Ethiopian News, Current Affairs and Opinion Forum
Horus
Senior Member+
Posts: 30666
Joined: 19 Oct 2013, 19:34

የኢትዮጵያ ፖለቲካ ሰዋስው፤ ሁሉ ነገር ይለወጣል!

Post by Horus » 12 Jan 2022, 13:56

አንድ የፖለቲካ ስክተት ሲፈጠር እንዴት ነው ስለዚያ ጉዳይ አስበህ ወደ አንድ አቋም ወይም ውሳኔ ላይ የምትደርሰው?

የጥቅሞች ዝርዝር
• የኢትዮጵያ ጥቅም፤ ይህ የኢትዮጵያ አጀንዳ የሚባለው ነው ። ኢትዮጵያን የአፍሪካ መሪ፣ የቀጠናችን ሃያል አገር፣ ብሄራዊ አንድነት፣ ጠንካራ መንግስት፣ ጠንካራ የጦር ሃይል፣ ዴሞክራሳዊ፣ የበለጸገች አገር ፣ ወዘተ ያካተተ ነው የኢትዮጵያ አጀንዳ።
• የመንግስት ስልጣን ላይ ያሉት ፓርቲዎች ወይም የነሱ የስልጣን ጥቅም ነው። ስለዚህ አቢይ ስልጣኑን በሌላ ስልጣን ፈላጊ ላለመነጠቅ መታገሉ የእሱን ክፉነት የሚያሳይ ሳይሆን የፖለቲካ ሳይንስ ህግ ነው ።
• የልዩ ልዩ ፖለቲካ ፓርቲዎች ጥቅም
• የህዝብ የጋራ ኢኮኖሚና ማህበራዊ ጥቅም
• የኦርቶዶክስ፣ የሙስሊምና የቴንጤዎች ጥቅም
• የትግሬ ጥቅም
• የአማራ ወልቃይትና ራያ ትቅም
• የልዩ ልዩ ጎሳዎች ክልል ጥቅም
• የአሜሪካ ጥቅም
• የቻይና ጥቅም
• የአውሮፓ ጥቅም
• የቱርክ ጥቅም
• የአረቦች ጥቅም
• የግብጽ ጥቅም
• የቀጠናው አገሮች ጥቅም
• የዲያስፖራ ጥቅም

የኢትዮጵያ ፖለቲካ የነዚህ ሁሉ ሰዋስው ነው ። በትንሹ እነዚህ 15 የጥቅም ቡድኖች የኢትዮጵያን ፖለቲካ በራሳቸው መነጽርና ከራሳቸው ጥቅም አንጻር ብቻ ሲመለከቱ ሁሉም እርስ በርስ የሚጋጩ፣ የሚቃረኑ ነገሮች ስለሆኑ እያንዳንዱ ቡድን ተነስቶ የእኔ ጥቅም ነው ከሁሉም የላቀውና ትክክል ቢል ትርፉ ቀውስ ብቻ ነው ። ይህን የእኔ ብቻ፣ እኔ ነኝ ባለጉልበት ወዘተ ትግሬዎች ሞክረውት ብዙ ደምና ሃብት አባክነው አሁን ወደ ምድራዊ ሃቅ እየወረዱ ነው ። የኢትዮጵያ ፖለቲካ ሰዋስው እየገባቸው ነው ።

እኔ አሁን ባለው የአቢይ መንግስትም ሆነ ሌሎች ታላልቅ የፖለቲካ፣ ጂኦግራፊና ኢኮኖሚ ክስተቶችን ስናስተውል ቆም ብለን ምን ላይ ቆመን ነው ይህን የፖለቲካ ስዕል የምናየው እያልን መጠየቅና ማሰብ አለብን። ሁልግዜ ትክክለኛ አቋምና መልስ ላይ የሚወስደን ዘዴ የኢትዮጵያ ጥቅም፣ የኢትዮጵያ አጀንዳ፣ የኢትዮጵያ ፐርፐዝ መነጽር ነው!

የትግሉ ተዋንያን አሜሪካ ሆነ ቻይና፣ ቱርክ ሆነ ግብጽ፣ አማራ ሆነ ትግሬ፣ ኦሮሞ ሆነ ሱማሌ። ኤርትራ ሆነች ሱዳን ... ሁልግዜ መጠየቅ ያለብን ይህ ክስተት፣ ይህ ፖሊሲ፣ ይህ እርምጃ ለኢትዮጵያ አጀንዳ ምን ፋይዳ አለው ብለን እንጠይቅ!
  • ኢትዮጵያን አንድ ያደርጋል ወይስ ይከፋፍላል?
    ኢትዮጵያን ያጠነክራል ወይስ ያዳክማል?
    አገራችንን ያረጋጋል ወይስ ያቃውሳል?
    ዴሞክራሳዊ ነው ወይስ አምባገነናዊ?
    ፍትሃዊ ነው ወይስ ኢፍትሃዊ?
    ሕዝባችንን ያበለጽጋል ወይስ ያደህይል?
    ወጣቱን ያስተምራል ወይስ ያደኖቅራል?
    ለሰዎች ጤና ይሰጣል ወይስ ያሳምማል?
    ካልቸራችንን ያለመልማል ወይስ ያፈርሳል?
    መንፈሳዊ ሕይወታችንን ያጠነክራል ወይስ እምነት አልባ ሞራል አልባ ፍጡራን ያደርገናል?
እያልን በመጠየቅ በቀላሉ እጅግ ትክክልኛ የፖለቲካና የፍስልፍና እውቀት ብቻ አይሆን ንቃተ ህሊና ላይ እንደርሳለን! ይህ ሳናደርግ ብንቀር ጉዞና ሃሳባችን ሁሉ የጨረባ ይሆናል ። የግል ምኞትና ፍላጎታችን የዩኒቨርስ እውነት አይደለም። የአንዱ ወገን ትቅም ብቻ የኢትዮጵያ ፖለቲካ ሰዋስው ሊሆን የፖለቲካ ሳይንስ አይፈቅድም፣ ሊኖር አይችልም ።

ይህን መሰረታዊ እውነትና ሳይንስ ያልተገነዘቡ ናቸው በነሲብ እየተነሱ በጦርነትና በትግል ህይወትና ሃብታቸውን የሚያወድሙት!
ድንቁርና ያስከፍላል!

