ሱዳን ብሉናይል ግዛት ድረስ ስልጠና የሚሰጣቸው የመተከል ታጣቂዎች እንዳሉ መንግስት እያወቀ ፀጥ ብሏል

ይህ ያበሳጫቸው ወገኖች ብሄራዊ የሀዘን ቀን እንዲታወጅ እየወተወቱ ሲሆን፣ ህዝብ ማዳን ያልቻሉ አመራሮች እንዲጠየቁ እስከ ተባበሩት መንግስታት ድርጅት ድረስ እያደራጁ እንደሆነ አሻራ ሰምቷል፡፡መንግስታዊ ግድያዊ እስካልቆመ ድረስ ልዮ ልዮ የመፍትሄ እርምጃዎች እንዲወሰዱ እየተጠየቀ ነው፡፡ መንግስት ግን በራሱ ሚዲያ ቅዱስ ሆኖ ይቀርብና በተግባር የረከሰ ስራ መስራቱን ቀጥሎበታል፡፡

–

እስካሁን በመተከሉ ጅምላ ጭፍጨፋ ይፋ መግለጫ ካለመሰጠቱ በላይ አጀንዳ ፈልገን ጭፍጨፋውን እናዘናጋ የሚል ውይይት በካድሬዎች እንደተጀመረ እየተሰማ ነው፡፡ ህዝቡን በደራሽ አጀንዳ እየጠመዱ መተከልን የደም እርሻ እያደረጓት ቀጥለዋል፡፡ የአሻራ አስተያየታቸውን የሰጡ ወገኖች” የአማራ ብልፅግናም በጉዳዮ ዙሪያ የቀድሞ ፉከራው የት እንደጠፋበት ግራ አጋቢ ነው ብለዋል፡፡”

–

የኮማንድ ፓስቱ አሁንም አስከሬን ስርቆ ውስጥ መጠመዱን የመተከል ምንጮች ነግረውናል፡፡ ኮማንድ ፓስቱ ዛሬም ማስተባበያ የሰጠ ሲሆን፣ አመራር ለውጫለሁ ያላቸው እና በጠቅላይ ሚኒስትሩ ስልጠና የወሰዱት የመተከልን ችግር የመፍታት የሞራልም ሆነ የእውቀት ችግር እንዳለባቸውም እየተነገረ ነው፡፡