ወታደራዊው ደርግ ሲሞት ወንበዴው ደርግ (ሕወሓት) የተወለደባት ቀን ግንቦት 20


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ


ወታደራዊው ደርግ ሲሞት ወንበዴው ደርግ የተወለደባት ቀን ግንቦት ሐያ።
ግንቦት 20 ዘረኞች የነገሱበት ሐገር የተዋረደችበት የተረገመች ቀን !

የበርካቶች ተስፋ የጨለመበት፣ ከሐገር አልፎ አሕጉርንና አለምን ያስደመሙ የኢትዮጵያ የጦር ሰራዊት የተበተነባት፣ ምሁራን የተገፉበት ፣ ለሐገርና ለወገን የሚጠቅሙ የተገደሉባት የተሰደዱባትና ዘረኞችና አናሳ የአፓርታይድ ስርዓት አራማጆች ስልጣን በጠበንጃ የጨበጡባት እለት ናት። ሕወሓት/ኢሕአዴግ ስማቸውን እየቀያየሩ በሕዝብ አናት ላይ የሚዘፍኑባት አገር የተፈጠረችው በዛሬው እለት ነው።

ዛሬ ላይ ቆመን የምናያቸው ሐገርን ለማተራመስ አመጽ የሚሰብኩ፣ ፖለቲካውን በዘር የሚለኩ፣ ቢሮክራሲውን በጎጥና በብሔር የሞሉ፣ ቅድሚያ ለዜጎች ሳይሆን ለዘር የሚሰጡ፣ አደርባዮች፣ የአፓርታይድ አራማጆች፣ የሚናገሩትና የሚያደርጉት የተለያየ የሆኑ ባለስልጣኖች። አስመሳዮችና በወሬ የሚደልሉ ታሪክ አጥፊዎች፣ የፖለቲካ ደላሎችና የ አዞ እንባ አፍሳሾች፣ ያዘኑ መስለው ሕዝብን የካዱ ውርጃዎች የግንቦት ሃያ ፍሬዎች ትሩፋቶች ናቸው።

በግንቦት 20 ኢትዮጵያ አገራችን በጨለማ ጉም ተሸፈነች:: አገርና ህዝብ ጥቁር የሃዘን ልብስ ለበሱ:: ሲጠሏት እና ታሪኳን እና ህዝቧን ሲያዋርዱን ሲያንቋሽሹ በነበሩት ወያኔ ህወሃት ለእጅ አዙር ቅኝ አገዛዝ ተዳረገች:: ዘረኛው እና ጎጠኛው ወያኔ ህወሃት በመለስ ዜናዊ የሚመራው የማፍያ ፋሺስት ግልገል እና ግብረ አበሮቹ ጸረ ሀገር እና ጸረ ህዝብ የሆኑትን ለዘመናት የተከበረው የምኒሊክ ቤተ መንግስት ተቆጣጥረው የግልገል ፋሺስቶች መንደላቀቂያ ሆነ::

ወያኔ ህወሃት ከደደቢት ይዞት የመጣውን ህገ ደንቡን የኢትዮጵያ ህገ መንግስት አደረገው:: ኢትዮጵያን በዘር ፣ በቋንቋ እና በሃይማኖት ከፋፍሎ የህዝቡን አንድነት እና ኢትዮጵያዊነት አጠፋዋለሁ ብሎ ያመጣውን የዘረኝነት ህጉን በኢትዮጵያ ዘረጋ::አሮጌ የአምባገነኖች ስልቻ በአዲስ የአምባገነኖች ስልቻ የተተካበት። ወታደራዊው ደርግ ሲሞት ወንበዴው ደርግ የተወለደባት ቀን ግንቦት ሐያ። ትልቅ የፖለቲካ የኢኮኖሚና የማሕበራዊ ኪሳራ በሀገር ላይ ያደረሱ ጸረ ኢትዮጵያ ኃይሎች ስልጣኑን የተቆናጠጡበት እለት ግንቦት 20።

#MinilikSalsawi