" /> የኢትዮጵያ ብሄራዊ ምርጫ ቦርድ አዲሱን አርማውን ይፋ አደርጓል። | Mereja.com - Ethiopian Amharic News

የኢትዮጵያ ብሄራዊ ምርጫ ቦርድ አዲሱን አርማውን ይፋ አደርጓል።

ENA : የኢትዮጵያ ብሄራዊ ምርጫ ቦርድ አዲሱን አርማውን ይፋ አደርጓል።

No photo description available.ዛሬ የምርጫ ባለድርሻ አካላት ኮንፈረንስ እየተካሄደ ሲሆን ቦርዱም አዲሱን አርማውን በዚህ ወቅት ይፋ አድርጓል።
የብሄራዊ ምርጫ ቦርድ ሰብሳቢ ወይዘሪት ብርቱካን ሚደቅሳ ተቋሙ ነፃ፣ ገለልተኛ እና ተአማኒ እንዲሆን በርካታ የማሻሻያ ስራዎች እየተሰሩ ነው ማለታቸውን ፋና ዘግቧል።
የአሰራር ስርአቶችን በማሻሻል እና ተቋማዊ ለውጡ ቀጣዩን ምርጫ በስኬት ለማካሄድ አቅም የሚሰጥ እንዲሆን ትኩረት ተሰጥቶታልም ነው ያሉት።

ቦርዱ ዘመናዊ የአሰራር ስርአቶችን እየዘረጋ ስለመሆኑም ተናግረዋል።
የኮንፈረንሱ አላማም የለውጥ ሂደቱ ላይ ተጨማሪ ግብአቶች ለመሰብሰብና ሁሉም ባለድርሻ አካላት ለምርጫው ሰላማዊነት ሀላፊነታቸውን እንዲወጡ ምክክር የሚደረግበት መሆኑንም ገልጸዋል።

በኮንፈረንሱ ያለፈው አንድ አመት የቦርዱን የለውጥ ሂደትና ቀጣይ አቅጣጫዎች ላይ ምክክር የሚደረግ ሲሆን የሲዳማ ዞን ህዝበ ውሳኔ ሂደት ተሞክሮዎችም ይቀርባሉ ተብሎ ይጠበቃል።


የመረጃ ቲቪ አባል በመሆን የስራችን ጥራት እንዲሻሻል ያግዙን። አባል ለመሆን እዚህ ላይ ይጫኑ።
JOIN Mereja TV