ከ2024 ጀምሮ የእስራኤል መንግስት ከተለያዩ Blog Archives
የእስራኤልን የዘር ማጥፋት ወንጀል ለመሸፈን በገንዘብ ተገዝተው ዘገባ የሰሩ ኢትዮጵያውያን ጋዜጠኞች ተጋለጡ（በጋዜጠኛ ዘካሪያስ ዘላለም）
I’ve co-produced an episode of Al Jazeera English’s The Listening Post and it airs tomorrow. We investigated the Israeli government’s flying out of journalists and influencers from African countries to Israel, where they produce content that polishes Israel’s reputation and downplays genocide in Gaza. Ethiopian journalists were among the most effective of those commissioned. Tune in from 19h30 GMT (time edited).
ላለፉት 5 ወራት ከአል ጀዚራ ጋር በመስራት ያዘጋጀሁትን ስራ ነገ በአል ጀዚራ ቴሌቪዥን በኢትዮጵያ አቆጣጠር ከምሽቱ 4:30 ጀምሮ ይተላለፋል። ከዛ በኋላ አልጀዚራ በዩቱብ ቻነሉ ያስቀምጧል።
የእስራኤል መንግስት በጋዛ ግዛት በሆኑት ፍልስጤማውያን ላይ ከፈረንጆቹ 2023 ዓመት ጀምሮ የዘር ፍጅት ወንጀል በመፈጸሙንና በግምት እስከ 70ሺህ ሰዎችን መግደሉ በሰፊው ተዘግቧል። ከተጨፈጨፉት መካከል አብዛኛዎቹ ሴቶች እና ህጻናት ናቸው። አምኔስቲ፤ ሂውማን ራይትስ ዋች እና በተመድ የተመደቡት የሰብዓዊ መብት ተመራማሪዎች ሁሉ በጋዛ የተፈጸመው ጭፍጨፋ የዘር ፍጅት መሆኑን ሶሥቱ ተቋማት በመሩት ምርመራዎች አረጋግጠዋል።
እስራኤል ወታደሮቿን ወደ ጋዛ መላክ ሲጀምር ከምዕራብ ዓለም ከባድ ተቃውሞ ግጥሞታል። ምንም እንኳን በበርካታ ምዕራብ አለም መንግስታት የቁሳቁስና የመሳሪያ ድጋፍ እያገኘ ቢሆንም በህዝብና በተለይ በወጣቱ ትውልድ እስራኤል እየተጸየፈ መጥቷል። በተለይ በዩኒቨርሲቲ ተማሪዎች የገጠመው ተቃውሞ ካምፐሶች እና የታላላቅ ከተማ መንገዶች በየ ሳምንቱ በፍልስጤም ባንዲራ እንዲጥለቀለቁ ተደርገዋል።
የእስራኤል መንግስት በአሜሪካና በአውሮጳ ባሉት ወጣቶች ተስፋ የቆረጠ ይመስላል።
ትኩረቱን ወደ አፍሪካ አዙሯል።
ከ2024 ጀምሮ የእስራኤል መንግስት ከተለያዩ
ከ2024 ጀምሮ የእስራኤል መንግስት ከተለያዩ ኢትዮጵያ አውሮፓ ውስጥ ለመቆየት የሚያስችል ሕጋዊ ሰነድ የሌላቸውን ዜጎቿን ተቀብላለች
