" /> በዛሬው እለት የመጪው አገራዊ ምርጫ የጊዜ ሰሌዳ ይፋ ይደረጋል ተባለ | Mereja.com - Ethiopian Amharic News

በዛሬው እለት የመጪው አገራዊ ምርጫ የጊዜ ሰሌዳ ይፋ ይደረጋል ተባለ

የኢትዮጲያ ብሔራዊ ምርጫ ቦርድ ባለድርሻ አባላት ኮንፈረንስ – የካቲት 06 ቀን 2012 ዓ.ም

Image

የኢትዮጲያ ብሔራዊ ምርጫ ቦርድ ዛሬ የሚያደርገው ውይይት ከመስከረም 27 እና 28 2012 ዓ.ም በአፍሪካ ህብረት አዳራሽ ከተደረገው የመጀመሪያው የባለድርሻ አካላት ኮንፈረንስ ቀጣይ ሲሆን የውይይቱም ዋና አላማ የመጪው አገራዊ ምርጫ የጊዜ ሰሌዳ ይፋ ማድረግ፣ ስለ ምርጫ ቦርዱ የስራ እንቅስቃሴዎች እና ስለ 2012 አጠቃላይ ምርጫ ዝግጅት መረጃ ማካፈል፣ የምርጫ ዋና ዋና ተሳታፊዎች እና የትብብር ሃላፊነቶች እንዲሁም ስለቦርዱ ስራዎችን በተመለከተ ውይይት ማድረግ ነው፡፡

የኢትዮጵያ ብሔራዊ ምርጫ ቦርድ ከታህሳስ 2011 ዓ.ም አንስቶ የተለያዩ የህግ ማእቀፍ ማሻሻያዎችን እንዲሁም ድርጅታዊ መዋቅር ማሻሻያዎችን ፣ ለፖለቲካ ፓርቲዎች ድጋፍ እና ክትትል የማድረግ ስራዎችን ፣ ከሲቪል ማህበራት በምርጫ ስራው ውስጥ ያላቸውን ሚና ለማበረታታት እና በአጋርነት ለመስራት እንዲሁም ከሌሎች ባለድርሻ አካላት ጋር በተሻለ ትብብር ለመስራት እና እና በሌሎችም ዘርፎች ብዙ ማሻሻያ እና ጥረቶችን ሲያደርግ ቆይቷል፡፡

በዛሬውም ውይይት ላይ በዋናነት የሚነሱ ነጥቦች፡- ከምርጫ ቦርድ ስራዎች ጋር የተገናኙ ህጋዊ ማእቀፍ እና መመሪያዎችን፣ ተቋማዊ ሪፎርም እና ተያያዥሥራዎችን፣ የፖለቲካ ፓርቲዎች ጉዳዮች እና በ1162 መሰረት አዳዲስ መስፈርቶችን የሟሟያ ምዝገባን በተመለከተ ፣ የኮሚዩኒኬሽን እና የዉጭ ጉዳዮችን በተመለከተ፣ ምርጫ 2012 ዝግጅት እና ሰሌዳን በተመለከተ፣ ከሲዳማ ህዝበ ውሳኔ የተገኙ ግብአቶች እነዲሁም ከምርጫ ጋር በተያያዘ የሚነሱ የፀጥታ ጉዳዮች እና አለመግባባቶች አፈታት ሥርዓቶችን በተመለከተ ናቸው፡፡


የመረጃ ቲቪ አባል በመሆን የስራችን ጥራት እንዲሻሻል ያግዙን። አባል ለመሆን እዚህ ላይ ይጫኑ።
JOIN Mereja TV