲ ሊቀመንበር ፕሮፌሰር በየነ ጴጥሮስ በመድረኩ ከስምምነት ሊደረስባቸው የማይመስሉ ነጥቦችም ጭምር ተነስተው እየተመከረባቸው ነው ሲሉ፤ የኢትዮጵያ ዜጎች ለማህባራዊ ፍትህ ሊቀመንበር አቶ የሺዋስ አሰፋ በመድረኩ ተስፋ ሰጪ ውይይቶች እየተደረጉ ቢሆንም እስካሁንም የተቀመጠ የመፍትሄ ሃሳብ አለመኖሩን ጠቁመዋል፡፡