አውሮፓ ኅብረት፣ ኢትዮጵያ አውሮፓ ውስጥ ለመቆየት የሚያስችል ሕጋዊ ሰነድ የሌላቸውን ዜጎቿን ተቀብላለች በማለት አደነቀ። የካቲት 11 በአዲስ አበባ የተካሄደው 6ኛው የኢትዮጵያና የኅብረቱ የጋራ የሥራ ቡድን ስብሰባ፣ አውሮፓ ውስጥ የመቆየት ፍቃድ የሌላቸውን ኢትዮጵያዊያን ለመቀበል የተነደፈውን የጋራ አሠራር አተገባበር መገምገሙን የኅብረቱ የውጭ አገልግሎት ቢሮ አስታውቋል። ቢሮው፣ ኢትዮጵያ ዜጎቿን በመቀበል ረገድ ከኅብረቱ ጋር ያላትን ትብብር “በአጋርነት” እና “በጋራ የመከባበር መንፈስ” ይበልጥ ለማሻሻልና የትብብሩን ቀጣይነት ለማረጋገጥ በዚሁ ስብሰባ ላይ ቁርጠኝነቷን መግለጧንም ጠቅሷል። የኢትዮጵያ መንግሥት እና አውሮፓ ኅብረት፣ በኅብረቱ አባል አገራት ውስጥ የመቆየት መብት የሌላቸውን ኢትዮጵያዊያን ወደ አገራቸው ለመመለስ በሚያስችል የጋራ አሠራር ላይ ከስምምነት ላይ የደረሱት ከስምንት ዓመት በፊት ነበር።
መከላከያ ሠራዊት ትግራይ ውስጥ በሚገኝ የቀድሞ ካምፖቹ እንዲሠፍር ጊዜያዊ አስተዳደሩ ስምምነቱን ገልጧል ተብሎ የተሠራጨው መረጃ ሐሰት ነው
የትግራይ ጊዜያዊ አስተዳደር፣ መከላከያ ሠራዊት በሰሜን ዕዝ ካምፖች እንዲሠፍር ፌደራል መንግሥት ትዕዛዝ እንዳስተላለፈ ተደርጎ በማኅበራዊ መገናኛ ዘዴዎች የተሠራጩ መረጃዎች ስህተት ናቸው አለ። ጊዜያዊ አስተዳደሩ፣ መከላከያ ሠራዊት ትግራይ ውስጥ በሚገኝ የቀድሞ ካምፖቹ እንዲሠፍር ጊዜያዊ አስተዳደሩ ስምምነቱን ገልጧል ተብሎ የተሠራጨው መረጃም ሐሰት ነው ሲል አስተባብሏል። መረጃዎቹ “የተሳሳቱ”፣ “ሕዝብን ለማወናበድ የታለሙ” እና “አላስፈላጊ ውጥረት ለመፍጠር የታሰቡ” ናቸው ያለው ጊዜያዊ አስተዳደሩ፣ የመረጃዎቹ “ምንጭም” ሆነ መረጃዎቹ እንዲያሳኩት የተፈለገው “ግብ” ግልጽ ነው ብሏል። በተዛማጅ ዜና፣ የዓለም ጤና ድርጅት ዶ/ር ቴድሮስ አድሃኖም፣ የጦርነት ትርፉ “ሞት”፣ “ጥፋት”፣ “መፈናቀል” እና “ረሃብ” እንደሆነ በመግለጽ፣ ለልዩነቶች ሁሌም “ፖለቲካዊ መፍትሄ” እንዳለና ለሰላም ዕድል መስጠት እንደሚያስፈልግ በማኅበራዊ ትስስር ገጻቸው ላይ መልዕክት አስተላልፈዋል።🕊️
አባናደው ክፍለጦር በሁለት አውደ ግንባሮች ባደረገው ተጋድሎ 29 የአገዛዙ ወታደሮችን ሙትና ቁስለኛ ማድረጉ ታወቀ!
አባናደው ክፍለጦር በሁለት አውደ ግንባሮች ባደረገው ተጋድሎ 29 የአገዛዙ ወታደሮችን ሙትና ቁስለኛ ማድረጉ ታወቀ!
በነዚህ ሁለት ግንባሮች ላይ በተደረገ ውጊያ ከተገደሉ ወታደሮች በተጨማሪ የቆሰሉ ወታደሮችን የገዛ ጓዶቻቸው ትጥቃቸውን ገፈው ጥለዋቸው ሄደዋል።
በአፋብን ምኒልክ ዕዝ ንጉሥ ሚካኤል አሊ ኮር ሳጅን አባናደው ክፍለጦር ባለፉት ሁለት ተከታታይ ቀናት ባደረገው ተጋድሎ የጠላት አከርካሪን በመስበር አንፀባራቂ ድል መቀዳጀቱን መረብ ሚዲያ ለማረጋገጥ ችሏል።
ተጋድሎው የተደረገው በምስራቅ አማራ ቀጠና ምዕራብ ወረዳዎች መካከል አንዷ በሆነችው ከላላ ወረዳ ልዩ ስሙ ባከት ተብሎ በሚጠራው አከባቢና ሻፊ ላይ ነው።
የመጀመሪያው ውጊያ በከላላ ወረዳ ልዩ ስሙ ባከት ተብሎ በሚጠራው አከባቢ ላይ ሲሆን በዚህ ግንባር ለተከታታይ 8:00 ሰዓታት ከባድ የሆነ የጨበጣ ውጊያ መደረጉን ክፍለጦሩ ለመረብ ሚዲያ በላከው መረጃ አስታውቋል።
በውጊያው ሰባት የአገዛዙ ወታደሮች ሲገደሉ 15 ወታደሮች ደግሞ ክፉኛ ቆስለው በሞትና በሕይወት መካከል ይገኛሉ።
