አዲስ አበባ በአንድ ትምሕርት ቤት ውስጥ ኮቪድ 19 በሽታ የተያዙ ተማሪዎች ተገኙ


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ


በራስ አምባ ትምህርት ቤት በኮቪድ 19 ያለባቸዉ አራት ተማሪዎች በመገኘታቸዉ በየክፍሉ ምርመራ መደረግ መጀመሩን የትምህርት ቤቱ ርእሰ መመህር አቶ ስንታየዉ ገለታ ለአሀዱ ተናግረዋል፡፡
አሁን ናሙና ከተወሰደላቸዉ 22 ተማሪዎች በተጨማሪ በሁለተኛዉ ዙር በነገዉ እለት ማክሰኞ ከሶስት ክፍሎች ናሙና እንደሚወሰድ አስታዉቀዋል፡፡
አራቱ ተማሪዎች ኮቪድ እንዳለባቸዉ የታወቀዉ ቤተሰቦቻቸዉ ናሙና ሰጥተዉ ነዉ ተብሏል፡፡ተማሪዎቹ ከየክፍሉ አንድ አንድ 4 በመሆናቸዉ ከሁሉም ክፍሎች ናሙና ይወሰዳል ብለዋል፡፡
የመማር ማሰተማር ሂደቱ አሁንም ቀጥሏል ያሉ ሲሆን ለመምህራን ናሙና ለመዉሰድ ታስቧል ወይ የሚለዉን አሀዱ የጠየቀ ቢሆንም ምልክት ከታየ እንደሚወሰድ እና አሁን ላይ ከተማሪዎች ብቻ ለመዉሰድ መታቀዱን አቶ ስንታየዉ ነግረዉናል፡፡
በራስ አምባ ትምህርት ቤት መመህር የሆኑ ግለሰብ ለአሀዱ እንደተናገሩት ደግሞ በትምህርት ቤቱ እስካሁን 6 ተማሪዎች ኮቪድ ተገኝቶባቸዋል፡፡ የታወቀዉም በጠና ስለታመሙ ነዉ ብለዋል፡፡
የሚያዙ ተማሪዎች ቁጥር ሊጨምር እንደሚችል ይገመታል፡፡ በትምህርት ቤቱ አሁን እየተደረገ ያለዉ የምርመራ ቁጥር በቂ አይደለምና ትኩረት ያስፈልጋል ሲሉ ለአሐዱ ተናግረዋል፡፡
አሐዱ ራዲዮ 94.3