Posts

በቴዲ አፍሮ ላይ የሚነዛው ጥላቻ የበታችነት የወለደው እኩይ ተግባር ነው። - ምንሊክ ሳልሳዊ


በቴዲ አፍሮ ላይ የሚነዛው ጥላቻ የበታችነት የወለደው እኩይ ተግባር ነው። ምንሊክ ሳልሳዊ


ቴዲ አፍሮን በተመለከተ በደጋፊዎች እና ሞራል ለማላሸቅ በሚሯሯጡ መካከል ፍትጊያው ጦፏል። መጀመሪያ ደረጃ የቴዲ አፍሮ ደጋፊዎች ማኛውም አድናቂ እንደሚያደርገው መውደዳቸውን በመግለጽ ላይ ሲሆኑ በዲያስፖራው አከባቢ ግን የሚታየው ዘፈኑን ለወያኔ ማብሸቂያ እና ለፖለቲካ ፍጆታ የማጦዝ ሩጫውን ተያይዘውታል።ቤታቸው ተደብቀው ዘፈኑን በእርካታ የሚሰሙ የፖለቲካ ሆዳሞች በ አደባባይ የቅጥረኝነታቸውን ቆብ ደፍተው ሲያላዝኑ ይውላሉ።


ቴዲ አፍሮ ተቃዋሚ የለውም። የበታችነት ስሜት የሚሰማቸው ሰዎች ወይም ቡድኖች ከሃገር ቤት እና ከሃገር ውጪ ባሰማሯቸው ድኩማኖቻቸው በየሚዲያው ጥላቻን ይረጫሉ። እኔ እንደግለሰብ የታዘብኩት ነው። ዘፈንን አልደግፍም።የቴዲ አፍሮን ዘፈን የለጠፍኩት ወዳጆቼን ለማስደሰት እንጂ ዘፋንና ዘፋኝነትን ለማንጸባረቅ አይደለም። ይህ እንደተጠበቀ ሆኖ ከእውነት ማምለጥ ግን አይቻለም።እውነትንም መመስከር ግዴታ ነው።ቴዲ አፍሮ የመናገር የመጻፍ ሐሳብን በነጻነት የመግለጽ መሰረታዊ መብቶቹ የተከበሩ ሊሆኡ ይገባል።ቴዲ አፍሮ ግለሰብ እንጂ ተቋም አይደለም።ይህን ያህል የግለሰብ ዘፈን የሚያስበረግጋቸው ካሉ ከጀርባ ሌላ ችግር አለ የሚለውን መጠርጠር ያስገዻል።


በየሚዲያውና በየማህበራዊ ድረገጹ ሲወሰልቱ የሚውሉ የ አንድ ብሄር ሰዎች ቴዲ አፍሮ ጠምደው የያዙት ያሰቡት ሃገርንና ሕዝብን የማደፍረስ አላማ ያበላሸባቸው ነው የሚለው ነገር ወደ እውነት እየተጠጋ ነው።መተቸት ማረም መምከር ማስተካከል ወዘተ የመሳሰሉት የፍቅርና የኣንድነትና የእድገት ባህርያት አይታዩም ቀጥታ ጥላቻ ብቻ የሚንጸባረቅበት ትችት አጠያያቂ ነው። ይህ ከበታችነት የሚመነጭ ጥላቻ ነገ ዋጋ ያስከፍላል። ቴዲ አፍሮን መተቸት የሚቻለው በሚዲያዎች አቅርቦ ጠይቆ በሃሳብ ሞግቶ ነው ።የተያዘው ሒደት ግን ታዋቂ ኢትዮጵያውያንን የማሸማቀቅ የወያኔው ስርዓት አንደናው አጀንዳ በመሆኑ ተግባሩን ማሳየት ይመስላል።በተገኘው መንገድ ሁሉ ሞራል ለማላሸቅ፣ለማሳጣት እና ለማሸማቀቅ የሚደረጉ ድርጊቶ ውርደቱ ለሴረኛው አካል መሆኑንና ነገ ዋጋ እንደሚያስከፍል ነው። #ምንሊክሳልሳዊ