በዚህ ግንባር በተደረገ ውጊያ ከተገደሉ ሰባት ወታደሮች በተጨማሪ የቆሰሉ 15 ወታደሮችን የገዛ ጓዶቻቸው ትጥቃቸውን ገፈው በአከባቢው ጎራዴ ተብሎ በሚጠራው ስፍራ ጥለዋቸው መሄዳቸውን ነው መረብ ሚዲያ ለማረጋገጥ የቻለው።
በአውደ ግንባሩ ከዙ23 ጀምሮ ሌሎች ከባባድ መሣሪያዎችን ታጥቆ ለወረራ ሲንቀሳቀስ በነበረው የጠላት ኃይል ላይ ጥቃት በመክፈት
ድል የተቀዳጁት በአባናደው ክፍለጦር ስር ከመሀመድ ዳውድ ሬጅመንት የተወጣጡ የፋኖ አባላት ናቸው።
በተመሣሣይ በቀጥናው ሻፊ ተብሎ በሚጠራው ስፍራ በአባናደው ክፍለጦር ስር የሸዋንግዛው ሬጅመንት አባላት ባደረጉት ተጋድሎ ከሰባት ወታደሮች በላይ ሙትና ቁስለኛ የተደረጉ ሲሆን በርካታ የጠላት ወታደራዊ ንብረቶችም
የፈረንሳዩ የዜና ወኪል (ኤ ኤፍ ፒ) ወደ ትግራይ እንዳይጓዝ ተከለከለ
የፈረንሳዩ የዜና ወኪል (ኤ ኤፍ ፒ)፣ የኢትዮጵያ ዘጋቢው ለዘገባ ወደ ትግራይ እንዳይጓዙ መከልከላቸውን ገለጠ። ዘጋቢው ትናንት ወደ ትግራይ ሽሬ ከተማ እንዳይጓዙ የተከለከሉት፣ ከውጭ ጉዳይ ሚንስቴር ፍቃድ የላቸውም በሚል ምክንያት መኾኑን የዜና ምንጩ ጠቅሷል። የቦሌ አውሮፕላን ማረፊያ የጸጥታ አካላት ዘጋቢውን ከጉዞ ያገዷቸው፣ በዚህ ሳምንት አዲስ መመሪያ ደርሶናል በማለት ነው ተብሏል። የዜና ወኪሉ፣ የጉዞ እገዳው የኢትዮጵያ ባለሥልጣናት ከቅርብ ጊዜ ወዲህ በዓለማቀፍ መገናኛ ብዙኀን ላይ እየጣሉት ያለው ገደብ ማሳያ ነው በማለት ውሳኔውን ተቃውሟል።
በጋሞ ዞን ከዘይሴ ወረዳ በእርሻ ላይ የነበሩ አራት አርሶ አደሮች እና ቁጥራቸው ያልታወቀ ሲቪሎች ተገደሉ
ኢሰመጉ፣ የፌደራሉ እንዲሁም የአማራ እና ደቡብ ኢትዮጵያ ክልላዊ መንግስታት በክልሎቹ በንጹሀን ላይ እየደረሠ ላለው የሰብዓዊ መብት ጥሠት በቂ ትኩረት እንዲሠጡ ጠየቀ። ኢሰመጉ፣ በደቡብ ወሎ ዞን ወግዲ ወረዳ ከመንግስት የጸጥታ አካል በተተኮሠ ከባድ መሳሪያ እናቶችና ሽማግሌዎችን ጨምሮ ቁጥራቸዉ ያልታወቁ ንጹሃን ጥር 26 ቀን መገደላቸውን ገልጧል። በጋሞ ዞን ከዘይሴ ወረዳ የልዩ ወረዳነት ጥያቄ ጋር በተያያዘ የክልሉ ጸጥታ ኃይሎች ጥር 19 ቀን በእርሻ ላይ የነበሩ አራት አርሶ አደሮችን መግደላቸውንና በተያዘው ወርም ቁጥራቸው ያልታወቀ ሲቪሎች እንደተገደሉ ኢሰመጉ ጠቅሷል፡፡ ኢሰመጉ፣ ከዘይሴ ወረዳ ከወራት በፊት በጸጥታ አካላት የተያዙ አምስት የኢዜማ አባላትም እስካሁን የት እንደደረሱ አይታወቅም ብሏል።
በደሴ በር፣ በቃሊቲ በር፣ በሱሉልታ በር እንዲሁም ከአፋር ወደ መቀሌ በሚሄደው መንገድ ላይ የሚፈፀመው የባለ ብዙ ቢልዮን ብር የቡና ኮንትሮባንድ ንግድ ሲጋለጥ
በደሴ በር፣ በቃሊቲ በር፣ በሱሉልታ በር እንዲሁም ከአፋር ወደ መቀሌ በሚሄደው መንገድ ላይ የሚፈፀመው የባለ ብዙ ቢልዮን ብር የቡና ኮንትሮባንድ ንግድ ሲጋለጥ
