በግጭቶች ተሳትፈዋል የተባሉ ተጠርጣሪዎችን በቁጥጥር ስር እያዋለ መሆኑን የሰላም ሚኒስቴር አስታወቀ


መረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ


በግጭቶች ተሳትፈዋል የተባሉ ተጠርጣሪዎችን በቁጥጥር ስር እያዋለ መሆኑን የሰላም ሚኒስቴር አስታወቀ

(ኤፍ ቢ ሲ) የኢፌዴሪ የሰላም ሚኒስቴር ሰሞኑን በሀገሪቱ በተከሰቱ ግጭቶች ተሳትፈዋል በሚል የተጠረጠሩ ግለሰቦችን በየደረጃው ካሉ የፀጥታ አካላት ጋር በመቀናጀት በቁጥጥር ስር እያዋለ መሆኑን አስታውቋል።

ሚኒስቴሩ በዛሬው ዕለት ባወጣው መግለጫ ከሃይማኖት አባቶች፣ ከሀገር ሽማግሌዎች፣ ከአባ ገዳዎች፣ ከወጣቶች፣ ከሴቶች እና ችግሩ ከተፈጠረባቸው አካባቢ አመራሮች ጋር በመሆን ግጭቱ የብሔር መልክ እና የሃይማኖት መልክ ይዞ እንዳይስፋፋ ማድረጉን ገልጿል።

ከብሔራዊ የአደጋ ስጋትና ስራ አመራር ኮሚሽን እና ከጤና ጥበቃ ሚኒስቴር የተውጣጡ ግብረ ኃይሎች ለተጎጂዎች እርዳታ እያቀረቡ ነው ብሏል።

በዚህም 878 ኩንታል የምግብ፣ 712 ካርቶን ብስኩት፣ እንዲሁም ምግብ ነክ ያልሆኑ 10 ሺህ 280 የቤት ቁሳቁሶች ተደራሽ መሆናቸውን ነው የተጠቀሰው።

የሰላም ሚኒስቴር በህዝቦች መካከል መተማመን እንዲኖር መጣር፣ የሀሳብ ልዩነቶችን በጠረጴዛ ዙሪያና በህግ ስር መፍታት አስፍላጊ መሆኑን ተናግሯል።

ሚኒስቴሩ ሰሞኑን የተከሰተው ግጭት እንዳይባባስ የድርሻቸውን አዎንታዊ አስተዋፅኦ ያበረከቱትን በማመስገን ህይወታቸውን ላጡ ወገኖች የተሰማውን ሀዘን ገልጿል።