ጠ/ሚ ዐቢይ አሕመድ ሕዳሴ ግድብን አስመልክቶ ከሱዳኑ ጠ/ሚ አብደላ ሐምዶክ ጋር ውይይት አካሂደዋል።

ጠቅላይ ሚኒስትር ዐቢይ አሕመድ እና ከፍተኛ የልዑካን ቡድናቸው፣ ከሰዓቱን ከሱዳኑ ጠቅላይ ሚኒስትር አብደላ ሐምዶክ ጋር ውይይት አካሂደዋል።

ውይይቱም ታላቁ የኢትዮጵያ ሕዳሴ ግድብን አስመልክቶ በሁለቱ ሀገራት መካከል ያልተቋጩ ጉዳዮችን ለማጠናቀቅ እና የተዛባ ግንዛቤ የነበረባቸውን ጉዳዮች ለማጥራት የታለመ ነው።

የአካባቢ ጥበቃ፣ የግድቡ የደኅንነት ሁኔታ እና የመረጃ ልውውጥን ስለ ማመቻቸት፣ በሱዳን በኩል ለተነሡት ጉዳዮች ምላሽ ተሰጥቶባቸዋል። ጠቅላይ ሚኒስትር ዐቢይ ወቅታዊ የሥራ ክንውኑ ያለበትን ደረጃ ገልጸዋል።

አክለውም፣ የሕዳሴው ግድብ ለሦስቱ የተፋሰሱ ሀገራት ኢኮኖሚ መጠናከር ምቹ ሁኔታ እንደሚፈጥር ተናግረዋል። የቴክኒክ ውይይቱን በሁለቱ ሀገራት የውኃ ሚኒስትሮች አማካኝነት ለመቀጠል ስምምነት ላይ ተደርሷል።

SourceOffice of the Prime Minister-Ethiopia

 



መረጃ ቲቪን በተሻለ ጥራት እና ፍጥነት እንድናቀርብ እገዛችሁን እንሻለን።
መረጃ ቲቪን ለማገዝ ይህን ሊንክ በመጫን አባል ይህኑ - JOIN Mereja TV