“ኮንትሮባንድ ቡና የጫነ መኪና ኬላዎችን የሚያልፍበት አንዱ መንገድ ቡና ጫኙ ከቡናና ሻይ ባለሙያ ጋር በመስማማት እና በመመሳጠር ሌሎች መረጃዎችን ሳያሟላ የቡናና ሻይ መሸኛ ደረሰኝ በማስቆረጥ እና ኦንላይን ሲስተም ላይ በማካተት ነው”
ተጨማሪ ያንብቡ:
https://www.meseretmedia.org/p/9df
የእስራኤል ፕሬዝዳንት በኢትዮጵያ ጉብኝት እንደሚያደርጉ ተነገረ
የእስራኤል ፕሬዝዳንት ይስሃቅ ሄርዞግ፣ በቀጣዩ ሳምንት በኢትዮጵያ ይፋዊ ጉብኝት እንደሚያደርጉ ተነገረ። ፕሬዝዳንት ሄርዞግ በኢትዮጵያ በሚኖራቸው የአንድ ቀን ጉብኝት፣ ከአገሪቱ ባለሥልጣናት ጋር እንደሚወያዩ አንድ የእስራኤል መንግሥት ከፍተኛ ባለሥልጣን ነግረውኛል ሲል ዘ ታይምስ ኦፍ እስራኤል ጋዜጣ ዘግቧል። የፕሬዝዳንቱ ጉብኝት እስራኤል ከአፍሪካ አገራት ጋር ያላትን ግንኙነት ለማጠናከር የያዘችው እቅድ አካል እንደሆነ ዘገባው ጠቅሷል። የእስራኤል የውጭ ጉዳይ ሚንስቴር፣ ፕሬዝዳንት ሄርዞግ በኢትዮጵያ ጉብኝት እንዲያደርጉ የተያዘ እቅድ ስለመኖሩ ይህ ዘገባ እስከተጠናቀረበት ሰዓት ድረስ ያለው ነገር የለም። የቀድሞው የእስራኤል ፕሬዝዳንት ሪዩቨን ሪቭሊን ከሰባት ዓመታት በፊት በኢትዮጵያ ይፋዊ ጉብኝት ማድረጋቸው አይዘነጋም።
በኢትዮጵያ መንግሥት፣ በትግራይና በኤርትራ መካከል ውጥረት በሱዳን ከሚካሄደው ግጭት ጋር ተዳምሮ ኃያላን አገራትን ወደ ግጭቱ ሊስብ እንደሚችል ተጠቆመ
ዓለማቀፉ የግጭት አጥኝ ቡድን (ክራይስስ ግሩፕ)፣ በኢትዮጵያ ፌደራል መንግሥት፣ በትግራይና በኤርትራ መካከል ውጥረት በመባባሱ በተለያዩ ምክንያቶች ሳቢያ በቀጠናው ጦርነት ሊከሠት ይችላል ሲል ስጋቱን ገለጠ። ተቋሙ፣ በቅርቡ በፌደራል መንግሥቱ እና በትግራይ ኃይሎች መካከል በድሮን ጭምር የተካሄደው ግጭት፣ ኤርትራን ጭምር ጎትቶ በማስገባት ሠፊ ጦርነት ሊያስክትል እንደሚችል ገልጧል። በሰሜን ኢትዮጵያ አዲስ ግጭት ከተቀሠቀሠ፣ በሱዳን ከሚካሄደው ግጭት ጋር ተዳምሮ ኃያላን አገራትን ወደ ግጭቱ ሊስብ እንደሚችል የጠቆመው ተቋሙ፣ ተለዋዋጩን የቀይ ባሕር ቀጠና ጭምር የሜወክ እድል አለው ሲል አስጠንቅቋል። ተቋሙ፣ ተጽዕኖ ፈጣሪ የአፍሪካ አገራት እና ዓለማቀፍ አጋሮች የኢትዮጵያ መንግሥትንና ሕወሓትን እንዲያሸማግሉም ጠይቋል።
….. https://miniliksalsawi.substack.com/p/tensions-are-running-high-among-the ……
የአየር መቃዎሚያ ጭምር ታጥቆ ሲንቀሳቀስ በነበረ የአገዛዙ ኃይል ላይ በተፈፀመ ሽምቅ ጥቃት በርካቶች ሙትና ቁስለኛ ተደረጉ!
የአየር መቃዎሚያ ጭምር ታጥቆ ሲንቀሳቀስ በነበረ የአገዛዙ ኃይል ላይ በተፈፀመ ሽምቅ ጥቃት በርካቶች ሙትና ቁስለኛ ተደረጉ!
በምዕራብ አማራ ቀጠና ሁለት እጁነሴ ወረዳ ልዩ ስሙ አጋም ውሀ ተብሎ በሚጠራው አከባቢ ዛሬ የካቲት 10/2018 ዓ/ም ማለዳ በተፈፀመ የሽምቅ ጥቃት በርካታ የአገዛዙ ወታደሮች ሙትና ቁስለኛ መደረጋቸውን የመረብ ሚዲያ የግንባር ዘጋቢዎች ለማረጋገጥ ችለዋል።
