" /> በእነአቶ በረከት ስምዖን ላይ አሉኝ ያላቸውን የቃል ምስክሮች እንዲያሰማ አቃቢ ሕግ ታዘዘ | Mereja.com - Ethiopian Amharic News

በእነአቶ በረከት ስምዖን ላይ አሉኝ ያላቸውን የቃል ምስክሮች እንዲያሰማ አቃቢ ሕግ ታዘዘ

የአማራ ክልል ጠቅላይ ፍርድ ቤት አቃቤ ህግ በአቶ በረከት ስምዖን እና አቶ ታደሰ ካሳ ላይ አሉኝ ያላቸውን የቃል ምስክሮች ከግንቦት 21 ጀምሮ እንዲያሰማ ቀጠሮ ሰጠ።ፍርድ ቤቱ ባለፈው ዓርብ አቶ በረከት ስምዖን ያቀቡትን የእምነት ክህደት ቃል መቀበሉ ይታወሳል።በዛሬው ውሎውም የአቶ ታደሰ ካሳን የእምነት ክህደት ቃል የተቀበለ ሲሆን ፥ተከሰሹ በተከሰሰባቸው ጉዳዮች ላይ ምንም አይነት ጥፋት አለመፈጸማቸውን በመጥቀስ ወንጀለኛ አለመሆናቸውን ገልፀዋል።

ከሳሽ አቃቤ ህግ በበኩሉ ተከሳሹ አልፈፀምኳቸውም ባሉት ጉዳይ ላይ በርካታ የሰው ምስክሮች እንዳሉት ለፍርድ ቤቱ አስረድቷል።ሁለቱ ተከሳሾች ጠበቃ የማቆም አቅሙና ፍላጎቱ እያላቸው እስካሁን ግን ማቆም እንዳልቻሉ ለፍርድ ቤቱ አስረድተዋል።ጠበቃ ማቆም ያልቻሉተም በሚያቆሟቸው ጠበቃዎች ላይ ልዩ ጥበቃ ባለመደረጉ ምክንያት ማስፈራሪያና ዛቻ
ስለሚደርስባቸው ነው ብለዋል።

የግራ ቀኙን ክርክር ያዳመጠው ፍርድ ቤቱም ዓቃቤ ህግ አሉኝ ያላቸውን የቃል ምስክሮች ከግንቦት 21 ቀን 2011 ዓ.ም ጀምሮ እንዲያሰማ ቀጠሮ ሰጥቷል።በተጨማሪም ፍርድ ቤቱ ተከሳሾች ከቀጠሮው በፊት ጠበቃ ፈልገው በፅሁፍ እንዲያቀርቡ ትዕዘዝ የሰጠ ሲሆን፥ለሚያቆሟቸው ጠበቃዎችም ልዩ ጥበቃ እንደሚደረግላቸው አሳውቋል።በጥረት ኮርፖሬት የሀብት ምዝበራ ተጠርጥረው ጉዳያቸው በፍርድ ቤት እየታየ የሚገኙት አቶ በረከት ስምዖን እና አቶ ታደሰ ካሳ በሙስና እና ስራን ባመች ሁኔታ ባለመስራት ወንጀሎች አራት ክሶች የተመሰረቱባቸው መሆኑ ይታወሳል።


የመረጃ ቲቪ አባል በመሆን የስራችን ጥራት እንዲሻሻል ያግዙን። አባል ለመሆን እዚህ ላይ ይጫኑ።
JOIN Mereja TV