Tigray Defence Forces Commander says Addis Ababa within reach
“The balance of forces is now completely in our favour,” said Gebretensae.
የትግራይ መከላከያ ሰራዊት አዛዥ ጄኔራል ፃድቃን ገብረትንሳኤ ተቃዋሚ በሌለበት ወደ ኢትዮጵያ መዲና አዲስ አበባ መሄድ እንደሚችሉ ገለፁ ፡፡ በአማራ ክልል ቆቦ-ወልድያ አካባቢ በርካታ የኢትዮጵያ ብሔራዊ የመከላከያ ሰራዊት መደምሰሳቸውን አክሏል ፡፡
ገብረትንሳኤ “አሁን የኃይሎች ሚዛን ሙሉ በሙሉ ለእኛ ሞገስ ሆኗል” ብለዋል ፡፡ ጦርነቱ እ.ኤ.አ. በኖቬምበር 2020 ከተቀሰቀሰ ጀምሮ ገብረትንሳኤ የትግራይ አማፅያን አዛዥ በመሆንውጊያውን መምራቱ ይነገራል።
የትግራይ አማፅያን ጦር የአዲስ አበባ-ጅቡቲ መንገድን ለመቆጣጠር በፍጥነት መንቀሳቀስ እንደሚችል እና በቀጥታ ሰብአዊ ዕርዳታውን ለመቀበል በሚያስችል ሁኔታ ላይ እንደሚገኝ አስረድተዋል ፡፡ ባሳለፍነው ሳምንት የትግራይ አማፅያን ጦር በአጎራባች ወደሆነው የአፋር ክልል ጥቃት በመሰንዘር በአካባቢው በሚገኙ በመከላከያ ሰራዊትና በአማራ ልዩሃይል ላይ ጥቃት በመሰንዘር ላይ መሆኑን ተናግረዋል።
የአፋር ክልል ቃል አቀባይ አህመድ ኮሎይታ እንዳሉት የትግራይ አማፅያን ጦር በዚህ ሳምንት በአፋር የሚገኙ ሶስት ወረዳዎችን መቆጣጠር ችሏል ፡፡ ክልሉ ስትራቴጂካዊ ጠቀሜታ ያለው ነው ፣ ምክንያቱም ወደብ አልባ የኢትዮጵያ ዋና ከተማ የሆነውን አዲስ አበባን የሚያገናኘው ዋናው መንገድ እና የባቡር መስመር በጅቡቲ የባህር በር ስለሚያልፍ ነው ፡፡
የትግራይ ፕሬዚዳንት አማካሪ አቶ ጌታቸው ረዳ አርብ ዕለት በትዊተር ገፃቸው ላይ “የአብይ አህመድ የጦር መሣሪያ በመሠረቱ ተደምስሷል ፡፡ ትናንትም ሆነ ዛሬ በአፋር ፣ በሰሜን ወሎ [በአማራ ክልል] እና በሰሜን ጎንደር [በአማራ ክልል] ተሳትፎዎች ከመደበኛ ሰራዊታቸው
አደገኛው መንግሥት የመለወጥ አጀንዳ! (ዳዊት ዋበላ)
የፕሬዚዳንት ጆ ባይደን መንግሥት፣ በተለይም የዴሞክራቲክ ፓርቲው ‹ኢስታብሊሽመንት› በኢትዮጵያ ላይ የያዘው አቋም እጅግ አደገኛ ነው፡፡ የዴሞክራቲክ ፓርቲው አመራሮች እና በእነሱ ዙሪያ ያለው የሚዲያና የቢዝነስ ኢምፓር በተለያዩ አገሮች የመንግሥት ለውጥ (regime change) የማድረግ እና አገራቱን ትርምስ ውስጥ የመክተት ልምድ አለው፡፡ ዴሞክራሲን በዓለም ዙሪያ ለማስፋፋትና ለመደገፍ፤ እንዲሁም ሰብአዊ መብትን ለማስከበር በሚል ሽፋን በብዙ አገሮች የውስጥ ጉዳይ እየገቡ ከፍተኛ ምስቅልቅል ሲፈጥሩ የቆዩ አካላት ናቸው፡፡
እነዚህ፤ ራሳቸው የኢሕአዴግ ባለሥልጣናት ከለውጡ በኋላ በግልጽ እንዳመኑትና የኢትዮጵያ ሕዝብ በግልጽ እንደሚገነዘበው በተጭበረበረ ምርጫ መቶ በመቶ አሸነፍኩ ያለውን የአፈና አገዛዝ “በዴሞክራሲያዊ ምርጫ የተመረጠ መንግሥት” ብለው ያሞካሹት ሰዎች (ፕሬዚዳንት ኦባማንና ሱዛን ራይስን መጥቀስ ይቻላል) የዴሞክራሲና የሰብአዊ መብቶች ጠበቃ ሊሆኑ እንደማይችሉ ግልጽ ቢሆንም፤ በዴሞክራሲና በሰብአዊ መብት ሽፋን ኢትዮጵያን በከፍተኛ ደረጃ እየወጓት ይገኛሉ፡፡ ይህም ያለ ምክንያት አይደለም፡፡
የዚህ ሁሉ ውርጅብኝ አንደኛው ምክንያት ከኢትዮጵያ መንግሥት የሕዝብ ግንኙነትና የዲፕሎማሲ ውድቀት የሚመነጭ ነው፡፡ ያለ ጥርጥር በሕዝብ ግንኙነትና በዲፕሎማሲው መስክ በእጅጉ ተበልጠናል፡፡ አሜሪካ ውስጥ ፖለቲካና የፖለቲካ ድጋፍ ከገንዘብ ጋር ጥብቅ ቁርኝት ያለው ነገር መሆኑን ባለመረዳታችን ብዙ ዋጋ እየከፈልን እንገኛለን፡፡ በአሜሪካ የፖለቲካ ድጋፍና ተቃውሞ ልክ እንደ እቃና አገልግሎት ይሸጣል፤ ይገዛል፡፡ አሸባሪው ቡድን ደጋፍ እንዲያገኝና የኢትዮጵያ መንግሥት መጥፎ ገጽታ እንዲኖረው የሚሠሩ የሎቢ ድርጅቶች፣ በኢትዮጵያ ላይ ይህን ሁሉ መዓትና ውድርጅብኝ ሲያወርዱ የሚውሉት ሕወሓትን ስለሚደግፉ ወይም አሸባሪው ቡድን ሕዝባዊ ነው ብለው ስለሚያምኑ አይደለም፡፡ እነዚህ 
ሕወሓት ወሳኝ ቦታ ነው ብሎ የሚያምንበትን የዞብል ተራራ ላይ በሰፈረበት ዕለት እራሳቸውን ያደራጁት የሠሜን ወሎ አርሶ አደሮች በቡራ ወርቅ በዞብል ተራራ ላይ የሕወሓት ታጣቂዎችን ድንገት ከበባ ውስጥ በማስገባት በአርሶ አደሮቹ በተጠና ኦፕሬሽን በተደረገው የተኩስ ልውውጥ በርካታ የሕወሓትን ሀይል መደምሰስ የቻሉ ሲሆን ቀሪውን ሀይል ከያዙት ከባድ መሳሪያ ጭምር መማረክ ችለዋል ።
በዞብል ተራራ ላይ ሽንፈትን የተከናነበውን የሕወሓትን ሀይል አይቀጡ ቅጣት በመቀጣቱ እና የአርሶ አደር ሚሊሻውን ጫና መቋቋም ተስኖት እግሬ አውጪኝ በማለት እየፈረጠጠ የሄደው የተወሰነው ሀይል ወደ ሙጃ ግዳን ወረዳ ለመግባት ዕድል አግኝቶ ነበር ።
የግዳን አርሶ አደር እና የአማራ ልዩ ሀይል በጋራ የሕወሓትን ሀይል በመቀበል የሚገባውን ዋጋ በመስጠት ሙሉ በሙሉ አፅድተውታል ።
በአጠቃላይ ሕወሓት የብራ ወርቅ አካባቢ ላይ ህዝቡን በማሸበርና ህዝቡን ለማፈናቀል ያደረገው ትንኮሳ በጀግናው የአርሶ አደር ሚኒሻ የከሸፈ በመሆኑ አርሶ አደሮቹ ያደረጉት ተጋድሎ እጅግ አስደናቂ ነበር ። 
የሙሉ ፕሮፌሰርነት ማዕረጉ የተሰጣቸው የዩኒቨርስቲው ምሑራን
1. ዶ/ር ሃጎስ ብሉፅ
2. ዶ/ር ታምራት በቀለ
3. ዶ/ር ገዛኸኝ ማሞ
4. ዶ/ር ከበደ አመኑ
5. ዶ/ር ሰለሞን ተፈራ
6. ዶ/ር መክብብ አፈወርቅ
7. ዶ/ር አበባው ፈቃዱ
8. ዶ/ር እያሱ ኤልያስ
9. ዶ/ር ፈየራ ሰንበታ
10. ዶ/ር እሸቱ ጉርሙ
11. ዶ/ር ዳምጤ ሽመልስ
12. ዶ/ር አመዘነ ታደሰ
13. ዶ/ር ይልቃል አዳሙ
14. ዶ/ር ዳንኤል ዘውድነህ እና
15. ዶ/ር ተስፋዬ ሲሳይ ናቸው፡፡
የታላላቅ ታሪኮች ባለቤት የሆነችው ኢትዮጵያ በተለያዩ ጊዜያት የገጠሟትን ፈተናዎች የተሻገረችው በልጆቿ ነው፡፡ የወራሪዎችንና የተስፋፊዎችን ምኞት ከማክሰም ጀምሮ፣ በውስጥ ለሥልጣን የተደረጉ ሽኩቻዎችንና ጦርነቶችን ጭምር ያካሄደችው በልጆቿ ነው፡፡ አንዱ ሥልጣን ላይ ሲወጣ ሌላው ሲወርድ ሥርዓቶች እየተቀያየሩ እዚህ ዘመን የተደረሰው፣ ባዕዳን በቀጥታ ጣልቃ ሳይገቡ በልጆቿ መካከል በተከናወኑ ፍትጊያዎች ነው፡፡
ጨቋኝነትም ሆነ ተጨቋኝነት የነበረው በኢትዮጵያዊያን የእርስ በርስ መስተጋብር ነው፡፡ ምንም እንኳ በዚህ መስተጋብር ውስጥ ከፍተኛ ቅራኔዎች እንደነበሩ ግልጽ ቢሆንም፣ ተቃርኖ ያላቸው ወገኖች ጭምር በአገር ጉዳይ አቋማቸው ተመሳሳይ ነበር፡፡ ጭቆናው የመደብም ይባል የብሔር ‹‹ዞሮ ዞሮ መዝጊያው ጭራሮ›› እንደሚባለው በአገር ጉዳይ ግን ቀልድ አልነበረም፡፡
የዚህ ዘመን ትውልድ በእጅጉ ሊረዳው የሚገባው ጉዳይ፣ ከአገር ህልውና በላይ ምንም ነገር አለመኖሩን ነው፡፡ ኢትዮጵያዊያን በአገራቸው ጉዳይ ሲደራደሩ አይታወቅምና የአገራቸው ዋልታና ማገር ኢትዮጵያዊያን ራሳቸው ናቸው፡፡ የአገራቸው ተስፋም በእጃቸው ላይ ስለሆነ፣ የውጭ ጣልቃ ገቦች መሣሪያ ላለመሆን መጠንቀቅ ይገባል፡፡ ታሪካዊ ጠላቶች አድፍጠው የሚጠባበቁት የኢትዮጵያዊያንን እርስ በርስ መፋጀት ስለሆነ ጥንቃቄ ያሻል፡፡
ተጨማሪ ያንብቡ: https://bit.ly/3zTj9ZH 
ወጣቶች ከጎሳና ብሄር አስተሳሰብ ወጥተው ለኢትዮጵያውነት መቆም አለባቸው ሲል የክብር ዶክትሬት ሽልማቱን ከጎንደር ዩንቨርስቲ በዛሬው እለት የተሸለመው አርቲስት ቴዎድሮስ ካሳሁን መልእክቱን አስተላልፏል፡፡
የክብር ዶክትሬት ሽልማቱ የዪንቨርሲቲ ሴኔት በወሰነው መሰረት የሂዩማን ሊትሬቸር የክብር ዶክትሬት ሽልማቱን በ6 ሺህ 5መቶ 74 ተማሪዎችን ፊት ተቀብሏል።
አርቲስት ቴዲ አፍሮ በመድረኩ ላይ ባደረገው ንግግር ዪንቨርሲቲውን አመስግኖ ለተመራቂ ተማሪዎች የእንኳን ደስ ያላቸሁ መልዕክቱን ያስተላለፈ ሲሆን ወጣቶች ከጎሳና ብሄር አስተሳሰብ ወጥተው ለኢትዮጵያውነት እንዲቆሙ ጠይቋል ።
ከክብር ዶክትሬት ሽልማቱ በተጨማሪም አርቲስት ቴዲ አፍሮና ባለቤቱ አምለሰት ሙጬ ከጎንደር ዩንቨርስቲ ፕሬዝዳንት ዶክተር አስራት አፀደወይን የክብር ካባ ተበርክቶላቸዋል ።
የክብር ዶክተር ቴዲ አፍሮ መልዕክት
በታሪካዊዋና በገናናው ጀግና ዳግማዊ አፄ ቴዎድሮስ የትውልድ ሃገር በሆነችው የጐንደር ከተማ በተዘጋጀው በዚህ የምረቃት መርሀ ግብር ላይ የታደማችሁ ጥሪ የተደረገላችሁ ክብሯን እንግዶች ክቡራትና ክብሯን በቅድሚያ የከበረ ሰላምታዬን እያቀረብኩ በተለይ በዛሬው እለት ከብዙ ድካምና ጥረት በኋላ ፍሬያችሁን ለማየት ለበቃችሁ ተመራቂዎችና የተመራቂ ቤተሰቦች በሙሉ እንኳን ደስ አላችሁ የሚል መልክቴን ላስተላልፍ እወዳለሁ
በመቀጠልም በሕይወት ዘመኔ ሁሉ ከጉኔ ሳይለየኝ ያለ መታከት የረዳኝ ቅዱስ እግዚአብሔርን በታላቅ ትህትና ለማመስገን እወዳለሁ
እንዲሁም በተሰማራሁበት የኪነ ጥበብ ዘርፍ ይህ የክብር ሽልማት ይገባሃል ብሎ በዛሬው እለት በእናተ ፊት እንድቆም ምክንያት 
የባሕር ዳር ዩኒቨርሲቲ ለኤርትራው ፕሬዝዳንት ኢሳያስ አፈወርቂ የክብር ዶክትሬት ሊሰጥ እንደሆነ በተለያዩ የማህበራዊ ትስስር ገፆች መረጃዎች እየተዘዋወሩ ይገኛሉ።
ቲክቫህ ዩኒቨርሲቲ በመረጃው ዙሪያ የባሕር ዳር ዩኒቨርሲቲ የውጭ ግንኙነትና ፓርትነርሺፕ ዳይሬክተር የሆኑትን ማንእንዳንተ ሙሉጌታ (ዶ/ር) ጠይቋል።
“የባሕር ዳር ዩኒቨርሲቲ ማኔጅመንት የክብር ዶክትሬት ለመስጠት የሚያስባቸው ሰዎች አሉ። ገና በዕጩነት የቀረቡ ሰዎች አሉ፤ ይሁን እንጂ የኤርትራው ፕሬዝዳንት ኢሳያስ አፈወርቂ በዕጩዎቹ ዝርዝር ውስጥ የሉም” ብለዋል። በተለያዩ የማህበራዊ ትስስር ገፆች የሚዘዋወረው መረጃም ሐሰት መሆኑን ዳይሬክተሩ አረጋግጠዋል።
ባሕር ዳር ዩኒቨርሲቲ በተለያዩ የትምህርት መስኮች ያሰለጠናቸውን ከ2 ሺህ 300 በላይ ተማሪዎች ሐምሌ 10/2013 ዓ.ም ማስመረቁ ይታወሳል። ሌላ ዙር የምረቃ ስነ ስርዐት በመስከረም 2014 ዓ.ም መጨረሻ ወይም ጥቅምት 2014 ዓ.ም መጀመሪያ ሊኖር እንደሚችል ዳይሬክተሩ ተናግረዋል።
Via Tikvah University
ባለፈው ሳምንት ቅዳሜ ሁለቱ ክልሎች የይገባኛል ጥያቄ በማንሳት በሚወዛገቡበት ስፍራ በተከሰተ ግጭት የበርካታ ሰዎች ሕይወት መጥፋቱን የሶማሌ ክልል ባለሥልጣናት ገልጸው ነበር።
የክልሉ ኮሚዩኒኬሽን ምክትል ኃላፊ አቶ መሐመድ ሮብሌ፤ በገዳማይቱ ከተማ በተከሰተው ግጭት በመቶዎች የሚቆጠሩ ሰዎች መሞታቸውን ለቢቢሲ ተናግረዋል። ነገር ግን ይህንን አሃዝ ከሌላ ወገን ለማረጋገጥ አልተቻለም።
ስማቸው ያልተጠቀሰ ሁለት የሶማሌ ክልል ከፍተኛ የመንግሥት ባለሥልጣናት በግጭቱ በመቶዎች የሚቆጠሩ ሰዎች ጉዳት ደርሶባቸዋል ማለታቸውን ሮይተርስ ዘግቧል።
የኢትዮጵያ ሰብዓዊ መብቶች ኮሚሽን (ኢሰመኮ) ባወጣው መግለጫ፤ በግጭቱ ምክንያት በሰው ላይ የደረሰውን ሞትና ጉዳት እንዲሁም በንብረት ላይ ያጋጠመውን የውድመት መጠን ለማወቅ የመረጃ ውስንንት እንዳለ አመልክቷል።
ጨምሮም በግጭቱ ቦታዎች እና በአዋሳኝ ከተሞች ያለው የጸጥታ ሁኔታ ወደነበረበት ባለመመለሱና የተወሰኑ መንገዶች በመዘጋታቸው መደበኛ እንቅስቃሴዎች መስተጓጎላቸውን አመልክቷል።
በግጭቱ ሳቢያ ከጂቡቲ ወደ አዲስ አበባ የሚወስዱት የባበቡርና የተሽከርካሪዎች መንገዶች ተዘግተው እንቅስቃሴ ተቋርጦ የነበረ ሲሆን፤ ከጥቂት ቀናት በኋላ የአገር ሽማግሌዎችና የክልሉ ባለሥልጣናት ባደረጉት ጥረት መንገዶቹ እንዲከፈቱ መደረጋቸው ተገልጿል።
ሁለቱን ክልሎች በሚያዋስኑ አካባቢዎች በሚገኙ የተለያዩ ቦታዎች ላይ በሚነሱ የይገባኛል ጥያቄዎች ምክንያት በተለያዩ ጊዜያት ግጭቶች ያጋጠሙ ሲሆን በሰውና በንብረት ላይ ከዚህ 
የልብ ቀዶ ህክምና ከፍ ያለ ጥንቃቄን የሚጠይቅ ህክምና ሲሆን በተለይ ተደራራቢ ችግር ሲኖር ደግሞ ሥራው በእጅጉ የተወሳሰበ ስለሚሆን ከፍ ያለ ልምድና ቴክኖሎጂ ባላቸው አገራት ውስጥ እንዲካሄድ ይመከራል።
ሰኞ እሁድ 18/2013 ዓ.ም ከዚህ በፊት ‘ኢትዮጵያ ውስጥ አልተደረገም’ የተባለ እና ስድስት ሰዓታትን የፈጀ የልብ ቀዶ ጥገና በተሳካ ሁኔታ ተከናውኗል።
አዲስ አበባ ውስጥ በሚገኘው ኤሎዚየር የልብ ህክምና ማዕከል ውስጥ በአንድ ጊዜ ሁለት የቀዶ ህክምናው የተደረገላቸው ግለሰብ የ55 ዓመት ጎልማሳ ናቸው።
በህመምተኛው ግለሰብ ልብ ላይ በአንድ ጊዜ የተሰራው ሁለት ቀዶ ህክምና ሲሆን፣ አንደኛው የልብ የደም ቧንቧዎች በሚዘጉበት ጊዜ የደም ቧንቧን ከሌላ የሰውነት ክፍል በመውሰድ የተዘጋው ቦታ ላይ በመተካት የተከናወነ የልብ የደም ስር ነቅሎ መትከል (ሲኤቢጂ) ነው።
ሌላኛው ደግሞ ‘ኦርቲክ ቫልቭ’ ወይም ደግሞ አንደኛው የግራ የልብ ክፍል በር ሙሉ በሙሉ ተዘግቶ ደም ከቀኝ የልብ ክፍል ወደ አኦርታ (Aorta) መውጣት ሲቸገር የልብ በር ቀዶ ህክምና (ቫልቭ) የሚባለው ነው።
በኢትዮጵያውያን ባለሙያዎች የተከናወነው ይህንን ስኬታማ የቀዶ ህክምና ካከናወኑት ሐኪሞች መካከል አንዱና በኢትዮጵያ የልብ ሕክምና ማዕከል ውስጥ የሚሰሩት ዶ/ር ፈቃደ አግዋር ለቢቢሲ እንደተናገሩት “እነዚህን ሁለት ቀዶ ህክምናዎች እኚህ ግለሰብ ላይ በአንድ ጊዜ ተደርገዋል። ይህ በቀዶ ሕክምና ሙያ በጣም ትልቅ የሚባል ስኬት ነው። ቀዶ ህክምናው በአገራችን ባለሙያዎች ሲሰራ የመጀመሪያው ነው።”
ለስድስት ሰዓታት የተካሄደውን የቀዶ ህክምና ሂደት የመሩት ዶ/ር ፈቃደ እንደሚሉት አሁን በአንድ ህመምተኛ ላይ በአንድ ጊዜ የተከናወነው ቀዶ ህክምና በተናጠል 
የመጀመሪያው የተባበሩት መንግሥታት ሰብዓዊ እርዳታ በረራ ሐምሌ 15/2013 ዓ.ም በተደረገበት ወቅት የሠራተኞቹን አስፈላጊ መድኃኒቶችን መውሰድ መከልከሉን የተባበሩት መንግሥታት ድርጅት የሰብዓዊ ጉዳዮች ማስተባበሪያ ቢሮ (ዩኤን ኦቻ) አስታወቀ።
ፀረ-ወባን ጨምሮ፣ የህመም ማስታገሻና፣ የልብና የስኳር ህመም የመሳሰሉ መሰረታዊ መድኃኒቶችን ጭምር ይዞ መጓዝ ባለመፈቀዱ ሁለት ሠራተኞቹ ወደ ኋላ መቅረታቸውንም ድርጅቱ በዛሬው ዕለት ባወጣው መግለጫ ላይ አስታውቋል።
እነዚህ ሠራተኞች በመድኃኒቶቹ ጥገኛም ስለሆኑ ወደ አካባቢው መሄድ አልቻሉም ተብሏል።
አውሮፕላኑ በአዲስ አበባ ጠበቅ ያለ ፍተሻ የገጠመው ሲሆን የግል መድኃኒቶችን እና ላፕቶፕ እና ዩኤስቢ ድራይቭ ያሉ ከሥራ ጋር የተያያዙ መሳሪያዎችንም እንዳይወስዱ መከልከላቸውን ዩኤን ኦቻ አስታውቋል።