የአየር መቃዎሚያ(ዙ23)ን ጨምሮ በሌሎች ከባባድ መሣሪያዎች ሽፋን የታገዘ በርካታ የጠላት ብልፅግና ወታደራዊ ኃይል መነሻውን ከሞጣ በማድረግ በአከባቢው ሲንቀሳቀስ ልዩ ስሙ አጋም ውሃ ተብሎ በሚጠራው ስፍራ ላይ ነው ሊመከት የማይችል ከባድ የሽምቅ ጥቃት የተፈፀመበት።
ከባድ የሆነ የሰብአዊና ቁሣዊ ኪሳራ የተከናነበው የጠላት ኃይል፡ አስከሬን ለመሰብሰብ በሚል በአጋም ውሀ አከባቢ ባሉ ተራራማ ስፍራዎች ላይ የዘፈቀደ ድብደባ በመፈፀም የአርሶ አደሮችን ሀብት ንብረት አውድሟል።
በጠላት ላይ የተጠናና ሊመከት የማይችለውን የሽምቅ ጥቃት በመፈፀም በርካታ ወታደሮችን በመደምሰስ ድል የተቀዳጁት በአፋብን ቴወድሮስ ዕዝ 201ኛ ኮር የሚገኙ ፋኖዎች መሆናቸውንም ነው ጣቢያችን መረብ ሚዲያ ለማረጋገጥ የቻለው።
የአፋብን ምኒልክ ዕዝ እና አሳምነው ዕዝ አሃዶች በጥምረት ወረኢሉ ከተማና በዙሪያው ድል አስመዘገቡ
የአፋብን ምኒልክ ዕዝ እና አሳምነው ዕዝ አሃዶች በጥምረት ወረኢሉ ከተማና በዙሪያው ድል አስመዘገቡ::
አፋብን ምኒልክ ዕዝ እና አፋብን አሳምነው ዕዝ በጋራ በመሆን የአረመኔው አብይ አህመድን ጡት ቁራጭ ኃይል በወረኢሉ እና በሰኞ ገብያ ሁለቱ ዕዞች ከምሽቱ 12:00 ጀምሮ እስከ ሌሊት 7:00 በዘለቀ ውጊያ በጥምረት የጠላትን ምሽግ በአስደናቂ ሁኔታ በመስበር አይቀጡ ቅጣት በመቅጣት ድል ተቀናጅተዋል።
ምኒልክ ዕዝ ልጅ ዕያሱ ኮር እና አሳምነው ዕዝ አፄ ዘራያቆብብ 1ኛ ኮር በጥምረት ታሪካዊቷ ወረኢሉ ከተማ እና ሰኞ ገበያ ከተማ ላይ በርካታ የአብይ አህመድ ዙፋን አስጠባቂ መከላከያና ራሱን ጥምር ጦር ብሎ የሚጠራ ሆድ አደር ሙትና ቁስለኛ በማድረግ ድል አስመዝግበዋል::
አመራርና የጦር መኮንኖች ጭምር የተደመሰሱ እንዳሉ የውስጥ ምንጮቻችን የገለፁ ሲሆን ከሞት የተረፉት አንድ አንቡላስና አንድ ኦራል ቁስለኛ ወደ ደሴ ተወስደዋል።በዚህ የተበሳጨው ወንበዴ ቡድን በከተማ ዙሪያ ያሉ ደኖች ፋኖን ይደበቅባቸዋል በሚል ጭንቀት እያቃጠለቸው ይገኛል::
©በአፋብን ምኒልክ ዕዝ ሕዝብ ግንኙነት መምሪያ!
ሶስት የአሜሪካ ህግ አውጪዎች ኤምሬትስ ላይ የጦር መሳርያ ማእቀብ እንዲጣል እንቅስቃሴ ጀመሩ
ኤምሬትስ ኢትዮጵያ ውስጥ ወታደራዊ ካምፕ መገንባቷ ይፋ መሆኑን ተከትሎ ሶስት የአሜሪካ ህግ አውጪዎች ኤምሬትስ ላይ የጦር መሳርያ ማእቀብ እንዲጣል እንቅስቃሴ ጀመሩ
“RSF ኤል ፋሸር ውስጥ በሶስት ቀን ውስጥ ብቻ ስድስት ሺህ ንፁሀንን ገድሏል። የትራምፕ አስተዳደር ታድያ ምን እየጠበቀ ነው?”- ሴናተር ክሪስ ቫን ሆለን
ተጨማሪ ያንብቡ:
https://www.meseretmedia.org/p/e26
ከአፋብን ምኒልክ ዕዝ የጤና መምሪያ የተሰጠ ወቅታዊ መግለጫ
ከአፋብን ምኒልክ ዕዝ የጤና መምሪያ የተሰጠ ወቅታዊ መግለጫ
ፍፁም ሰብአዊ በሆነው የጤና ሙያ ውስጥ የምትገኙ ወንድሞቻችን/እህቶቻችን ኑ ተጋግዘን ኢ-ሰብአዊ የሆነውን ሥርአት እንቀይር!
