Posts

ጆዜ ሞሪንሆ : “ዴቪድ ደጊያን በቀጣይ አመት በማንችስተር ዩናይትድ ቤት ትመለከቱታላቹ”


በክረምቱ የዝውውር መስኮት ማንችስተር ዩናይትድን ለቆ እንደሚሄድ በስፋት ቢነገርም ሆዜ ሞሪንሆ ስፔናዊው የግብ ዘብ በቀያይ ሰይጣኖቹ ቤት እንደሚቆይ ፍንጭ ሰጥተዋል፡፡


የጆሴ ሞሪንሆው ማንችስተር ዩናይትድ መጪው ሳምንትን በጉጉት ይጠብቃል በአቋራጭ ወደ አውሮፓ ቻምፒየንስ ሊግ ለመግባት ያላቸው ብቸኛ ተስፋም የረቡዕ ምሽቱ የኢሮፓ ሊግ ፍጻሜ ነው፡፡ በፕሪሚየር ሊጉ ታሪክ ከ1991-1992 በኋላ 15 የሊግ ጨዋታዎችን አቻ በመለያየት የራሳቸውን መጥፎ ሪከርድ የተጋሩት ዩናየትዶች በቀጣይ ሳምንት የሚያደርጉትን የፍጻሜ ጨዋታ በርካቶች የሞት ሽረት ሲሉ እየገለጹት ይገኛሉ፡፡ በዩናይትድ ቤት ታሪክ በመጥፎነቱ ሊጠቀስ የሚችል የውድድር ዘመን በሊጉ ያሳለፉት ፖርቱጋላዊው አለቃ በውድድር ዘመኑ ከሜዳቸው ይልቅ ከሜዳቸው ውጪ ያስመዘገቡት ነጥብ ይልቃል፡፡ ቀያይ ሰይጣኖች በኦልድትራፎርድ 31 ነጥቦችን ሲሰበስቡ ከሜዳቸው ውጪ ባደረጓቸው ጨዋታዎች ደግሞ 34 ነጥቦችን ማግኘት ችለዋል፡፡


 


ለማንችስተር ዩናይትድ በዘህ የውድድር ዘመን የመጨረሻ ጨዋታውን በቶትንሀም ሆትስፐሩ ጨዋታ ያደረገው ዴቪድ ደጊያን አስመልክቶ በርካታ የመገናኛ ብዙሀን ሎስ ብላንኮዎቹ ስፔናዊውን ግብ ጠባቂ በክረምቱ ያዛውራሉ ቢሉም ሆዜ ሞሪንሆ በዚህ ጉዳይ ላይ የሚከተለውን ምላሽ ሰጥተዋል፡ “ዴቪድ ደጊያ የአለማችን ምርጡ ግብ ጠባቂ ነው እኛም እርሱን በቲያትር ኦፍ ድሪምስ ለማቆየት የምንችለውን እናደርጋለን በመጪው ክረምት በምናደርጋቸው የቅድመ ውድድር ዘመን ዝግጅት ላይ በሎስ አንጀለስ ጋላክሲ ጨዋታ ተሰላፊ ሆኖ ትመለከቱታላቹ ” ሲሉ አሁንም ግብ ጠባቂውን የመልቀቅ እቅድ እንደሌላቸው ጆሴ ተናግረዋል፡፡


 


በመጪው እሁድ ማንችስተር ዩናይትድ በሜዳው በሊጉ 38ኛ ሳምንት ክርስታል ፓላስን በሚገጥምበት ጨዋታ ለበርካታ ወጣት ተጫዋቾች እድል እንደሚሰጡ የተናገሩት ጆሴ ሞሪንሆ ፖርቱጋላዊው የማንችስተር ዩናይትድ 3ኛ ግብ ጠባቂ ለሆነው ጆኤል ፔሬራ የተቀዳሚ ተሰላፊነት እድል እንደሚሰጡ ፍንጭ ሰጥተዋል፡፡


ETHIO ADDIS SPORT