ጦርነቱ ገና አልተጠናቀቀም፣ የውጭ ኃይሎች አዲስ አበባን ለመቆጣጠር ወታደራዊ ኃይል አዘጋጅተው ነበር – ጀኔራል አበባው ታደሠ

የጦር ኃይሎች ምክትል ኤታማዦር ሹም ጀኔራል አበባው ታደሠ የሕወሃት ታጣቂዎች ወደ መኻል ሀገር እያመሩ በነበረበት ወቅት አንዳንድ የውጭ ኃይሎች አዲስ አበባን ለመቆጣጠር ወታደራዊ ኃይል አዘጋጅተው ነበር በማለት  በሰጡት ቃለ ምልልስ ተናግረዋል። ጀኔራሉ አክለውም፣ ወደ አዲስ አበባ እንዲገባ የተፈለገው ኃይል አንዳንድ ወገኖች በሀገሪቱ እናቋቁመዋለን ብለው ያሰቡትን ሽግግር መንግሥት የሚያግዝ ቅጥረኛ ወታደራዊ ኃይል እንደነበር እና እነዚሁ ኃይሎች ኢትዮጵያን የመበተን ጫፍ ላይ ደርሰው እንደነበር አውስተዋል። ከሕወሃት ጋር የሚደረገው ጦርነት ምዕራፍ አንድ ተጠናቀቀ እንጅ ጦርነቱ ገና እንዳልተጠናቀቀ የገለጹት ጀኔራሉ፣ መከላከያ ሠራዊት ትግራይ ገብቶ ሕወሃትን ከማጥፋት የሚያግደው ነገር እንደሌለ ገልጸዋል።