አማራ ተኮር የሆነው የዘር ማጥፋት ጦርነት በተለየ መልኩ በይፋ ከታወጀበት ጊዜ ጀምሮ የጤና ተቋማት፣ የጤና ሙያተኞች እና የጤና አገልግሎት የፋሽስታዊዩ ሥርአት አይነተኛ ኢላማዎች በመሆናቸው ሥርአቱ ህክምና መከልከልን እንደጦር መሣሪያ እንደሚጠቀም ግልፅ ማስረጃዎች ናቸው። ሥርአቱ ጤና ተቋማትና ግብአቶቻቸው ላይ የሚፈፅመው የጦርና የሠብአዊ መብት ጥሰት ወንጀሎች አለም ያወቃቸውና ፀሐይ የሞቃቸው ጉዳዮች በመሆናቸው እነኚህን ጉዳዮች አሁን ላይ ደግሞ መናገር ለአብዛኞቻችሁ ለቀባሪ መርዶ እንደመናገር እንደሚሆን አያጠያይቅም።
ዘይግይቶም ቢሆን ግን የአለም ጤና ድርጅትም ሳይቀር የህዝባችንን የህልውና ችግርና የጤና አገልግሎቱ የገጠመውን ሥርአት መር ፈተና መረዳቱን በዋና ዳይሬክተሩ በኩል የዶ/ር ፀጋሁን ስሜን የግፍ ግድያን ተከትሎ በመግለፁ ሥርአቱ የሞት ጣር ላይ መድረሱን በግልፅ አመላክቷል። በዚህ አጋጣሚ ዶ/ር ፀጋሁንን የመሠለ የህክምና ዶክተር ለማፍራት በትንሹ ሩብ ክፍለዘመን የሚጠይቅ መሆኑን እንድታውቁት እና በህዝባችን ላይ ምን ያክል ቀጥተኛና ቀጥተኛ ያልሆነ የዘር ማጥፋት እንደሚፈፀም እንድትረዱት አንፈልጋለን። ለዶ/ር ፀጋሁን ቤተሠቦችና ወዳጆች ሁሉ መፅናናትን እንመኛለን።
ጥያቄው ይህ ዘግናኝ ወንጀል እስከመቼ እና ስንት ሙያተኞቻችን እስከሚያልቁ ቁጭ ብለን እንመለከታለን? ነው። ከመቼውም ጊዜ በላይ የተጠናከረው እና መንግስትን ተክቶ አገር የመምራት ቁመና ላይ የሚገኘው ድርጅታችን የአማራ ፋኖ ብሔራዊ ንቅናቄም ይሁን ዕዛችን የጤና ሙያተኞቻችን ላይ ኢ-ሰብአዊ ድርጊት የፈፀሙ የአሸባሪው ስርአት አባላት ላይ እርምጃ እንዲወስድ ወይም በአለም አደባባይ ለፍርድ
መልእክተ ቅዱስ ፓትርያርክ … ወልበሱ ወልታ እግዚአብሔር በዘትክሉ ተቃውሞቶ ለመናግንተ ሰይጣን
“መልእክተ ቅዱስ ፓትርያርክ”
===================
በስመ አብ ወወልድ ወመንፈስ ቅዱስ አሐዱ አምላክ አሜን!!
በሀገር ውስጥና በልዩ ልዩ ክፍለ ዓለማት የምትገኙ ሕዝበ ክርስቲያን በሙሉ፡-
በመዋዕለ ጾሙ ሰይጣንንና መስሓቲ ተግባሩን ድል በማድረግ ድል እንድንነሣ ያደረገን ጌታችን ኣምላካችንና መድኃኒታችን ኢየሱስ ክርስቶስ እንኳን ለሁለት ሺሕ ዓሥራ ስምንት ዓመተ ምሕረት ጾመ ኣርብዓ በሰላም አደረሰን አደረሳችሁ!!
‹‹ወልበሱ ወልታ እግዚአብሔር በዘትክሉ ተቃውሞቶ ለመናግንተ ሰይጣን፤ የሰይጣንን ሽንገላ መቃወም ትችሉ ዘንድ የእግዚአብሔርን ጋሻ ልበሱ›› (ኤፌ.፮፥፲፩)
እኛ ሰዎች ቀዋሚና ምሕረት የለሽ ጠላት እንዳለን እናውቃለን። ይህ ጠላት ሰይጣን፣ ዲያብሎስ፣ክፉ መንፈስ፣ ርኩስ መንፈስ ተብሎ እንደሚጠራም ቅዱስ መጽሐፍ ነግሮናል። ዲያብሎስ ከጥንት ጀምሮ በክፉ ሽንገላው ሰዎችን ሲጥል ኖሮኣል። አሁንም ከዚህ ክፉ ተግባሩ አልታቀበም። ለወደፊቱም ይታቀባል ተብሎ አይጠበቅም። ጌታችን በዚህ ዓለም በሥጋ በተገለጠ ጊዜም ይህ ክፉና ርኩስ መንፈስ በሽንገላ ቃሉ ጌታችንን ሊጥል ያልተሳካ ሙከራ አድርጎአል፡፡ ርኩሱ መንፈስ ጾም መንፈሳዊ ኃይልን እንደሚያቀዳጅ ያውቃልና፣ ጌታችን ምንም ሳይበላና ሳይጠጣ ኣርባ ቀንና አርባ ሌሊት መጾሙን ተመልክቶ፣ በሽንገላ ቃሉ ሊጥለው ሙከራ አድርጎአል።
ይህንን ያደረገበት ዋና ምክንያትም ጾም መንፈሳዊ ኃይል መሆኑን በውል ያውቃልና በጾም ኃይል ከእጄ ያመልጣል ብሎ በማሰቡ ነው። ይሁን እንጂ ሰይጣን የሰውን ደካማ ጠባይ በመጠቀም ያስለመደው ሽንገላ በተዋሕዶ ሰውም አምላክም በሆነው ጌታችን ላይ ሊሳካለት ባለመቻሉ ተሸንፎና ተስፋ ቆርጦ ሊሄድ ችሎአል፡፡
የተወደዳችሁ ሕዝበ ክርስቲያን ልጆቻችን!
