ኢዜማ በ28 ምርጫ ወረዳዎች የተደረገው ምርጫ በድጋሚ እንዲደረግ ለጠቅላይ ፍርድ ቤት አቤቱታ አስገባ


የመረጃ ቲቪን 24/7 የሳተላይት ስርጭት በመደገፍ የኢትዮጵያ ህዝብ አማራጭ እና ትክክለኛ መረጃ በማግኘት እራሱን ከተጋረጠበት አደጋ መከላከል እንዲችል እናግዝ። በአሁኑ ወቅት ከመረጃ ቲቪ በስተቀር ሌሎች ሁሉም በኢትዮጵያ ያሉ የቴሌቪዥን ጣቢያዎች የመንግስት የፕሮፓጋንዳ መሳሪያ ናቸው። ይህን የጎፈንድሚ ፔጅ የከፈትነው የመረጃ ቲቪ የሳተላይት ስርጭት የአንድ ዓመት ወጪን ለመሸፈን ነው። እዚህ ሊንክ ላይ በመጫን ድጋፍዎትን ይለግሱ » https://gofund.me/54405070
No photo description available.የኢትዮጵያ ዜጎች ለማኅበራዊ ፍትህ (ኢዜማ) በ28 ምርጫ ወረዳዎች ሰኔ 14 ቀን 2013 ዓ.ም የተደረገው ምርጫ በድጋሚ እንዲደረግ ለጠቅላይ ፍርድ ቤት አቤቱታ አስገባ።
የኢትዮጵያ ዜጎች ለማኅበራዊ ፍትህ (ኢዜማ) ሰኔ 14 ቀን 2013 ዓ.ም ለሕዝብ ተወካዮች ምክር ቤት እና ለክልል ምክር ቤቶች የተደረገው ምርጫ ላይ ከድምጽ አሰጣጥ ጋር ተያይዞ፥ ከቀበሌ እስከ ክልል ባሉ የገዢው ፓርቲ አመራሮች፣ ከቀበሌ ሚሊሻ እስከ ክልል ልዩ ኃይል ድረስ ባሉ የፀጥታ አስከባሪዎች፣ የምርጫ ጣቢያ የምርጫ አስፈጻሚዎች እና ለጊዜው ማንነታቸውና ሕጋዊ የሥራ ኃላፊነታቸው በግልጽ ያልታወቀ ግለሰቦች በድምጽ አሰጣጥ ሂደት እና በምርጫው ውጤት ላይ እጅግ ከፍተኛ ተጽዕኖ ያሳደሩ እና የኢፌዴሪ ሕገ መንግሥትን፣ የምርጫ አዋጅን እና ምርጫ ቦርድ ያወጣቸውን መመሪያዎች በቀጥታ የሚጻረሩ ተግባሮች መፈፀማቸውን በመጥቀስ የሰው፣ የሰነድ፣ የቪድዮ እና የምስል ማስረጃዎችን በማያያዝ ለኢትዮጵያ ብሔራዊ ምርጫ ቦርድ ሰኔ 18 ቀን 2013 ዓ.ም ቅሬታ አስገብቶ ነበር።
ኢዜማ ዛሬ ለኢፌዴሪ ጠቅላይ ፍርድ ቤት ባስገባው አቤቱታ የኢትዮጵያ ብሔራዊ ምርጫ ቦርድ የቀረቡለትን ቅሬታዎች እና ማስረጃዎች በአግባቡ ሳይገመግም ውሳኔ ማስተላለፉን ጠቅሶ ፍርድ ቤቱ ከበቂ በላይ ማስረጃ በቀረቡባቸው 28 ምርጫ ወረዳዎች ምርጫው በድጋሚ እንዲካሄድ ውሳኔ እንዲያስተላልፍ ጠይቋል።
የኢፌደሪ ጠቅላይ ፍርድ ቤት 2ኛ የምርጫ ጉዳዮች ችሎት አቤቱታውን ተቀብሎ ጉዳዮን ማየት ለመጀመር ለነገ ሐምሌ 15 ቀን 2013 ዓ.ም ከጠዋቱ 3 ሰዓት ቀጠሮ ሰጥቷል።
የኢዜማ ጠበቆች ቡድን ለኢትዮጵያ ብሔራዊ ምርጫ ቦርድ ኢዜማ ቅሬታ ያስገባባቸውን 68 ምርጫ ወረዳዎች እና ለኢፌዴሪ ጠቅላይ ፍርድ ቤት አቤቱታ ያቀረበባቸውን 28 የምርጫ ወረዳዎች በተመለከተ ማብራሪያ የሚሰጥበት ጋዜጣዊ መግለጫ ነገ ሐምሌ 15 ቀን 2013 ዓ.ም ከቀኑ 8፡00 ሰዓት ጀምሮ በኢዜማ ዋና ጽሕፈት ቤት መስፍን ወልደማሪያም አዳራሽ ይሰጣል።