የአሜሪካ አምባሳደር ከፋኖ በጎ ምላሽ ማግኘታቸውን ገለጹ

በኢትዮጵያ የአሜሪካ አምባሳደር ኤርቪን ማሲንጋ፣ የኢትዮጵያ ፌደሬል መንግሥት “በዜጎቹ ላይ የሚፈጽመውን የድሮን ጥቃት በአስቸኳይ እንዲያቆም” በመጠየቅ ግንቦት 15 ቀን በስማቸው የወጣው መልዕክት “በአስተዳደራዊ ስህተት” የተላለፈ መኾኑን ተናግረዋል።

አምባሳደሩ፣ እሳቸው ሳያዩትና ሳያጸድቁት የወጣ የመጀመሪያ ረቂቅ መልዕክት መኾኑን ጠቅሰዋል።

አምባሳደሩ በዚያ መልዕክታቸው ላቀረቡት የሰላማዊ ውይይት ጥሪ፣ ከኦሮሞ ነጻነት ሠራዊትና ከአንዳንድ የፋኖ ታጣቂዎች አወንታዊ ምላሽ ማግኘታቸውንና ኾኖም ቡድኖቹ ዝርዝር ቅድመ ኹኔታዎችን ማቅረባቸውንም ገልጸዋል።