በዚህ በረራ የተባበሩት መንግሥታት ሠራተኞችን እና ዓለም አቀፍ መንግሥታዊ ያልሆነ ድርጅቶችን ጨምሮ በአጠቃላይ 34 የእርዳታ ሠራተኞች ተሳፍረው ነበር።
በዚህም ወቅት ለእያንዳንዱ ተሳፋሪ ወደ ትግራይ እንዲወስዱ የተፈቀደላቸው 225 ዶላር (10 ሺህ ብር) ሲሆን ይህም በትግራይ ቆይታቸው ወጪዎቻቸውን ለመሸፈን በቂ አይደለም ብሏል ተመድ።
ከዚህም በተጨማሪ በክልሉ ባንኮችና ሌሎች መሰረታዊ አገልግሎች በመቋረጣቸው ሁኔታዎችን ፈታኝ አድርጓቸዋል ተብሏል።
የመንግሥት እና አንዳንድ የረድኤት ሠራተኞች ደመወዝ ለወራት ያልተከፈለ ሲሆን የገንዘብ እጥረቱ የሰብዓዊ እርዳታ አገልግሎት ላይ መስተጓጎልን መፍጠሩም ተገልጿል።
የተባበሩት መንግሥታት ድርጅት የሰብዓዊ ጉዳዮች ማስተባበሪያ ቢሮ (ዩኤን ኦቻ) አጋጠመኝ ያለውን በተመለተ ከመንግሥት በኩል አስካሁን የተሰጠ ማብራሪያ የለም።
በትግራይ ክልል ከግንቦት 22/2013 ዓ.ም ጀምሮ ምንም አይነት በረራዎች እንዳይኖሩ ቢከለከልም መንግሥት የሰብዓዊ እርዳታ ማቅረብ ለሚፈልጉ ሁሉ ልዩ ፈቃድ እንደሚሰጥና በረራዎችም ከሰኔ 28/2013 ዓ.ም 
የዩናይትድ ስቴትስ የርዳታ ድርጅት (USAID)ና የተባበሩት መንግስታት የሠብአዊ ርዳታ የበላይ ኃላፊዎች በጦርነት ለተጎዳዉ ለትግራይ ሕዝብ ርዳታ ሥለሚደርስበት ሁኔታ ኢትዮጵያ ዉስጥ ይወያያሉ።የተባበሩት መንግስታት የሰብአዊ ርዳታ ጉዳይን የምክትል ዋና ፀሐፊነት ስልጣንን በቅርቡ የተሾሙት ማርቲን ግሪፍቲስ ኢትዮጵያን እየጎበኙ ነዉ።በየመን የቀድሞዉ የተባበሩት መንግስታት ድርጅት ልዩ መልዕክተኛ ዛሬ ከአዲስ አበባ ወደ መቀሌ መጓዛቸዉ ተዘግቧል።
የዩናይትድ ስቴትስዋ የርዳታ ጉዳይ የበላይ ሳማንታ ፓወር ደግሞ ዛሬ ወይም ነገ አዲስ አበባ ይገባሉ ተብሎ እየተጠበቁ ነዉ።ሁለቱ ባለስልጣናት ከኢትዮጵያ ባለስልጣናት ጋር በተናጥል ካደረጉና ከሚያደርጉት ዉይይት በተጨማሪ የድርጅቶቻቸዉን ርዳታ ስለሚያቀናጁበት ሥልት ይነጋገራሉ።የተባበሩት መንግስታት ድርጅት የሰብአዊ ርዳታ ማስተባበሪያ ቢሮ እንደሚለዉ ትግራይ ዉስጥ 5.2 ሚሊዮን ሕዝብ ርዳታ ያስፈልገዋል።
የአሜሪካዉ የርዳታ ድርጅት እንዳስታወቀዉ፣ ፓወር ከኢትዮጵያ ባለስልጣናት ጋር በሚያደርጉት ዉይይት ከትግራይ ክልል በተጨማሪ በሌሎች የኢትዮጵያ አካባቢዎች ለሚኖረዉ ችግረኛ ሕዝብም ድርጅታቸዉ ርዳታ ሥለሚያቀርብበት ሁኔታ ለመነጋገር አቅደዋል።ፓወር ሱዳን የሠፈሩ ኢትዮጵያዉያን ስደተኞችን ይጎበኛሉ ተብሏልም። 
(አሚኮ) የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር ግዛቸው ሙሉነህ እንዳሉት አሸባሪው የሕወሓት ተገንጣይ ቡድን በኢትዮጵያ ላይ ተጣብቆ በቆየባቸው ዓመታት ሁሉ ኢትዮጵያን እና ኢትዮጵያዊነትን ለመቅበር ያላደረሰው ሰብዓዊ እና ቁሳዊ ውድመት የለም፡፡ በተለይም አማራ እና አማራነትን ለማምከን ያላጎደፈው ታሪክ፤ ያልመዘበረው ጥሪት፤ ያላጨለመው የተስፋ ወጋገን አልነበረም፡፡ በዚህ ሁሉ የጥፋት ግልቢያ የአማራ ሕዝብን ታሪክ በማጠልሸት ክብሩን፣ ሐብቱን፣ አካሉን እና ህይወቱን ሲቀማ እንደኖረ ገልጸዋል፡፡
አማራ ከሌሎች ወንድምና እህት ብሔር ብሔረሰቦች ጋር በመሆን ባጸናት ሀገር ውስጥ እንደበዳይ ሕዝብ ተፈርጆ የተበዳይ ተከሳሽ አድርገው በየሄደበት ኹሉ በገዛ ወገኖቹ ፊት አንገተ ሰባራ ለማድረግ ያልተጫነበት የግፍ ቋጥኝ አልነበረም ብለዋል፡፡
ሕወሓት ከሽፍታነት ወደ መንግሥትነት፤ከመንግሥትነት ወደ አሸባሪ ቡድንነት የጥፋት ጉዞው ኹሉ በአማራ ሕዝብ ላይ ጭኖ ሲያስጭን በነበረው የግፍ ቋጥኝ የአማራ ሕዝብን ከሃብቱ እስከ ህይወቱ ድረስ ዋጋ ከመክፈሉ ባሻገር እንደ ሕዝብ ሕልውናውን የማጣት አደጋ ደቅኖበታል ነው ያሉት፡፡
ህልውናን ለማስጠበቅ የገባንበት ጦርነት ከህልውና ማስጠበቂያ ዘመቻነቱ በተጓዳኝ አሸባሪው የሕወሓት ቡድን በአማራ እና በመላው ኢትዮጵያውያን ላይ ለፈጸመው ለከት የለሽ በደል ተገቢውን ፍትሕ ለመስጠት የሚደረግ ተጋድሎ ያደርገዋል ያሉት ዋና ዳይሬክተሩ ህልውናችንን ለማስጠበቅ የገባንበት ጦርነት ለእኛ ፍትሐዊ የሆነና ለፍትሕ ልዕልናም ጭምር እየተደረገ ያለ ጦርነት ነው የምንለው ብለዋል፡፡
የአማራ ሕዝብ ከሀገር መከላከያ ሠራዊት እና ከመላው የኢትዮጵያ ብሔር ብሄረሰቦች ጋር ተሰናስሎ በአሸባሪው የሕወሓት ቡድን ላይ እየወሰደ ያለው ራስን የመከላከል ወታደራዊ እርምጃ አከርካሪው ተሰብሮ ፖለቲካዊ እና ወታደራዊ ቁመናውን 
የኢፌዴሪ መከላከያ ሠራዊት በማኅበራዊ የትስስር ገጹ ባወጣው ጽሑፍ እንዳለው የውስጥና የውጭ ጠላቶች የሕዝቡን ሥነ-ልቦና ለመስለብና የተፈጠረውን አንድነት ለማፍረክረክ ማኅበራዊ ሚዲያን በመጠቀም የሥነ-ልቦና ጦርነት አጠናክረው ቀጥለዋል፡፡
ሁሉም ሀገር ወዳድ ዜጋ በሚችለው ሁሉ ከሠራዊቱ ጎን በመቆም “ኢትዮጵያ ፈረሰች” ብለው ያሻቸውን በሕዝቡ ላይ ለመፈፀም ያሰፈሰፉ የውስጥ ቅጥረኞች፣ ባንዳዎች እና የኢትዮጵያ ልማት የራሳቸው ጥፋትና ውድቀት የሚመስላቸው የውጭ ጠላቶችን በማሳፈር ላይ ይገኛል ነው ያለው፡፡
“ሕዝባችን የሠራዊታችን የማይነጥፍ አስተማማኝ ደጀን በመሆን በሎጂስቲክስ ድጋፍ ፣ ከዳር እስከ ዳር በመነቃነቅ በሰው ኀይል ሠራዊታችንን በማጠናከር ታሪካዊ ሀገርን የማዳን ሥራ እየሠራ ነው፤ ለዚህም የሕዝባችን የማይነጥፍ ድጋፍ የድላችን ቁልፍ በመሆኑ እናመሰግናለን” ብሏል።
በጠላቶች የተደቀነውን የህልውና አደጋ በጣጥሶ ለመሻገር ሁሉም ዜጋ ከመቼውም ግዜ በላይ መተባበር ፣ ጠላት ከሚነዛው አሉባልታ ወሬ ራስን መጠበቅ ፣ አንድነትን እና ሕብረትን ማጠናከር ወቅቱ የሚጠይቀው ዐብይ ጉዳይ መሆኑንም ጠቅሷል፡፡
በመላው ኢትዮጵያ ሕዝብ የታየው ሕብረትና በአንድነት መቆም ጠላቶችን አስደንግጧል ሚኒስቴሩ የአሸባሪው ጁንታ ጎራ በፍርሃት እንዲርድ አድርጓል ብሏል፡፡
የሕዝቡን አንድነትና ፅናት ለመሸርሸር ጠላት እየፈበረከ የሚረጨው አሉባልታዎችን መከላከል ፣ ሳያውቁ ጠላት ኾን ብሎ የሚለቀውን አሉባልታ በመቀባበል የጠላት ወኪል የሚሆኑ ወገኖችን መምከር ፣ መገሰፅ እንደሚያስፈልግም አስገንዝቧል፡፡
በአሸባሪው ሕወሓት እየተፈበረኩ በማኅበራዊ ሚዲያ የሚረጩ የውሸት መረጃዎችን ፣ በየአገልግሎት መስጫዎች የሚነዙ አሉባለታዎች ፣ ስለ ሠራዊቱ የግዳጅ ውሎ ሰው የሚቀባበለው ወሬ ለጠላት ግብዓት የሚሆኑና የወገንን እንቅስቃሴን የሚጎዱ መሆኑን አሳስቧል።
በዚህም:-
1. የመረጃ ምንጩ ያልታወቁ ቀልብ የሚስቡ 
የአሜሪካ ዓለማቀፍ ልማት ተራድዖ ድርጅት (USAID) ሃላፊ ሳማንታ ፓዎር ከቅዳሜ እስከ ረቡዕ በኢትዮጵያ እና ሱዳን ጉብኝት እንደሚያደርጉ የአሜሪካ ዜና ምንጮች ዘግበዋል። ፓዎር ከጠቅላይ ሚንስትሩ ብሄራዊ ደኅንነት አማካሪ እና ምናልባትም ከራሳቸው ከጠቅላይ ሚንስትር ዐቢይ ጋር ይነጋገራሉ ተብሏል። ሃላፊዋ ለትግራይ ክልል ያልተገደበ ሰብዓዊ ዕርዳታ እንዲቀርብ ሁሉንም ወገኖች ያሳምናሉ ተብሎ ይጠበቃል።
–
ለትግራይ ክልል ያልተገደበ ሰብዓዊ ዕርዳታ ካልቀረበ አሜሪካ በኢትዮጵያ ላይ ተጨማሪ የቅጣት ርምጃዎችን ልትወስድ እንደምትችል አንድ ስማቸው ያልተጠቀሰ የአሜሪካ ዓለማቀፍ ልማት ተራድዖ ድርጅት ሃላፊ ለሮይተርስ ተናግረዋል። በአዲስ አባባ ከተማ በትግራይ ተወላጆች ላይ ይፈጸማሉ የተባሉት ጅምላ እስሮች አሜሪካን እንዳሳሰባት የጠቆሙት ሃላፊው፣ የትግራይ ተወላጆች በማንነታቸው ተለይተው የብሄር ማጽዳት ወንጀል ሰለባ ሊሆኑ ይችላሉ የሚል ስጋት እንዳለ ተናግረዋል። መንግሥት በበኩሉ ማንነት ላይ ያነጣጠረ እስር እንደሌለ ገልጧል።
–
Source : https://www.reuters.com/ 
ምዕራባውያን በትግራይ ክልል የተካሄደውን የሕግ የማስከበር እርምጃ ተከትሎ በኢትዮጵያ ደካማ መንግስት እንዲኖር አልያም የመንግስት ለውጥ ለማድረግ የያዙት ስውር አጀንዳ መኖሩን ዓለም አቀፋዊ ሁኔታዎችን የሚተነትነው ጂኦ ፖለቲክስ የኢትዮጵያን ወቅታዊ ሁኔታ አስመልክቶ ባወጣው ትንታኔ ላይ አጋልጧል።
የህወሓት ቡድን በሀገር መከላከያ ሠራዊት የሰሜን እዝ ላይ የፈጸመውን ጥቃት ተከትሎ የሕግ ማስከበር ዘመቻው ከተጀመረ በኋላ የአውሮፓ ህብረት ባለስልጣናት እ.ኤ.አ ህዳር 10/2020 የኢትዮጵያ መንግስት ሊዳከም በሚችልበት ሁኔታ ዙሪያ ውይይት ማድረጋቸውንና ባለ 7 ገጽ ሰነድ ማዘጋጀታቸውን ጂኦ ፖለቲክስ በጽሑፉ አብራርቷል።
ሰነዱ ከህብረቱ አባላት መካከል በጥንቃቄ ለተመረጡ የተወሰኑ ቡድኖች ስለመሰጠቱም ገልጿል።
ቡድኑ በሰነዱ ወደፊት ሊከሰቱ ይችላሉ የተባሉ ሁኔታዎችን መዳሰሱንና በተከሰተው ግጭት ሳቢያ ከአፍሪካ ቀንድ ከፍተኛ ቁጥር ያላቸው ሰዎች ወደ አውሮፓ ሀገራት ሊሰደዱ እንደሚችሉም አመላክቷል።
በምዕራባውያን ዘንድ የወደፊቱን የኢትዮጵያ እጣ ፈንታ አስመልክቶ በተደረጉ ውይይቶች የኢትዮጵያ መንግስት ለድርድር ዝግጁ ከሆነ ክልሎች መገንጠል እንዲችሉ ህዝበ ውሳኔ እንዲያደርጉ ሊፈቀድ ስለሚቻልበት ሁኔታ መነሳቱም ጠቅሷል።
ይህ የምዕራባውያኑ የተሳሳተ አካሄድ ለአሜሪካና ለአውሮፓ ህብረት በአንድ በኩል ኢትዮጵያ እንደ ዩጎዝላቪያ የተበታተነች ሀገር እንድትሆን ምቹ ሁኔታ እንደሚፈጥርላቸው፤ በሌላ በኩል የመጨረሻው የዩጎዝላቪያ ፕሬዝዳንት ስሎቦዳን ሚሎሶቪች ላይ እንዳደረጉት ጠቅላይ ሚኒስትር ዶ/ር ዐብይ አህመድን በሰብአዊ መብት ጥሰት ስም በዓለም አቀፉ ፍርድ ቤት ለማቅረብ ያለመ መሆኑንም ጽሑፉ ያብራራል።
ምእራባውያን በትግራይ ክልል የተካሄደውን የህግ ማስከበር ዘመቻ ተከትሎ የያዙት ስውር አጀንዳ በኢትዮጵያ ደካማ መንግስት እንዲኖር ማድረግ አሊያም የመንግስት ለውጥ ማድረግን ዓላማ ያደረገ መሆኑንም አጋልጧል። 
ኢትዮጵያ የካፒታል ገበያ ተግባራዊ ያላደረገችው ፖለቲካውን የተቆጣጠረው አካል ኢኮኖሚውን መቆጣጠር ስለፈለገ ነው፡፡
ኢትዮጵያ ባለፉት ዘመናት የካፒታል ገበያን ያልተገበረችው ፖለቲካውን የተቆጣጠረው አካል በኢኮኖሚው የሚያገኝውን ጥቅም ላለማጣት በማሰቡ እንደነበር በስቶክ ማርኬት ዙሪያ ምሁራን የምክክር መድረክ ባደረጉበት ወቅት አስታውቀዋል፡፡
ባለፉት ዘመናት ኢትዮጵያ የስቶክ ማርኬት ባለመተግበሯ የገንዘብ አቅርቦት መገደቡ በዚህም የተነሳ የግል ድርጅቶች በሚፈለገው መልኩ እንዳያድጉ መሰናክል እንደሆነባቸው የተገለጸው፡፡
ካፒታል ማርኬት ከሚያመጣቸው ልዩ ልዩ ጥቅሞች የግል የንግድ ድርጅቶችም ሆኑ የመንግስት ድርጅቶች ለሚያስፈልጋቸው የስራ ማስኬጃና የአቅም ግንባታ ማስፋፍያ አክሲዮን ወይም ቦንድ በመሸጥ ከማህበረሰቡ ገንዘብ የሚያገኙበት መንገድ ነው፡፡
ከዚህ በፊት የግልም ሆኑ የመንግስት ድርጅቶች ገንዘብ ሲያስፈልጋቸው ያገኙ የነበሩት ከባንኮች በብድር መልክ ብቻ እንደነበረ ሌላ አማራጭ የገንዘብ አቅርቦት መስመር እንዳልነበረ ይታወቃል፡፡
በውይይት መድረኩ የተገኙት የኢኮኖሚ አማካሪ የሆኑት አቶ ተስፋይ ሀይለሚካኤል ስቶክ ማርኬት ኢትዮጵያ ያልተጠቀመችበት የገንዘብ ገበያ ነው ብለዋል፡፡
እንደ ምሁሩ ሀሳብ ከሆነ በዓለም 80 ትሪሊዮን ዶላር ሀብት በስቶክ ማርኬት ውስጥ ይንቀሳቀሳል እንደዚሁም በየዓመቱ 19 ትሪሊዮን ዶላር የአክስዮን ድርሻ ሽያጭና ግዥ ይፈጸማል ይላሉ፡፡
ነገር ግን ኢትዮጵያ ከዚህ የገንዘብ ሀብት መጠቀም እንዳልቻለች ነው አቶ ተስፋዬ የሚናገሩት፡፡
ለዚህ ዋነኛ ምክንያቱ ደግሞ የመንግስት የፖሊሲ መዋቅር እና ሀገሪቱ እየተመራችበት ያለው የኢኮኖሚ ስርአት ነው ይላሉ፡፡
ስቶክ ማርኬት በአገር ደረጃ የሚኖረውን የሸቀጥ ዋጋ ይቀንሳል እንዲቀንስ አስተዋጽኦ ከማድረጉም በላይ ፣ ከውጭ የሚመጡ ምርቶችን በዋጋ ተወዳዳሪ መሆን እንደሚያስችላቸው ነው ምሁራን የሚናገሩት፡፡
ለዚህ ዋናው ምክንያት ደግሞ ፖለቲካው 
“ወደ መቐለ የተንቀሳቀሰው የእርዳታ አቅርቦት በባሕር ላይ የውሃ ጠብታ ያህል ነው” – ክሌር ኔቪል
በትግራይና በአፋር ክልሎች አዋሳኝ አካባቢዎች በነበረው ግጭት ወደ ትግራይ መግባት ያልቻሉት የዓለም ምግብ ፕሮግራም ተሽከርካሪዎች ከሰመራ ወደ መቐለ ጉዞ ጀምረዋል።
ይህን ያሳወቁት በኢትዮጵያ የዓለም ምግብ ፕሮግራም የኮምዩኒኬሽንስ ባለሙያ የሆኑት ክሌር ኔቪል ናቸው።
ኔቪል ለቢቢሲ በሰጡት ቃላቸው የእርዳታ አቅርቦት የጫኑ ከ200 በላይ ተሽከርካሪዎች ከአፋር ሰመራ ተነስተው ወደ ትግራይ መቐለ ጉዞ ጀምረዋል ብለዋል።
ምንም እንኳን ዛሬ ከ200 በላይ የጭነት ተሽከርካሪዎች የእርዳታ አቅርቦት ይዘው ወደ ትግራይ ቢያቀኑም አሁንም ካለው ፍላጎት አንጻር አናሳ መሆኑን ተናግረዋል።
አሁን ወደ መቐለ የተንቀሳቀሰው የእርዳታ አቅርቦት “በባሕር ላይ የውሃ ጠብታ ያህል ነው” ሲሉ ገልፀውታል።
ባለፈው ማክሰኞ ሐምሌ 20/2013 ዓ.ም የዓለም ምግብ ፕሮግራም ዳይሬክተር ዴቪድ ቢዝሊይ በትግራይ ያለው የምግብ ክምችት ዛሬ ዓርብ ይጠናቀቃል ማለታቸው ይታወሳል።
በሌላ ከትግራይ ጋር በተያያዘ መረጃ በቀጣይ አንድ ዓመት ውስጥ 100, 000 ሕጻናት ለሕይወታቸው ለሚያሰጋ የአልሚ ምግብ እጥረት ሊጋለጡ እንደሚችሉ UNICEF አስታውቋል።
ድርጅቱ ዛሬ አርብ ባወጣው መግለጫ በምግብ እጥረት ለከፋ ጉዳት ተጋልጠዋል የተባሉ ልጆች ቁጥር ከዓመታዊ የአማካይ አኃዝ በአስር እጥፍ ከፍ ያለ ነው ብሏል።
የሚያጠቡ እናቶች እና ነፍሰጡር ሴቶች በከፍተኛ ሁኔታ ለተመጣጠነ ምግብ እጥረት ተጋልጠዋል ሲልም አሳውቋል። UNICEF በትግራይ ክልል የአስቸኳይ ምግብ እና ሌሎች ርዳታ ለሚያስፈልጋቸው ሴቶች እና ሕጻናት አስፈላጊውን ድጋፍ ማቅረብ እንዲቻል ያልተገደበ እንቅስቃሴ ሊፈቀድልን ይገባል ብሏል። 
የባልደራስ ለእውነተኛ ዲሞክራሲ ፓርቲ ፤ 6ኛው ሀገራዊ ምርጫን ገምግሞ ውጤቱን ዛሬ ይፋ አድርጓል፡፡
ግምገማው የአዲስ አበባ ምርጫ እና ድህረ ምርጫ ሂደትን የተመለከተ ነው፡፡
በውጤቱም ባልደራስ ፤ገዢው ፓርቲና ምርጫ ቦርድ ምርጫውን ስለዘረፉት የዚህን ምርጫ ውጤት በፍፁም አልቀበልም ብሏል፡፡
ገዥው ፓርቲ በዋና ፈፃሚነት፤ ምርጫ ቦርድ በተባባሪነት ምርጫውን ስለዘረፉት በፍርድ ቤት ከስሻለሁ ሲል የግምገማ ውጤቱን ይፋ ባደረገበት መግለጫ አሳውቋል፡፡ ለባልደራስ ክስ ምርጫ ቦርድ ነገ በፍርድ ቤት መልስ ያቀርባል !
