በአዲስ አበባ በርካታ የባልደራስ እባላት እየታደኑ ነው – የታሰሩት ቤታቸው ተፈትሿል

የባልደራስ ለእውነተኛ ዴሞክራሲ ፓርቲ (ባልደራስ) አባል የሆነው ወጣት ፍቅረ ማርያም ሙላቱ ከመኖሪያ ቤቱ ዛሬ ማክሰኞ ግንቦት 9 ቀን 2014 ዓ.ም በፖሊስ ቁጥጥር ስር ውሏል። ፍቅረ ማርያም በአድዋና ካራ ማራ የድል በዓላት ምክንዬያት በግፍ ታስረው ከቆዩት የባልደራስ ከባላት መካከል አንዱ ነው።

–

ሌሎች የባልደራስ አባላትም(በተለይም በአድዋና በካራማራ ታስረው የነበሩ ወጣቶች) ማዋከብ ተጀምሯል።

በተያያዘ፤ በቅርቡ ከአማራ ልዩ ሃይል አዛዥነት የተባረሩት ብርጋዴር ጄኔራል ተፈራ ማሞ በአዲስ አበባ ከቤታቸው እንደወጡ አለመመለሳቸውን ባለቤታቸው ወ/ሮ መነን ኃይሌ ተናግረዋል።

–

፣በየፖሊስ ጣቢያው ተዘዋውረው የጠየቁት መነን “ፖሊስ ሊያስተናግደን ፈቃደኛ አይደለም። እንኳንስ ‘አሉ’ ብሎ ሊያገናኘን እንዲፈለግልን ለማስመዝገብም ፈቃደኛ አልሆነም። እንዲህ አይነት ጉዳይ አናስተናግድም” ነው የሚሉት ብለዋል።

፟

የፌዴራል ፖሊስ ኮሚሽን እና የአዲስ አበባ ፖሊስ ኮሚሽንን ጨምሮ በተለያዩ ጣቢያዎች ሄደው መጠየቃቸውንም ገልፀዋል።

ብርጋዴር ጀኔራል ተፈራ ማሞ ትናንት ግንቦት 8 ቀን 2014 ዓ.ም. ከረፋዱ አምስት ሰዓት ገደማ ከቤት ሲወጡ በኢትዮጵያ ፖለቲካ ውስጥ ስማቸው በጉልህ ከሚታወቅ አንድ የብአዴን ከፍተኛ አመራር ወዳጃቸው ጋር በግል ጉዳይ ለመገናኘት እንደሆነም ባለቤታቸው አረጋግጠዋል። ከእኒኝ ወዳጃቸው ጋር ከቀኑ አስር ሰዓት ገደማ መለያየታቸውም ታውቋል።

–

ብርጋዴር ጀኔራሉ ከሥልጣን ከለቀቁ በኋላ በተለያዩ መገናኛ ብዙሃን የአገዛዙን ገመናዎች ለአደባባይ አብቅተዋል።

–

የግፍ እስረኛው ቢንያም ታደሰ ለግንቦት 19 ተለዋጭ ቀጠሮ ተሰጠው!
በሌሊት እየጠራ እንደሚመረምረው ፖሊስ አምኗል!የባልደራስ ለእውነተኛ ዴሞክራሲ ፓርቲ (ባልደራስ) አባል የሆነው ወጣት ቢንያም ታደሰ ዛሬ ማክሰኞ፤ ግንቦት 9 ቀን 2014 ዓ.ም. የፌዴራሉ የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ወንጀል ችሎት ከጠበቃው ቤተማርያም አለማየሁ ጋር ቀርቧል።

ባለፈው ቀጠሮ የሰውና የሰነድ ማስረጃዎችን ለማሰባሰብ በሚል ሰበብ የ14 ቀናት የጊዜ ቀጠሮ የተፈቀደለት የአዲስ አበባ ፖሊስ ዛሬም በተመሳሳይ 14 ቀናት ጠይቋል። ሆኖም ባለፉት ሁለት ሳምንታት የሰበሰበውና ለችሎቱ ያቀረበው አንዳች ማስረጃ የለም።

ጠበቃ ቤተማርያም አለማየሁ ፖሊስ ቢንያምን በሌሊት ከእንቅልፍ ቀስቅሶ እያስወጣ ከባልደራስ እና ከእስክንድር ነጋ እንዲርቅ በኃይል ለማሳመን እየሞከረ መሆኑን ገልፀዋል። ለአራት ቀናት ያህል በሌሊት እየተጠራ ሲንገላታ እንደሰነበተም ቢንያም ተናግሯል።

ፖሊስ በበኩሉ “በሌሊት የምንጠራው 24 ሰዓት ስለምንሠራ ነው” ሲል አፊዟል። በቀጣዮቹ የምርመራ ጊዜያት የወጣቱን የፌስቡክ ገፅ በብሔራዊ መረጃና ደህንነት መሥሪያ ቤት እንደሚያስመረምርም ተናግሯል።

ለዚህ ምላሽ የሰጠው ቢኒያም፣ “እያንዳዳቸውን ፅሁፎች በፖሊስ ከፋችነት አብረን አንብበናቸዋል። ስለዚህ ከፖሊስ የተሰወረ ስላልሆነ ወደ ደህንነት መሥሪያ ቤት መላኩ አስፈላጊ አልይደለም። ፖሊስ ሆን ብሎ በሀሰት ክስ እኔን በእስር ቤት ለማቆየት ስለፈለገ ነው” ብሏል።

በፌስቡክ ሃሳብን መግለፅ በሕገ መንግሥት አንቀፅ 29 የተደነገገ መሆኑን የገለፁት ጠበቃ ቤተማርያም ፣ የግፍ እስረኛው በዋስትና እንዲፈታ ጠይቀዋል። ሆኖም ፍርድ ቤቱ ውድቅ አድርጎታል። ቢኒያም እስከ ግንቦት 19 በእስር እንዲቆይም ወስኗል።

ቢንያም ታደሰ በጎንደር ተከስቶ የነበረውን ግጭት ተከትሎ በአዲስ አበባ “ኦርቶዶክስ ተነስ በማለት ሁከትና ብጥብጥ ፈጥረሃል” በሚል የሀሰት ውንጀላ ነበር የታሰረው። ተፈፀመ ስላለው ብጥብጥ ማስረጃ ማቅረብ ያልቻለው ፖሊስ፣ በዛሬ ችሎት ደግሞ ውንጀላውን በማህበራዊ ሚዲያ ወደ አስተላለፋቸው መልዕክቶች እያዞረው ይገኛል።