መንግስት የታገቱ ተማሪዎች ተለቀዋል ቢልም ቤተሰቦቻቸው ልጆቻችን ስለመለቀቃቸው ያወቅነው ነገር የለም ብለዋል።


ኢትዮጵያን ካጋጠሟት እጅግ ውስብስብ ችግሮች ለማዳን የተለያዩ ጠቃሚ ሃሳቦችን እና ገንቢ ትችቶችን የሚያቀርቡ ነፃ ሚዲያዎች ወሳኝ ሚና እንደሚጫወቱ ይታወቃል። ስለዚህም ኢትዮ360፣ መረጃ ቲቪ፣ አዲስ ድምጽ፣ ምንሊክ ቲቪ እና ሌሎችም የኢትዮጵያዊነት አጀንዳ የሚያራምዱ ሚዲያዎች በመተባበር ፕሮግራሞቻቸውን በሳተላይት ቲቪ ለኢትዮጵያ ህዝብ በማቅረብ ላይ ይገኛሉ። እነዚህ ሚዲያዎች የፈጠሩት ማህበር የሳተላይት ወጪውን መሸፈን እንዲያስችለው ይህን የጎፈንድሚ ፔጅ ከፍተናል → እዚህ ሊንክ ላይ ይጫኑ። ለትብብርዎ እናመሰግናለን።

VOA : ከአንድ ወር ተኩል በፊት ደምቢዶሎ ዩኒቨርስቲ ውስጥ የተፈጠረውን ግጭት ሸሽተው ወደ ቤተሰቦቻቸው በመመለስ ላይ እያሉ “በታጣቂዎች ታገቱ” ከተባሉ ተማሪዎች ውስጥ የተወሰኑት ወላጆች ፤ ልጆቻቸው ከታገቱ ጀምሮ መፍትሔ ለማግኘት ያህል በመንከራተት ላይ እንዳሉ ገልፀው ስለመለቀቃቸውም የሚያውቁት ነገር እንደሌለ ለአሜሪካ ድምፅ ተናግረዋል።

አነዲት ከመታገት አምልጬ ወጥቻለሁ ያለች ተማሪ በበኩሏ አንድ የአካባቢው ነዋሪ የሆኑ አባት ሸሽገው ለፖሊስ እንዳስረከቧት ገልፃ ስለጓደኞቿ መታገት ለአማራ ክልል የፀጥታ ዘርፍ ክፍል እና ለተማሪዎቹ ወላጆች ማሳወቋን ገልፃለች።በዚህ ጉዳይ ላይ ዛሬ መግለጫ የሰጡት የጠቅላይ ሚንስትሩ የፕሬስ ሴክሬተሪያት ኃላፊ አቶ ንጉሱ ጥላሁን በአሁኑ ሰዓት አምስት የደምቢዶሎ ዩኒቨርሲቲ ተማሪዎች እና አንድ ሌላ ተማሪ በአጠቃላይ ስድስት ተማሪዎችበእገታ ላይ መሆናቸውን ለአገር ውስጥ መገናኛ ብዙሃን አረጋግጠዋል።ከዚህ ቀደም የታገቱ 13 ሴቶችና ስምንት ወንዶች በድምሩ 21 ልጆች በሰላማዊ ሁኔታ መለቀቃቸውንም ገልፀዋል።