ይህ ጥናት በአዲስ አበባ ከተማ በሚገኙ የምርጫ ጣቢያዎች ላይ በምርጫ ቀን እና በድህረ ምርጫ ባሉት ቀናት የታዩ ተግዳሮቶችን የሚዳስስ ነው፡፡
እንደ ቅድመ ምርጫ ሂደቱ ጥናት ሪፖርት ውጤት 6ኛው ሀገራዊ ምርጫ ላይ በዕጩዎች፣ በፓርቲው በአባላትና በመራጮች ላይ የሰብዓዊ መብት ጥሰቶች (ስድብ፣ ዛቻ እና እስር) እንደተከናወኑበት ከጥናቱ መረጃ ለመረዳት ተችሏል፡፡
በአንድ የምርጫ ጣቢያ ክልል ከአንድ በላይ ምርጫ ጣቢያዎች ተከፍተው እንደነበር የጥናት ቡድኑ በምርመራ ግኝቱ አመልክቷል፡፡ ይህ ደግሞ ምርጫ ቦርድ ካወጣው ህግ ጋር የሚፃረር ነው ብሏል ፓርቲው፡፡
በአዲስ አበባ ከተማ የሚገኙ የምርጫ ጣቢያዎች ከነዋሪው ህዝብ ብዛት ጋር የማይመጣጠኑ እና ቁጥራቸው አነስተኛ እንደነበር ጥናቱ አስገንዝቧል ብሏል፡፡
የጥናቱ ግኝት እንደሚያሳየው ብዙዎቹ የምርጫ አስፈፃሚዎች የምርጫ እና የድምፅ አሰጣጥ ሂደቱን እንደማያውቁ በጥናቱ አማካኝነት ለመረዳት ተችሏል ተብሏል፡፡
የምርጫ አስፈፃሚዎች የምርጫ እና የድምፅ አሰጣጥ ሂደቱን ጠንቅቀው ላለማወቃቸው ዋናው ምክንያት የምርጫ ቦርድ የምርጫ አስፈፃሚዎች አመላመል ብቃትን ሳይሆን ማንነት መሰረት ባደረገ መልኩ ስለሆነ እንደሆነ የጥናቱ 
በቶኪዮ ኦሎምፒክ የአትሌቲክስ ውድድሮች የወንዶች 3 ሺህ ሜትር መሰናክል እና የሴቶች የ800 ሜትር ማጣሪያ ውድድሮች ተካሂደዋል።
በእነዚህ ርቀቶች ከተወዳደሩት አምስት ኢትዮጵያውያን አትሌቶች ሦስቱ ማጣሪያውን ማለፍ ችለዋል።
የ3 ሺህ ሜትር መሰናክል
በዚህ ርቀት አገራቸውን ወክለው የተሳተፉት ለሜቻ ግርማ፣ ጌትነት ዋለ እና ታደሰ ታከለ ነበሩ።
የማጣሪያ ውድድሩ በሦስት ቡድን ተከፍሎ በኢትዮጵያ ሰዓት አቆጣጠር ከሌሊት 9፡30 እስከ 4፡05 ድረስ ተካሂዷል።
በመጀመሪያው ቡድን የነበረው ለሜቻ ግርማ በ8:09.83 ሰዓት የጃፓን እና የኬንያ አትሌቶችን አስከትሎ1ኛ በመውጣት ማጣሪያውን አልፏል።
በሁለተኛው ቡድን ውስጥ የተደለደለው ጌትነት ዋለ በ8:12.55 ሰዓት 2ኛ በመውጣት ማጣሪያውን አልፏል።
በሦስተኛ ቡድን ውስጥ የነበረው ታደሰ ታከለ 8ኛ ደረጃን ይዞ በማጠናቀቁ ማጣሪያውን ሳያልፍ ቀርቷል።
አትሌት ለሜቻ ግርማ እና ጌትነት ዋለ የሚሳተፉበት የወንዶች 3 ሺህ ሜትር መሰናክል የፍጻሜ ውድድር የፊታችን ሰኞ ከቀኑ 9፡15 ላይ ይካሄዳል።
የሴቶች 800 ሜትር ማጣሪያ
የሴቶች 800 ሜትር ማጣሪያ በስድስት ቡድን ተከፍሎ ከሌሊት 10፡25 እስከ ንጋት 11፡05 ድረስ ተካሂዷል።
በሦስተኛ ቡድን ውስጥ የነበረውችው አትሌት ሀብታም ዓለሙ 2:01.20 በሆነ ሰዓት 2ኛ በመውጣት ማጣሪያውን አልፋለች።
በአራተኛው ቡድን ውስጥ የነበረችው አትሌት ነፃነት ደስታ ግን በ2:01.98 ሰዓት 4ኛ በመውጣቷ ማጣሪያውን ማለፍ ሳትችል ቀርታለች።
ዛሬ የሚካሄዱ ሌሎች ውድድሮች
ዛሬ ዓርብ ከሚካሄዱ ሌሎች የአትሌቲክስ ውድድሮች መካከል የወንዶች 10 ሺህ ሜትር ፍጻሜ ይጠበቃል።
ኢትዮጵያ በዚህ መስክ በሰለሞን ባረጋ፣ በዮሚፍ ቀጄልቻ እና በበሪሁ አረጋዊ የምትወከል ሲሆን፤ ውድድሩም ከቀኑ 8፡30 ላይ እንደሚካሄድ የቶኪዮ 
BBC Amharic : አባቷ ለኢትዮጵያ የንግድ መርከብ ድርጀት ይሠሩ ስለነበር ዮዲት ከቤተስቧ ጋር ከአንድ አገር ወደ ሌላ አገር በመዘዋወር ነው ያደገችው።
ዩናይትድ ኪንግደም ውስጥ በመወለዷና በተለያዩ አገራት እየተዘዋወረች በማደጓ “አብዛኛውን ጊዜ በጭንቅላቴ ውስጥ ነው የምኖረው፤ ምክንያቱም መርከብ ላይ ጊዜ እንዲሁ በቀላሉ አያልፍም። ለማሳለፍ ደግሞ ብዙ የጭንቅላት ሥራን ይጠይቅ ነበር” ትላለች።
ወደ ፕሮግራሚንግ ዓለም ስትቀላቀል በእርሷ ዕድሜ የነበሩት ልጆች ሃሳብ ወደ ጨዋታ ያዘነብል የነበረ ቢሆንም፣ ዮዲት ግን የመጀምሪያው ላፕቶፕ ኮምፒውተሯን አስተማሪዋ እንደ ስጦታ ካበረከተላት ጊዜ አንስቶ ቴክኖሎጂ ዓለሟ ሆነ።
የአስተማሪዋ ለጋሽ መንፈስ እዚህ፣ ማለትም ዛሬ ለደረሰችበት ቦታ እንዳበቃት ምስክርነት የምትሰጠው ዮዲት፣ ያንን ውለታ ዘወትር ታስታውሳለች።
ዮዲት ወደ አሜሪካ ሚሺገን ለትምህርት ተልካ በነበረበት ወቅት፣ ካርል የሚባል የሁለተኛ ደረጃ አስተማሪዋ ለኮምፒውተር ፕሮግራሚንግ ያላትን ፍቅር በማየት ካገለገሉ ዕቃዎች መደብር የመጀመሪያ ላፕቶፕ ኮምፒውተሯን ገዝቶ እንዳበረከተላት ትናገራለች።
ዮዲት ነዋሪነቷት በዩናይትድ ኪንግደም ቢሆንም አብዛኛውን ጊዜ ባሕር እና ውቅያኖስ ላይ ስታሳልፍ፣ መሬት ስትረግጥ ደግሞ በኢትዮጵያና በሌሎች አገራት መካከል ነው ያደገችው።
የ’ኦፕን ሴንሰርስ’ መስራች የሆነችው ዮዲት “ከፕሮግራሚንጉ ባሻገር፣ እናትም ነኝ” ትላለች።
“ውብ እና ጎበዝ ሁለት ሴት ልጆች አሉኝ። በተለይ በኮቪድ ወቅት ሥራዬንም 
ከሁለት የበይነ መረብ መገናኛ ብዙኃን የተውጣጡ የሚዲያ ሠራተኞችን ጉዳይ በተመለከተ አካልን ነጻ የማውጣት አቤቱታ እየተመለከተ ያለው ፌደራል ፍርድ ቤት፤ ፖሊስ በፈንታሌ ወረዳ ጋዜጠኞቹን ለግዜ ቀጠሮ ማቅረቡን የሚያስረዳ ሰነድ እንዲልክ ትዕዛዝ ሰጠ።
በእስር ላይ ያሉት 14 የመገናኛ ብዙኃን ሠራተኞች በፖሊስ ቁጥጥር ሥር ከዋሉ በኋላ ጠበቆች እንዲሁም ቤተሰቦቻቸው ሊያገኟቸው ባለመቻላቸው እና ታስረው በነበሩበት አካባቢ ባለ ፍርድ ቤት አለመቅረባቸውን ተከትሎ ነበር አካልን ነጻ የማውጣት አቤቱታው የቀረበው።
ፖሊስ ሰኞ በችሎት ቀርቦ የግዜ ቀጠሮ እንዲፈቀድለት ያቀረበውን አቤቱታ የሚያስረዳ ሰነድ ለችሎቱ ያቀረበ ሲሆን፤ ጋዜጠኞቹ ከ24 ቀናት በኋላ የት እንደሚገኙ አስታውቋል።
ፍርድ ቤት የግዜ ቀጠሮውን የፈቀደበትን ሰነድ ፖለስ ይዞ ባለመቅረቡ ለትላንት ሃሙስ ይህንኑ ሰነድ እንዲያቀርብ ቀጠሮ ሰጥቶ ነበር። በዚህም መሠረት ፖሊስ ከአፋር ክልል፣ ፈንታሌ ወረዳ ፍርድ ቤት ግዜ ቀጠሮ ተፈቅዶበታል ያለውን ሰነድ አቅርቧል።
ፌደራል ፖሊስም ባለ ስምንት ገጽ ሰነድ ለችሎቱ አቅርቧል። ማስረጃዎቹ ለፖሊስ የተሸኙበት ደብዳቤም የግዜ ቀጠሮ ትዕዛዙ 19/11/2013 ዓ. ም. የሰጠ መሆኑን ያመላክታል።
በእስር ላይ ያሉት 14 የሚዲያ ሠራተኞችም በሶሦስት የተለያዩ መዝገቦች ተከፍለው ለግዜ ቀጠሮ ችሎት መቅረባቸውን እና ፖሊስ የጠየቀው ግዜ መፈቀዱን የሚያሳዩ ሦስት የተለያዩ ሰነዶችን ፖሊስ ለችሎቱ አቅርቧል።
ምንም እንኳን የመሸኛ ደብዳቤው የግዜ ቀጠሮ ትዕዛዙ ሐምሌ 19 ተሰጠ ቢልም፤ በውስጥ የተያያዙት የፍርድ ቤት ግልባጭ ማስረጃዎች ግን ግዜ ቀጠሮው ሰኔ 29 የተሰጡ ትዕዛዞች መሆናቸውን ያመለክታሉ።
በእስር ላይ የሚገኙት ጋዜጠኞች ጠበቃም በችሎት ፌደራል ፖሊስ ያቀረበው ሰነድ ተአማኒነት 
የአማራ ክልል ፕሬዚዳንት አገኘው ተሻገር በተለያዩ ግንባሮ ህወሓት በአማራ ሕዝብ ላይ ጦርነት መክፈቱን ገልፀው ይህንን በህልውና ላይ የተከፈተውን ጦርነት ለመመከት ለሚካሄደውና እና የህልውና ዘመቻ በሚል ለጠሩት ዘመቻ እሁድ ሐምሌ 18/2013 ዓ.ም የክተት ጥሪ ማድረጋቸው ይታወሳል።ይህን ጥሪ ተከትሎም በአማራ ክልል የተለያዩ ከተሞችና በድሬደዋ አደጋውን ለመከላከል ለመዝመት ዝግጁ መሆናቸውን በመግለጽ ሰዎች ሰልፎች ሲያካሄዱ መስንበታቸው ገልፀን የሰልፉን ተሳታፊዎች ማነጋገራችን ይታወሳል።
በትናንትናው ዕለቱም ቅጥራቸው በሺዎች የሚገም ነዋሪዎች የተሳተፉበት ሰልፍ በባህር ዳር ከተማ መካሄዱን በዘገባችን አስደምጠናል። የባህር ዳር ተቀዳሚ ከንቲባ ዶ/ር ድረስ ሳህሉ በሰልፉ ላይ ባሰሙት ንግግር ዓለም አቀፍ ማኅበረሰብ የኢትዮጵያ መንግሥት በአሸባሪነት የፈረጀውን ህወሓት መደገፉን ማቆም አለበት ብለዋል። በዚህ ጉዳይ ላይ በአሁኑ ሰዓት ትግራይ ክልልን በማስተዳደር ላይ የሚገኘው ህወሓትን ምላሽ እንዳገኘን እንደምናስደምጣችሁ ገልፀን ለዛሬ በይደር አቆይተነው የነበረ ሲሆን በስልክ ግንኙነት መቋረጥ ምክንያት በቀጥታ ምላሻቸውን ማግኘት ስላልቻልን የክልሉ መንግሥት ተወካይ መሆናቸውን የተናገሩት አምባሳደር ፍሰሃ አስገዶም ምላሽ ሰጥተዋል።
ዝርዝሩን ከተያያዘው የድምፅ ፋይል ያዳምጡ። 
ከ1600 ዓመታት በኋላ የኢትዮጵያ ኦርቶዶክስ ተዋሕዶ ቤተ ክርስቲያን በሯሳ ጳጳሳት እንድትመራ ሲፈቀድላት አቡነ ጴጥሮስ ከአምስቱ አንዱ በመሆን ግንቦት 18 ቀን 1921 ዓ.ም ጵጵስና ተሾሙ።
ሐምሌ 22 ቀን 1928 የፋሽስት ጣሊያን ጦር ኢትዮጵያን በግፍ በወረረበት ወቅት ብፁዕ አቡነ ጴጥሮስ ሕዝቡም ሆነ ምድሪቷ ለወራሪው ጠላት እንዳይገዙ በማውገዛቸው ምክንያት ጣሊያኖች በአደባባይ በጥይት ገደሏቸዋል።
የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ በጥቅምት 12 ቀን 1998 ዓ.ም ‹‹አቡነ ጴጥሮስ ሰማዕት ጻድቅ ዘኢትዮጵያ›› ቅዱስ /ሰማዕት/ ብሎ አጽድቋል።
የሰሜን ሸዋ ሰላሌ ሃገረ ስብከት በየዓመቱ ሐምሌ 22 ቀን ሰማዕቱ ብፁዕ አቡነ ጴጥሮስ የተገደሉበትን (ሰማዕት የሆኑበትን) የመታሰቢያ በዓል በደማቅ ክብረ በዓል ያከብራሉ። ለመታሰቢያቸውም በተወለዱበት ፍቼ ከተማ ሕንጻ ቤተ ክርስቲያን በስማቸው ታንጾላቸዋል፡፡
የብፁዕነታቸውን አኩሪ ታሪክ ትውልድ ሲዘክርላቸው እንዲኖር መታሰቢያ ይሆናቸው ዘንድ በግርማዊ ቀዳማዊ ንጉሰ ነገሥት አሳሳቢነት ሐምሌ 16 ቀን 1938 ዓም ቆሞላቸዋል።
የሰማዕቱ የብጹዕ አቡነ ጴጥሮስ 85ኛ ዓመት መታሰቢያ በዓልም በዛሬው ዕለት በሰማዕትነት በአደባባያቸው ተከብሮ ውሏል።
Photo፡ ኮረማሽ የጉዞ ማህበር
የደቡብ አፍሪካ የውጭ ጉዳይ ሚኒስቴር ህብረቱ 55 አባል አገሮችን ሳያማክር ‹‹ የአንድ ወገን ›› ውሳኔ አሳልፏ ሲል ነው የከሰሰው፡፡
የአገሪቱ የዓለም አቀፍ ግንኙነት እና ትብብር መምሪያ “ውሳኔው በፍልስጥኤም ጭቁን ህዝቦች ላይ የቦምብ ናዳ በወረደባቸው አመት መሆኑና መሬታቸው በህገወጥ በተወረረበት ወቅት መሆኑ የበለጠ አስደንጋጭ ያደርገዋል” ሲል አስታውቋል።
“እስራኤል የፈጸመቻቸው ኢ-ፍትሃዊ እርምጃዎች የአፍሪካ ህብረት የተቋቋመበት አላማና መንፈስን የሚጥስ ነው” መሆኑንም አክሏል፡፡
ደቡብ አፍሪካ ለአፍሪካ ህብረት ኮሚሽን ሊቀመንበር ሙሳ ፋኪ መሃመት ለአባል አገራት ገለፃ እንድትሰጥ ትጠይቃለች ብሏል በመግለጫው።
የደቡብ አፍሪካው ተቃዋሚ ፓርቲ የኢኮኖሚ ነፃነት ታጋዮች (ኢ.ፌ.ኤፍ ) በበኩሉ የሊቀ መንበሩ ሙሳ ፋኪ መሃመት ውሳኔ አሳፋሪ እና “ በፍልስጥኤም ሰብአዊ መብቶች ላይ የተፈጸመ ጥቃት” በማለት ስልጣናቸውን እንዲለቁ ጥሪ አስተላልፏል።
እስራኤል በአፍሪካ አንድነት ድርጅት የታዛቢነት ቦታ የነበራት ቢሆንም ድርጅቱ በ2003 በአፍሪካ ህብረት ሲተካ የታዛቢነት ስፍራዋ አብቅቶ ነበር እንደ ቢቢሲ አፍሪካ ዘገባ።
ለአመታት ያህልም የታዛቢነት ስፍራ ለማግኘት የጣረችው እስራኤል በአንዳንድ የአፍሪካ ህብረት አባል አገራት ተቀባይነት በማጣቱ ሳይሳካ ቀርቷል፡፡
————————————————————————————————————————————
የአፍሪካ አንድነት ድርጅት ወደ አፍሪካ ህብረት መቀየሩን ተከትሎ በቀድሞው የሊቢያ መሪ ሙዓመር ጋዳፊ ወትዋችነት ከአፍሪካ ህብረት ታዛቢ አባልነት እንድትገለል ተደርጋ የነበረችው እስራኤል ታዛቢ ሀገር በመሆን የአፍሪካ ህብረትን በድጋሚ ተቀላቀለች፡፡
የእስራኤል ታዛቢነት በመደበኛ ደረጃ ከአፍሪካ ህብረት ጋር መመስረቱ፤ ሁለቱ አካላት በጋራ ኮቪድ-19 ለመዋጋት፣ ፅንፈኛ ሽብርተኝነት በመላው አህጉሪቱ እንዳይስፋፋ ለመከላከል እና ሌሎች ጉዳዮች ላይ መተባበር የሚችሉባቸዉን ምቹ ሁኔታዎችን ይፈጥራል 
የውጭ ጉዳይ ሚንስቴር ቃል አቀባይ ዲና ሙፍቲ የሱዳን ጦር በኢትዮጵያ ድንበር አካባቢ ድልድዮችንና ወታደራዊ ሰፈሮችን ለመገንባት እየተንቀሳቀሰ እንደሚገኝ አስታወቀ።
የሱዳን ጦር በኢትዮጵያ ድንበር አካባቢ ድልድዮችንና ወታደራዊ ሰፈሮችን በድንበር አካባቢ የጦር ሰፈር ለመገንባት እያደረገች ያለችው እንቅስቃሴ እያደረገች መሆኑን እና ይህ አይነቱ እንቅስቃሴ ስለማይጠቅማት ከድርጊቷ መቆጠብ አለባት ሲሉ አምባሳደር ዲና አሳስበዋል።
ኢትዮጵያ የድንበሩን ጉዳይ ለአለም አቀፉ ማህበረሰብ እያስረዳች መሆኑን የገለፁት አምባሳደር ዲና፣ ለተባበሩት መንግስታት ድርጅት ተወካይ ገለፃ ተደርጎላቸዋል ብለዋል።
የተባበሩት መንግስታት ድርጅት በምክትል ፀሃፊነት የፖለቲካና የሠላም ግንባታ ዘርፍ ሃላፊ ሮዝመሪ ዲካርሎ ከሰሞኑ በኢትዮጵያ ጉብኝት አድርገው በኢትዮጵያ ባለስልጣናት ስለድንበር ጉዳዩ ገለፃ እንደተደረገላቸው አምባሳደር ዲና ኣሳውቀዋል።
ሃላፊዋ ድርጅቱ የኢትዮጵያን ጉዳይ በቅርበት እንደሚከታተለው መግለፃቸውን አስታውሰዋል።
መረጃው የኢትዮ ኤፍ ኤም 107.8 ነው። 
የተመድ የሰብዓዊ ጉዳዮች ምክትል ጸሃፊና የአስቸኳይ ጊዜ እርዳታ አስተባባሪ ማርቲን ግሪፍትስ ኢትዮጵያ ይገኛሉ።
ግሪፍትስ በኢትዮጵያ የስድስት ቀናት ጉብኝት የሚያደርጉ ሲሆን የመጀመሪያው ቀን ጉብኝታቸው ዛሬ ተጀምሯል።
በጉብኝቱ ወቅት ግሪፍትስ ከፍተኛ የመንግስት ባለስልጣናትን እና ከሰብአዊና ለጋሽ ማህበረሰብ ተወካዮች ጋር ተገናኝተው ይመክራሉ ተብሎ ይጠበቃል።
በቅርቡ የተሾሙት አስተባባሪው፥ በስራቸው የመጀመሪያውን ጉብኝት ወደ ኢትዮጵያ በማድረጋቸው መደሰታቸውን ገልጸዋል፡፡
ማርቲን ግሪፍትስ በቆይታቸው በትግራይ እና አማራ ክልሎች ጉብኝት ያደርጋሉ ተብሎ እንደሚጠበቅ ከተመድ የሰብአዊ ጉዳዮች ማስተባበሪያ ፅሀፈት ቤት አሳውቋል። 
በወልቃይት ግንባር ፣ በዋግ ግንባር፣ በራያ ግንባር ውጊያ እየተካሄደ መሆኑ ለማወቅ ተችሏል። በተለይም በምስራቁ ቀጠና ላይ ከባድ ውጊያ ስለመኖሩ ተሰምቷል።
የአማራ ክልል መንግስት ኮሚኒኬሽን ውጊያ ባለበት ግንባር ሁሉ ህወሓት ሽንፈትን እየተከናነበ እንደሚገኝ እየገለፀ ይገኛል። ነገር ግን ከውጊያ ስትራቴጂ አንፃር ቦታዎችን መያዝ እና መልቀቅ ሊኖር እንደሚችል በማንሳት እስካሁን ህወሓት አሸንፎ የያዘው ቦታ እንደሌለ ገልጿል።
በቆቦ እና ዙሪያዋ ውጊያ መኖሩን ያሳወቀው የአማራ ክልል መንግስት ህወሓት ላይ ድል እየተጎናፀፍን ነው ብሏል። የህወሓት ኃይል ይዧቸዋለሁ ባላቸው ቦታዎች ውጊያ መቀጠሉን የህወሓትም የፌዴራል እና የክልል የፀጥታ ኃይሎች መኖራቸውን አሳውቋል።
ውጊያ እየተደረገ ያለው እጅግ ከከፍተኛ የሰው ቁጥር ነው ፤ በብዛት ሆነው ነው እየመጡ ያሉት ብሏል የክልሉ መንግስት።
እየተደረገ ባለው ጦርነት ከፍተኛ የሰው ቁጥር እያለቀ ነው የሚለው የአማራ ክልል ህወሓት ከ18 ዓመት በታች የሆኑ እድሜያቸው ያልደረሰ ልጆችን በግዳጅ እያዘመተ ይገኛል ብሏል።
የትግራይ እናቶች ልጆቻቸውን መላክ የለባቸውም የተላኩትም የት እንደደረሱ መጠየቅ አለባቸው ሲል ገልጿል። የአማራ ክልል ህዝብ እንዲሁም የኢትዮጵያ ህዝቡ ለህልውና ዘመቻው እያደረገ ያለው ድጋፍ የሚደነቅ መሆኑን አንስቷል።
በሌላ በኩል ከፌዴራልና ክልል የፀጥታ ኃይሎች ጋር ጦርነት ላይ ነኝ የሚለው የህወሓት ኃይል በተለያዩ ግንባሮች ወደፊት እየተጠጋ መሆኑን እየገለፀ ሲሆን የተለያዩ ቦታዎችንም እየተቆጣጠርኩ ነው ብሏል ፤ የኢትዮጵያ መንግስት እድሜያቸው ያልደረሱ ልጆች በጦርነቱ ውስጥ እየማገደ ነው ለህልውናችን ስልን ጦርነቱን እንቀጥላል ብሏል። 
የወልዲያ ከተማ ሰላም መሆኗን የከተማ አስተዳደሩ አሳውቋል። በፀጥታ ስጋት ምክንያት ከተማይቱን ለቀው ወደአጎራባች ከተሞች የሄዱ ዜጎች መኖራቸው የታወቀ ሲሆን የከተማ አሰተዳደሩ ነዋሪዎቹን ለመመለስ እንደሚሰራ ገልጿል። በአሁን ሰዓት በከተማዋ ምንም የተለየ የፀጥታ ችግር እንደሌለ የተገለፀ ሲሆን የከተማው የፀጥታ ኃይል እና ወጣት በቀንና በማታ ጥብቃ እያደረጉ መሆኑን ለማወቅት ተችሏል።
በተለይም በከተማው የውስጥ ለውስጥ መንገዶች፣ የመግቢያ እና መውጫ ኬላዎች ፍተሻና ጥበቃ እየተደረገ ነው። በፕሮፖጋንዳ እና በሀሰተኛ መረጃ ምክንያት አካባቢያቸውን ለቀው የወጡ ሰዎች ወደቤታቸው እንዲመለሱ ለማድረግ ከሄዱበት ከተማ ጋር ንግግር እየተደረገ ይገኛል። ሁሉም የከተማው ነዋሪው አካባቢውን በንቃት እንዲጠብቅ እና ከሀሰተኛ መረጃ እና አሉባልታ እራሱን እንያቅብ ጥሪ ቀርቧል።
በአሁን ሰዓት የሀገር መከላከያ፣ የአማራ እና የሌሎች ክልል ልዩ ኃይሎች በጋራ በጉባላፍቶ ወረዳ እና በራያና ቆቦ ወረዳ አካባቢ ግዳጅ ላይ ተሰማርተው ስምሪት ወስደው ትግል ላይ መሆናቸው ተገልጿል። እስካሁን ባለው ሁኔታ ወደከተማው እየቀረበ ያለ የተለየ ሁኔታ እንደሌለ እና ሰላማዊ የዕለት ተዕለት እንቅስቃሴ መቀጠሉን የወልዲያ ከተማ አስተዳደር አሳውቋል። 
የጎንደር ዩኒቨርሲቲ ዛሬ ባካሄደው የሴኔት ስብሰባ ነው ለአርቲስት ቴዎድሮስ ካሳሁን (ቴዲ አፍሮ) የክብር ዶክትሬት ለመስጠት የወሰነው፡፡
–