የጌታችን ድል አድራጊነት ያስተማረን ብዙ ነገር አለ። በዚህ ተግባራዊ ትምህርቱ እኛ ጥንተ ጠላታችን ዲያብሎስን ድል የምናደርግባቸው
ከአመት በፊት ከአዲስ አበባ ከተማ ውስጥ ታስረው የተወሰዱ 13 ወጣቶች እስካሁን ደብዛቸው ጠፍቶ እንደሚገኝ ታወቀ
ከአመት በፊት ከአዲስ አበባ ከተማ ውስጥ ታስረው የተወሰዱ 13 ወጣቶች እስካሁን ደብዛቸው ጠፍቶ እንደሚገኝ ታወቀ
“ገድለዋቸውም ከሆነም ከዘመድ ጋር አልቅሰን ቁርጡን አውቀን ቤታችን አርፈን እንቀመጥ።
እንዴት ልጅን ያህል ነገር ጠፍቶ ቤት ተኝተን እናድራለን?”- ቤተሰብ
ተጨማሪ ያንብቡ: https://meseretmedia.org/p/13-f63
ኢትዮጵያ የሮይተርስ የዜና ወኪል ጋዜጠኞችን በሀገሪቱ የመሥራት መብት እንደነጠቀች የፈረንሳይ ዜና አገልግሎት ዘገበ።
ኢትዮጵያ የሮይተርስ የዜና ወኪል ጋዜጠኞችን በሀገሪቱ የመሥራት መብት እንደነጠቀች የፈረንሳይ ዜና አገልግሎት ዘገበ። በመጪው ቅዳሜ እና እሁድ በአዲስ አበባ የሚካሔደውን 39ኛው የአፍሪካ ኅብረት የመሪዎች ጉባኤ ላይ ለመሳተፍ ለሬውተርስ የተሰጠው ፈቃድ እንደተሰረዘ የዜና ወኪሉ ቃል አቀባይ በኢሜይል እንደገለጹ ዘገባው ይጠቁማል። ከዚህ በተጨማሪ መቀመጫቸውን በአዲስ አበባ ያደረጉ ሦስት የሬውተርስ ጋዜጠኞች በኢትዮጵያ የመዘገብ ፈቃድ እንዳልታደሰ ቃል አቀባዩ ገልጸዋል።
ሬውተርስ የውሳኔው ገፊ ምክንያቶች ምን እንደሆኑ ያለው ነገር የለም። ሁሉም ጋዜጠኞች ኢትዮጵያውያን ሲሆኑ ሬውተርስ ስለ ኢትዮጵያ በሚሠራቸው ዘገባዎች የጀርባ አጥንት እንደነበሩ የፈረንሳይ ዜና አገልግሎት ገልጿል።
ሬውተርስ “ጉዳዩን እየገመገመ” እንደሚገኝ እና “ነጻ፣ ገለልተኛ እና አስተማማኝ በሆነ መንገድ” ስለ ኢትዮጵያ ዘገባዎች መሥራቱን እንደሚቀጥል አስታውቋል። የፈረንሳይ ዜና አገልግሎት በጉዳዩ ላይ ለኢትዮጵያ ባለሥልጣናት ያቀረበው ጥያቄ ምላሽ እንዳላገኘ በዘገባው ጠቅሷል። የኢትዮጵያ መገናኛ ብዙኃን ባለሥልጣን ባልደረባ ስለ ጉዳዩ መረጃ እንደሌላቸው መናገራቸውን የፈረንሳይ ዜና አገልግሎት ዘግቧል።
ሬውተርስ ከጥቂት ቀናት በፊት ለሱዳን ፈጥኖ ደራሽ ኃይሎች ታጣቂዎች በኢትዮጵያ ቤኒሻንጉል ጉምዝ ክልል ማሰልጠኛ መከፈቱን የሚዘግብ ሰፊ ሪፖርት አቅርቦ ነበር።
ከሁለት ሣምንታት ገደማ በፊት ዋዜማ ራዲዮ “በኢትዮጵያ ያለውን የሥራ ፈቃድ” ከተቆጣጣሪው የመገናኛ ብዙኃን ባለሥልጣን በተሰጠው ትዕዛዝ እንደመለሰ ገልጾ ነበር።
ባለፈው ታኅሳስ ወር የኢትዮጵያ መገናኛ ብዙኃን ባለሥልጣን የዶይቼ ቬለ ሁለት ዘጋቢዎችን ፈቃድ በቋሚነት ሰርዟል። የቢቢሲ ዘጋቢዎች ፈቃድ እንዳልታደሰ የፈረንሳይ ዜና አገልግሎት ዘግቧል።
ኢትዮጵያ በሪፖርተርስ ዊዝአውት ቦርደርስ የጎርጎሮሳዊው 2025 ዓመታዊ ሪፖርት በፕሬስ ነጻነት ከ180 ሀገራት 145ኛ ደረጃ ላይ
ደብረጺዮን ገብረሚካኤል የአፍሪካ መሪዎች የፕሪቶሪያው የግጭት ማቆም ስምምነት መተግበር እንዳለበት በይፋ እንዲያረጋግጡ ጠየቁ
