የወረቀት ብር ግራፊቲ ስራችንን ወጥነት እናላብሰው! ለአንድ ወር ያክል በብር ኖቶች ላይ የትግላችንን ሎጎ ብቻ እናሰፍራለን!

የወረቀት ገንዘብ ግራፊቲ ስራችንን ከጀመርን ሳምንት ሆኖናል፡፡ በዚህ ጊዜ ውስጥ ከሕዝባችን በኩል የታየው ሞራል እና ተሳታፊነት አስደስች እና አበረታች መሆኑን ዛሬም ዳግም ማየት ተችሏል፡፡ ይህን መሰል ዘመቻዎች የትግላችንን ድምጽ በማጉላት እና በመንግስት ላይ ጫና በማሳደር በኩል ያላቸው ሚና የጎላ ነው፡፡ ወደፊትም ተጠናክረው የሚቀጥሉ ሲሆን ለስኬታቸው ሁላችንም ርብርቦሽ ልናደርግባቸው ይገባል፡፡

ይህንን ስራችንን የበለጠ አገር አቀፍነቱን ለማስፋት ወጥነት ባለው መልኩ የሚሰራበትን ቅርጽ ማስያዝ የተሻለ መሆኑ ታምኖበታል፡፡ በዚህም መሰረት የዚህኑ ስራ አፈጻጸም በተመለከተ በየጊዜው የሚለቀቁ ተጨማሪ የአሰራር መንገዶች ይኖሩናል፡፡ ሁሉንም ወቅቱ ሲደርስ ይፋ የምናደርግ ይሆናል፡፡ እስከዚያው ግን የገንዘብ ግራፊቲ ስራችንን በሚከተሉት መመሪያዎች መሰረት በማከናወን እና ላልሰሙት ሁሉ በማዳረስ እንረባረብ ዘንድ እንጠይቃለን!