አርቲስት ቴዎድሮስ ካሳሁን (ቴዲ አፍሮ) ቅዳሜ ሐምሌ 24/2013 ዓ.ም በተማሪዎች ምረቃ ዕለት ተገኝቶ የክብር ዶክትሬቱን የሚቀበል ይሆናል በማለትም ዩኒቨርስቲው አስታውቋል፡፡
–
“ክብርህን ጠብቀህ ኢትዮጵያን ስላከበርክ ጎንደር ዩኒቨርሲቲ ይህን ክብር አበርክቶልሃል” በማለትም ይኒቨርስቲው ለአርቲስት ለቴዎድሮስ ካሳሁን ያለውን አድናቆት ገልጿል፡፡
–
(አሚኮ)
መንግስት ያሳለፈውን የተናጠል የተኩስ አቁም ውሳኔ ወደ ጎን በማለት በአማራ እና በአፋር ክልሎች ላይ ትንኮሳ እየፈጸመ ያለው ህወሓት በአፋር ክልል ዞን አራት እዋ በተባለው ወረዳ ያሰማራቸው ሶስት ክፍለጦሮች መደምሰሳቸውን የኢትዮጵያ ፕሬስ ድርጅት ምንጮች አረጋግጠዋል።
–
በዚህ አሸባሪውን የመደምሰስ እርምጃ ላይ ሶስት ክፍለጦር ከጥቅም ውጭ የተደረገ ሲሆን፤ በርካታ ቁጥር ያለቸው ተማርከዋል፡፡ ከእነዚህም መካከል አብዛኛዎቹ ህጸናት መሆናቸውን ምንጮቻችን ጨምረው ገልጸዋል።
–
የአሸባሪውን ታጣቂዎች ከአካባቢው ጠራርጎ ለማስወጣት የአፋር ልዩ ሀይልና መከላከያ በቅንጅት በወሰዱት እርምጃ የተማረኩ የህወሓት አመራሮች በሰጡት ቃል፤ እምቢተኛው የሽብር ቡድን ህዋሃት በአፋር ክልል በድምሩ ሶስት ክፍለ ጦሮችን አሰማርቶ እንደነበር አስረድተዋል። አንደኛው ክፍለ ጦር በተወሰደበት ከባድ እርምጃ ሙሉ በሙሉ ከጥቅም ውጭ መሆኑና መደምሰሱን ምርኮኞቹ አረጋግጠዋል፡፡
–
የህወሓት ቡድን የተቀሩት ሁለቱ ክፍለ ጦሮች ደግሞ ከፍተኛ የሆነ የቀለብ፣ የጥይትና መሰል የሎጀስቲክስ አቅርቦት ችግር ውስጥ እንዳሉ ምርኮኛ አመራሮች በማማረርና በስሜት ማስረዳታቸውን ምንጮቻችን አረጋግጠዋል፡፡ አሸባሪው በምሥራቅ ግንባር የነበረው ዕቅዱ በመከላከያ እና በአፋር ልዩ ኃይል መክሸፉም ተገልጿል።
Photo File
“በኢትዮጵያ የትግራይ ክልል እና የአማራ ክልል መካከል እየተካሄደ ያለውን ግጭት ሸሽተው በሚቀጥሉት ቀናት 5000 ኢትዮጵያውያን ስደተኞች ድንበር ተሻግረው ሱዳን ይገባሉ እንጠብቃለን” ሲሉ አንድ የሱዳን ባለሥልጣን ዛሬ መናገራቸውን አዣንስ ፍራንስ ፕሬስ ዘገበ፡፡
ዘገባው አክሎም በዚሁ ሳምንት ውስጥ ሦስት ሽህ ኢትዮጵያውያን ድንበር ተሻግረው ሱዳን መግባታቸውን እና አጠቃላዩ በሀገሪቱ ያሉት ኢትዮጵያውያን ስደተኞች ወደ ስድሳ ሽህ መቃረቡን አመልክቷል።
ውጊያው እየተባባሰ በመሆኑ በቀጣዮቹ አርባ ስምንት ሰዓታት ውስጥ አምስት ሽህ ጥገኝነት ጠያቂዎች ይገባሉ ብለን እንጠብቃለን ሲሉ የሱዳን ከሰላ ክፍለ ግዛት ባለሥልጣን መናገራቸውን ዘገባው ጠቅሷል።
እየጣለ ባለው ከባድ ዝናብ የተነሳ ሁለቱ ሀገሮች መካከል ያለው ወንዝ ሞልቶ በጎርፍ በመጥለቅለቁ ሊሻገሩ የሞከሩ ሦስት ኢትዮጵያውያን መስጠማቸው ባለሥልጣኑ መናገራቸውን ዘገባው ጠቅሷል።
በትግራይ ክልል ውጊያው ከተቀሰቀሰ ወዲህ በሺዎች የተቆጠሩ ሰዎች መገደላቸውን እና ከአራት መቶ ሺህ የሚበልጡ ለረሃብ መዳረጋችውን የተመድን ጠቅሶ ያወሳው ዘገባው በግዛት ይገባኛል ጉዳይ ለበርካታ ዓመታት የትግራይ ክልል እና የአማራ ክልል የተጣመዱበት ጭቅጭቅ ባሁኑ ወቅት የግጭቱ ዋነኛ ጉዳይ እየሆነ መምጣቱን አመልክቷል።
ባለፈው አርብ የዓለም የምግብ ፕሮግራም ትግራይ ውስጥ ስላለው ሰብዓዊ ሁናቴ እጅግ በጣም ስጋት አድሮብናል፤ ከባድ የምግብ እና የሌላም አቅርቦት ችግር ተፈጥሯል ማለቱን ዘገባው አክሎ ለአራት ሚሊዮን በአጣዳፊ የምግብ ችግር ላይ ያሉ ሰዎች ያልተገደበ የሰብዓዊ ረድኤት ተደራሽነት ሊኖር እንደሚገባ ማሳሰቡን ዘገባው አውስቷል።
የኢትዮጵያ መንግሥት የትግራይ ማዕከላዊ ወታደራዊ ኮማንድ አዛዥ ሌተናል ጄነራል ታደሰ ወረደ እና ምክትላቸው ሜጀር ጄኔራል ዮሐንስ ወልደ ጊዮርጊስ ጨምሮ በ74 ወታደራዊ መኮንኖች እና የቀድሞ የትግራይ ክልል የጸጥታ ተቋማት ኃላፊዎች ላይ የሽብር ክስ መሠረተ።
ከአዛዦች በተጨማሪ የትግራይ ማዕከላዊ ወታደራዊ ኮማንድ የስልጠና፣ የሎጂስቲክስ እና የትጥቅ ኃላፊዎች፤ የትግራይ ክልል የጸጥታ እና የሚሊሺያ ቢሮ አመራሮች እና የክልሉ ቀድሞ ፖሊስ ኮሚሽነር የኢትዮጵያ ጠቅላይ ዐቃቤ ሕግ ዛሬ ይፋ ባደረገው የተከሳሾች ዝርዝር ውስጥ ተካተዋል።
«የፌዴራል መንግሥትን በሀይል ለመለወጥ በማሰብ፤ በሽብርተኝነት ከተፈረጀዉ ከህዝባዊ ወያኔ ሃርነት ትግራይ አመራሮች ተልእኮ በመቀበል ጥቃት ለማድረስ የሚችል የትግራይ ማዕከላዊ ወታደራዊ ኮማንድ በማደራጀትና በመምራት በትግራይ ክልል በተለያዩ ቦታዎች ላይ በሚገኙ የሰሜን ዕዝ የአገር መከላከያ ሠራዊት አባላት፣ በፌዴራል ፖሊስ እና በፌዴራል የመንግሥት ተቋማት ላይ እንዲሁም በአማራ እና በአፋር ክልሎች በተጨማሪም በኤርትራ ላይ ጥቃት በማድረሳቸው» መከሰሳቸውን የኢትዮጵያ ጠቅላይ ዐቃቤ ሕግ አስታውቋል።
የቀድሞው የኢትዮጵያ ጠቅላይ ኤታማዦር ሹም ጄኔራል ጻድቃን ገብረ ትንሳኤ የኢትዮጵያ ከፍተኛ ፍርድ ቤት 3ተኛ የጸረ-ሽብር ወንጀል ችሎት ክስ ከተመሠረተባቸው አንዱ ናቸው።የኢትዮጵያ መንግሥት ዶክተር ደብረጽዮን ገብረ ሚካኤል እና ምክትላቸው ወይዘሮ ፈትለወርቅ ገብረ እግዚአብሔርን ጨምሮ በ62 የህወሓት እና የቀድሞው የትግራይ ክልላዊ መንግሥት ባለሥልጣናት ላይ ክስ መመስረቱን አስታውቆ ነበር። 
ከጂቡቲ ወደ አዲስ አበባ የሚወስደው ዋነኛ አውራ ጎዳና እንዲሁም ከጂቡቲ ወደብ ወደ አዲስ አበባ ቁሳቁሶች የሚጓጓዙበት የባቡር መስመር መዘጋቱን የሶማሌ ክልል ርዕሰ መስተዳድር ሙስጠፌ መሐመድ ዑመር ለሮይተርስ የዜና ወኪል ገለጹ።
አውራ ጎዳናው ወደ አዲስ አበባ የሚጓዙ የተለያዩ ሸቀጦች ዋነኛ መተላለፊያ መስመር ነው። ሮይተርስ የሶማሌ ክልል ርዕሰ መስተዳድርን ጠቅሶ እንደዘገበው፤ መንገዱና የባቡር መስመሩ የተዘጋው ቅዳሜ ዕለት በሶማሌ ተወላጆች ላይ የደረሰውን ጥቃት በሚቃወሙ የአካባቢው ወጣቶች ነው።የተሽከርካሪዎች መንገዱ እና የባቡሩ መስመሩ መዘጋት ላይ እስካሁን የፌደራሉ መንግሥት ያለው ነገር የለም።
የሶማሌ ክልል መስተዳደር ማክሰኞ በሰጠው መግለጫ እንደተባለው፤ የአጎራባች ክልል አፋር ሚሊሻ ጥቃት ፈጽመዋል። የንብረት ውድመትም አድርሰዋል። ባለፈው ቅዳሜ በአፋር እና በሶማሌ ክልል አዋሳኝ በሆነ የይገባኛል ጥያቄ በሚነሳበት ቦታ በተፈፀመ ጥቃት በመቶዎች የሚቆጠሩ ሰዎች መገደላቸውን የሶማሌ ክልል ኮምዩኒኬሽን ምክትል ኃላፊ አቶ መሐመድ ሮብሌ ለቢቢሲ ገልጸዋል።
ኃላፊው እንዳሉት፤ ቅዳሜ ሐምሌ 17/2013 ዓ. ም በአፋር ክልል ሥር በሚገኘው እና በርካታ የሶማሌ ብሔር ተወላጆች ይኖሩበታል ባሉት ከተማ በንጹሃን ሰዎች ላይ በተፈጸመ ጥቃት ከ300 በላይ ሰዎች ተገድለዋል። የባቡር መስመሩ እና የመንገድ መዘጋቱን የሚያመላክቱ በርካታ ፎቶግራፎች እና ተንቀሳቃሽ ምስሎች በማኅብራዊ ሚዲያዎች ላይ ተሰራጭተዋል።
ማኅበራዊ ሚዲያ ላይ የተለቀቁ ፎቶዎች ተቃዋሚዎች የባቡር መስመሩን እና ዋና አውራ ጎዳናውን በድንጋይ በተቃጠሉ ጎማዎች እና በአፈር ዘግተው ያሳያሉ። የባቡር መስመሩ እና መንገዱ የተዘጉትም የሶማሌ ተወላጅ የሆኑ ሰዎች ግድያን በተቃወሙ የክልሉ ተወላጆች መሆኑ ተመልክቷል።
የሶማሌ ክልል ርዕሰ 
200 ገደማ የሚሆኑ የትግራይ ክልል ተወላጅ የወልዲያ ዩኒቨርሲቲ ተማሪዎች ነገ ወደ ሰመራ ዩኒቨርስቲ እንደሚሸኙ ተገለፀ።
ወልዲያ ዩኒቨርሲቲ ዛሬ ለኢትዮጵያ ኢንሳይደር ድረገፅ በሰጠው ቃል፥ ተማሪዎቹን ለመሸኘት የወሰነው፤ ለመጀመሪያ ዓመትና ነባር የጤና ሳይንስ ተማሪዎቹ ከትላንት ጀምሮ ላልተወሰነ ጊዜ እረፍት መስጠቱን በይፋ ማሳወቁን ተከትሎ ነው።
የወልድያ ዩኒቨርሲቲ ፕሬዝዳንት ዶ/ር አበበ ግርማ፥ በአካባቢው ባለው ጦርነት የደህንነት ስጋት በመኖሩ ተማሪዎቹ ወደ የቤተሰቦቻቸው እንዲመለሱ ከውሳኔ ላይ መደረሱን ገልጸዋል።
በዚህም መሰረት በአሁኑ ወቅት በዩኒቨርስቲው ግቢ ውስጥ የቀሩትን የትግራይ ክልል ተወላጅ ተማሪዎችን፤ በሰመራ በኩል ወደ ትግራይ ለመሸኘት መወሰኑን አስታውቀዋል።
ዶ/ር አበበ፥ ዩኒቨርስቲው ከሳይንስና ከፍተኛ ትምህርት ሚኒስቴር ጋር መወያየቱን ገልፀው፥ የወልድያ ዩኒቨርሲቲ ተማሪዎቹን ሰመራ ዩኒቨርስቲ ካደረሰ በኋላ የሚኒስቴር መ/ቤቱ ተወካዮች ተማሪዎቹን ለመረከብ ከስምምነት ላይ መድረሳቸውን አሳውቀዋል።
በስምምነቱ መሰረት የወልድያ ዩኒቨርስቲ ተማሪዎቹን ነገ ወደ ሰመራ ዩኒቨርስቲ ለማጓጓዝ 4 የራሱን አውቶብሶች መመደቡን ገልፀዋል።
በአካባቢ ባለው የጸጥታ ችግር ምክንያት ተማሪዎቹ በወሎ አድርገው ሰመራ እስከሚገቡ ድረስ በመከላከያ ሰራዊት እና በአማራ ክልል ልዩ ኃይል እጀባ እንደሚደረግላቸው አመልክተዋል።
በወልድያ አካባቢ ባለ የፀጥታ ስጋት የዩኒቨርስቲው ተማሪዎች ግቢውን ለቅቀው መውጣት የጀመሩት ካለፈው ቅዳሜ ነው።
በርካታ ተማሪዎች በራሳቸው ውሳኔ ዩኒቨርስቲውን ለቅቀው ወደ ቤተሰቦቻቸው መሄዳቸው፤ የመማር ማስተማር ሂደቱን እንዳስተጓጎለው የዩኒቨርስቲው አካዳሚክ ፕሬዝዳንት ዶ/ር ሱልጣን መሐመድ ተናግረዋል።
ምንጭ፡ ኢትዮጵያ ኢንሳይደር 
መንግሥት በትግራይ ክልል የወሰነውን የተናጠል የተኩስ አቁም ውሳኔ በመጣስ አሸባሪው ሕወሓት በአጎራባች ክልሎች ላይ ትንኮሳ እየፈጸመ ቢሆንም ዓለም አቀፉ ማኅበረሰብ ዝምታን መምረጡ ጥያቄ የሚነሳበት እንደሆነ የጠቅላይ ሚኒስትር ጽ/ቤት አስታወቀ።
በጠቅላይ ሚኒስትር ጽ/ቤት ፕሬስ ሴክሬተሪ የውጭ ቋንቋዎች እና ዲጂታል ዘርፍ ኃላፊ ዛሬ ለውጪ ሀገር ሚዲያዎች በሰጡት መግለጫ፣ አሸባሪው ቡድን በአማራ እና አፋር ክልሎች በተከታታይነት ትንኮሳ እየፈጸመ መሆኑን ተናግረዋል፡፡ መንግሥት በትግራይ ክልል የተናጠል የተኩስ አቁም መድረሱን በመጥቀስም፥ ሕወሓት ይህን የተኩስ አቁም በይፋ ጥሷል ነው ያሉት።
ይህም ለችግር የተጋለጡ እና እርዳታ የሚፈልጉ ዜጎችን ተደራሽ ለማድረግ እና በአካባቢው ለጥቃት የተጋለጡ የኤርትራ ስደተኞችን ወደ ሰላማዊ አካባቢዎች ለማዛወር በመንግሥት በኩል የተደረገውን ጥረት በማስተጓጎል 6 ኤርትራውያን ስደተኞች መግደሉንም ነው የገለጹት፡፡
ቡድኑ ሕፃናትን ለውትድርና በመመልመል ንጹሃንን እንደ መሸሸጊያ እየተጠቀመባቸው መሆኑን በተጨባጭ ማስረጃ ማረጋገጥ መቻሉን አስረድተዋል፡፡
መላው ሕዝብም ይህን የአሸባሪውን ድርጊት በይፋ ተቃውሞታል ብለዋል፡፡
መንግሥት የደረሰውን የተኩስ አቁም አክብሮ እየተንቀሳቀሰ ይገኛል ያሉት ኃላፊዋ፣ ነገር ግን ዓለም አቀፉ ማኅበረሰብ አሸባሪው ቡድን እየፈፀመ ያለውን ተግባር እንዳልሰማ ዝምታን መምረጡ ጥያቄ የሚነሳበት እንደሆነ ገልጸዋል። 
“መንግስት በትግራይ ክልል የሚገኙ አርሶ አደሮች የዝናቡን ወቅት ተጠቅመው እንዲያርሱ በማለት የተናጥል የተኩስ አቁም ስምምነት ቢያደርግም በአሸባሪነት የተፈረጀው ሕወሃት ውሳኔውን ጆሮ ዳባ ልበስ ብሎ፣ በአዲስ አበባ – ጅቡቲ መስመር ላይ ያሉ ሰብአዊ መተላለፊያዎችን ለማቋረጥ መሞከሩን እና የሰሜን ምስራቁን የሀገሪቱን ክፍል ማጥቃቱን ተናግረዋል።
የውጭ ጉዳይ ሚንስትር ደመቀ መኮንን ይህንን የተናገሩት ከተባበሩት መንግስታት የፖለቲካና የሰላም ግንባታ ጉዳዮች ምክትል ዋና ፀሀፊ ሮዜመሪ ዲ ዲካሎን ጋር በጽህፈት ቤታቸው በተወያዩበት ወቅት ነው፡፡
በውይይቱ ምክትል ጠቅላይ ሚንስትር እና የውጭ ጉዳይ ሚንስትር ደመቀ መኮንን በትግራይ ጉዳይ ላይ ገለፃ አድርገዋል ተብሏል።
ዋና ፀሀፊዋ ዲካርሎ በበኩላቸው የተባበሩት መንግስታት ድርጅት የተኩስ አቁም ስምምነቱ ውሳኔውን እንደሚደግፉ እና ሌላኛው ወገንም እርሱን እንዲከተል ያስፈልጋል ሲሉ መግለፃቸው ተነግሯል።
“ምንም እንኳን ሕወሃት መጥፎ ምግባሩን የቀጠለ እና ለመንግስት በጎ ፈቃድ አክብሮት እንደሌለው ያሳየ ቢሆንም አሁንም የኢትዮጵያ መንግስት ለተኩስ አቁም ስምምነት ቁርጠኛ ነው” ሲሉ ምክትል ጠቅላይ ሚኒስትሩ ማከላቸውም ተመላክቷል፡፡
ዋና ፀሀፊዋ የተባበሩት መንግስታት ኢትዮጵያ የቀጠናው ምሰሶ መሆኗን ይረዳል ማለታቸውን እና ይህንንም በመረዳት ግጭቶችን ሰላማዊ በሆነ መንገድ ለመፍታት መጣር ይገባል ሲሉ ማከላቸውንም ከውጭ ጉዳይ ሚኒስቴር ያገኘነው መረጃ ያመለክታል፡፡
ኢትዮ ኤፍ ኤም 107.8 
የሶማሊ ክልል ልዩ ሀይል በአሸባሪው የአልሸባብ ቡድን ላይ በወሰደው እርምጃ የቡድኑን አባላት መግደሉን አሳውቀ።
አሸባሪው ቡድን በትላንትናው ዕለት በሸቤሌ ዞን ሙስተሂል ወረዳ በድንበር አከባቢ ከነመሣሪያዎቻቸው ገብተው፣ ጥቃት ለመፈፀም በተዘጋጁበት ወቅት የሶማሊ ክልል ልዩ ሀይል በወሰደው እርምጃ ከቡድኑ አባላት ውስጥ አንዱ ሲገደል በሌላኛው ላይም ጉዳት ደርሶበት በሶማሊ ክልል ልዩ ሀይል የህክምና ባለሙያዎች እርዳታ እየተደረገለት መሆኑንና ሌሎቹ የአሸባሪው ቡድን አባላት ከድንበር መሸሻቸውን የሶማሊ ክልል ሰላምና ደህንነት ቢሮ ሀላፊ ዶ/ር ሁሴን ሀሺ ገልፀዋል።
ዶ/ር ሁሴን የሀገሪቱንና ክልሉን ሰላም በተለይ በድንበር አካባቢ ሰላም ለማጠናከር ሌተ ቀን እየተሰራ መሆኑን ተናግረዋል።
ምንጭ፦ የሱማሊ ክልል ቴሌቪዥን 
የፌደራል ጠቅላይ ፍርድ ቤት ኢዜማ በ28 ምርጫ ወረዳዎች ምርጫው እንዲደገም ያቀረበው ቅሬታ ላይ ውሳኔ ለመስጠት ለነገ ሐሙስ ሐምሌ 22 ቀን 2013 ዓ.ም ቀጠሮ ሰጠ
–
የኢትዮጵያ ዜጎች ለማኅበራዊ ፍትህ (ኢዜማ) ሰኔ 14 ቀን 2013 ዓ.ም በተደረገው የሕዝብ ተወካዮች እና የክልል ምክር ቤት ምርጫ የተለያዩ ሕገ ወጥ እና ከመመሪያ ውጪ የሆኑ ተግባራት ከተፈጸመባቸው እና ከበቂ በላይ ማስረጃ በሰበሰበባቸው 28 ምርጫ ወረዳዎች (የምርጫ ክልሎች) ምርጫው እንዲደገም ትዕዛዝ እንዲሰጥለት ለፌደራል ጠቅላይ ፍርድ ቤት 2ኛ የምርጫ ጉዳዮች ችሎት ሐምሌ 14 ቀን 2013 ዓ.ም አቤቱታ ማስገባቱ ይታወሳል።
–
የፌደራል ጠቅላይ ፍርድ ቤት 2ኛ የምርጫ ጉዳዮች ችሎት ሐምሌ 20 ቀን 2013 ዓ.ም በዋለው ችሎት የኢዜማን የይግባኝ ቅሬታ ነጥቦች አዳምጧል። የኢዜማ ጠበቆች በ28ቱ የምርጫ ወረዳዎች ከድምጽ አሰጣጥ ጋር ተያይዞ፥ ከቀበሌ እስከ ክልል ባሉ የገዢው ፓርቲ አመራሮች፣ ከቀበሌ ሚሊሻ እስከ ክልል ልዩ ኃይል ድረስ ባሉ የፀጥታ አስከባሪዎች፣ የምርጫ ጣቢያ የምርጫ አስፈጻሚዎች እና ለጊዜው ማንነታቸውና ሕጋዊ የሥራ ኃላፊነታቸው በግልጽ ያልታወቀ ግለሰቦች በድምጽ አሰጣጥ ሂደት እና በምርጫው ውጤት ላይ እጅግ ከፍተኛ ተጽዕኖ ያሳደሩ እና የኢፌዴሪ ሕገ መንግሥትን፣ የምርጫ አዋጅን እና ምርጫ ቦርድ ያወጣቸውን መመሪያዎች በቀጥታ የሚጻረሩ ተግባሮች መፈጸማቸውን ለፍርድ ቤቱ አስረድተው ይህንንም የሚያስረዱ 192 የሰው ምስክሮች እና ተንቀሳቃሽ ምስሎች ጨምሮ በቂ ማስረጃዎች ከአቤቱታው ጋር መያያዛቸውን ለፍርድ ቤቱ አስረድተዋል።
–
ፍርድ ቤቱ በጉዳዩ ላይ የኢትዮጵያ ብሔራዊ ምርጫ ቦርድ መልስ መስጠት ይገባዋል 
የአሜሪካ የውጭ ጉዳይ መ/ቤት ቃል አቀባይ የሆኑት ጄሊና ፖርተር በኤርትራውያን ስደተኞች ላይ ዛቻ እንዲሁም ጥቃት እየደረሰ እንደሚገኝ ሪፖርቶች እንደደረሷቸው ገልጸዋል። ይህ ጥቃት በአፋጣኝ እንዲገታ አሳስበዋል።
“ከህወሓት ጋር ግንኙነት ባላቸው ታጣቂ ኃይሎች እና በትግራይ ሚሊሻ ኤርትራውያን ስደተኞች ላይ በክልሉ ውስጥ ጥቃት እየተሰነዘረ እንደሆነ የሚያሳዩ አስተማማኝ መረጃዎች ደርሰውናል። ይህም በጣም አስግቶናል” ብለዋል ቃል አቀባይዋ።
በኤርትራውያን ስደተኞች ላይ ጥቃት እየተሰነዘረ እንደሆነ የሚጠቁሙ አስተማማኝ ሪፖርቶች እንደደረሰው የገለጸው የአሜሪካ መንግሥት ሁኔታው በእጅጉ እንዳሳሰበው አመልክቷል።
የአሜሪካ የውጭ ጉዳይ ቃል አቀባይ ጄሊና ፥ “ትግራይ ውስጥ የሚንቀሳቀሱ ሁሉም ታጣቂ ኃይሎች ኤርትራውያን ስደተኞች ላይ ጥቃት መሰንዘር እንዲሁም ዛቻ እንዲያቆሙ እንጠይቃለን” ሲሉ ተናግረዋል።
ስደተኞች፣ ጥገኝነት ጠያቂዎች፣ በግጭቱ ሳቢያ 
4 ሰዎችን አሳፍሮ ከድሬድዋ ወደ ጅግጅጋ ሲጓዝ የነበረ ET-AMl መለስተኛ አውሮፕላን በምስራቅ ሀረርጌ ዞን ኮምቦልቻ ወረዳ ወድቋል።
በፕሌኑ ውስጥ የነበሩ ሰዎች በህይወት መትረፋቸውም ታውቋል፡፡
አውሮፕላኑ ዛሬ ሐምሌ 20 ቀን 2013 ዓ/ም ከቀኑ 11:30 አካባቢ በኮምቦልቻ ወረዳ ቄረንሳ ጋረአሮ በተባለ ቦታ መውደቁን የወረዳው ኮሚኒኬሽን ጽህፈት ቤት ኃላፊ አቶ አብዲ ቡሽራ ተናግረዋል፡፡
ከተሳፋሪዎች መካከል በአንደኛው ተጓዝ ላይ መጠነኛ ጉዳት የደረሰበት በመሆኑ ወደ ድሬደዋ ለህክምና መላኩንም ገልጸዋል፡፡
ሌሎች ተጓዦች በመልካም ጤንነት ላይ መሆናቸውን በስፍራው ተገኝተው እንደተመለከቷቸው የገለጹት ኃላፊው በአካባቢው ያለው የአየር ሁኔታ ጭጋጋማ እንደነበረም ተናግረዋል፡፡
አመሻሽ ላይ በምስራቅ ሀረርጌ ስለወደቀው አውሮፕላን የወረዳው ኮሚኒኬሽን ፅ/ቤት የሰጠው ምላሽ!
