በራሳችሁ ወጪ ለ14 ቀናት ሆቴል ትቆያላችሁ የተባሉ ኢትዮጵያውያን የምንከፍለው ገንዘብ የለንም ብንልም የሚሰማን አጥተናል ይላሉ።


ኢትዮጵያን ካጋጠሟት እጅግ ውስብስብ ችግሮች ለማዳን የተለያዩ ጠቃሚ ሃሳቦችን እና ገንቢ ትችቶችን የሚያቀርቡ ነፃ ሚዲያዎች ወሳኝ ሚና እንደሚጫወቱ ይታወቃል። ስለዚህም ኢትዮ360፣ መረጃ ቲቪ፣ አዲስ ድምጽ፣ ምንሊክ ቲቪ እና ሌሎችም የኢትዮጵያዊነት አጀንዳ የሚያራምዱ ሚዲያዎች በመተባበር ፕሮግራሞቻቸውን በሳተላይት ቲቪ ለኢትዮጵያ ህዝብ በማቅረብ ላይ ይገኛሉ። እነዚህ ሚዲያዎች የፈጠሩት ማህበር የሳተላይት ወጪውን መሸፈን እንዲያስችለው ይህን የጎፈንድሚ ፔጅ ከፍተናል → እዚህ ሊንክ ላይ ይጫኑ። ለትብብርዎ እናመሰግናለን።
ሸገር FM : ከዱባይ እና ከሌሎችም ሀገራት አዲስ አበባ ደርሰው በቦሌ ዓለም አቀፍ አውሮፕላን ማረፍያ በራሳችሁ ወጪ ለ14 ቀናት ትቆያላችሁ የተባሉ ኢትዮጵያውያን፣ “የምንከፍለው ገንዘብ የለንም” ብንልም የሚሰማን አጥተናል ይላሉ። ሸገር በዚህ ጉዳይ ላይ ማብራሪያ የጠየቀው የአየር መንገዱ የኮምንኬሽን ክፍል፣ ጥያቄያችሁን በጽሑፍ ላኩልን ሲል መልሷል። የከተማ መሥተዳድሩ በበኩሉ፣ “መንግሥት መክፈል ለማይችሉ ከውጭ ተመላሽ ዜጎች፣ ጊዜያዊ ማቆያ (ማደርያ) እና ምግብ አሰናድቶ እየጠበቃቸው ነው፣ ኢትዮጵያውያኑ ፈፅሞ መጉላላት የለባቸውም” ሲል ለሸገር ነግሯል።