የተፈፀመው ጭፍጨፋ ዓለምአቀፋዊ ወንጀል ነው! – የተከበሩ አቶ ክርስቲያን ታደለ

ራሱን «የጋራ የፀጥታ ግብረ ኃይል» እያለ የሚጠራው ቡድን የኢፌዴሪ ሕገመንግስትንና ኢትዮጵያ የፈረመቻቸውን ዓለምአቀፍ የሰብአዊ መብቶች ድንጋጌዎች በሚገረስስ መልኩ ባልተመጣጠነ፣ ያለ ልዩነት፣ ጭካኔ በተሞላበት አኳኋን እና ከሕግ ውጭ የፈፀማቸው ግድያዎች የ«ማንነት ተኮር ጅምላ ጭፍጨፋ» እና «ከፍተኛ የሰብአዊ መብቶች ጥሰት» ተብሎ የሚወሰድ ነው።

መላው ኢትዮጵያውያን፣ የፖለቲካ ፓርቲዎች፣ የሰብአዊ መብት ተቋማት፣ የዲፕሎማቲክ ማኅበረሰቡና ሚዲያዎች ይህንን አስነዋሪ ድርጊት በጽኑ እንድታወግዙትና ተጠያቂነት እንዲሰፍን ጫና ታደርጉ ዘንድ ጥሪዬን አቀርባለሁ።