ሕዝቡ መከላከያን ለመቀላቀል እያሳየው ያለው ተነሳሽነት ለጥፋት ኃይሎች የሞራል ሥብራት ነው – ኮሎኔል ጌትነት አዳነ

May be an image of 1 person and military uniform(አሚኮ) ለመከላከያ ሠራዊት የሚደረገው ድጋፍ እና የሕዝቡ መከላከያን ለመቀላቀል እያሳየው ያለው ተነሳሽነት ለጥፋት ኃይሎች የሞራል ሥብራት ነው ሲሉ የመከላከያ ሕዝብ ግንኙነት ዳይሬክተር ኮሎኔል ጌትነት አዳነ ተናገሩ ።

ኮሎኔል ጌትነት አዳነ እንደገለጹት በሰሜን ኢትዮጵያ በተከሰተው ጦርነት የኢትዮጵያ ሕዝብ እያደረገው ያለው ርብርብ ለመከላከያ ሠራዊቱ ብቻ ሳይሆን ከሀገር ውጭ ላለው ዲያስፖራ ሁሉ ወኔ ሆኗል። ከአርሶ አደር እስከ አርብቶ አደር፤ ከተማሪ እስከ አስተማሪ በየትኛውም ዘርፍ የተሰማራ ሁሉ ለመከላከያ ያለውን ድጋፍ አሳይቷል። ይህ በሀገሪቱ ታሪክ በደማቁ የሚጻፍ ነው ብለዋል።

ሕዝቡ በነቂስ ለመከላከያ ድጋፍ መውጣቱ ለሠራዊቱ የሞራል ስንቅ እንደሚሆን የገለጹት ኮሎኔል ጌትነት፤ ለማሸነፍ የሥነ ልቦና ሙሉነት ወሳኝ መሆኑን ተናግረዋል። በአሁኑ ጊዜ ሁሉም ለሀገሩ ወታደር መሆኑንም ተናግረዋል።

ኅብረተሰቡ የገንዘብና ስንቅ ድጋፍ ከማድረግ በተጨማሪ ግንባር ድረስ ሄዶ ለመዋጋት እያሳየ ያለው ተነሳሽነት ለጥፋት ኃይሎች ጭንቀት ሆኖባቸዋል።

እንደ ኮሎኔል ጌትነት ገለጻ፤ ለጥፋት የተነሳው የህወሓት የሽብር ቡድን አርሶአደር ምሁር አይልም፤ ሁሉንም እያጠፋ ነው፤ በተለይም አርሶአደሩን አጥፍቶ ታይቷል። በመሆኑም በየትኛውም ዘርፍ ያለ ሰው የሚዘምተው ለህልውናው ነው ብለዋል። ኢፕድ እንደዘገበው።