የነቀምት ከተማ የደህንነት ጽ/ቤት ኃላፊ ተገደሉ


ኢትዮጵያን ካጋጠሟት እጅግ ውስብስብ ችግሮች ለማዳን የተለያዩ ጠቃሚ ሃሳቦችን እና ገንቢ ትችቶችን የሚያቀርቡ ነፃ ሚዲያዎች ወሳኝ ሚና እንደሚጫወቱ ይታወቃል። ስለዚህም ኢትዮ360፣ መረጃ ቲቪ፣ አዲስ ድምጽ፣ ምንሊክ ቲቪ እና ሌሎችም የኢትዮጵያዊነት አጀንዳ የሚያራምዱ ሚዲያዎች በመተባበር ፕሮግራሞቻቸውን በሳተላይት ቲቪ ለኢትዮጵያ ህዝብ በማቅረብ ላይ ይገኛሉ። እነዚህ ሚዲያዎች የፈጠሩት ማህበር የሳተላይት ወጪውን መሸፈን እንዲያስችለው ይህን የጎፈንድሚ ፔጅ ከፍተናል → እዚህ ሊንክ ላይ ይጫኑ። ለትብብርዎ እናመሰግናለን።
BBC Amharic : የነቀምቴ ከተማ የቀድሞ የአስተዳደር እና የደህንነት ጽ/ቤት ኃላፊ ዛሬ ከሰዓት መገደላቸውን ምንጮች ለቢቢሲ አረጋግጠዋል።የነቀምቴ ከተማአቶ ተሾመ ገነቲ መኖሪያ ቤታቸው አቅራቢያ በጥይት ተመተው መገደላቸውን ጉዳዩን ከሚያውቁ ሰዎች ማወቅ ተችሏል።

ነገር ግን የነቀምቴ ከተማ የአስተዳድር እና ደህንነት ጽ/ቤት ኃላፊን ማን እንደገደላቸው እስካሁን አልታወቀም።

የኦሮሚያ ክልል የአስተዳደር እና ደህንነት ቢሮ ምክትል ኃላፊ ኮሎኔል አበበ ገረሱ ግን አቶ ተሾመ “በጥይት መመታታቸው ሰምቻለሁ ከዚህ በተጨማሪ ሌላ መረጃ የለኝም” ብለዋል።

በጉዳዩ ላይ ከከተማው እና ከክልሉ ባለስልጣናት ተጨማሪ መረጃ ለማግኘት ያደረግነው ጥረት አልተሳካም።

አቶ ተሾመ በ2007 እና በ2008 የነቀምቴ ጨለለቂ ክፍለ ከተማ አስተዳዳሪ ሆነው አገልገለዋል። ከዛ በኋላም የከተማዋ የማህበራዊ ጽ/ቤት ኃላፊ በመሆን ካገለገሉ በኋላ የነቀምቴ ከተማ የአስተዳደር እና የደህንነት ጽ/ቤት ኃላፊ በመሆኑ ተሹመው ነበር።

ከአንድ ወር በፊት ግን ከዚህ ኃላፊነታቸው ተነስተው ሌላ የሥራ ምደባ እየተጠባበቁ እንደነበረ መረዳት ችለናል።

እድሜያቸው ከ35-40 ይገመት ነበረው አቶ ተሹመ ባለ ትዳር እና የሁለት ልጆች አባት ነበሩ።

ከዚህ ቀደም በተመሳሳይ መልኩ በምዕራብ ኦሮሚያ የመንግሥት ባለስልጣናት ላይ ያነጣጠሩ ግድያዎች ሲፈጸሙ መቆየታቸው ይታወሳል።