" /> እነ ክርስቲያን ታደለ ቤተሰቦቻችን ችሎቱን ካልታደሙ የሚል ተቃውሞ በማሰማታቸው ማረሚያ ቤት ሆነው ችሎቱ በፕላዝማ እንዲታደሙ ፍርድ ቤቱ ወሰነ | Mereja.com - Ethiopian Amharic News

እነ ክርስቲያን ታደለ ቤተሰቦቻችን ችሎቱን ካልታደሙ የሚል ተቃውሞ በማሰማታቸው ማረሚያ ቤት ሆነው ችሎቱ በፕላዝማ እንዲታደሙ ፍርድ ቤቱ ወሰነ

እነ ክርስቲያን ታደለ ቤተሰቦቻችን ችሎቱን ካልታደሙ የሚል ተቃውሞ በማሰማታቸው ማረሚያ ቤት ሆነው ችሎቱ በፕላዝማ እንዲታደሙ ፍርድ ቤቱ ወሰነ – ይህ በእንዲህ እንዳለ ችሎቱን ለመከታተል የታደሙት ደጋፊዎቻቸው ከፖሊስ ጋር በመጋጨታቸው ፖሊስ በወሰደው እርምጃ የተወሰኑት በቁጥጥር ስር ውለው መታሰራቸውን የማሕበራዊ ድረገጾች ጽፈዋል።

..====================በሌላ ዘገባ========================

Walta : በሰኔ 15ቱ የጦር ጄነራሎች እና የአማራ ክልል ከፍተኛ አመራሮች ግድያ በተያያዘ በእነ አስር አለቃ መሳፍንት ጥጋቡ መዝገብ ክስ የተመሰረተባቸው ተጠርጣሪዎች ዛሬ ፍርድ ቤት ቀርበዋል፡፡

በችሎቱ ቤተሰቦቻቸው በተገቢው ሁኔታ እንዲታደሙ ባለመደረጉ ከማረሚያ ቤት ከመጡበት መኪና አንወርድም ሲሉ ተቃውሞ አሰምተዋል፡፡

የፌደራል ከፍተኛ ፍርድ ቤት ልደታ ምድብ ችሎት በበኩሉ የፀረ-ሽብር እና ህገመንግስታዊ ሥርዓት ላይ የሚፈፀሙ ወንጀሎችን በተመለከተ ችሎቱን የሚታደሙ ቤተሰቦች እንዲቀነሱ ትእዛዝ የሰጠሁት ህግን ባለ ማክበር የችሎት ሥራ እየታወከ በመሆኑ ነው ብለሏል፡፡

ተከሳሾች ችሎቱን ለመታደም ፍቃደኛ ባለመሆናቸው ከዚህ በኋላ በማረሚያ ቤት ሆነው በፕላዝማ እንዲከታተሉ ሲል ችሎቱ አዟል፡፡

የአዲስ አበባ ፖሊስ የፕላዝማ ችሎቱን እንዲያመቻች በማዘዝ ለየካቲት 18፣ 2012 ዓ.ም ተለዋጭ ቀጠሮ ሰጥቷል፡፡

በአንደኛ ተከሳሽ አስር አለቃ መሳፍት ጥጋቡ ላይ የተሻሻለው ክስ አቃቤ ህግ በማረሚያ ቤት በኩል ለተከሳሾች እንዲደርስ በችሎቱ ትዕዛዝ ተላልፏል፡፡

የተከሳሽ ጠበቆች ተከሳሾች በሌሉበት ችሎት አንቀርብም በማለት ፍርድ ቤቱ እንዲያሰናብታቸው ጠይቀዋል፡፡


የመረጃ ቲቪ አባል በመሆን የስራችን ጥራት እንዲሻሻል ያግዙን። አባል ለመሆን እዚህ ላይ ይጫኑ።
JOIN Mereja TV