Mereja Forum

[Educator]

ትነበብ:-

እዉነታዉ ይሄ ነዉ !!

እኔ እንደገባኝ ከሆነ በተአምር ከምኒልክ መንፈስ ማምለጥ አይቻልም። ጤፍ ገዝተህ ልታስፈጭ ወደ ወፍጮ ቤት ስትሄድ ለመጀመሪያ ጊዜ ወፍጮ ያስገባው ምኒልክ መሆኑ ትዝ ይልህና ትበሳጫለህ!
...
ጤፍ ማስፈጨቱን ትተህ ምግብ ልትበላ ሆቴል ስትገባ የመጀመሪያውን ሆቴል የከፈተውም ምኒልክ መሆኑ ትዝ ይልህና ሰባት ጊዜ አማትበህ ከሆቴል ትወጣለህ።
...
ተናደህ ጓደኛህ ጋ ልትደውል ስልክህን ስታወጣ ስልክን ለመጀመሪያ ጊዜ ያስገባው ምኒልክ መሆኑ ትዝ ይልህና የባሰ አብደህ ስልክህን ትሰብራለህ።
...
በንዴት ጨጓራህ ተልጦ ውሀ ልትጠጣ ቧንቧ ስትከፍት የቧንቧ ውሀን ለመጀመሪያ ጊዜ ያስገባው ምኒልክ መሆኑ ትውስ ይልህና በጨጓራህ ላይ ጋንግሪን ይይዘሀል።
...
ማስታገሻ ልትገዛ ፋርማሲ ስትሄ የመጀመሪያውን ፋርማሲ የከፈተው ምኒልክ መሆኑን ታስታውስና አየር ለመቀየር ወደ ሌላ ሀገር ልትሄድ ትወስናለህ።
...
ሻንጣህን ይዘህ አስፓልት ዳር ቆመህ መኪና እየጠበቅህ እያለ መኪና ያስገባው ምኒልክ መሆኑ ድንገት ትውስ ይልህና ሻንጣህን ተሸክመህ እየጨለልክ በባቡር ለመሄድ ትወስናለህ።
...
ባቡር ጣቢያ ደርሰህ ትኬት ልትቆርጥ ስትል ባቡርንም ያስመጣው ምኒልክ መሆኑን ይነገሩህና መሀል ከተማ ላይ ኡ ኡ ኡ ብለህ ትጮሀለህ።
...
የጮህክበት ጉሮሮህ ድምፅህ ተዘግቶ ባህርዛፍ ልታጠን ብለህ ባህር ዛፍ ቅጠል ስትፈልግ ባህርዛፍንም ከአውስትራሊያ ያስመጣው ምኒልክ መሆኑ ትዝ ይልህና ድጋሜ ትጨልላለህ።
...
በቃ ልረጋጋ ብለህ ፊልም ለማየት ሲኒማ ስትሄድ የመጀመሪያውን ሲኒማ የከፈተው ምኒልክ መሆኑን ይነግሩህና ፌንት በልተህ የተወሰነ ደቂቃ ራስህን ትስታለህ።
...
ነገር አለሙ ዞሮብህ በሙዚቃ ራስህን ልታፍታታ ዘፈን ስትከፍት የመጀመሪያውን የሙዚቃ መቅጃ መሳሪያ ምኒልክ እንዳስገባው ያነበብከው ትዝ ይልህና እመቤቴ ድረሺልኝ ብለህ ራስህ ልታጠፋ ጥይት ልትገዛ ትሄዳለህ።
...
ጥይት ሻጭ ጋ ሄደህ ስትደራደር ለመጀመሪያ ጊዜ የጥይት ፋብሪካን የከፈተው ምኒልክ መሆኑን ሲነግርህ ሊፈነዳ የደረሰ ጭንቅላትህን ይዘህ ድጋሜ ትሮጣለህ።
...
የመጨረሻው አማራጭ የስሙኒ ገመድ ትገዛና ለመጀመሪያ ጊዜ ጫማን ያስገባው ምንሊክ መሆኑን አስታውሰህ ጫማህን ታወልቅና ራስህን ሲጥ ታደርጋለህ።
...
ወዳጄ ከምኒልክ መንፈስ ከማምለጥ ራስን ማጥፋት ይቀላል። የምንሊክ አምላክ በያላችሁበት ይጠብቃችሁ። ዳጊ ነኝ ከፒያሳ ምንሊክ አደባባይ )

[Dagmawi Dagmawi]