ዛሬ አመሻሽ 11 ሰዓት ተኩል አካባቢ አንድ አነስተኛ አዉሮፕላን በኦሮሚያ ክልል ምስራቅ ሀረርጌ ዞን ኮምቦልቻ ወረዳ መዉደቁን የወረዳው ኮሙኒኬሽን ጽ/ቤት አረጋግጧል።
የኮምቦልቻ ወረዳ መንግስት ኮሙኒኬሽን ጉዳዮች ጽ/ቤት ሀላፊ አቶ አብዲ ቡሽራ አራት ሰዎችን የጫነዉ አውሮፕላን ቄረንሳ ቀበሌ ተራራማ ቦታ ላይ መዉደቁን ተናግረዋል።
አውሮፕላኑ ከድሬደዋ ከተማ እንደተነሳና የተባበሩት መንግስታት ድርጅት የአየር ሰብአዊ አገልግሎት የሚል ጽሁፍ እንዳለበትም ተናግረዋል። “በአደጋዉ አንድ ሰዉ ብቻ ቀላል የአካል ጉዳት ደርሶበታል” ብለዋል።
አውሮፕላኑ ውስጥ ከነበሩት ሶስቱ የኢትዮጵያ ዜጋ ሲሆኑ አንዱ የዉጭ ሀገር ዜጋ አንደሆነም አክለዋል። አደጋዉ የደረሰበት ቦታ አየር ሁኔታ በጣም ጭጋጋማ እንደነበር የተናገሩት አቶ አብዲ ቡሽራ የአደጋዉ መንስኤም ይኸዉ የአየር ሁኔታ ሊሆን እንደሚችል ነግረዋል።
በረራው ወዴት እንደነበር የተጠየቁት አቶ አብዲ እርግጠኛ እንዳልሆኑ የተናገሩ 
የዛሬ ውሎን የህልውና ዘመቻ አስመልክቶ የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር ግዛቸው ሙሉነህ የሰጡት አጭር መረጃ።
አሸባሪውን የትህነግ ቡድን እስከወዲያኛው ለመደምሰስ ተጨማሪ የወዳጅ ኃይል በከፍተኛ የትግል ወኔ በሁሉም ግንባሮች በበቂ ስልጠና እና በዉጊያ ጥበብ የተካኑ ጀግና ታጋዮቻችን የትግል ሜዳው ላይ ተቀላቅለዋል።
በዛሬው እለትም አሸባሪው ትህነግ በሀገር መከላከያ ሠራዊታችን፣ በአማራ ልዩ ኃይልና ሚሊሻ ጠንካራ ክንድ እርምጃ እየተወሰደበት ይገኛል። በተለያዩ አውደውጊያ ግንባሮች በርካታ የጠላት ኀይል ተደምስሷል። ምን ያህሉ ተደመሰሱ የሚለውን ለመመለስ ከቁጥሩ መብዛት አንፃር ለመገመት ያስቸግራል።
የትግራይ እናቶች የትህነግን ባዶ ቀረርቶ ከሚሰሙ ልጆቻቸው የት እንዳሉ ቢጠይቁ ምላሹን ያውቁታል። ተገዶ የመጣው የትህነግ የህጻናት እና የእናቾች ቡድን አብዛኛው በሁሉም አውደውጊያ ግንባሮች እየተደመሰሰ ነው። አሸባሪውን ትህነግ ለብልቦ ለመጨረስ በቂ ኃይል ተዘጋጅቷል።
ሌላውና ወሳኙ ጉዳይ ለታጋዮቻችን ስንቅና አጠቃላይ አውደ ዉጊያውን በተሳካ ድል ለመደምደም በውጭም በሀገር ውስጥም ያሉ ወገኖቻችን በገንዘብና በስንቅ እያደረጉ ያሉት ዝግጅት በከፍተኛ ደረጃ ጨምሯል። ከፍተኛ ገንዘብ ተሰብስቧል። የተለያየ አይነት የሠራዊቱ ስንቅም ተዘጋጅቷል። እየተዘጋጀም ይገኛል። ይህንን ገንዘብና ልዩ ልዩ ሬሽኖች ለወገን ታጋዮቻችን ለሎጅስቲክስና የቀለብ ችግር እንዳይገጥመው እየተሠራ ይገኛል።
መላው ሕዝባችንም የክተት ጥሪውን ተከትሎ በከፍተኛ የማሸነፍ ወኔ የሚጠበቀውን ሁሉ እያደረገ ይገኛል።
ሕዝባችን ለህልውና ዘመቻው እያደረገው ያለው የድጋፍ ሰልፍም ውጊያውን ለመቀላቀልና አሸባሪውን ቡድን ለማሰናበት ያለውን ዝግጁነትና ጉጉት የሚያሳይ ነው።
ድል ለአማራ ህዝብ ፣ ድል ለመላ ኢትዮጵያውያን! 
የወልድያ ዩኒቨርሲቲ የ2013 ዓ.ም አዲስ ገቢ ተማሪዎች ግቢውን ለቀው መውጣት ጀምረዋል። በወልድያ ከተማ ዙሪያ ካለው የፀጥታ ሁኔታ ጋር በተያያዘ ተማሪዎቹ ግቢውን ለቀው እንዲወጡ በዩኒቨርሲቲው መታዘዛቸውን ሰምተናል።
ተማሪዎቹ ከቅዳሜ ጀምሮ ግቢውን ለቀው መውጣት መጀመራቸውን አስተያየታቸውን ለቲክቫህ ዩኒቨርሲቲ የሰጡ የወልድያ ዩኒቨርሲቲ ተማሪዎች ተናግረዋል። ዩኒቨርሲቲው ዛሬ ባወጣው ማስታወቂያ “ለተማሪዎቹ የእረፍት ጊዜ መሰጠቱንና ወደየቤተሰቦቻቸው እንዲሄዱ” አዟል። አዲስ ገቢ ተማሪዎቹ ትምህርት ከጀመሩ ገና ሦሥት ሳምንታቸው መሆኑን ገልፀዋል።
ከአዲስ ገቢ ተማሪዎቹ በተጨማሪ ነባር የጤና ተማሪዎችም በዩኒቨርሲቲው ይገኙ የነበረ ሲሆን ሌሎች ነባር ተማሪዎች እረፍት ላይ ይገኛሉ። በጉዳዩ ዙሪያ የወልድያ ዩኒቨርሲቲ የሕዝብ ግንኙነት ዳይሬክቶሬትን ለማናነጋገር ያደረግነው ሙከራ ስልክ ባለመመለሳቸው ምክንያት አልተሳካም። የወልድያ ዩኒቨርሲቲ እና የሳይንስና ከፍተኛ ትምህርት ሚኒስቴር የሚያወጡትን መረጃ ወደናንተ እናደርሳለን።
የወልድያ ዩኒቨርሲቲ ዘንድሮ የተመደቡለትን 4 ሺህ 474 አዲስ ገቢ ተማሪዎች እና በተለያዩ ምክንያቶች ባለፈው ዓመት ትምህርታቸውን ያልተከታተሉ 1 ሺህ 600 ተማሪዎች በድምሩ 6 ሺህ 74 ተማሪዎችን ከ3 ሳምንት በፊት መቀበሉ ይታወሳል። በትግራይ ክልል በሚገኙ ዩኒቨርሲቲዎች ተመድበው የነበሩ አዲስ ገቢ ተማሪዎችን በዝውውር ዩኒቨርሲቲው ተቀብሎ ነበር። ዩኒቨርሲቲው ለመጀመሪያ እና 2ኛ ዲግሪ ነባርና አዲስ የክረምት ተማሪዎች አድርጎት የነበረውን ጥሪ ላልተወሰነ ጊዜ ማራዘሙን መዘገባችን አይዘነጋም።
Tikvah eth 
መከላከያ ሰራዊት ኮረምን እና አላማጣ ከተማን ለቆ ሲወጣ ለምን ለቆ ወጣ የሚል ጥያቄ ሲነሳ ስልታዊ ማፈግፈግ ነው ተባለ።
ሰራዊታችን ቆቦ ከተማ ሆኖ የሽብርተኛው ቡድን ዞብል እና ጋቲራ የተባሉ ቀበሌዎችን ሲይዝ ይህም ወታደራዊ ስትራቴጂ ነው ተባለ።
–
ሰሞኑን ደግሞ ራያ ቆቦ ከተማን ፣ አራዱምን አቧሬን እና ሮቢትን አስረከብን። ዛሬ ደግሞ ከወልዲያ 25ኪሎ ሜትር ርቀት ላይ የምትገኘውን ጎብዬ ከተማን ለመያዝ በር ላይ ቆመዋል። ይህስ ሲባል ስልታዊ ማፈግፈግ ተባለ።
ጥሩ ይሁን ። ግን ስልታዊ ማፈግፈግ ሲባል ታንክ እና ሌሎች ከባድ የጦር መሳሪያዎችን ጥሎ መውጣትንም ይጨምር ይሆን?
–
መከላከያ ሰራዊታችን እና ሲቪሉ እየተደበደበ ያለው በስልታዊ ማፈግፈግ በሚል ጥለነው ባፈገፈግነው መሳሪያ ነው።
ስልታዊ ማፈግፈግ ምን ያህል ኪሎ ሜትር ነው? እስካሁን ከሰባ ኪሎ ሜትር በላይ አፈግፍገናል።
ሰራዊታችን እዚህ ደርሷል እዚያ ገባ የሚለው ምኞቱ ደስ ይላል። መሬት ላይ ያለው ግን የምኞታችንን ያህል አይደለም።
–
ይህንን ደግሞ ሕዝቡ እንጂ ያላወቀው መንግስት እና ታጣቂው ቡድንም ምን እየሆነ እንደሆነ ያውቁታል።
ባለቤቱ የሆነው ህዝብ እውነቱን አውቆ ለምን መፍትሄ በጋራ አንፈልግም? 
➜አሸባሪው ከፌደራል መንግሥቱ ምንም ዓይነት ትዕዛዝ በማይቀበልበት ሁኔታ ከNGO ባለፈ መደበኛ በጀቱን እየላከ ይደግፋቸው ነበር
➜መቀሌ ላይ ተቀምጠው ውስኪ እየጠጡ በተለያዩ የሽብር ጥቃቶች ኢትዮጵያን ሲያምሷት ጠሚው ተመሳሳዩን በማድረግ ፈንታ አገሪቷን ትቶ ቤተ-መንግሥቱን ያሰማምር ነበር።
➜ህውሓት ክልላዊ ምርጫ አድርጎ ዳንኪራውን ሲረግጥ ጠሚው ችግኝ ይተክል ነበረ፤
➜ጌታቸው ረዳ በየቀኑ በቲቪ እየቀረበ “ጨቅላው” እና “ወፈፌው” ሲለው፥ ጠሚው “ደብረ ጽዮንን እገዙት” እያለ ይመልስ ነበር
➜ጁንታው በየሳምንቱ እሁድ ወታደራዊ ትርዒት ሲያሳይ ጠሚው ቀበናን እያለማና ቀይ ቀበሮ እያላመደ ነበረ
➜አሸባሪው ሃይል ከፌደራል ተሹመው የሚላኩ የሰሜን እዝ አዛዦችን በመጡበት አውሮፕላን እየሸኘ ያለመጠን ሲጨማለቅ፥ ጠሚው አቅሙን ከማሳየት ይልቅ አቅም አልባ መባልን መርጦ ነበረ፥
➜ትሕነግ ገዳም መግባት የሚገባቸውን አሮጊቶች መሳሪያ አስይዞ በቲቪ እያቀረበ ጥጋባቸውን ሲያሳይ፥ ጠሚው ከትሕነግ ጋር አስታርቁኝ” ከሚል ልመና ጋር ሽማግሌዎችን ሰብስቦ ወደ መቀሌ ይልክ ነበረ።
➜ከግብጽና ሱዳን ጋር መሥራታቸው አልበቃ ብሎ “ግድቡን ሽጦታል” እያሉ ሲያብጠለጥሉት ጠሚው በሩ ላይ ያለችውን ፒኮክ አሻግሮ እያዬ “ጌታ ይቅር ይበላችሁ” ይል ነበረ። 
➜እንዳጠቃላይ አሸባሪው ሃይል ሰሜን እዝን ጨፍጭፎ በቅራቅርና በራያ በኩል ወደ ሸገር መገስገስ እስኪጀምር ድረስ ጠሚው ፓርክ ልማት ላይ ነበረ፥
.
.
