የመረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ።
ኢዜማ “ብርሃን” እንጂ “አምፖል ይዞ” ወደ ምርጫው አልመጣም – ፕሮፌሰር ብርሃኑ ነጋ
“ብርሃን የሚገኘው በአምፖል ነው”- ጠ/ሚ ዐቢይ አሕመድ
የፓርቲው መሪ የሆኑት ፕሮፌሰር ብርሃኑ ነጋ ፓርቲያቸው “ብርሃን” እንጂ “አምፖል ይዞ” ወደ ምርጫው አልመጣም ሲሉ ተናገረዋል።ፕሮፌሰር ብርሃኑ ፤ ገዢው ፓርቲ በምርጫ ምልክትነት የመረጠውን ቁስ ያነጻጸሩበት አገላለጽ በደጋፊዎቻቸው ዘንድ የ“ይደገም” አድናቆት አስገኝቶላቸው ነበር።
ለዚህ የሚሆን መልስ ያዘጋጁት ጠቅላይ ሚኒስትር ዐቢይ አሕመድ “ብርሃን የሚገኘው በአምፖል ነው” ሲሉ የጭዳ-ጅማ የመንገድ ግንባታን ባስጀመሩበት መረሃ-ግብር ላይ ገልጸዋል፡፡ ጅማ እና አካባቢው ከኢትዮጵያ ታሪካዊ ስፍራዎች አንደኛው ቢሆንም ባለፉት 30 ዓመታት መንግሥት ትኩረት ሳይሰጠው በመቆየቱ ፈጣን ለውጥ ማምጣት ተስኖት ነበር ብለዋል፡፡
–
አሁን ግን ለጅማ እና አካባቢው ነዋሪዎቿ ፀሃይ ወጥቶላቸዋል ብለዋል፡፡ የጭዳ-ጅማ አስፋልት መንገድ ደግሞ በበርካታ ሰው ሰራሽና ተፈጥሯዊ ሃብቶች ለታደለው የጅማና አካባቢው ህዝብ ወደ ብርሃን የሚወስድ ነው ሲሉም ተናግረዋል፡፡ሆኖም “ብርሃን ያለ አምፖል ምንም ስለሆነ አምፖሉን ጠበቅ በማድረግ የጋራ ብልፅግናውን ማየት ያስፈልጋል”ም ብለዋል፡፡ፕሮፌሰር ብርሃኑ በመርሃ ግብሩ ላይ ባሰሙት ንግግር፥ ገዢው ፓርቲ ከመጪው ምርጫ ጋር በተገናኘ “ግልጽ አቋሙን ሊያሳውቅባቸው ይገባል” ያሏቸውን ነጥቦች አንስተዋል።“ብልጽግና ፓርቲ የህወሓት እና የኢህአዴግ ወራሽ ሳይሆን ከሁለቱ የተለየ ፓርቲ መሆኑን በተግባር እንዲያሳየን እንሻለን” ብለዋል በንግግራቸው።የኢዜማው መሪ፤ መጪው ምርጫ ከዚህ ቀደም ከተካሄዱት አምስት ጠቅላላ ምርጫዎች የተለየ መሆኑን በንግግራቸው ጠቅሰዋል።
በጅማ አባ ጅፋር እና በኮንታ ታላላቅ ሰዎች መካከል የነበረው ወንድማማችነት ጠንካራ እንደነበረ ያነሱት ጠቅላይ ሚኒስትሩ፤ የጭዳ-ጅማ መንገድም የኮንታ እና የጅማ አካባቢ ነዋሪዎችን የቀደመ ማህበራዊ ትስስር እንደገና የሚያጠናክር መሆኑን ገልፀዋል፡፡ መንግሥት በመንገድ ፕሮጀክቱ የገባውን ቃል በተግባር የሚያሳይ መሆኑንም አረጋግጠዋል፡፡–
የኢዜማው መሪ“ኢህአዴግ ይባል የነበረው ድርጅት ስልጣን ከያዘ ወዲህ ምርጫ መሰል ነገሮች ሁሉ ተቆጥረው ስድስተኛ ይባል እንጂ፤ የእኛ ተስፋ ይህ ምርጫ የመጀመሪያው የኢትዮጵያ ዲሞክራሲያዊ ምርጫ ነው” ሲሉ ለአሁኑ ምርጫ ያላቸውን ከፍተኛ ግምት ተናግረዋል። “ታሪክ በእኛ ላይ የጣለው ሃላፊነት ይህ ምርጫ ከዚህ በፊት እንደነበሩት የይስሙላ ወይም የሙከራ ሳይሆን፤ በእርግጥም የመጀመሪያ ዴሞክራሲያዊ ምርጫ ማድረግ ነው” ሲሉም አክለዋል።
–
