የሕዳሴ ግድብ ድርድር አስመልክቶ በአደራዳሪው የቀረበውን ሐሳብ ሱዳን አለመቀበሏ ተሰማ ።


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ

የኢትዮጵያ፣ ግብጽ እና ሱዳን የውጭ ጉዳይ እና ውኃ ጉዳይ ሚኒስትሮች በበይነ መረብ ስብሰባ አካሄዱ

 

EBC – የኢትዮጵያ፣ ግብጽ እና ሱዳን የውጭ ጉዳይ እና ውኃ ጉዳይ ሚኒስትሮች በዛሬው ዕለት በበይነ መረብ ስብሰባ አካሂደዋል።

ስብሰባው በደቡብ አፍሪካ የዓለም አቀፍ ግንኙነት እና ትብብር እንዲሁም የአፍሪካ ኅብረት አስፈጻሚ ምክር ቤት ሊቀመንበር ሰብሳቢነት ተካሂዷል።

ሚኒስትሮቹ የሕዳሴ ግድብ ድርድር በሚቀጥልበት ሁኔታ ላይ ምክክር አድርገዋል። ስብሰባው ባሳለፍነው ሳምንት እንዲካሄድ ስምምነት ተደርሶበት የነበረውን የሦስትዮሽ ስብሰባ ላይ ሱዳን ባለመገኘቷ ምክንያት ከቀረ በኋላ የተካሄደ መሆኑን የውጭ ጉዳይ ሚኒስቴር ገልጿል።

በስብሰባው ላይ የአፍሪካ ኅብረት አስፈጻሚ ምክር ቤት ሊቀመንበር ድርድሩን ለማስቀጠል ይረዳል በሚል አገራቱ ለሦስት ቀናት ከአፍሪካ ኅብረት ባለሞያዎች ጋር የሁለትዮሽ ስብሰባ እንዲያካሂዱ፣ በማስከተል የሦስትዮሽ ስብሰባ እንዲካሄድ እና ውጤቱ ለሊቀመንበሯ እንዲገለጽ ሐሳብ አቅርበዋል።

ኢትዮጵያ እና ግብጽ ይህንን ተቀብለው ለመቀጠል የተስማሙ ሲሆን፣ ሱዳን ሐሳቡን ባለመቀበሏ ስብሰባው በዚሁ መጠናቀቁን ሚኒስቴሩ ገልጿል።

ኢትዮጵያ የሱዳን ጥያቄዎችን ለመመለስ እንዲቻል በግድብ ደህንንነት፣ በመረጃ ልውውጥ እንዲሁም በሌሎች ቴክኒካዊ ጉዳዮች ላይ መፍትሔ ለመስጠት ዝግጁ መሆኗን ውጭ ጉዳይ ሚኒስቴር ባወጣው መግለጫ አስታውቋል።