Ethiopian News, Current Affairs and Opinion Forum
tarik
Senior Member
Posts: 14295
Joined: 26 Feb 2016, 13:04

Z Adwa Clan Cadres On ER Don't Care About Tigray Men Who Have Died In Z Sea!!WEEY GUUD!!

Post by tarik » 17 Apr 2019, 09:45


እሪ በይ አገሬ!
ኢትዮጵያውያን የቱ መከራ ነው የሚያስተባብረን? ይህን ጥያቄ የጠየቅነው ሰሞኑን ቁጥራቸው ሰባ የሚደርሱ ኢትዮጵያውያን ወገኖቻችን የቀይ ባህርን አቋርጠው ወደ ሳውዲ አረቢያና የመን በጀልባ በመጓዝ ላይ እያሉ በመገልበጥ አደጋ የባህር ሲሳይ ሆነዋል።የተረፉ አስከሬኖች ባህር ዳር ተነጥፈው ያልፍልኛል ብለው የተሰደዱ ወገኖቻችን ከዚህ ቀደም ደጋግሞ እንደሆነው ወጥተው ቀርተዋል።

ከሞቱት ሰባዎቹ ስልሳ ያህሉ ከትግራይ የሄዱ ወጣቶች መሆናቸውን ሰምተናል።የሁሉም ሞት ልብ ይሰብራል።ስንኖር በዘር ተቧድነን ስንሞት አንድ ላይ እንወደቃለን።ከዚህ ቀደም በዚህ ባህር እና በሜዲትራኒያን ባህር በርካታ ኢትዮጵያወያንና ኤርትራውያን ሕይወት በተመሳሳይ መንገድ እየጠፋ ዝንድ ሰሞን ዋኔ ብለን ተቆጭተን አዝነን መልሰን ረስተነዋል።

የመገናኛ ብዙሃን baወጡት ዘገባ እንደሚያስረዳው ቁጥራቸው ሰባ ገደማ የሚሆኑትን ወጣቶች ይዛ ስትጓዝ የነበረችው ጀልባ የመገልበጥ አደጋ የደረሰባት ቅዳሜ መጋቢት 28 ቀን 2011 ለሊት መሆኑን ከአካባቢው የተገኙ መረጃዎችን ዋቢ አድርገው ጠቅሰዋል።
የጀርመን ድምጽ ዘጋቢ እንደጠቀሰው ከሟቾቹ መካከል በአፅቢ ወንበርታ ወረዳ አብዛኞቹ የሟች ወጣቶች ቤተሰቦች የሞት መርዶውን በአደጋው ማግስት እሁድ እና ትናንት እንደተረዱ ነዋሪዎችን ጠቅሶ ዘግቧል።የክልሉ የወረዳው የኮሚዩኒኬሽን ጉዳዮች ጽሕፈት ቤት ከ40 በላይ የሟች ቤተሰቦች መርዶው እንደደረሳቸው ለሬዲዮው አረጋግጧል።
የወጣቶቹ ሞት የአንድ መንደር የሟች ቤተሰቦች ብቻ አይደለም።የሁላችንም ሕዘን ነው።ብሄራዊ ሐዘን።እስከመቼ ነው ተስፋ ያጡ ወጣቶች የሞትን መነገድ የሙጥኝ ብለው መጨረሻቸው እንዲህ አሰቃቂ ድምዳሜ የሚሆነው ብለን መጠየቅ አለብን።

ለወጣቶች ስራ ስለመፍጠር፣ከጥላቻ ቀስቀሳ ወጥቶ ስለ አገር ኢኮኖሚ መረጋጋት ለወጣቱ ተስፋ እንጂ ስጋት እያሰታጥቀች ለሞት የምትዳርግ አገር መሆኑዋን ለማስቀረት ሁሉም ሊረባረብ ይገባል።ይህ ካልሆን ወገኖቻችን እንዲህ ባለቁ ቁጥር እሪ በይ አገሬ ከማለት ውጭ ምንስ አቅም አለን ብለን ራሳችንን እንጠይቅ ጥላቻን ሳይሆን ተስፋና ፍቀርን ለወጣቶች እንስጥ ከስደት የሚመልስ ከሞት መንገድ የሚሻል አማራጭ ማቅረብ ላይ ማተኮር ይገባል።