እኛ ኢህአዴጎች ለ30 ዓመታት አንድ መሆን ተስኖን እንዴት ነው ሀገርን አንድ ማድረግ የምንችለው? – ጠቅላይ ሚኒስትር ዐብይ

በውጭ ሀገራት በ10 ሰው ስም ሆቴል የገነቡና ሆቴል የቅንጦት ኑሮ የሚኖሩ ፖለቲከኞች በሕዝብ ስም መነገዳቸውን እንዲያቆሙ የመከሩት ጠቅላይ ሚኒስትሩ ‹‹ኢህአዴግ በምን ስምና በምን ግብር ይዋሐዳል የሚለውን እኔ አልወስንም፤ በቅርቡ ለሕዝብ ይፋ እናደርጋለን›› ብለዋል፡፡

ለእያንዳንዱ ዜጋ እኩል የሆነች ኢትዮጵያን የሚገነባ ኢህአዴግ እንደሚፈጠር ያመለከቱት ዶክተር ዐብይ ከሁሉም የኢትዮጵያ ጫፎች ያሉ ዜጎች እኩል ጠቅላይ ሚኒስትር የሚሆኑበት ሥርዓት እንደሚገነባ አስታውቀዋል፡፡ ቀጣዩ ምርጫ እንዲሁ የሚቀለድበት ሳይሆን ትክክለኛ ሐሳብ የሚያሸንፍበት መሆኑንም አረጋግጠዋል፡፡

ጠቅላይ ሚኒስትሩ ይህንን መልዕክት ያስተላፉት ‹መደመር› በሙል ርዕስ ያሳተሙት መጽሐፍ በሚሊኒየም አዳራሽ በተመረቀበት ወቅት ነው፡፡ መጽሐፉ በ20 የተለያዩ የኢትዮጵያ ከተሞችና በውጭ ሀገራት ተመርቋል፡፡ መጽሐፉ አዲስ የፖለቲካ ርዕዮተ ዓለም ይዞ መምጣቱ በሀያስያን ተብራርቷል፡፡

(አብመድ)