Related Posts

በኦሮሚያ ክልል ለሶስት ቀናት የተጠራው አድማ ከነገ ጀምሮ እንደሚቋረጥ ተነገረ (mereja.com)
ለሶስት ተከታታይ ቀናት ከቤት ያለመውጣት አድማ ተጠርቶ ትናንት ሰኞ በመላው ኦሮሚያ ክልል መካሄድ መጀመሩ ይታወቃል።

የኢትዮጵያ መንግስት በፍጥነት እነ በቀለ ገርባን ለመፍታት የተገደደ ሲሆን በቀጣይም ተጨማሪ የፖለቲካ እስረኞችን እንደሚፈታ ተናግሯል።

ይህን ተከትሎም የአድማው አስተባባሪዎች ዘመቻው ከዛሬ በኋላ እንደሚቋረጥ ገልጸዋል።

አቶ ጀዋር መሀመድ ይህንን አስመልክቶ ከኦሮሚያ ሚዲያ ኔት ወርክ ጋር ባደረጉት ውይይት ይህንኑ ሁኔታ ገልጸው ከነገ ጀምሮ

ዛሬ የተለቀቁ የፖለቲካ እስርፈኞችን አጅቦ ወደ ቤተሰባቸው የማድረስ ተግባር ይከናወናል ብለዋል።

ይሁንና ከእነ አቶ በቀለ ገርባ መፈታት በኋላ ትግሉ ይቆማል ወይ ተብሎ ለቀረበላቸው ጥያቄ “በመላው የሀገሪቱ እስር ቤቶች በርካታ የፖለቲካ እስረኞች አሉ እነዚህ መፈታት አለባቸው።

ከሁሉም በላይ ደግሞ ወታደሩ ወደ ካምፕ እንዲገባ በማድረግ የሀገሪቱን ሰላም በአካባቢ የጸጥታ ጠባቂዎች ማስጠበቅና

የፖለቲካ ውይይት ማካሄድ አለበት ይህ እስካልሆነ ድረስ መቼም ቢሆን ትግሉ አይቆምም” በማለት በአጽንኦት ገልጸዋል።