ጠቅላይ ሚኒስትር ዶ/ር አብይ አህመድ ከመከላከያ ሠራዊት ጄኔራሎች ጋር ዛሬ ተወያዩ። በአዲሱ የመከላከያ ግንባታ ስትራቴጂ ዝግጅት እና በተቋማዊ የግንባታ ሂደት ላይ ፍሬያማ ውይይት ማድረጋቸውን ጠቅላይ ሚኒስትር ዶ/ር አብይ በገጻቸው ላይ አስፍረዋል።
Together with general officers of the National Defense Force, we held fruitful discussions on the new defense strategy and institution building activities. pic.twitter.com/Lse34Og7Oo
— Abiy Ahmed Ali 🇪🇹 (@AbiyAhmedAli) June 21, 2020
(ኢዜአ) የመከላከያ ሰራዊት ግንባታ ስትራቴጂ ሰነድ ላይ የተደረገው ውይይት የአገሪቱን ወቅታዊ ሁኔታ ያገናዘበና አለምአቀፋዊ ዝማኔን መሰረት ያደረገ መሆኑን የጠቅላይ ሚኒስትር ፅህፈት ቤት ፕሬስ ሰክሬታሪያት ሃላፊ አቶ ንጉሱ ጥላሁን ተናገሩ፡፡
–
የኢፌዲሪ ጦር ሀይሎች ጠቅላይ አዛዥ ጠቅላይ ሚስትር ዶክተር ዐብይ አህመድ ለመከላከያ ሠራዊት ጀነራል መኮንኖች የመከላከያ ሰራዊት ግንባታ ስትራቴጂ ሰነድን በተመለከተ ገለፃ አድርገዋል፡፡
–
ይህንኑ በማስመልከት የጠቅላይ ሚንስትር ፅህፈት ቤት ፕሬስ ሰክሬታሪያት ሃላፊ አቶ ንጉሱ ጥላሁን ተቋሙ ህግና ስርዓትን የሚያስጠብቅ እንደመሆኑ ዘላቂነት ባለው መልኩ ለየትኛውም አካል ሳይወግን ገለልተኛ ሁኖ እንዲያገለግል የሰራዊት ግንባታ ስትራቴጂ መነደፉን ገልጸዋል።
–
ስትራቴጂው የተቀረጸው ከዚህ ቀደም የነበረውን መመሪያ ወቅቱ በሚፈልገው መልኩ ለማዘመን ታስቦ እንደ አዲስ ሁሉም የሰራዊት አባላትን የሚያቅፍና ዘላቂ ለሀገር ግንባታ በሚውል መልኩ በተዋረድ ይወያዩበታልም ብለዋል፡፡
–
ህዝቡም የመከላከያ ሰራዊት የሚገነባበትን መንገድ ማወቅ ስላለበት በሂደት ስትራቴጂው ይፋ ይደረጋል ነው ያሉት።
–
ከዚህ ቀደም የነበረው የመከላከያ ሰራዊት በህብረ ብሄራዊነት ላይ እንከን የሚታይበት እንደነበርም አስታውሰዋል።
–
የአሁኑ የሰራዊት ግንባታ ስትራቴጂ ግን ህገ መንግስትን የሚያስጠብቅና አሁን ላለው ወቅታዊ ሁኔታ በሚመጥን መልኩ መሆኑን አብራርተዋል።