ሰበር ዜና፤ ወያኔ ኮሎኔል ደመቀ ዘውዱን አፍኖ ለመውሰድ እንቅስቃሴ ጀምሯል፣የጎንደር ሕዝብ ለወገኖቹ የድረሱልን ጥያቄ አቅርቧል

ወያኔ ታላቁን የዘመናችን ጀግና ኮሎኔል ደመቀ ዘውዱን አፍኖ ለመውሰድ ከፍተኛ ዝግጅትና ወታደራዊ ከበባውን በማጠናቀቅ በዛሬው ዕለት ወደ ተግባራዊ እንቅስቃሴ መግባቱን ከጎንደር የደረሰን ዜና ያመልክታል። ወያኔ ከውጭ ወራሪ ጦር ጋር ለመጋፈጥ የማይተናነስ እጅግ የታጠቀና በዘመናዊ የጦር መሳሪያ እስከ አፍንጫው ድረስ የታጠቀ ከትግራይ የመጣ ጦር ኮሎኔል ደመቀን አፍኖ ለመውሰድና አሰቃይቶና አዋርዶ ለመግደል እንቅስቃሴ ጀምሯል። የጎንደር ሕዝብ ለመላው ወገኑ ኢትዮጵያዊ የድረሱልን ጥሪ እያሰማ መሆኑም ታውቋል። ድል አለመስዋዕትነት እንደማይገኝ አበክረው የሚያውቁት ጀግናው ኮሎኔል ደመቀ በጀመሩት የብሔራዊ አርነት ንቅናቄ በመስዋዕትነት ቢያልፉ፣ ሁልቆ መሳፍርት የሌላቸው ኢትዮጵያዊያን አርማቸውን አንግበው ትግሉን ፍጻሜ በማድረስ ወያኔን እንደሚደመስሱት ሳይታለም የተፈታ ሀቅ ነው። በዚህ እጅግ አንገብጋቢ ጉዳይ ላይ ተጨማሪ መረጃ እንደደረሰን እናቀርባለን።


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE