አንዴ ሲሰረቅ አንዴ ቀን ሲቀየርለት የነበረው የ12ኛ ክፍል ብሄራዊ ፈተና ውጤት ይፋ ሆነ

የኤጀንሲው ዋና ዳይሬክተር አቶ አርአያ ገብረእግዚአብሄር ለፋና ብሮድካስቲንግ ኮርፖሬት እንደገለፁት፥ ብሄራዊ ፈተናውን የወሰዱ ተማሪዎች ውጤታቸውን በኤጀንሲው ድረ ገፅ እና በሞባይል አጭር የፅሁፍ መልዕክት ከዛሬ ጀምሮ ማወቅ ይችላሉ።

በዚህም መሰረት በኤጀንሲው ድረ ገፅ www.neaea.gov.et በመግባት አልያም በነፃ አጭር የፅሁፍ መልክት 8181 ላይ RTW ብለው በመፃፍ ስፔስ በማድረግ የመለያ ቁጥራቸውን አስገብተው በመላክ ማወቅ እንደሚችሉ ዳይሬክተሩ ተናግረዋል።

ወደ ዩኒቨርሲቲ መግቢያ ነጥቡ በቅርቡ ይፋ እንደሚሆንም ነው አቶ አርአያ የጠቆሙት።

ዘንድሮ ወደ ከፍተኛ ትምህርት መግቢያ ፈተናን 253 ሺህ 424 ተማሪዎች መውስዳቸውን ኤጀንሲው ያደረሰን መረጃ ያመለክታል።