ስለቂሊንጦ ጥቂት መረጃዎች –

– ተነሳ በተባለው ቃጠሎ በአንድ ክፍል ውስጥ እስረኞች (ቁጥራቸው እስካሁን ያልታወቀ) በጭስ ታፍነው እንደሞቱ

– በዕለቱ በተፈጠረው ችግር የሞቱ እስረኞች በጥቁር ላስቲክ ተጠቅልለው በመኪኖች እንደወጡ፤ የእነዚህ ቁጥርም 38 ገደማ እንደሚደርስ

-እነአቶ በቀለ ገርባ የነበሩበት ክፍል አለመቃጠሉን ነገር ግን ማን ይጎዳ ማን ተለይቶ አለመታወቁን ከምንጮች ሰምቻለሁ፤ ሙሉ በሙሉ ማረጋገጥ ባይቻልም።

ለእውነተኛ መረጃ ይህንን ያህል መዳከር ይሳዝናል -ጋዜጠኝነት አድካሚ ስራ መሆኑ ባይዘነጋም። ግልጽነትና ተጠያቂነት ያለበት አካል በአግባቡ ቢኖር ኖሮ፤ የተፈጠረውን ሁነት በሙሉ ዘርዝሮ መግለጽ፣ በሰቀቀንና በጭንቀት ውስጥ ለሚገኙ የእስረኛ ቤተሰቦች፣ ወገኖች፣ ወዳጆችና ለኢትዮጵያ ህዝብ በሙሉ በወቅቱ ዘርዝሮ በተናገረ ነበር። ዛሬም ድረስ የእስረኛ ቤተሰቦች በሀዘን ስቃይ ውስጥ ናቸው።

ትናንት ማታ የአንድ ተጠርጣሪ ፖለቲከኛ ሚስት በቪኦኤ ላይ ቀርበው “ቤተስቦቻችን ያሉበትን በግልጽ ንገሩን፤ ከሞቱም አስከሬናቸውን ስጡንና እርማችንን አውጥተን እንቅበራቸው!” ሲሉ ነበር – በሀዘን ተውጠው።

መራራውን እውነት ንገሩን!!