የኢትዮጵያን ፖለቲካ ሰዋስው ምን እንደሆነ መማር ለአንድ ፖለቲካ ሰው የፊደል ገበታን ይዞ ሃ ሁ ሂ ሃ ! አቡ ጊ ዳ እንደ ማወቅ ነው !

የአቢይ ባህሪም፣ የአሜሪካ ጨዋታም፣ የቻይና እርምጃም፣ ሌላውም ሌላውም በዚህ ሜቱዶሎጂ እንመርምር!

ኬር ዬሁን! ዬቦ!
በአ ሆረስ
Last edited by Horus on 12 Jan 2022, 16:48, edited 1 time in total.

Horus
Senior Member+
Posts: 30666
Joined: 19 Oct 2013, 19:34

Re: የኢትዮጵያ ፖለቲካ ሰዋስው መቀመሪያ ስልት

Post by Horus » 12 Jan 2022, 14:11




Horus
Senior Member+
Posts: 30666
Joined: 19 Oct 2013, 19:34

Re: የኢትዮጵያ ፖለቲካ ሰዋስው መቀመሪያ ስልት

Post by Horus » 12 Jan 2022, 14:51

For example, consider this UAE v. China dynmics?
https://www.yahoo.com/finance/news/uae- ... 00491.html

Horus
Senior Member+
Posts: 30666
Joined: 19 Oct 2013, 19:34

Re: የኢትዮጵያ ፖለቲካ ሰዋስው መቀመሪያ ስልት

Post by Horus » 12 Jan 2022, 16:40

ኢትዮጵያ ትልቅ አገር ነች፤ 2080 በአለም ላይ ከሚኖሩት 8 ግዙፍ አገሮች 4ኛዋ የምትሆነው ኢትዮጵያ ናት ። ዛሬ ያሉ ሰዎች ለዘላለም እንደ ሚኖሩና የነሱ ሃሳብና ወገን ብቻ ትክክል እንደ ሆነ በሚጢጢ ቀዳዳ የኢትዮጵያን ወደፊት ምንነት ለመተንበይ ሚሞክሩ የታሪክ መሃይማን ናቸው ። ኢትዮጵያ አለማቋረጥ ትለወጣለች፣ አለማቋረጥ ታድጋለች ። ያ ማለት ደሞ ሁሉ ነገር ዛሬ ከምናየው የተለየ ይሆናል ማለት ነው ። ያ ደሞ የአገሮችን ድምበር፣ የሰዎችን መደባለቅ፣ የሰዎች እምነትና ካልቸር ፣ ወዘተ ወዘተ ...

ኢትዮጵያን ታላቅ አገር ከሚያደርጓት ነገሮችና መጭው ለውጦች ጥቂቱ የሚከተሉት ናቸው
የአንድ ታላቅ አገር ጸባያት ምንድን ናቸው?
(1) የሕዝብ አንድነት
(2) ጠንካራ መንግስት
(3) ጠንካራ ጦር
(4) ጠንካራ ኢኮኖሚ
(5) መረጋጋት
(6) ነጻነት
(7) ፍትሃዊነት
(8) ብልጽግና
(9) እውቀት
(10) ፈጠራ
ካልቸር
(1) እርቅ
(2) ክብረ ህይወት (ለህይወት የመጨረሻው ከፍተኛ ዋጋ መስጠት፣ የትግሬ ወያኔ ፍጹም ተቃራኒ ማለት ነው)
(3) ባለአደራነት (አገሩ፣ አየሩ፣ ዉሃው፣ እጸዋቱ፣ ባህሉ፣ ታሪኩ፣ አፈሩ፣ ወዘተ በአደራ ተውሰን ጠብቀን ለመጪው ትውልድ የመስጠት ሃላፊነት)
(4) እዝነት (በኢትዮጵያዊነት፣ ሰባዊነት ፣ ርሃራሄ፣ ሂዩማን አምፐቲ መተዛዘን፣ መረዳዳት)
(5) መንፈሳዊነት
(6) ሞራልዊነት
(7) መልካምነት
ስለዚህ ኢትዮጵያ ምንድን ናት? ወዴት እየሄደች ነው? አንድ ኢትዮጵያዊ ስለኢትዮጵያ ማሰብ ያለበት እንዴት ነው ወዘተ ስንል ዝም ብለን በሰመ ነጋ ፍላጎታችን ያዘለውን ሳይሆን የታሪክና የማህበረሰቦች ኢቮሉሽን ትራጀክተሪ ጋራ የተጣጣመ ማሰቢያ ስልት እንዲኖረን ግድ ይላል!!

ከኳንተም ሬላቲቪቲ እስከ የሄይቲ ቩዱ ጠንቋይ ያሉትን ያለም ሳይንስ፣ አርትና ሱፐረስቲሽን ብናማክር አንድ እና አንድ ዘላለማዊ የተፍጥሮ ሕግ አለ፣ ማንም የማያመልጠው!!! እሱም "ሁሉ ነገር ይለወጣል" በቃ!




Post Reply