" /> ብአዴን/አዴፓ ችግሮቻችንን በጋራ ተነጋግረን እንፍታ ሲል ለሕወሓት ጥሪ አቀረበ። | Mereja.com - Ethiopian Amharic News

ብአዴን/አዴፓ ችግሮቻችንን በጋራ ተነጋግረን እንፍታ ሲል ለሕወሓት ጥሪ አቀረበ።

በ2012 ዓመተ ምህረት የአማራ ክልል ለሰላም ትኩረት ሰጥቶ እንደሚሰራ የክልሉ ርዕሰ መስተዳድር አስታወቁ፡፡

የአማራ ክልል ርዕሰ መስተዳድር አቶ ተመስሀን ጥሩነህ አዲሱን ዓመት ምክንያት በማድረግ ዛሬ በሰጡት የመልካም ምኞት መግለጫ በተገባደደው 2011 የክልሉ ርዕሰ መስተዳድርና ሌሎች ከፍተኛ ባለስልጣናት የተገደሉበት ዓመት እንደነበር አስታውሰው ህዝቡ ከዚህ ሀዘን ወጥቶ በመጪው ዓመት ሰላም ለማስፈን የድርሻውን እንዲወጣ አሳስበዋል፡፡

በ2011 ባወጧቸው መግለጫዎች ስለተካሰሱት ህዝባዊ ወያኔ ሓርነት ትግራይ (ሕወሓት) እና የአማራ ዴሞክራሲዊ ፓርቲ (አዴፓ)ግንኙነት ተጠይቀው «ችግሮቻችንን በውይይት ለመፍታት ዝግጁ ነን »ብለዋል።

በመጪው ዓመት ትኩረት ከሚሰጣቸው ጉዳዮች መካከል ለወጣቶች የሥራ እድል መፍጠር እና ለክልሉ ከፍተኛ የገቢ ምንጭ የሆነውን የቱሪዝም ዘርፍ ማጠናከር መሆኑንም ተናግረዋል።

DW


የመረጃ ቲቪ አባል በመሆን የስራችን ጥራት እንዲሻሻል ያግዙን። አባል ለመሆን እዚህ ላይ ይጫኑ።
JOIN Mereja TV