የሕወሃት ሊቀመንበር ደብረጺዮን ገብረሚካኤል፣ ሰሞኑን በአፍሪካ ኅብረት ጽሕፈት ቤት ጉባኤ የሚያካሂዱ የአባል አገራት መሪዎች የፕሪቶሪያው የግጭት ማቆም ስምምነት “ሙሉ በሙሉ”፣ “በአፋጣኝ” እና “በቅን መንፈስ” መተግበር እንዳለበት በይፋ እንዲያረጋግጡ ጠየቁ። ደብረጺዮን፣ መሪዎቹ በግጭት ማቆም ስምምነቱ ፈራሚ ወገኖች መካከል “ቅርጽ ያለው ፖለቲካዊ ንግግር” እንዲጀመር የሚያስችሉ ርምጃዎች እንዲወስዱ፤ የአፍሪካ ኅብረት የግጭት ማቆም ስምምነቱ መቆጣጠሪያ፣ መከታተያና ማረጋገጫ ሥርዓት ተግባራዊ እንዲሆንና እንዲጠናከር እንዲሁም የትግራይ ሕገመንግሥታዊ ሥርዓት ወደነበረበት እንዲመለስ፣ ተፈናቃዮች ደኅንነታቸውን በሚያስጠብቅ አኳኋን ወደ ቀያቸው እንዲመለሱና ለሲቪሎች ጥበቃ እንዲደረግ የሚያስችሉ ሁኔታዎች እንዲፈጠሩ ድጋፍ እንዲያደርጉም ለኅብረቱ ኮሚሽን ሊቀመንበር ሞሃመድ የሱፍ እና ለኅብረቱ አባል አገራት መሪዎች ዛሬ በጻፉት ደብዳቤ ጠይቀዋል። አፍሪካ ኅብረት የግጭት ማቆም ስምምነቱን የመጠበቅ “የሕግ” እና “የሞራል” ሓላፊነት አለበት ያሉት ደብረጺዮን፣ በስምምነቱ አተገባበር ላይ የሚፈጠር “መዘግየት” እና “ብዥታ” ይበልጥ “አለመተማመን” እና “አለመረጋጋት” እየሠፋ እንዲሄድ ያደርጋል በማለት አስጠንቅቋል።
የአማራ ማህበር በአሜሪካ የመንግስት ሀይሎች ከትናንት ጀምሮ በተኮሷቸው ከባድ መሳርያዎች እና በአየር ድብደባ በንፁሀን ላይ ከፍተኛ ጉዳት ማስከተላቸውን አስታወቀ
የአማራ ማህበር በአሜሪካ የመንግስት ሀይሎች ከትናንት ጀምሮ በተኮሷቸው ከባድ መሳርያዎች እና በአየር ድብደባ በንፁሀን ላይ ከፍተኛ ጉዳት ማስከተላቸውን አስታወቀ
“በመኖሪያ ቤቶች እና በሕዝብ ትምህርት ቤቶች ላይ ከፍተኛ ውድመት አስከትሏል። በቀጠለው የበየነ መረብ መገናኛ መስተጓጎል ምክንያት የደረሰው ሞትና የንብረት ኪሳራ ትክክለኛ መጠን ሊረጋገጥ አልቻለም”- ማህበሩ
ተጨማሪ ያንብቡ:
https://www.meseretmedia.org/p/a9b
ምኒልክ ዕዝ ተወርዋሪ በላጎ ሻለቃ ለወራቶች የሰለጠኑ ኮማንዶ ፋኖዎችን አስመረቁ::
ምኒልክ ዕዝ ተወርዋሪ በላጎ ሻለቃ ለወራቶች ያሰለጠኗቸውን በርካታ ምልምል ኮማንዶ ፋኖዎች ዛሬ የካቲት 5/2018 ዓ.ም በሃይማኖት አባቶችና በሃገር ሽማግሌዎች ምርቃን ታጅበው በደማቅ ሁኔታ አስመርቀዋል::
ደሴ ከተማ ዙሪያ ወረዳ እና በተለያዩ የቤተ-አማራ አካባቢዎች በርካታ ተጋድሎዎችን እያደረጉ አመርቂ ድሎችን እያስመዘገቡ ያሉት የምኒልክ ዕዝ ተወርዋሪ በላጎ ሻለቃ አናብስቶች በትጥቅና በሰው ሃይል ራሳቸውን እያጠናከሩና እያደራጁ ይገኛሉ:: በቀጣይም ተጨማሪ ስልጠናዎችን በማካሄድ በእውቀትና በሰው ሃይል እንዲሁም በትጥቅ የበለጠ ራሳቸውን እንደሚያደራጁ የተወርዋሪ ሻለቃዋ አመራሮች ገልፀዋል::
ከዚህ ጋር ተያይዞም አባቶች በተገኙበት ለወራቶች የሰለጠኑ ምልምል ኮማንዶ ፋኖዎችን በማስመረቅ የሰው ሃይላቸውን ያጠናከሩ ሲሆን በምርቃን ዝግጅቱ ላይ የተገኙ አባቶችም የአማራ ህዝብ የብዙ እሴቶች ባለቤት ነው እናንተ ልጆቻችንም ይሄንን እሴታችንን ተላብሳችሁ የህልውና ትግሉን ከዛሬ አድርሳችኋል ወደፊትም ይህንን ጠብቃችሁ ለድልና ነፃነት እንድታበቁን አደራ ጥለንባችኋል በማለት መልዕክት አስተላልፈዋል::
ሰልጥነን እንዋጋለን፣ እየተዋጋን እንሰለጥናለን!
©በአፋብን ምኒልክ ዕዝ ሕዝብ ግንኙነት መምሪያ!