የአገር ውስጥ ቅኝ አገዛዝ ? Muluken Tesfaw

---

የመረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ።

---

እሑድ ግንቦት 21 ቀን 2008 ዓ.ም. የወጣው ሪፖርተር ጋዜጣ ‹‹አገር በቀል ኮንትራክተሮች የነገሡበት የ5.6 ቢሊዮን ብር የመንገድ ግንባታ ስምምነቶች›› በሚል ርእስ ስድስት የሚሆኑ አገር በቀል ኮንትራክተሮች፣ ሰባት የመንገድ ፕሮጀክቶችን ለመገንባትና ለመጠገን፣ ከኢትዮጵያ መንገዶች ባለሥልጣን ጋር ስምምነት መፈራረማቸውን አስነብቦናል፡፡ ሪፖርተር እንደገለጸው፣ ከ626 ኪሎ ሜትር በላይ ርዝማኔ ካላቸው ሰባት የመንገድ ሥራ ፕሮጀክቶች ውስጥ ሁለቱን ፕሮጀክቶች ያሸነፈው ሱር ኮንስትራክሽን ነው፡፡ የአገር ውስጥ ኮንትራክተሮች ነግሰውበታል በተባለው በዚህ የመንገድ ፕሮጀክቶች ኮንትራት ስምምነት፣ ሱር ኮንስትራክሽን ሁለቱን ፕሮጀክቶች በ3.3 ቢሊዮን ብር በላይ ለመገንባት የሚያስችለውን ውል መፈራረሙ ተገልጿል፡፡

ሱር ኮንስትራክሽን ‹‹በጨረታ›› አሸናፊ የሆነባቸውን ሁለት የመንገድ ፕሮጀክቶች፣ ማለትም በአማራ ክልል የሚገኙትን የሶሮቃ-አብረሃጂራ-አብደራፊ (92 ኪሜ) በ1.43 ቢሊዮን ብር፣ እንዲሁም ከአይከል-ዙፋን-አንገረብ ድረስ ያለውን (69 ኪሜ) መንገድ በ1.95 ቢሊዮን ብር ዋጋ እንደሚሠራ ታውቋል፡፡ ልብ እንበል፣ 5.6 ቢሊዮን ከሚያወጣው ፕሮጀክት ውስጥ ሱር ኮንስትራክሽን 3.3 የሚያወጣውን ሲረከበው፣ ለሌሎች 5 ድርጅቶች የደረሳቸው 2.3 ቢሊዮን ብር የሚያወጣው ብቻ ነው፡፡ ምን ማለት ነው?