ህወሐት በመቐለ ዩኒቨርሲቲ የነበረው ሰብሰባ እርቃኑ የወጣበት፣ ብዙ የፎረሸበትና ብዙ የከሰረበት ነው::

---

የመረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ።

---

ኢህአዴግ ለ8 ቀናት በጠራው የመምህራን ስልጠና እንኳን ሊያተርፍ ብዙ ብዙ እየከሰረ እንደሆነ ግልፅ እየሆነ ነው፡፡ለምሳሌ የህ.ወ.ሐ.ት ምሽግ ተብላ በምትታሰበው መቐለ፣ ሊያውም ዶ/ር አዲስ አለም ባሌማ በመሰለ የህ.ወ.ሐ.ት የፖሊት ቢሮና የኢ.ህ.አ.ዴ.ግ የስራ አስፈፃሚ ኮሚቴ አባል በመቐለ ዩኒቨርሲቲ የነበረው ሰብሰባ ኢህአዴግ እርቃኑ የወጣበትና፣ ብዙ የፎረሸበትና፣ ብዙ የከሰረበት ነው፤

መጀመርያ ንጉሰ ገብረ በሚባሉት ከአራት ዐመት በፊት ከህ.ወ.ሐ.ት ማዕከላይ ኮሚቴነት ወርደው የነበሩ ሰው በመሩት ሌላኛው ሰብሰባ ከተነሳው ብዙ ቁምነገር አንዱ:-አንድ ትንታግ ተነሳ፤ “የደባርቅ ሰው ነኝ፤ የአኒማል ሳይንስ ባለሙያ ነኝ፡፡ ባለፈው እናቴ ዘንድ ቆይቼ ወደዚህ ልመለስ ስል እናቴ ፈርታ እንዳትሄድ አለችኝ፡፡ እኔ ግን የትግራይ ሕዝብ ጠንቅቄ አውቀዋለሁ፤ ጨዋና ርሕሩሕ፣ በዘር፣ በሐይማኖት፣ በምን ብትለው በስሜት ተነሳስቶ የማይሆን ድርጊት የማይፈፅም እጅግ ጨዋ ሕዝብ ነው፡፡ ስለዚህም እሄዳለሁ ብየ ወዲህ መጣሑ፡፡ ሁለት ዝሆኖች ሲጣሉ ሳሩ ነው የሚጎዳው ይባላል፡፡ ህ.ወ.ሐ.ትና ብአዴን ሁለት የዝርፊያ ቡድች በምታደርጉት የስልጣን ሽኩቻ ለዘመናት በፍቅር የኖረ የትግራይና የአማራ ሕዝብ ለእሳት መማገድ ታስባላችሁ፤ አባይ ወልዱና ገዱ አንዳርጋቸው ስላልተዋደዱ ተብሎ ሕዝብ እንዲጠፋፋ መማገድ፤ ይህ ታሪክ ይቅር ማይለው ወንጀል ነው፡፡ ደግሞ የአማራ ሕዝብን ‘ትምክሕተኛ’፤ ትግራይን ሕዝብ ‘ጠባብ’ ማለት አምጥታችኃል፡፡ እኔ ግን ትምክሕቱም ጠባብነቱም ያለው ኢህአዴግ ውስጥ እንጂ በሕዝቡ ላይ አይደለም ነው የምለው፡፡ ለምሳሌ ዩኒቨርሲቲዎች የዕውቀት የአካዳሚክ ማዕከላት መሆን ሲገባቸው፣ እውቀት ያለው ማንም ቢሆን ሊመራቸው ሲገባ በየክልሉ ያሉ ኒቨርሲቲዎች የክልሉ ተወላጆች ብቻ እንዲያስተዳድሯቸው መምርያ አውጥታችኃል፡፡ ከዚህ በላይ ምን ጠባብነት አለ ደግሞ ከኛ በላይ ለዚች ሐገር የሚያስብ፣ የሚሆን የለም ትላላችሁ፤ ትምክሕትስ ይኼ!”