የኮሚሽነሮች ምርጫ ጉዳይ እያነጋገረ ነው ።

February 21, 2022 – Konjit Sitotaw — Comments ↓

የኮሚሽነሮች ምርጫ ጉዳይ በማሕበራዊ ሚዲያ እያነጋገረ ነው ። የተወሰኑትን ለመመልከት እንሞክራለን ።

ከኢዜማው ዮሃንስ መኮንን እንጀምር

ሀገራዊ ምክክሩን እንዲመሩ ቀድሞ ለሕዝብ ይፋ ከተደረጉት 42 እጩ ኮሚሽነሮች ዝርዝር ውስጥ ስማቸው የሌለ ነገርግን ዛሬ ይፋ የተደረጉት 11 ውስጥ የተካተቱት ሦስት ኮሚሽነሮች አሉ።

1) ዶ/ር አምባዬ ኦጋቶ

2) ወ/ሮ ብሌን ገብረ መድኅን

3) አቶ ሙሉጌታ አጎ

ከጠቅላላ 632 ተጠቋሚዎች 42 ተለይተው የተመረጡበት መስፈርት ለሕዝብ ግልጽ እንዲደረግ እየወተወትን እያለ ይግረማችሁ ብሎ ይፋ ከተደረጉት 42 ውስጥም የሌሉ 3 ተሿሚዎችን መጨመር የሀገራዊ ምክክር ኮሚሽኑ ነጻነት እና ተአማኒነት ላይ ቀዝቃዛ ውኃ እንዳይቸልስበት እሰጋለሁ!

Yohannes Mekonnen – ዮሐንስ መኮንን

አበበ ቀስቶ የተባሉ በፖለቲካው ውስጥ ተሳትፎ ያላቸው ግለሰብ እንደጻፉት

የኮሚሽነሮች ምርጫ ጉዳይ ??

ሶስቱ ከየት መጡ ???

ዛሬ በሕ/ተ/ም/ቤት ከተሾሙት (ከተመረጡት ) ኮሚሽነሮች ሶስቱ

1ኛ/..ወ/ሮ ብሌን ገ/መድህን

2ኛ/..አቶ ሙሉጌታ ኦጎ

3ኛ/..ዶ/ር አምባዬ ኦጋቶ

መጀመሪያ ለሕዝብ ይፋ ከሆኑት 42 የኮሚሽነር ዕጩዎች ዝርዝር ውስጥ የሉም ከየት መጡ ??

እንዴት መጡ ??

ተፎካካሪ ፓርቲዎች በዕጩዎች አመራረጥ ላይ ቅሬታ አለን ሲሉ በጋራ ም/ቤቱ 45 ፓርቲዎች መግለጫ አውጥተው ነበር።

ዛሬ ተወካዮች ም/ቤት አመራረጡ የተፎካካሪ ፓርቲዎች ተሳትፎ አለበት ማለቱ ከተዓማኒነት አንፃርና ከመተማመን አንፃር ምን ያህል ያስኬዳል ?? ሲሉ በፌስቡክ ገጻቸው ገልጸዋል ።

–

አጥናፍ ብርሃነ የተባሉ የዞን ዘጠኝ ጦማሪ የነበሩ በትዊተር ገጻቸው የሚከተለውን ብለዋል።

One of the concerns of local CSOs in the process of the much anticipated national dialogue was the lack of clarity in the process of selecting commissioners. Here we go, no one knows how 11 commissioners were selected out of 632 nominees. https://t.co/1IGm4SC9uc

— Atnaf Brhane 🇪🇹 (@AtnafB) February 21, 2022

ፈጣሪውም፣ አድራጊውም፣ ሿሚውም፣ አስረጅውም….. የብልጽግና ፓርቲ የሆነበት ግልጽነት የጎደለበት አገራዊ የምክክር ኮሚሽን ኮሚሽነርነት ያለው ምንሊክ ሳልሳዊ ነው።

በጉጉት በሚጠበቀው ሀገራዊ ምክክር ኮሚሽን ስጋት ከሆኑት አንዱ ኮሚሽነሮችን በመምረጥ ሂደት ላይ ግልፅ አለመሆን ነው።ከ632 እጩዎች ውስጥ 11 ኮሚሽነሮች እንዴት እንደተመረጡ የሚያውቅ የለም። ካድሬዎች ካለዕውቀት ለማስረዳት አትጋጋጡ። #Ethiopia 👇👇 pic.twitter.com/FXdAFclKd0

— Minilik Salsawi 💚 💛 ❤ (@miniliksalsawi) February 21, 2022

በርካቶች በማሕበራዊ ሚዲያ በተለይ ፌስቡክ ላይ የኮሚሽነሮችን ምርጫ እየተቃወሙ፤ ጥያቄም እየጠየቁ ይገኛሉ ።