ስለዚህ የትግራ ሕዝብ ጠምዶ መያዝ ያለበት ከውስጡ የወጣውን አሸባሪ እንጂ አራት ኪሎ ያለውን መሪ አይደለም።
አሳዬ ደርቤ 
‹‹አሜሪካ ጦሯን ወደ ኢትዮጵያ እንድታስገባ ተጠይቀናል በሚል የቀረበው ሃሳብ የኢትዮጵያን ሉዓላዊነት የሚጥስ ነው›› – ዶክተር ማናዬ ዘገየ በአዲስ አበባ ዩኒቨርሲቲ የህግ መምህር
(ኢ ፕ ድ) – ጥቂት የአሸባሪው ህወሓት ደጋፊዎች ያቀረቡትን ሃሳብ የአብዛኛው ኢትዮጵያዊ አቋም በማስመስል አሜሪካ ጦሯን ወደ ኢትዮጵያ እንድታስገባ ተጠይቀናል በሚል የቀረበው ሃሳብ የኢትዮጵያን ሉዓላዊነት የሚጥስ እንደሆነ በአዲስ አበባ ዩኒቨርሲቲ የህግ መምህር ዶክተር ማናዬ ዘገየ ገለጹ።
ዶክተር ማናዬ በአሜሪካ ኮንግረስ የአፍሪካ ጉዳዮች ንዑስ ኮሚቴ ሊቀመንበር ኬረን ባስ ሰሞኑን ከአፍሪካ ሕብረት ጋር ባደረጉት ውይይት በትግራይ ላለው ችግር አሜሪካ ጦሯን እንድትልክ ውጭ ባሉ ኢትዮጵያውያን ተጠይቄያለሁ ማለታቸውን በመጥቀስ ፣ይህ አይነቱ ሀሳብ የኢትዮጵያን ሉዓላዊነት የሚጥስ እንደሆነ አስታውቀዋል።
የኮንግረስ አባሏ በውጭ የሚገኙ ጥቂት የአሸባሪው ህወሓት ደጋፊዎች ያቀረቡትን ሀሳብ የአብዛኛው ኢትዮጵያዊ አቋም በሚመስል መልኩ ማቅረባቸው ትክክል እንዳልሆነም አመልክተዋል።
የወታደራዊ ጣልቃ ገብነት ሀሳቡ ምስራቅ አፍሪካን የማተራመስ እቅድ ያለው ነው ያሉት ዶክተር ማናዬ፣ ከቀጠናው አገራት አልፎም የተለያየ ፍላጎት ካላቸው ሃያላን አገራት ብርቱ ተቃውሞ ሊገጥማት እንደሚችል አመልክተዋል።
የኮንግረስ አባሏ ባቀረቡት ሃሳብ በኢትዮጵያ ውስጥ ጉዳይ ወታደራዊ ጣልቃ ገብነት ማድረግ የሉዓላዊነት ህግ ይጥሳል። ብዙ የዓለም አገራት ትኩረት የሆነውን ምስራቅ አፍሪካን የማተራመስ ሴራ ነው ። ከዓለም አቀፉ ማህበረሰብ ሊኖረው የሚችለው ምላሽም ከባድ ነው ብለዋል።
https://www.press.et/ama/?p=52297 
በአሜሪካን ሃገር በሚኖሩ ኢትዮጵያውያንና ትውልደ ኢትዮጵያውያን የተቋቋመው በኢትዮጵያ ዓለም አቀፍ የወጣቶች ህብረት አስተባባሪነት በሳኡዲ አረቢያ በኢትዮጵያዊያን ላይ እየተፈጸመ ያለውን የሰብአዊ መብት ጥሰት በመቃወም በዋሽንግተን የሳኡዲ አረቢያ ኤምባሲ ፊት ለፊት ሰልፍ ወጥተው ድምፃቸው አሰምተዋል።
ሰልፈኞቹ ባስተላለፉት መልዕክት ‘በኢትዮጵያውያን ላይ እየተፈጸመ ያለው የሰብአዊ መብት ጥሰት እንዲቆም’ ጠይቀዋል፤ ‘ሕጻናትና ሴቶች ጥበቃን እንጂ የመብት ጥሰትን አይፈልጉም’ ብለዋል። ሰልፈኞቹ ‘በሳዑዲ አረቢያ የሚገኙ ኢትዮጵያውያን እየደረሰባቸው ያለው በደልና ግፍ አይገባቸውም’ ብለዋል። በሳዑዲ አረቢያ የሚኖሩ ኢትዮጵያውያን “ሥቃያቸው ፣ እንግልታቸው እና መከራቸው እየበዛ መሆኑን ሪፖርት እያሰረጉ ይገኛሉ።
ሕፃናት እየሞቱባቸው እንደሆነ ፣ እህት ወንድሞቻቸውም እየተሰቃዩ እንደሆነ፣ ነፍሰ ጡር ሴቶች እየተሰቃዩ እንደሆነ እያሳወቁ ይገኛሉ። መረጃው ከኢትዮጵያ ዳያስፓራ ኤጀንሲ እና የጀርመን ድምፅ ሬድዮ የተገኘ ነው።
VOA : የትግራይ ክልል ምክር ቤት ከስምንት ወራት በኋላ በአለፈው ቅዳሜ ሐምሌ 17/2013 ዓ.ም. ለመጀመሪያ ጊዜ ጉባዔ ማካሄዱን እና የክልሉ ፕሬዚዳንት ዶ/ር ደብረጺዮን ገብረሚካኤል የአለፉን ስምንት ወራት ሪፖርትና እንዲሁም የክረምት ወራት ያሉትን ዕቅዳቸውን ማቅረባቸውን ጣቅሶ ዘጋቢያችን ከመቀሌ ያጣናቀረው ዘገባ አድርሶናል።
“የትግራይ ህዝብ ላይ ይፈጸማል ብሎ የማይገመት ግፍ” ያሉት ቢፈጸምበትም “ችሎ በመታገል ድል እየተቀዳጀ ነው” ማለታቸውንም ዘግቧል።
በሌላ በኩል የኢትዮጵያ ፓርላማ የቀድሞውን የትግራይ ክልል መሪዎች በአሸባሪነት መፈረጁ እና በቅርቡም የሃገሪቱ ጠቅላይ አቃቤ ህግ ሃገር ለማፍረስ እና መንግሥት በኃይል ለመገልበጥ በማሴር ወንጀል ይፈለጋሉ ያላቸውን ስም ዝርዝር ይፋ ማድረጉ ይታወሳል።
ዝርዝሩን ከተያያዘው የድምፅ ፋይል ያዳምጡ። 
(ኢዜአ) በመቀሌ ዩኒቨርስቲ የነበሩ 324 ተማሪዎች ዛሬ ከአፋር ክልል ሠመራ ከተማ ወደ አዲስ አበባ መሸኘታቸውን የሠመራ ዩንቨርስቲ አስታወቀ።
–
የመከላከያ ሠራዊት የትግራይ ክልልን ለቆ ከወጣ ጀምሮ በክልሉ ዩኒቨርስቲዎች የሚማሩ ተማሪዎች ጉዳይ ወላጆችን ሲያሳስብ ቆይቷል። የተማሪ ወላጆችም የተባበሩት መንግስታት ድርጅትና መንግስት ልጆቻቸውን እንዲያገናኛቸው ሲጠይቁ መቆየታቸው ይታወሳል።
–
የሠመራ ዩኒቨርስቲ ምክትል ፕሬዚዳንት ዶክተር አብዱራህማን ከድር ለኢዜአ እንዳሉት፤ ትናንት ማታ ከአፋር አብዓላ ድንበር 324 ተማሪዎች ወደ ሠመራ ዩኒቨርስቲ ገብተዋል። ተማሪዎቹ ሠመራ ዩኒቨርስቲ አድረው ዛሬ ወደ አዲስ አበባ መሸኘታቸውንም ገልጸዋል። ተጨማሪ ከ400 በላይ ተማሪዎች ከአብዓላ ወደ ሠመራ ከተማ ዛሬ እንደሚገቡም ተናግረዋል።
–
ተማሪዎቹ በሙሉ ጤንነት ላይ እንደሚገኙና የሠመራ ዩኒቨርስቲ አስፈላጊውን መስተንግዶ አድርጎ ወደ አዲስ አበባ እንደሸኛቸውም ዶክተር አብዱራህማን አረጋግጠዋል።
በአሜሪካን ሃገር በሚኖሩ ኢትዮጵያውያንና ትውልደ ኢትዮጵያውያን በተቋቋመው ሰላምና አንድነት ለኢትዮጵያ ማህበር አስተባባሪነት ለታላቁ የኢትዮጵያ ህዳሴ ግድብ ግንባታ ሃብት ለማሰባሰብና ለሃገር መከላከያ ሰራዊት ድጋፍ ለማሳየት ታላቅ የኢትዮጵያዊነት ትዕይንት በዋሽንግተን ዲሲ ተካሄደ። በመድረኩ ላይ በዋሽንግተን የኢፌዴሪ ባለሙሉ ስልጣን አምባሳደር አምባሳደር ፍጹም አረጋና በተባበሩት መንግስታት ድርጅት የኢፌዴሪ ቋሚ ተጠሪ አምባሳደር ታዬ አጽቀስላሴ በክብር እንግድነት ተገኝተው መልዕክት አስተላልፈዋል።
–
አምባሳደር ፍጹም አረጋ ባስተላለፉት መልዕክት መድረኩን ላመቻቹት አካላት ምስጋናቸውን አቅርበው፣ ዳያስፖራው የጀመረውን የፐብሊክ ዲፕሎማሲ ስራና ለመከላከያ ሰራዊት የሚያደርገውን ድጋፍ አጠናክሮ እንዲቀጥል ጠይቀዋል። አክለውም ባለፉት አስር ወራት ብቻ በድር ኢትዮጵያ እያከናወነ 
ያለውን ሃብት የማሰባሰብ ሂደት ሳይጨምር በአሜሪካን ሃገር የሚኖሩ ኢትዮጵያውያንና ትውልደ ኢትዮጵያውያንን በማስተባበር ለታላቁ የኢትዮጵያ ህዳሴ ግድብ ከ1.2 ሚሊዮን ዶላር በላይ መሰብሰቡን ገልጸው፣ በድር ኢትዮጵያም እስካሁን ያሰባሰበው ሃብት ከ785ሺ ዶላር በላይ መድረሱን አስገንዝበዋል።
–
አምባሳደሩ እየተደረገ ስላለው ድጋፍ አመስግነው፣ ዳያስፖራው ከድጋፍ ባሻገር በራሱም ሆነ የሌሎችን አቅም በማስተባበር በኢንቨስትመንት ዘርፎች ላይ ተሳትፎውን እንዲያሳድግ ጠይቀዋል። አምባሳደር ታዬ አጽቀስላሴም በበኩላቸው በመድረኩ ላይ እንዲሳተፉ በመጋበዛቸው አመስግነው፣ ዳያስፖራው ከሃገር ፍቅር በመነሳት እያከናወናቸው ያሉ ተግባራት የሚበረታቱ መሆናቸውን ገልጸዋል።
–
ከታላቁ የኢትዮጵያ ህዳሴ ግድብ ጋር በተያያዘ የተጀመረው ትግል አለመጠናቁቅን አንስተው፣ ዳያስፖራው ከድግቡም ሆነ ከሌሎች የኢትዮጵያ ጥቅሞች አንጻር የሚያከናውናቸው ተግባራት ፍሬያማ እንዲሆኑ አንድነቱን በማጠናከርና ወዳጆችን በማብዛት እንዲንቀሳቀስ አሳስበዋል። በመድረኩ ላይ የሃይማኖት አባቶች ተገኝተው ቢራኬ ያቀረቡ ሲሆን፣ ታዋቂ አርቲስቶችም ህዝቡን አነቃቅተዋል ሲል የኢትዮጵያ ዳያስፖራ ኤጀንሲ 
ማንኛውም የተቀመጠውን መመሪያ የሚጥስ የአውሮፕላን አብራሪም ሆነ ኦፕሬተር ለሚደርሰው አደጋ ኀላፊነት እንደሚወስድ የወቅታዊ ሁኔታ መረጃ ማጣሪያ አስታውቋል፡፡
–
የወቅታዊ ሁኔታ መረጃ ማጣሪያ በማኅበራዊ ትስስር ገጹ ላይ እንዴለው ቀደም ሲል ሰኔ 23/2013 ዓ.ም የአየር በረራ መረጃ ማሳወቂያ (NOTAM & AIP SUP) ቁጥር A0166/21 እና AIP SUP A04,2021) መተላለፉን አስታውሷል፡፡
–
በተላለፈው መመሪያ መሠረትም ማንኛውም የአውሮፕላን አብራሪም ኾነ ኦፕሬተር የተቀመጠውን መመሪያ ከጣሰ ለሚደርሰው አደጋ ኀላፊነት እንደሚወስድ ገልጿል።
በቦሌ ዓለም አቀፍ አውሮፕላን ማረፊያ እና በአካባቢው ባለው መጥፎ የአየር ጠባይ ምክንያት ለጥንቃቄ ሲባል ወደ አዲስ አበባ የሚያቀኑ በረራዎች ወደ ቅርብ አየር ማረፊያዎች እየተዘዋወሩ መሆኑን የኢትዮጵያ አየር መንገድ አሳውቋል።
አየር መንገዱ ለተገልጋዮቹ ደህንነት ቅድሚያ እንደሚሰጥ ገልጾ ወደ አዲስ አበባ የሚደረጉ በረራዎች አሁን በአማራጭ አውሮፕላን ማረፊያዎች እያረፉ መሆኑን አስረድቷል።
የአየር ሁኔታው ሲሻሻል ወደ ቀደመ መዳረሻቸው ይመለሳሉም ብሏል።
ስለ በረራዎቹ ሁኔታ ወቅታዊ መረጃ እንደሚያደርስም ገልጿል ፤ አየር መንገዱ ከቁጥጥሩ በላይ ሆኖ ለተፈጠረው ችግር ይቅርታ ጠይቋል።
በማህበራዊ ሚዲያ ላይ ቦሌ ኤርፖርት ተዘጋ እየተባለ የሚሰራጨው መረጃ ሀሰተኛ እነሰረተቢስ ነው፤ ውድ አባላት የምትሰሟቸውን ማንኛውም መረጃዎች በቀጥታ ከጉዳዩ ባለቤቶች ቢሆን ይመከራል።
በመተከል ዞን ወምበራ ወረዳ ግዳጁን በመፈፀም ላይ የሚገኘው የ22ኛ ክ/ጦር 1ኛ ብርጌድ 1ኛ ሻለቃ ሰራዊት አባላት የመንግስትን ጥሪ አልቀበልም በማለት በሚንቀሳቀሱ ፀረ-ሰላም ሃይሎች ላይ እርምጃ ወሰደ፡፡
–
የ2211ኛ ሻለቃ ዋና አዛዥ ሻለቃ ዮሃንስ እውነቱ እንደተናገሩት ፣ ከሀገር ሰላም በተቃራኒ በመሆን እና ህገ-መንግስታዊ ስርዓቱን ወደ ጎን በመተው ህዝቡ በሰላም ወጥተው በሰላም እንዳይገባ የጥፋትን ሰራ እየፈፀሙ ባሉ ሃይሎች ላይ የማያዳግም እርምጃ በመውሰድ 25 የሽፍታ አባላትን ከነ ሙሉ ትጥቃቸው ማርኳቸዋል ፡፡
–
ጠላት ታጥቆ ስንቀሳቀስ የነበረውን ዘጠኝ ክላሽ መሳሪያ፡ ሶስት ኋላ ቀር መሳሪያ እንዲሁም በርካታ የድምፅ አልባ መሳሪያ ወይም ቀስቶችን መማረካቸውንም አስረድተዋል ፡፡
–
በተጨማሪም 185 የክላሽ ጥይት ፡ 16 የብሬን ጥይት እና አንድ የእጅ ቦምብ ይዘው በህብረተሰቡ ላይ ጥቃት ለማድረስ ቢያስቡም ሰራዊቱ ቀድሞ በመንቃት በጠላት ላይ ድል መጎናጸፋን ነው የገለፁት ፡፡
በሆሮ ጉድሩ ወለጋ ዞን፤ አሙሩ ወረዳ የሚገኙ የአማራ ብሔር ተወላጆች በሚደርስባቸው ”ዛቻና ማስፈራሪያ” ወፌ እና ኢላሞ ከሚባሉ የገጠር ከተሞች ተሰደው በአጋምሳ ከተማ በሚገኝ ት/ቤት ተጠልለው እንደሚገኙ ገልጸውልናል።
በቁጥር 11 ሺ ይሆናሉ የተባሉት ነዋሪዎች ወደ አማራ ክልል በመሰደድ ላይ እያሉ ተከልክለው በትምህርት ቤቱ መጠለላቸውን ችግራቸውን ለማስረዳት ወደ አዲስ አበባ ሰላም ሚኒስቴር የመጡት ሼህ ሀሰን መሐመድ ይናገራሉ።
ከእነዚህ ከተሞች በተጨማሪ በብዙ ሺ የሚቆጠር ህዝብ በገጠር እንደሚገኝም አስረድተዋል።
ጉዳዩን ለማስረዳት ወደ አዲስ አበባ የመጡት አራት ሆነው እንደሆነ የሚገልጸው ካሳነው አህመድ ከአከባቢው 40 አባወራ አስቀድመው መውጣታቸውንና አሁን ላይ በዛህ ለሚገኙ ወገኖቻቸው ለማመልከት እንደመጡ ይናገራል።
”አሁን ላይ ህይወታቸውን በእንዴት እንደሚያመልጡና እንደሚያተርፉ ለማመልከት ነው የመጣነው” ሲል በጹሑፍ ለሰላም ሚኒስቴር ማስገባታቸው፤ ሆኖም የሚያናግራቸው እንዳላገኙ ይናገራል።
በወረዳው የኦነግ ሸኔ ኃይል በምን ደረጃ ይገኛል ተብሎ ለቀረበላቸው ጥያቄም ”አከባቢው ላይ ወዲያ ወዲህ ሲል የሚታየው ሸኔ ነው መሳሪያ እናከፋፍላለን እስከማለትም ደርሰዋል” ሲል ምላሹን ያስቀምጣል።
አክሎም ድርጊቱን በመቃወም ከእኛ ጎን የነበሩ የኦሮሞ ብሔር ተወላጆች ከአስር በላይ ተገድለዋል ሲል ይናገራል።
በአጋምሳ ከተማ በሚገኝ ትምህርት ቤት እንደተጠለለ የሚናገረውና ስሙ ለጊዜው እንዲጠቀስ ያልፈለገ ግለሰብ የተወሰነ መኪና ወደ ጎጃም መውጣቱንና ነዋሪዎቹ ተበታትነው እንደሚገኙ ገልጾ አሁን ላይ 3800 የሚሆኑት ብቻ መኖራቸውን አንስቷል።
ሐምሌ ወር ከገባ ጀምሮ በርካታ ሰዎች መሞታቸውን ነዋሪዎቹ ገልጸዋል። ሐምሌ1፣ ሐምሌ 4ና ሐምሌ 16 ጥቃት የተፈጸመባቸው ቀናት ናቸው ሲሉ ያነሱ ሲሆን አሁን ላይ ምን ያህል 
ትግራይ ክልልን ከአማራ እና አፋር ክልል በሚያዋስኑ አካባቢዎች ግጭቶች መቀጠላቸውን የሚያመላክቱ ጥቆማዎች እየወጡ ነው።
በአካባቢው ስላለው ሁኔታ ተጨባጭ የሆነ መረጃ ማግኘት አዳጋች ሆኗል ፤ ዝርዝር መረጃም ማግኘት አልተቻለም።
በግጭቱ ግን በሺዎች የሚቆጠሩ ዜጎች እየተፈናቀሉ ናቸው።
ከቀናት በፊት የአፋር ክልል ርዕሰ መስተዳደር አወል አርባ ፥ “ህወሓት” በአፋር ላይ ክፍቶታል ያሉትን ጥቃት የክልሉ ሕዝብ ተጥቅ አንግቦ ራሱን እንዲከላከል ጥሪ አቅርበው ነበር።
ርዕሰ መስተዳዳሩ ማንኛውም አፋር ባለው የጦር መሳርያ ምድሩን ያስጠብቅ ዘንድ ነው ጥሪ አቅርበው የነበረው፤ ይህም በአለም አቀፍ ሚዲያዎች ተዘግቦ ነበር።
“እያንዳንዱ አፋር መሬቱን በተቻለው መንገድ ሊጠብቅ ይገባል። በጥይትም ይሁን፣ በዱላ አሊያም በድንጋይ” ሲሉ የክልሉ ፕሬዝደንት አዎል አርባ ተናግረዋል ሲል ኤኤፍፒ አስነብቧል።
“የትኛውም መሣሪያ ዝቅ እንድንል ሊያደርገን አይችልም። ይህንን ጦርነት በጠንካራ ኃይላችን እንረታዋለን።”
የአማራ ክልል ብሔራዊ መንግሥት የህወሓት አማጺያንን ለመውጋት የክተት አዋጅ ጥሪ ማስተላለፉ ይታወሳል።
የህወሓት አማፂያን ትግራይ እና አፋር ድንበር አቅራቢያ ጥቃት ስለመክፈታቸው በስፋት ተዘግቧል።
የአፋር ክልል አደጋ መከላከል ኃላፊ ባለፈው ሳምንት ከ70 ሺህ በላይ ሰዎች በግጭቱ ተፈናቅለዋል ሲሉ ለቢቢሲ ተናግረው ነበር።
ኤኤፍፒ ደግሞ አንድ የመንግሥት ባለሥልጣን ከ20 በላይ ሰላማዊ ሰዎች ተገድለዋል ብለዋል ሲል ዘግቧል።
የአማፂያኑ ቃል አቀባይ ግታቸው ረዳ በአፋር ክልል ያለውን ኦፕሬሽን ለመንግሥት ወግነው አፋር ክልል ውስጥ በሚዋጉ የኦሮሚያ ልዩ ኃይሎች ላይ የተሰነዘረ “በጣም የተገደበ” ጥቃት ነው ብለው ነበር።
ነገር ግን የአፋር ክልል ፕሬዝደንት ይህ ሃሰት ነው ሲሉ አስተባብለዋል። 
በአፍሪካ ቀንድ የአሜሪካ ልዩ መልዕክተኛ የሆኑት ጄፍሪ ፊልትማን ፣ በኢትዮጵያ የአሜሪካ ኤምባሲ እና የUSAID ተወካዮች ጋር ስብሰባ ተቀምጦ ኢትዮጵያ ውስጥ ፖለቲካዊ ንግግር እና እርቅ እንዲፈጠር የተወያየውና በአሜሪካኖቹ ጥረቱ የተደነቀለት ማይንድ ኢትዮጵያ ሁሉን አካታች ሀገራዊ የውይይት መድረክ ሊያዘጋጅ መሆኑ ተሰምቷል።
‘MIND ETHIOPIA’ በኢትዮጵያ ሁሉን አካታች ሀገራዊ ምክክር እንዲኖር በቅርቡ ሀገራዊ የውይይት መድረክ እንደሚያዘጋጅ አስታውቋል።
MIND ETHIOPIA የሰላም ሚኒስቴርን ጨምሮ 8 የሀገር ዓቀፍ ድርጅቶች ጥምረት ነው።
ሀገሪቱ አሁን ካለችበት ሁኔታ አንጻር ሀገራዊ ምክክር በ1 ቀን ተደርጎ የሚቆም ሳይሆን ሒደት እና ቀጣይነት ያለው መሆኑን MIND ETHIOPIA ገልጿል፡፡
የዴስቲኒ ኢትዮጵያ አስተባባሪና የMIND ETHIOPIA አባል የሆኑት አቶ ንጉሱ አክሊሉ ፥ “ኢትዮጵያ ተለዋዋጭ የፖለቲካ ሁኔታ ያላት በመሆኑ ሁሉን አካታች ሀገራዊ የምክክር መድረክ ለማድረግ ጠንካራ ሒደቶች እና ሕዝባዊ ድጋፍ ያስፈልጋል፤ ለዚህም ከሀገር ውስጥ እስከ ዴያስፖራው ማሕበረሰብ ድረስ በመነጋገር ዝግጅቶች እየተደረጉ ነው” ብለዋል።
አቶ ንጉሱ አክለው ፥ ኢትዮጵያ ባለፉት ሶስት ዓመታት የገጠሟት የማንነት ፤ የድንበር፤ የሕገ መንግስት ብሎም የታሪክ እና ፖለቲካዊ ጉዳዮች በጠረጴዛ ዙሪያ መፈታት እንዳለባቸው ገልጸው ለዚህም ከወር በኋላ ትልቅ ሀገራዊ የምክክር መድረክ እንደሚኖር አስታውቀዋል፡፡
ሀገራዊ ምክክርን ‘ በሕግ አግባብ ‘ ከሚፈቱ ግጭቶች መለየት እንደሚገባ አስገንዝበዋል አቶ ንጉሱ ስለማስገንዝበባቸው አሀዱ ሬድዮ በድረገፁ ላይ አስነብቧል።
ባለፈው ሳምንት በመግለጫው በአሜሪካ የውጭ ጉዳይ ሚንስቴር መ/ቤት የአፍሪካ ጉዳዮች ቢሮ ‘MIND ETHIOPIA ‘ ኢትዮጵያ ውስጥ ፖለቲካዊ ንግግር እና እርቅ እንዲፈጠር እያደረገ ያለው 
በአፋር ክልል አውሮ አካባቢ በተደረገ ውጊያ 820 የሕወሓት ታጣቂዎች እጃቸውን ለአፋር ክልል ልዩ ሀይል እጃቸውን ሲሰጡ የተቀሩት ከ2670 በላይ የህወሓት ታጣቂዎች ሙትና ቁስለኛ ሆነዋል::
ከፊትም ከኃላ የተከበበው የህወሓት ታጣቂ ከትናት ማታ ጀምሮ መውጫ ስለሌለው ቆቦ ላይ እየተወቀጠ ነው:: በአፋር በኩል ቀዝቀዝ ብሎ የነበረው ጦርነት ለሊት ህወሓት አዲስ ታጣቂዎችን ጭኖ በመምጣት ውጊያው እንደ አዲስ ተጀምሯል:: በነገራችን ላይ ቆቦ ላይ የህወሓት ታጣቂ ትክክለኛ ጦርነት ሳይሆን እያደረገ ያለው በየተራራና በየጢሻው የሽምቅ ውጊያ ነው እያደረገ ያለው ይህንንም የሱማሌ ክልል ልዩ ሀይል ከአማራ ልዩ ሀይል ጋር በያለበት እያደነው ይገኛል፡፡
በቆቦና በአፋር ግንባር ያለው የትህነግ ኃይል ከድጋፍ ሰጭ ኃይሉ እየራቀ ያለ ኃይል ነው። ከዚህ በተጨማሪ ወደ ራያና አፋር ከመጣ በኋላም ግማሹ ተራራ እንዲይዝ፣ ግማሹ ደግሞ ወደ ከተማ እንዲገባ ትዕዛዝ የሚሰጠው ነው። የተለያዩ በሮች በኩል ተከፋፍሎ እንዲገባ ትዕዛዝ የሚሰጠው ነው። በኋላ ደጀን እያጣ ያለ ኃይል ነው። እስካሁን ይህ ነው የሚባል ተጨማሪ ኃይል አልመጣለትም። ይህን ኃይል ደጀን እየሆነው ያለው የትህነግ የሀሰት መረጃና የሌላው ፌስቡከኛ የተሳሳተ መረጃን ማሰራጨት ነው። ደጀኑ እያደረገው ያለው ፕሮፖጋንዳውን ነው። ይህ ኃይል ከኋላ ደጀን እያጣ፣ ቁጥሩ እየሳሳ፣ የተለያየ አቅጣጫ ተልዕኮ ሲሰጠው ቁጥሩ እየቀነሰ ያለ ኃይል ነው።
በየአካባቢው ያለው ኃይል ይህን መረጃ ማወቅ አለበት። የተበታተነ ኃይል በፕሮፖጋንዳ እየታገዘ ነው ወደፊት እገፋለሁ እያለ ያለው። ሕዝብ ከፀጥታ ኃይሉ ጋር ተናብቦ አካባቢውን ቢጠብቅ በደንብ የሚመታው ሲናውዝ የከረመ ኃይል ነው። 
ሰኔ 28 ቀን 2013 ዓ.ም. በወቅታዊ ጉዳዮች ላይ ለሕዝብ ተወካዮች ምክር ቤት ማብራሪያ የሰጡት ጠቅላይ ሚኒስትር ዓብይ አህመድ (ዶ/ር)፣ የመከላከያ ሠራዊት በትግራይ ክልል የተሰጠውን ተልዕኮ አቋርጦ እንዲወጣ መንግሥታቸው ሲወስን መሠረት ያደረጋቸውን ምክንያቶች ገልጸው ነበር።
ከዘረዘሯቸው ምክንያቶች ትልቁን ድርሻ የያዘው ከትግራይ ክልል ቀውስ ጀርባ በክልሉ ያለው ውጊያ እንዲቀጥል የሚያፋፍሙ የውጭ እጆች መኖራቸው ነው። በቀጥታ በስም የማይጠቅሷቸውን የእጆቹ ባለቤቶች ‹‹ሐዋሳ ያሉ ሰዎች›› በማለት በምሳሌ የጠቀሷቸው ሲሆን፣ እነዚህ ‹‹ሐዋሳ ያሉ ሰዎች›› በአንድ በኩል መንግሥት ዘንድ ቀርበው በትግራይ ክልል የሚወስደው የሕግ ማስከበር ዕርምጃ ትክክል እንደሆነ፣ እነሱም ተመሳሳይ ሁኔታ ገጥሟቸው በተመሳሳይ መንገድ እንደፈቱት ያስረዳሉ ብለዋል።
በሌላ በኩል ደግሞ ትግራይ ክልል ከሚገኙት ጋር ተገናኝተው በመንግሥት በኩል የተያዘውን አቋም በመረጃ መልክ ያቀርባሉ ያሉት ጠቅላይ ሚኒስትሩ፣ ‹‹እነዚህ የሐዋሳ ሰዎች ከፋፍለው ያጫውቱን እንጂ ከእነሱ (ትግራይ ካሉት) ጋር ተገናኝተው ይመክራሉ፤›› ብለዋል።
ይህንን ሁኔታ በማጤን በጉዳዩ ላይ የኢትዮጵያንና የሌሎች አገሮችን ተሞክሮ በመውሰድ ጥልቅ ፖለቲካዊ ትንተናና ምክክር ተደርጎ፣ ሠራዊቱ ከትግራይ ክልል እንዲወጣ ከመወሰኑ በፊት መካሄዱን ጠቅላይ ሚኒስትር ዓብይ አስረድተዋል።
በዚህ የፖለቲካ ትንተና ከተወሰዱ ተሞክሮዎች አንዱ 30 ዓመታት የፈጀው የኢትዮጵያና የኤርትራ ጦርነት እንደነበር የገለጹት ጠቅላይ ሚኒስትሩ፣ ኤርትራ ነፃነነቷን ከማግኘቷ አስቀድሞ ከኢትዮጵያ ጋር ለ30 ዓመታት ስትዋጋ ከሁለቱም ወገኖች ጀርባ ጦርነቱን የሚያፋፍሙ የውጭ እጆች እንደነበሩ ገልጸዋል።
ኢትዮጵያና ኤርትራ ለ30 ዓመታት ሲዋጉ የጦርነቱ ትጥቅና በጀት በሙሉ የእነሱ እንዳልነበረና ሊሆንም እንማይችል በመግለጽ፣ 
የአማራ ክልል ርእሰ መስተዳድር አገኘሁ ተሻገር በወቅታዊ ጉዳዮች ዙሪያ መግለጫ ሰጥተዋል። አሸባሪው ትህነግ በተለያዩ ግንባሮች ያለ የሌለ ኃይሉን ተጠቅሞ የማጥቃት ሙከራ እያደረገ ነው ብለዋል። ሕዝቡ ከጎናችን እንዲሆን ባስተላለፍነው መልዕክት በአሁኑ ወቅት በሁሉም ረገድ ከጎናችን ሆኗል ነው ያሉት። ለመላው የክልሉና የኢትዮጵያ ሕዝብ ምስጋና ይገባዋልም ብለዋል።
የክልሉ የመንግሥት ሠራተኞች ለክልሉ መንግሥትና ለጸጥታው ኃይል ያደረጉት ድጋፍ የክልሉን መንግሥት አኩርቷል ነው ያሉት። የአማራ ክልል ባለሀብቶችና የንግዱ ማኅበረሰብ እያደረጉት ላለው ሁሉ ምስጋና ይገባቸዋል ነው ያሉት።
ከተሠለፈብን ጠላት አኳያ ብዙ ኃይል የምናሰልፍበትና ሎጅስቲክስ የሚያስፈልግ ነው ያሉት ርእሰ መስተዳድሩ የክልሉ ሕዝብና ሌሎች ኢትዮጵያዊያን ያሰዩት ምላሽ የሚደነቅ መሆኑንም ተናግረዋል። ክልሎች እያደረጉት ያለው ድጋፍ ታሪካዊ ነውም ብለዋል።
የክልሉ ተመላሽ የሠራዊት አባላትና የጦር መኮንንኖች ሠራዊቱን ተቀላቅለው እየተፋለሙት እንደሚገኙም ገልጸዋል። አሸባሪው ትህነግ በውጊያው ከሕፃናት እስከ አዛውንት ድረስ እያሰለፈ ነው፣ የትግራይ ሕዝብ ልጆቹን እያስጨረሰ ነው፣ ጦርነት የማያውቁ ሕፃናት ከፍተኛ የሆነ የሰብዓዊ ጉዳት እየደረሰባቸው ነውም ብለዋል፡፡
የትህነግ ዓላማ የአማራን ሕዝብ ለማጥቃትና ኢትዮጵያን ለማጥፋት ያለመ ስለመሆኑም ተናግረዋል። ጠላት ከፍተኛ ኪሳራ እየደረሰበት ነው ብለዋል። በራያና በጠለምት ግንባሮች የጁንታው ጀሌዎች እንደ ቅጠል እየረገፍ ስለመሆኑም ጠቅሰዋል።
የአማራ ሕዝብ ለኢትዮጵያ ሉዓላዊነትና አንድነት እየታገለ የመጣ ጀግና ሕዝብ ነው ያሉት ርእሰ መስተዳድሩ 
ወደ ትግራይ እርዳታ እንዳይደርስ እያገደ ያለው ምንድን ነው? -ፒተር ሙዋይ -ቢቢሲ ሪያሊቲ ቼክ
የተባበሩት መንግሥታት እንደሚለው በትግራይ ክልል ከአምስት ሚሊዮን በላይ ሰዎች በአፋጣኝ ሰብዓዊ እርዳታ ሊደረግላቸው ይገባል።
በትግራይ አማጺያን እና በፌደራል መንግሥቱ መካከል ጦርነት ዳግመኛ ካገረሸ ወዲህ እርዳታ የጫኑ ተሽከርካሪዎች ወደ ትግራይ ለመድረስ ከፍተኛ መሰናክል እየገጠማቸው ነው።
እርዳታ ለማድረስ ፈታኝ የሆነው ለምንድን ነው?
