የኦሮሚያ ክልል ጭር ብላለች::መንገዶች እና የትራንስፖርት አገልግሎቶች ተዘግተዋል::ተቃውሞው ቀጥሏል::

ባለፈው ሁለት ቀን የትራንስፖርት እና የመንገድ መዝጋቱ በተጀመረባቸው አከባቢዎች የቀጠሉ ሲሆን ዛሬ በኦሮሚያ ክልል ከአሰላ ወደ አዳማ ናዝሬት የሚያስገባው መንገት በትልልቅ የድንጋይ አለቶች የተዘጋ ሲሆን የአግኣዚ ጦር የአከባቢው ሚሊሻዎች ድንጋዮቹን አንስተው መንገዱን እዲከፍቱ ሲያስገድዱ ውለዋል::በምእራብ ሸዋ ዱግዳ ወረዳ መቂ አከባቢ ከኦሮሞ ገበሬዎች ተነጥቆ በሕወሓት ሰዎች የሚተዳደሩ እርሻዎች በሕዝቡ ተቃውሞ ለሊቱን ተደምሥእው አድረዋል::በቦረና ድቡሉቅ ከተማ ሕዝቡ ተቃውሞ ሲያሰማ የዋለ ሲሆን በአዲስ አበባ ሰበታ ሁለተኛ ደረጃ ትምህርት ቤት ተማሪዎች እንዲሁ ተቃውሞ አሰምተዋል::በወለጋ ዩንቨርስቲ ለሁለተኛ ቀን ለሊቱን የጀመረው የተቃውሞ ድምጽ እስከጠዋት ቀጥሎ እንደነበር ሲታወቅ የአጋዚ ወታደሮች ተማሪዎችን ሲደበድቡ እና ሲያንገላቱ እንደነበር ተጠቁሟል::

በኢሉባቦር በመቱ ከተማ ሁለተኛ ደረጃና የቴክኒክ ሙያ ተማሪዎች በዛሬው እለት ከፍተኛ ተቃውሞ ማድረጋቸው የታወቀ ሲሆን : የመንግሰት ሃይሎች በወሰዱት እርምጃም ብዛት ያላቸው ሰዎች መጎዳታቸው አንድ የከተማው ነዋሪም በጥይት ተመቶ ህይወቱ ማለፋ ታውቋል ።በተመሳሳይ የመቱ ዩኒቨርሲቲ ተማሪዎች ከትናንት ወዲያ ጀምሮ ማታ ላይ ተቃውሟቸውን አሰምተዋል።በወያኔ አጋዚ ወታደሮች በተወሰደ እርምጃ የተጎዱና የታሰሩ መኖራቸው የታወቀ ሲሆን በዛሬው እለትም የታሰሩ ተማሪዎች መኖራቸው ታውቋል ።በተየያዘ ዜናም በጅማ ዩኒቨርሲቲ በአሁኑ ሰአት ተቃውሞ ተነስቶ ረብሻ መፈጠሩ ታውቋል።ለአራት ወር ያክል በአካባቢው ሰፍሮ የሚገኘው የአጋዚ ጦርም በተማሪዎች ላይ እርምጃ እየወሰደ መሆኑን ምንጮች ከስፍራው ዘግበዋል። ‪#‎ምንሊክሳልሳዊ‬