ወታደራዊ እስረኞች፣ በቼክና በሐሰተኛ የገንዘብ ዝውውር የታሰሩና የውጭ አገር ዜጎች ጨምሮ 1 ሺህ 270 እስረኞች በይቅርታ ተፈቱ


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ


በማይድን ህመም የተያዙ በእድሜ መግፋት ምክንያት በልዩ ሁኔታ ጉዳያቸዉ ታይቶ ይቅርታ ተደርጎላቸዋል

ባለፉት ሰድስት ወራት ውስጥ ለ1 ሺህ 270 ታራሚዎች ይቅርታ መደረጉን የፌደራል ጠቅላይ አቃቢ ህግ አስታወቀ።

በ2012 ዓ.ም በግማሽ በጀት ዓመት ለ1,270 ታራሚዎች ይቅርታ መደረጉን በጠቅላይ ዐቃቤ ሕግ የይቅርታ ቦርድ ጽ/ቤት ኃላፊ አቶ ዘለቀ ደላሎ ገልፀዋል፡፡

በስድስት ወራት ውስጥ 2,934 ታራሚዎች የይቅርታ ጥያቄ ቀርቦና ተመርምሮ አስፈላጊው መረጃና ማስራጃ መሟላቱን በማረጋገጥ ለቦርድ እንዲቀርብና እንዲወሰን መደረጉን የገለፁት ኃላፊዉ በዚሁ መሰረት የቀረቡ የይቅርታ ጥያቄዎችን በመመርመር ውሳኔ ለማሰጠት ከቀረበው የ2,934 የታራሚዎች ይቅርታ ጥያቄ ለ1 ሺህ 270 ታራሚዎች ብቻ ይቅርታ ተደርጎላቸዋል ብለዋል፡፡

በይቅርታውም ከመከላከያ ሚኒስቴር ወታደራዊ ማረሚያ ቤት የሚገኙ ታራሚዎች፣ በክልል ፍርድ ቤት ተፈርዶባቸዉ የፌዴራል ፍርድ ቤት ስልጣንና ኃላፊነት የሆኑ እንደ ቼክ፣ሀሰተኛ የገንዘብ ዝውውርና መሰል ጉዳዮች፣በፌዴራል ፍርድ ቤት ተፈርዶባቸው በክልል የሚታረሙ፣ በዝውውር በክልል ታስረው ያሉ ታራሚዎች ተጠቃሚ መሆናቸዉን አብራርተዋል፡፡

ኃላፊው አያይዘው 1 ሺህ 664 ታራሚዎች የፈፀሙት ወንጀል የህዝብንና የመንግስትን ጥቅም የሚጎዳ በመሆኑ፣በማረሚያ ቤት ቆይታቸው በአግባቡ የታረሙ ባለመሆኑና አሁን ካለው ነባራዊ ሁኔታ ስርቆትና ውንብድን ሙሉ በሙሉ በሚባል መልኩ በይቅርታ እንዳይካተቱ በመደረጉ ምክንያት የህዝብንና የመንግስትን ጥቅም ለማስጠበቅ ሲባል ቦርዱ የይቅርታ ጥያቄያቸዉን ውድቅ አድርጎታል ሲሉ ተናግረዋል፡፡

በሌላ በኩል በልዩ ሁኔታ ልዩ ትኩረት ተሰጥቷቸዉ ይቅርታ የተደረገላቸዉ ታራሚዎች እንዳሉ የጠቆሙት አቶ ዘለቀ ከዚሁ ጋር በተያያዘ ለማረም ማነፁ በማይመች ሁኔታ ዉስጥ የሚገኙ በማረሚያ ቤት ቆይታቸው በማይድን ህመም የተያዙ 30 ታራሚዎች ፣ በእድሜ መግፋት ምክንያት 21 ታራሚዎች፣ እንዲሁም 49 የውጭ አገር ዜጎች በልዩ ሁኔታ ጉዳያቸዉ ታይቶ ይቅርታ ተደርጎላቸዋል ሲሉ አክለዉ ገልፀዋል፡፡

ከዚሁ ጉዳይ ጋር በተያያዘ በሀገር አቀፍ ደረጃ የይቅርታ አሰጣጥና አፈፃፀም መመሪያን ወጥና ተገማች ለማድረግ የተጀመረውን ጥናት በማጠናቀቅ ከክልል ማረሚያ ቤቶች አስተዳደርና ኃላፊዎች ጋር ውይይት እየተደረገ መሆኑን የፌደራል የጠቅላይ አቃቢ ህግ መግለጫ አስታውቋል፡፡

Source : ጠቅላይ አቃቢ ህግ