በትግራይ ክልል አፋጣኝ የእርዳታ አቅርቦት ቢያስፈልግም ባለፉት ጥቂት ወራት ሰብዓዊ እርዳታ ለማድረስ እጅግ ፈታኝ ሆኗል።
መነሻው ለስምንት ወራት የዘለቀው የህወሓት አማጺያን እና የመከላከያ ሠራዊት ጦርነት ነው። ግጭቱ አሁን ላይ ወደ አጎራባች ክልል አፋር ደርሷል።
አፋር ወደ ትግራይ እርዳታ ለማጓጓዝ ሁነኛው መንገድ ስለሆነ፤ የግጭቱ መስፋፋት የእርዳታ ስርጭትን ጥያቄ ውስጥ ከቷል።
ያገረሸው አለመረጋጋት በአሥር ሺዎች የሚቆጠሩ ሰዎች ከቤት ንብረታቸው እንዲፈናቀሉ ምክንያት ሆኗል። ይህም የሰብዓዊ እርዳታ አቅርቦት ፍላጎትን ከነበረውም በላይ ጨምሮታል።
እርዳታ የሚሹ ዜጎችን መድረስ የተቻለባቸው የትግራይ አካባቢዎች አሉ። በተለይም አሁን ላይ የተረጋጉና በህወሓት ቁጥጥር ሥር ባሉ 
ድምጻዊ፣ ግጥምና ዜማ ደራሲ ወይም አቀናበሪ ታመው መታከሚያ ሲያጡ፣ ለቀብር ሥነ ሥርዓት መዋጮ ሲሰበሰብ ማየት የተለመደ ነው።
ይህ ቁጭት ከአምስት ዓመታት በፊት ኤልያስ መልካን ጨምሮ ሌሎችም በዙሪያው ያሉ ሙዚቀኞች ከፍተኛ ንቅናቄ እንዲጀምሩ አነሳስቷቸዋል።
ያኔ ወደ 17 የሚደርሱ የሮያሊቲ ክፍያን ለማስከበር የተቋቋሙ የኪነ ጥበብ ማኅበሮች ነበሩ። ከነዚህ መካከል ሙዚቃ ተነጥሎ ወጣ።
ከብዙ የመንግሥት መሥሪያ ቤቶች ደጅ ጥናትና ትግል በኋላ የኢትዮጵያ የሙዚቃ የቅጂና ተዛማጅ መብቶች የጋራ አስተዳደር ማኅበር ተመሠረተ ይላል ድምጻዊ ኃይለሚካኤል ጌትነት (ሀይሌ ሩትስ)።
ከቢቢሲ ጋር ባደረገው ቆይታ፤ ከቀጣዩ ዓመት መስከረም ጀምሮ የቴሌቭዥን እና ራድዮ ጣቢያዎች ለሚያጫውቷቸው ሙዚቃዎች ሮያሊቲ መክፈል እንደሚጀምሩ ተናግሯል።
የክፍያ ተመን የወጣው እንዲሁም ሮያሊቲው ተሰብስቦ ለሙዚቀኞች የሚከፋፈለው በጋራ አስተዳደር ማኅበሩ በኩል ነው።
ሮያሊቲ እንዴት ይሰበሰባል? እንዴትስ ይከፋፈላል?
የቅጂና ተዛማጅ መብቶችን ለማክበርና ለማስከበር የወጣው አዋጅ ቁጥር 410/1996 ወቅታዊ ሁኔታን እንዲያማክል ማሻሻያ ተደርጎበት አዋጅ ቁጥር 872/2007 ሥራ ላይ ውሏል።
በሙዚቃ ውስጥ የመብት ባለቤት የሆኑት ድምጻዊ፣ ዜማ ደራሲ፣ ግጥም ደራሲ፣ 
የትግራይ አማጽያን ቃል አቃባይ ጌታቸው ረዳ በአፋር ክልል የሚያደርጉት ዘመቻ በጣም ውስን እና ከኦሮሚያ ክልል የመጡ የልዩ ኃይል እና የሚሊሻ ኃይሎች ላይ ያነጣጠረ ነው ብለዋል። ነገር ግን የአፋር ክልል ርዕሰ መስተዳድር አወል አርባ የትግራይ አማጽያን አፋርን ከተቀረው የኢትዮጵያ ክፍል ሊነጥል ወረራ መፈጸማቸውን ተከትሎ ይህንኑ ለመከላከል ሲባል የኦሮሚያ ኃይሎችን መጋበዛቸውን ተናግረዋል። እናም አፋር «ጁንታው» ያሉትን ኃይል ለማስቆም በአንድነት ሊቆም ይገባል ሲሉ ጥሪ አድርገዋል። በአፋር ክልል እየተደረገ ያለው ጦርነት ከስምንት ወራት በላይ በትግራይ ክልል ሲደረግ የነበረው ጦርነት ወደ አጎራባች ክልሎች እየተስፋፋ ስለመምጣቱ ማሳያ ነው ሲል የፈረንሳይ የዜና ምንጭ ዘግቧል።
የአፋር ክልል መስተዳድር ከትግራይ አማጽያን ተከፈተብኝ ላለው ጥቃት የክልሉ ሕዝብ ተጥቅ አንግቦ ራሱን እንዲከላከል ጥሪ ማቅረቡ ተዘገበ። ጥሪውን ተከትሎ በክልሉ በአስር ሺዎች የሚቆጠሩ ሰላማዊ ሰዎችን ከመኖርያቸው ያፈናቀለው የሰሞኑ ውግያ ወደ ለየለት ጦርነት እንዳያመራ አስግቷል።የክልሉ ርዕሰ መስተዳድር አወል አርባ በክልሉ ብዙኃን መገናኛ ቀርበው ማንኛውም አፋር ባለው የጦር መሳርያ ምድሩን ያስጠብቅ ዘንድ ጥሪ ማቅረባቸውን ዘገባው አክሏል። የትግራይ አማጽያን ባለፈው ሳምንት የመንግስት ደጋፊ ወታደሮችን ዒላማ ያደረገ ጥቃት በአጎራባቹ የአፋር ክልል መክፈታቸውን አስታውቀው ነበር። በጥቃቱ ከ20 በላይ ሰላማዊ ሰዎች ሲገደሉ ከ70,000 የሚልቁት ደግሞ ከመኖርያቸው መፈናቀላቸው ተነግሯል። 
ኢትዮጵያዊያን ዓለምአቀፍ ጫናዎችን በመመከት ለሕዳሴ ግድብ ከዳር መድረስ በአንድነት መቆም እንደሚኖርባቸው ኢትዮጵያ ውስጥ ተወልደው ያደጉ ሕንዳዊያን ተናገሩ።ኢትዮጵያ ውስጥ ተወልደውና አድገው በኢንቨስትመንት መስክ የተሰማሩት ሚስተር ማዮር ኮታሪ እና ሃርሽ ኮታሪ የሕዳሴ ግድብን አስመልክተው ከኢዜአ ጋር ቆይታ አድርገዋል።ራሳቸውን እንደ ኢትዮጵያዊ የሚገልጹት ሕንዳዊያኑ ባለሃብቶች በኢትዮጵያ አምራች ዘርፍ በጫማ፣ በምስማርና ሽቦ፣ በፕላስቲክና በተለያዩ ጥሬ እቃዎች ማምረት ላይ የተሰማሩ ናቸው።
–
የቦንድ ግዥና የተለያዩ ድጋፎችን በማድረግ የሕዳሴው ግድብ እውን እንዲሆን የበኩላቸውን አስተዋፅኦ ማበርከታቸውን ይናገራሉ።አቶ ማዮር ግድቡ በተለይምየአምራቹን ዘርፍ በማሳለጥ በአገሪቷ መፃኢ እድል ላይ ትልቅ ተስፋ መሰነቁን ገልጸዋል።የዓባይን ውሃ በአግባቡ አለመጠቀም ለኢትዮጵያ “ፈጣሪ የሰጣትን የተፈጥሮ ፀጋ እንደማባከን ሃጥያት ይቆጠራል” ነው ያሉት።
–
የሕዳሴው ግድብ በሁለት ዙር ውሃ መሞላቱ ትልቅ ደስታ እንደፈጠረላቸው ገልጸው፤ ይህም የታችኞቹ ተፋሰስ አገራት እንደሚሉት የውሃውን ፍሰት እንደማይቀንሰው በተግባር ማሳየቱን አክለዋል።ግድቡ ሁለት ጊዜ ውሃ ሲሞላ ምንም አይነት የውሃ መቀነስ ባልታየበት፣ የኢትዮጵያ መንግስት የታችኞቹን አገራት የሚጎዳ አለመሆኑን እያስረዳ ባለበት ወቅት የግብፅና ሱዳን ዓለም ዓቀፍ ጫና የመፍጠር ጥረት ምክንያተ ቢስ ነው ሲሉም ኮንነውታል።
–
በኢትዮጵያ ከ60 ሚሊዮን በላይ ሕዝብ የአምፖል ብርሃን የማግኘት እድል የለውም የሚሉት ሚስተር ማዮር የሕዳሴ ግድቡን እውን አድርጎ ጥቅም ላይ ማዋል ለኢትዮጵያዊያን መብትም ግዴታም በመሆኑ ሁላችንም የበኩላችንን አስተዋፅኦ ማድረግ ይጠበቅብናል ብለዋል።ሚስተር ሻርክ ኮታሪ በበኩላቸው የሕዳሴ ግድብን በተመለከተ ለሚመጡ ጫናዎች ከኢትዮጵያዊያን የሚጠበቀው ‘አንድነታችንንና ሠላማችንን ማስጠበቅ ነው’ ይላሉ።
–
በመሆኑም ኢትዮጵያዊያን የተለያየ ማንነታቸው እንዳለ ሆኖ 
አሁን ቻይና ማዕቀብ ከጣለችባቸው የአሜሪካ ባለሥልጣናት መካከል የቀድሞው የንግድ ዘርፍ ጸሐፊ ዊልበር ሮስ በዋ ዋንኝነት ይጠቀሳሉ።
ከዊልበር ሮስ በተጨማሪ የመብት ተሟጋቹ ሂውማን ራይትስ ዋች የቻይና ቅርንጫፍ ዳይሬክተር ሶፊ ሪቻርድሰን ማዕቀብ ተጥሎባቸዋል።
የቻይና እና አሜሪካ የምጣኔ ሀብትና ደኅንነት ኮሚሽን ኃላፊ ካሮሊን ባርቶሎሜው፣ የዓለም አቀፉ የሪፐብሊካን ተቋም አመራር አዳም ኪንግ ላይም ማዕቀብ ተጥሏል።
የአሁኑ የአሜሪካ ምክትል የውጭ ጉዳይ ሚንስትር ዌንዲ ሸርማን በጥቂት ቀናት ውስጥ ቻይናን ይጎበኛሉ ተብሎ እየተጠበቀ ነው ፥ በዚህ ወቅት ነው እንግዲ ቻይና በአሜሪካ ባለስጣናት ላይ ማዕቀብ መጣል የጀመረችው።
የዋይት ሐውስ ቃል አቀባይ የሆኑት ጄን ሳኪ አሜሪካ በቻይና ማዕቀብ “አትበገርም” ብለዋል።
NB : ቻይና ከዚህ ቀደም የአሜሪካ የውጭ ጉዳይ ሚንስተር ማይክ ፖምፕዮን ጨምሮ 27 የትራምፕ ዘመን አመራሮች ላይ ማዕቀብ መጣሏ ይታወሳል።
መረጃው ከቢቢሲ ነው። 
ሰለሞን ቱፋ በመጨረሻም የሶስተኛ ዙር ጨዋታውን ተሸንፎ ለ ነሀስ ሜዳልያ ከሚደረገው ውድድር ውጪ ሆኗል።
በቶኪዮ 2020 ኦሎምፒክ ለመጀመሪያ ጊዜ ኢትዮጵያን በመወከል በ58 ኪሎ ግራም በ ወርልድ ቴኳንዶ የተሳተፈው ሰለሞን ቱፋ በመጀመሪያ ጨዋታው የጃፓኑን ተጋጣሚው ሱዙኪ ሰርጂዮን በመርታት ወደ ሩብ ፍፃሜ ያለፈ ሲሆን በሩብ ፍፃሜው በቱኒዚያው ተፎካካሪው ተሸንፏል።
ቱኒዚያዊው ሞሀመድ ካሊል 32 ለ 9 በሆነ የ ነጥብ ልዩነት ሰለሞን ቱፋን በማሸነፍ ወደ ግማሽ ፍፃሜው አልፏል ።
ሰለሞን ቱፋ በ2ቱ ጨዋታዎች በሰበሰበው ነጥብ የ ነሀስ ሜዳለያ ለማግኘት በሚደረገው ፉክክር ከ ሩሲያ ኦሎምፒክ ኮሚቴ ተወዳዳሪ አርታሞኖቭ ሚካዬል ጋር ጨዋታ አድርጎ በድምር ነጥብ 27 ለ 5 ተሸንፎ የቶክዮ ኦሊምፒክ ውድድር ጨዋታዎቹን አጠናቋል፡፡
ለመጀመሪያ ጊዜ በኦሎምፒክ ታሪካችን በወርልድ ቴክዋንዶ እንድንወከል ላደረገን እና በውድድሩም ጥሩ ተጋድሎ በማድረግ መፎካከር በቻለው ሰለሞን ቱፋ 🇪🇹 ኮርተናል። 
ʺ የትህነግ ቡድንን ከምድረ ገፅ ማጥፋት አለብን – ብርጋዴር ጄኔራል ተፈራ ማሞ
የአማራ ልዩ ኃይል አዛዥ ብርጋዴር ጄኔራል ተፈራ ማሞ መግለጫ ሰጥተዋል፡፡ በመግለጫቸውም የአሸባሪው ትህነግ ተቀዳሚ ዓላማ ኢትዮጵያን ማፍረስ ነው ብለዋል።
አሸባሪው ትህነግ በአማራና አፋር ክልል ጦርነት በመጀመር ሌላውን ኢትዮጵያዊ ሊያጠቃ ትንኮሳ እየፈጸመ መሆኑን ተናግረዋል፡፡
ሁሉም ኢትዮጵያዊ የአሸባሪው ቡድን ኢትዮጵያን የማፍረስ እኩይ ሴራ በመረዳት በህልውና ዘመቻው ላይ እንደሚገኝ አመላክተዋል። አሸባሪውን የትህነግ ቡድን ከምድረ ገፅ ማጥፋት አለብን ነው ያሉት፡፡
የአሸባሪ ቡድኑን የሐሰት ፕሮፓጋንዳና አሉባልታ የሚያናፍሱ በሕዝብ ውስጥ ያሉ ተላላኪዎችን ማኅበረሰቡ በንቃት ሊከታተል ይገባል ብለዋል ብርጋዴር ጄኔራል ተፈራ።
መንግሥት ያስተላለፈውን ጥሪ ተቀብሎ ሕዝቡ እያደረገ ያለውን ድጋፍ አድንቀዋል። ትግሉን ወጣቱ በጉልበቱ፣ ሕዝቡና ባለሃብቱ በሎጅስቲክ ሊያግዙ እንደሚገባም ገልጸዋል፡፡ ድጋፉ ተጠናክሮ እንዲቀጥልም ነው የጠየቁት፡፡
የጦር ልምድ ያላቸው መሪዎችና ተዋጊዎች ወደ ልዩ ኃይል እየተቀላቀሉ መሆኑንም አስታውቀዋል።
የትግራይ ሕዝብ ቆም ብሎ ሊያስብ ይገባል ያሉት ብርጋዴር ጄኔራሉ ዛሬ እየሆነ ያለው ጊዜያዊ ነው፤ ዘላቂ ወንድሙ ግን የኢትዮጵያ ሕዝብ ነው ብለዋል።
አሸባሪው ትህነግ ሕጻናትን ወደ እሳት እየማገደ መሆኑን የገለጹት አዛዡ የትግራይ ሕዝብ ልጆቹን ከዚህ ውድመት ማዳን እንዳለበት አሳስበዋል፡፡
የአማራ ልዩ ኃይል ከሌሎች የጸጥታ ኃይሎች ጋር እየተናበበ በቅንጅት እየተዋጋ ስለመሆኑም አስታውቀዋል።
ለኢትዮጵያ ዘብ ቆመው አሸባሪውን ቡድን በግንባር በመፋለም ላይ ላሉ የጸጥታ ኃይሎች ምስጋና አቅርበዋል። 
ባለፈው ኅዳር በወልቃይት ማይካድራ ከተማ በተፈጸመው ጅምላ ዘር ተኮር ጭፍጨፋ 1 ሺህ 563 ሰላማዊ ሰዎች እንደተገደሉ እና 81 ሰዎች የአካል ጉዳተኛ እንደሆኑ ጎንደር ዩኒቨርሲቲ ያቋቋመው አጥኝ ቡድን ማረጋገጡን የክልሉ ብዙኀን መገናኛ ዘግቧል። ቡድኑ ለ6 ወራት ባካሄደው ጥናት ማይካድራ ላይ ጅምላ የዘር ማጥፋት ወንጀል እንደተፈጸመ እና ድርጊቱ በማን፣ እንዴት እና መቼ እንደተፈጸመ በዝርዝር የሰው እና የሰነድ ማስረጃ አረጋግጧል ተብሏል። ጭፍጨፋውን የፈጸመው የትግራዩ ሕወሃት ያደራጀው ሕቡዕ ቡድን እንደሆነ የጠቀሰው ጥናቱ፣ ለጭፍጨፋው ቡድኑ የነዋሪዎች ማንነት በመታወቂያቸው እና መኖሪያ ቤታቸው እንደለየ ማረጋገጥ ችሏል። የጥናቱ ዓለማ ማስረጃውን ለዓለም ዓቀፍ ፍርድ ቤት ለማቅረብ እና ወንጀለኞችን ለመፋረድ ነው ተብሏል።
ዩኒቨርሲቲው በማይካድራው ዘር ተኮር ጭፍጨፋ ላይ ስድስት ወራት የፈጀ ጥናት ሠርቷል። የጥናቱ ዓላማ ድርጊቱን ለዓለም አቀፍ ማኀበረሰብ ማሳወቅ፣ ወንጀለኞች ለፍርድ እንዲቀርቡና የተጎዱ ወገኖች እንዲካሱ ማድረግ ነው። በጥናቱ አሸባሪው የትህነግ ቡድን ለዓመታት በወልቃይት ጠገዴና በጠለምት አካባቢ በአማራዎች ላይ የፈጸመው ግፍ ተዳስሷል። በዩኒቨርሲቲው የፖለቲካ ሳይንስ ትምህርት ክፍል ኀላፊና መምሕር ባምላክ ይደግ (ዶ.ር) ጅምላ ጭፍጨፋው በ1968 ዓ.ም አሸባሪው የትህነግ ቡድን ያዘጋጀው ፍኖተ መርህ አካል እንደሆነ ገልጸዋል።
–
ከጥቅምት 24/2013 ዓ.ም ጀምሮ በድምጽ አልባ መሳሪያ ጅምላ ጭፍጨፋ ለሚፈጽሙ ወጣቶችና ለፖሊስ አባላት ስልጠና ተሰጥቷል፤ የባለሀብቶችን አስከሬን ለማመላለስ ዝግጅት ሲያደርጉ እንደነበርም በጥናቱ ተረጋግጧል። ከድምጽ አልባ መሳሪያ የሚያመልጡትን በመሳሪያ የሚገድል ቡድንም ተዘጋጅቶ ነበር። ከዚያም በማይካድራ ከተማ የሚኖሩ አማራዎች ከቤታቸው እንዳይወጡ ማሳሰቢያ ተሰጠ፤ መታወቂያና ሲም ካርዳቸውን 
የቴኳንዶ ውድድር ከአውሮፓውያኑ 2000 ጀምሮ በኦሊምፒክ ጨዋታዎች ላይ መካተት የጀመረ ሲሆን የ23 ዓመቱ ወጣት ሰለሞን በዚህ ውድድር ለአገሩ ጥሩ ውጤትን ለማምጣት ማቀዱን ይናገራል።
ሰለሞን በቶኪዮ ኦሊምፒክ መሳተፍ የቻለው እአአ 2020 በአፍሪካ ደረጃ ሞሮኮ ላይ በተካሄደው ውድድር ስኬታማ መሆኑን ተከትሎ እንደሆነ ያስረዳል።
በኦሊምፒክ ውድድሮች ላይ መሳተፍ “የረዥም ጊዜ ህልሜ ነበር” የሚለው ሰለሞን፤ ይህን ህልሙን ለማሳካት ትምህርቱን ከማቋረጥ ጀምሮ ብዙ እልህ አስጨራሽ ጥረቶችን ማድረጉን ያስረዳል።
