ፍፁም ግራ የሚያጋባ የሀብት እድገት (ቴዎድሮስ ጌታሁን) – ከአስተማሪነት ወደ ቢሊየነርነት

እንደ መግቢያ

የባለሃብቷ ሙሉ ስም ወ/ሮ ትልቅ ሰው ገዳሙ
ስራ ነጋዴ፣ ባህርዳር ከተማ ጣና ዳር የሚገኘው ባለ አምስት ኮከብ “ግራንድ ሪዞርት ባለቤት” (በሀገሪቱ የመጀመሪያው ትልቅ ሆቴል እንደሆነ ይታወቅ)

ጠያቂ፦ አስተማሪ እንደነበሩ ሰምቼያለሁ?

ወ/ሮ ትልቅ ሰው ፦ አዎ ነበርኩኝ ከትምህርት በኋላ ለሰባት ዓመታት ከ 1983- 90 ድረስ የመንግስት ት/ቤት አስተማሪ ነበርኩ

ጠያቂ፦ ከ አስተማሪነት ወደ ንግዱ ዓለም እንዴት ሊገቡ ቻሉ?

ወ/ሮ ትልቅ ሰው፦ የ አስተማሪነት ህይወት በጣም ከባድ ነው የአካባቢዬ ልጆችና ጉዋደኞቼ ወደ ንግዱ ዓለም እንድገባ ሁልጊዜ ይገፋፉኝ ነበር መጀመሪያ ወደ ሰላሳ ሰባት ሺ ብር ገዳማ እቁብ ሰብስበው ሰጡኝ፤እሱን ከፈልኩ ቀጥሎ ሰባ ሺ ከዛም መቶ እና ሁለት መቶ ሺ ብር እያደረጉ ሰጡኝ፤ ያን ሰብስቤ ከቻይና ልብስ እያመጣሁ ለመነገድ ሄድኩኝ ቢሆንም ስራውን አልወደድኩትም ጠዋት ተነስተን ስንዞር ውለን ማታ ነው የምንገባው አንድ ቀን ቤጅንግ በረንዳ ላይ ተቀምጬ አለቀስኩ አምላኬ ሆይ የተረጋጋ ስራ ስጠኝ ብዬ ለመንኩት ከዛ አንድ መኖሪያ ቤት ገዛሁ እሱን ኮላተራል አድርጌ ባንክ ተበደርኩ፣ከዚያ ትራስንፖርት ቢዝነስ ውስጥ ጊቢ ሲሉኝ አውቶቢስ ገዛሁ ከዚያ ሦስት ሆኑ። ጠዋት ጋቢ ለብሼ አውቶቢስ ተራ እሄድ ነበር ከዚያ ወንድሞቼን አምጥቼ እነሱን ቲኬት ቆራጭ አደረኩ። ይህም ስራ በጣም አስቸጋሪ ነበር። ከዚያ እንደምንም ከሰራሁ በኋላ አንድ የጭነት መኪና ደገምኩ። ከቢዝነስ ሰዎች ጋር ተመካክሬ ቦቴ ይሻላል ሲሉኝ ሦስት ቦቴ ገዛሁ፣ ከዚያም ሦስት ቦቴዎች ጨመርኩ በሰፊው ወደ ትራንስፖርት ስራ ገባሁ። ስራውንም ወደድኩት በእርግጥ ስራው ፈታኝ ነው ሹፌሮች አደገኞች ናቸው እኔ አንድ ዘዴ ስዘይድ እነሱ ሌላ እየዘየዱ እንዲሁ ስንዋደቅ ለስራ ጎበዝ እንደሆንኩ የሚያውቅ አንድ ጓደኛዬ ቻይኖች የያዙት ስራ አለ አለኝ። ከዚህም ከዚያ ብዬ ከባንክ ተበድሬ አምስት ሚሊየን ቀብዱን ከፈልኩና አርባ ገልባጭ ገዛሁ በአንድ ጊዜ አርባዎቹም ገቡልኝ።ኮንስትራክሽን ጥሩ ሰራሁ እንደገና ሃያ የጭነት መኪና ገዛሁ፣ዶዘሮችም ገዛሁ በኋላ ቦቴ ስገዛ ተዛማጅ ስራ ማደያ መስራት አለብኝ ብዬ በደብረ ማርቆስ የማደያ ቦታ ሰጡኝ ከዚያ ይሄን በሀገሪቱ እጅግ ግዙፍ የሆነውን ባለ አምስት ኮከብ ሆቴል ገነባሁ።

——————-ተፈፀመ—————-

እንግዲህ በቀላሉ ከአስተማሪነት ወደ ቢሊየነርነት የተቀየረችበት የሀብቱ ሚስጥር ይኸው ነበር።