“በዚህ ኦሊምፒክ ለመሳተፍ ብዙ ውድድሮችን ማድረግ ነበረብኝ፤ ከአገር ውጪ ብዙ ውድድሮችን አሸንፊያለሁ። ጉዳት ሁሉ አጋጥሞኝ እዚህ ደርሻለሁ” ይላል።
“የሚቻለኝን ሁሉ አድርጌያለሁ። ፈጠሪ ከረዳኝ የሜዳሊያ ዝርዝር ውስጥ ገብቼ የአገሬን ሰንደ ዓላማ ማንሳት እፈልጋለሁ” በማለት ሰለሞን ከቢቢሲ ተናግሯል።
ቴኳንዶ (Taekwondo) የኮሪያ ማርሻል አርት ሲሆን እጅ እና እግርን መጠቀምን ይጠይቃል።
Tae = ማለት በእጅ መማታት
Kwon = በእግር መማታት ማለት ሲሆን
Do = ማለት ደግሞ አርት ወይም ስልት እንደማለት ነው።
ሰለሞን በቶኪዮ ኦሊምፒክ ከ58 ኪሎ ግራም በታች በሚባለው ምድብ ውስጥ የሚወዳደር ይሆናል። በዚህ የውድድር መስክ 16 ስፖርተኞች ይወዳደራሉ።
“ውድድሩ በአንድ ቀን ነው የሚጠናቀቅ ነው። ጠዋት ጀምሮ እስከ ምሽት ሊዘልቅ ይችላል። አንድ ዙር ካሸነፍክ ወደ ቀጣይ ዙር እያለፍ ትሄዳለህ።”
የኦሊምፒክ ውድድር እንደመሆኑ መጠን ሁሉም አትሌት ጠንካራ ተፎካካሪ ሆኖ እንደሚቀርብ የሚናገረው ሰለሞን፤ “ተዘጋጅቻለሁ ምንም የምፈራው ነበር የለም” በማለት ይናገራል። 
“ለተፈጠረው ሁሉ ታላቅ ይቅርታ እንጠይቃለን” -የኢትዮጵያ ኦሊምፒክ ኮሚቴ
ከኢትዮጵያ ኦሊምፒክ ኮሚቴ የተሰጠ መግለጭ ፦
ዛሬ በቶኪዮ ኦሊምፒክ መክፈቻ ላይ የተፈጠረው እጅግ አዝነናል የስፖርት ቤተሰቡን ለጥፋቱ ይቅርታ እየጠየቅን ሁኔታውን እናብራራለን ።
★ኢትዮጵያ በ4 የስፖርት አይነቶች ትሳተፋለች
አትሌቲክስ ፣ ወርልድ ቴኳንዶ ፣ ውሃ ዋና እና ብስክሌት
መጀመሪያው ቡድን ማክሰኞ ሀምለ 13/2013 ቶኪዮ ገብቷል
ወርልድ ቴኳንዶ ፣ ብስክሌት እና ውሃ ዋና
ወርልድ ቴኳንዶ ሰለሞን ነገ ጠዋት ውድድር አለው ብስክሌት ሰላም አመሃ ውድድሩ የሚደረግበት ቦታ ነው ስፖርተኞቹ ያረፊት ከቶኪዮ 150 ኪ,ሜ ርቀት ላይ አብዱልማሊክ ቶፊክ ከውሃ ዋና ሰንደቃላማ ይዟል። የኢትዮጵያ አትሌቶች አቋማቸው እንዳይወርድ ከኢትዮጵያ ቶሎ እዳይወጡ ተደርጓል በዚህ ምክንያት ቶኪዮ አልገቡም ኢትዮጵያ እደለሎች ሀገራት የቡድን ስፖርት ስላላለፈች ብዙ ስፖርተኛ የላትም።
ወደዛሬው ክስተት ስንመለስ
★በዋናነት የትራንስፖርት ካርድ አጠቃቀም ችግር ነው።
ትራንፖርት ባስ እና የታክሲ ቫውቸር አለ እኛ በታክሲ ቫውቸር እንድንጠቀም ነው የተፈቀደልን ያን በመጠቀም ስህተት 6ቱ ሰዎች አርፍደዋል ።
★ ከኮቪድ ጋር ተያይዞ ወደ መክፈቻው የሚገባው ሰው ቁጥር ውስን ተደርጓል ለኢትዮጵያ ፣ አሜሪካ ፣ ቻይና ወዘተ 6 ነው የተሰጣቸው ።
6ቱን የመግቢያ ካርዶች ለኮረኔል ደራርቱ ቱሉ፣ ዶማንደር ብርሃኔ አደሬ ፣ ዶ/ር በዛብህ ወልዴ እንዲሁም ሌሎች ሶስት ሰዎች ደርሷል ።
ስፖርተኞች ግን በባጃቸው ብቻ መሳተፍ ይችላሉ ኢትዮጵያ ደግሞ በብዛት የምታሳትፈው ስፖርተኛ የላትም
★ከሰንደቃላማ ጋር ተያይዞ የኢትዮጵያ ኦሊምፒክ ኮሚቴ አስቀድሞ በእቅድ የያዘው አንጋፋ አትሌቶቻችንን በመክፈቻው ሰንደቃላማችንን ለማስያዝ 
አብዛኛውን ትግራይ ተቆጣጠሮ የሚገኘው ህወሓት በበኩሉ በክልሉ ስለሚገኙ ኤርትራውያን ስደተኞችን በመተለከተ ከትናንት በስቲያ ባወጣው መግለጫ ላይ በትግራይ ያሉ ስደተኞች መፈናቀል እና ተፈጽመዋ የተባሉ ጥቃቶች እጅጉን አሳስቦኛል ብሏል።
ህወሓት በተባባሩት መንግሥታት የሚመራ ገለልተኛ አካል በሲቪል ሰዎች እና በስደተኞቹ ላይ ተፈጽመዋል የተባሉ በደሎችን እንዲያጣራ ጠይቋል።
ከስምንት ወራት በፊት በፌደራሉ መንግሥት እና በህወሓት መካከል ግጭት ከመከሰቱ በፊት በትግራይ ከ100ሺህ በላይ ኤርትራውያን ስደተኞች ይኖራሉ ተብሎ ይገመታል።
የስደተኞች እና ከስደት ተመላሾች ጉዳይ ኤጀንሲ በበኩሉ የህወሓት አማጺያን የስደተኛ መጠለያ ጣቢያዎች ወዳሉባቸው አካባቢዎች መግባታቸውን ገልጾ፤ እስካሁን ድረስ ቢያንስ ስድስት ስደተኞች እንደተገደሉ የሚያሳዩ መረጃዎች ተገኝተዋል ሲል ገልጿል።
“ለሰብአዊ አገልግሎት እንዲውሉ የተዘጋጁና የተቋቋሙ ጤና ጣቢያዎችን ጨምሮ አምቡላንሶችን እና መሠረተ ልማቶችን ለወታደራዊ አገልግሎት እያዋሉ እንደሆነ መረጃዎች ያመለክታሉ” ያለው ኤጀንሲው፤ በጤና አገልግሎት እጥረት ሕይወታቸው ያለፈ ስደተኞች ስለመኖራቸውም አስታውቋል።
ህወሓት ግን በመግለጫው የትግራይ ሕዝብ እና መንግሥት ለዓመታት በሺዎች የሚቆጠሩ የኤርትራ ስደተኞችን ተቀብሎ ሲያኖር 
በርካታ የአካባቢው ሰዎች ለቢቢሲ እንደተናገሩት አማጺው ህወሓት በርካታ ንጹሐንን ገድሏል። ይህ ክስ በሌላ ወገን አልተረጋገጠም።
ቢቢሲ በደረሰው ሌላ መረጃ የህወሓትን አማጺ ኃይሎች ዒላማ ያደረጉ የአየር ጥቃቶች ባለፉት ቀናት በአፋር ምድር መደረጋቸውን ነው።
ትግራይን በሚያዋስነው አፋር የኢትዮጵያ መከላከያ እና አጋሮቹ ህወሓትን እየተፋለሙት ይገኛሉ።
የአፋር ክልል ቃል አቀባይ እንደተናገሩት የትግራይ አማጺዎች በአፋር ሦስት አካባቢዎችን ተቆጣጥረዋል።
በአፋር ጉዳይ ላይ የመብት ተቆርቋሪዎች በክልሉ ከፍተኛ የምግብ፣ የመጠጥና የጊዜያዊ መጠለያ ችግር አጋጥሟል ሲሉ ድምጻቸውን አስተጋብተዋል።
ህወሓት በፌዴራል መከላከያ ሠራዊት ተገፍቶ እስኪወገድ ድረስ የትግራይ ክልልን ያስተዳድር ነበር።
አሁን ህወሓት በማዕከላዊው መንግሥት አሸባሪ ቡድን ተብሏል። አማጺዎቹ ግን እኛ ሕጋዊ የክልሉ አስተዳዳሪ ነን ይላሉ።
በአፋር ስለተደረገው ጦርነት እስከአሁን የምናውቃቸው
ከአፋር የደረሱን በርካታ ምንጮች እንደሚሉት የህወሓት አማጺ ኃይሎች በአፋር ክልል በርካታ ንጹሐንን ገድለዋል። ንብረቶችንም ዘርፈዋል። ቤቶችን 
የኢፌዴሪ ጠቅላይ ሚኒስቴር ፅህፈት ቤት የትግራይ ክልል ሰብአዊ ድጋፍ ያለበትን ወቅታዊ ሁኔታ አስመልክቶ መግለጫ ሰጥቷል።
የኢትዮጵያ መንግስት በትግራይ ክልል አርሶ አደሮች ወቅታዊ የግብርና ስራዎችን እንዲያካሂዱ እና ሰብአዊ ዕርዳታ እንዲመቻች ለማስቻል የተናጥል የተኩስ አቁም ተግባራዊ ማድረጉን ተከትሎ የህወሃት ቅሪቶች ለእርዳታ አሰጣጥ እንቅፋት እየሆኑ መሆናቸው እየታየ መሆኑን ነው ፅህፈት ቤቱ ያስታወቀው።
ከሰኔ 22 ቀን 2013 ዓ.ም ጀምሮ የተኩስ አቁም ከማድረጉ እና ተያያዥነት ባላቸው ጉዳዮች የኢትዮጵያ መከላከያ ሰራዊት ከመቀሌና ከሌሎች የክልሉ ከተሞች እንዲወጣ ከመደረጉ በፊት ላለፉት ወራት ሶስት ዙር በብሔራዊ የአስቸኳይ ጊዜ አስተባባሪ ኮሚቴ ከ400 ሺህ ኩንታል በላይ ስንዴ እና ከ2.5 ሚሊዮን ሊትር በላይ የምግብ ዘይት በክልሉ ለተቸገሩ የሰብአዊ እርዳታው እንዲሰራጭ መገረጉም ነው የተጠቆመው።
በተጨማሪም ወደ 14 ሚሊዮን ሊትር የሚጠጋ ነዳጅ በክልሉ በነዳጅ ዴፖዎች ውስጥ እንዲተው መደረጉንም ፅህፈት ቤቱ ባወጣው መግለጫ አስታውቋል።
አስፈላጊው የሰብዓዊ ዕርዳታን ለማግኘት ለአጋሮችና ለዓለም አቀፍ ዕርዳታ ድርጅቶች መንግስት ያልተገደበ ድጋፍ መሰጠቱንም በመግለጫው ተጠቁሟል።
የኢትዮጵያ መንግስት የአገር ብሔራዊ ደህንነትን አደጋ ላይ በማይጥል መልኩ በትግራይ ክልል ለሚገኘው ህዝብ አስፈላጊው የሰብአዊ ድጋፍ አቅርቦት ሁሉ ደህንነቱ በተጠበቀ ሁኔታ እንዲደርስ ለመደገፍ መንግስት ያለውን ቁርጠኝነት በድጋሚ አረጋግጧል።
የረድኤት ድርጅቶች ወደ ትግራይ ክልል የአውሮፕላን በረራ እንዲያደርጉ ሙሉ ፍቃድ በመሰጠቱ አስፈላጊውን የደህንነት ፍተሻ የተደረገላቸው አውሮፕላኖች ከአዲስ አበባ ተነስተው ወደ አዲስ አበባ ተመልሰው ለማረፍ መቻላቸውም ተመልክቷል።
ይህም ብሔራዊ ደኅንነትን ለመጠበቅና ሕገ መንግስት ከማክበር ጋር በሚስማማ መልኩ መተግበሩም ተገልጿል። 
ዓለም አቀፍ ሚዲያዎች የህወሓትን አጀንዳ በማራገብ በትግራይ ያለውን ቀውስ እያባባሱት ነው ሲል ኡጋንዳዊው ጋዜጠኛ ገለጸ
በአፍሪካ ወቅታዊ ጉዳዮች ላይ በመጻፍ የሚታወቀው ኡጋንዳዊው ጋዜጠኛ ኩንጉ አል መሀዲ አዳም በኢትዮጵያ በተለይም በትግራይ ክልል ስላለው ወቅታዊ ሁኔታ ዛሬ ዘርዘር ያለ ጽሁፍ አስነብቧል።
ጋዜጠኛው በዚሁ ጽሁፉ የህወሓትን አነሳስና አወዳደቅ ከደርግ ዘመን ጅምሮ እስከ ለውጡ ድረስ በመተንተን ያስረዳ ሲሆን፤ በተለይም ህወሓት በስልጣን ላይ በነበረበት ወቅት የፈጸማቸውን ግፎችና ዝርፊያዎች በመተንተን በህዝብ ተቃውሞ ተገፍቶ እንዴት በለውጡ ምክንያት እንደተወገደ አብራርቷል።
ህወሓቶች በስልጣን ላይ እያሉ የለመዱት ምቾትና የበላይነት ቀርቶ ከሌሎች ጋር በእኩል አይን መታየት ሲጀምሩ በኩርፊያ መቀሌ ገብተው የጠቅላይ ሚኒስትር ዐቢይ አህመድን መንግስት ለማዳከምና ለመጣል እንዲሁም እነሱ ከሌሉ አገሪቷ እንደማትቀጥል ለአለም አቀፉ ማህበረሰብ ለማሳየት በርካታ ሴራዎችን መፈጸማቸውን ጋዜጠኛው አብራርቷል።
በመጨረሻም ህወሓት የአገሪቱን 80 ከመቶ የጦር መሳሪያ ለመቆጣጠርና የሠራዊቱን እዝ በማፈረስ ሥልጣን ለመቆጣጠር አስቦ በሰሜን እዝ ላይ ጥቃት መፈጸሙን የገለጸው ጋዜጠኛው፤ ፌዴራል መንግስትና ህዝቡ ባደረገው የተቀናጀ ርብርብ በሶስት ሳምንት ውስጥ ሀይሉ ሊደመሰስ እንደቻለና አብዛኛው አመራሮችም ሊገደሉና ሊማረኩ እንደተገደዱ ገልጿል።
የማንም አገር መንግስት ሠራዊቱ በዚህ አይነት መንገድ ጥቃት እንዲፈጸምበት እንደማይፈቅድና ቢፈጸምበትም ኢትዮጵያ ካደረገችው ሌላ አማራጭ ሊያደርግ እንደማይችል ጋዜጠኛው አትቷል።
ህወሓት ከተወገደ በኋላም ፌዴራል መንግስት ለክልሉ ከፍተኛ ሠብአዊ ድጋፍ ማድረጉን እና ዓለም አቀፍ ተቋማት ማቅረብ የቻሉት እርዳታ ከ30 በመቶ የዘለለ እንዳልሆነ ገልጿል።
እውነታው ይሄ ቢሆንም አለም አቀፍ ሚዲያዎችና አለም አቀፍ የተራድኦ ድርጅቶች 
የዓለም ምግብ ፕሮግራም እርዳታን የጫኑ ተሽከርካሪዎች [ከፋይል ENA ]
የዓለም ምግብ ድርጅት የምሥራቅ አፍሪካ ዳይሬክተር ማይክል ደንፎርድ “የተባበሩት መንግሥታት የሰብዓዊ እርዳታ በረራ (UNHAS) መቀለ ሲያርፍ ሠራተኞቻችን እና የአደጋ ጊዜ እርዳታ ሰጪ አጋሮቻችን ተደስተዋል” ብለዋል።
ድርጅቱ እርዳታውን ለ2.1 ሚሊየን የትግራይ ነዋሪዎች የማዳረስ እቅድ አለው። በትግራይ ክልል የረሃብ አደጋ እንዳንዣበበ የዓለም ምግብ ፕሮግራም፣ የተባበሩት መንግሥታት ድርጅትና ሌሎችም የረድኤት ተቋሞች በተደጋጋሚ ማስጠንቀቃቸው አይዘነጋም።
በቂ ምግብ አለመኖሩ፣ የሰብዓዊ እርዳታ መስጫ እጥረት፣ ስልክና ኢንተርኔትን የመሰሉ የመገናኛ ዘዴዎች መቋረጥ እርዳታውን ፈታኝ እንዳደረገው የዓለም ምግብ ፕሮግራም በድረ ገጹ አስታውቋል።
ጦርነቱ ከትግራይ አልፎ ወደ አፋርና ሌሎችም አካባቢዎች እየተስፋፋ መምጣቱን በመጥቀስ፤ ይህም የዓለም ምግብ ፕሮግራምን ጨምሮ ሌሎችም ድርጅቶች እርዳታ የሚያጓጉዙበት መንገድ ሊያሳጣ እንደሚችል ስጋታቸውን ገልጸዋል።
ከቀናት በፊት 
ከመገናኛ ብዙኃኖቹ መካከል ‘ኢጂፕት ኢንዲፔንደት’ የተሰኘው የኢትዮጵያ የውሃ፣ ኢነርጂ እና መስኖ ሚንስቴር የግድቡ ሁለተኛ ዙር ውሃ ሙሌት በተሳካ ሁኔታ ተጠናቋል ያለው “ሐሰት ነው” የሚል ዘገባ አቅርቦ ነበር።
የውጪ ጉዳይ ሚንስቴር ቃል አቀባይ አምባሳደር ዲና ሙፍቲ ‘ኢትዮጵያ የፈለገችውን ያህል ውሃ አላከማቸችም’ የሚለው ዘገባ የሐሰት ነው ብለዋል። አምባሳደሩ ከዚህ ቀደምም ኢትዮጵያ የግድቡን ግንባታ ስታስጀምር ግንባታው የሐሰት ነው የሚሉ አንዳንድ አካላት ነበሩ ሲሉ አክለዋል።
ግድቡ በአሁኑ ወቅት ምን ያህል የውሃ መጠን ይዞ እንደሆነ የተጠየቁት አምባሳደር ዲና፤ የውሃ መጠኑ ምን ያህል እንደሆነ እንደማያውቁ እና ጉዳዩን የሚያውቁት የውሃ ባለሙያዎች እንደሆኑ ተናግረዋል።
“ግድቡን እየገነቡ ያሉ ሰዎች እንደነገሩን ከሆነ ሁለተኛ ዙር የውሃ ሙሌት እንደተጠናቀቀ እና በቅርቡ ሁለት ተርባይነሮች ሥራ እንደሚጀምሩ ነው” ብለዋል አምባሳደር ዲና።
ከዚህ በተጨማሪም ኢትዮጵያ የሕዳሴ ግድቡን ግንባታ እየቀጠለች በአፍሪካ ሕብረት መሪነት ወደሚደረገው ድርድር ለመመለስ ዝግጁ መሆኗን ተናግረዋል።
Addis Ababa’s announcement of the completion of the second filling of the Grand Ethiopian Renaissance Dam (GERD) is false, according to the Advisor to Al-Ahram Center for Sudan and Nile Basin Affairs, Hany Raslan.
Addis Ababa failed to fill GERD reservoir: researcher 
