Ethiopian News, Current Affairs and Opinion Forum
Meleket
Member
Posts: 3044
Joined: 16 Feb 2018, 05:08

ፍረ “እንዳ ፈለስኪኖስ” ኣብ መበል 31 ዓመት ናጽነት ኤርትራ

Post by Meleket » 23 May 2022, 04:47

Meleket wrote:
08 Jun 2018, 01:43
ንኽብሪ ብጽንዓት ንስለ ሓቂን ፍትሕን ርትዕን በጃ ዝሓለፉ ጀጋኑ ስውአት!!! ግጥሚ!

ይዘንቶ ይዘንቶ ይዘንቶ እቲ ዛንታ፣
ትስተዮ ማይ ህይወት ሃገር ብምልእታ፣
ንርኣዪ እንኪትርባዕ ናይ ሽርሒ ለቖታ፣
ንስማዕ እንከጕርዑ ብኣል ኢታ ሚታ።

ከቢሩ ኪነብር ሀገረይ ዶባታ፣
ንታሪኻ ይፍለጡ ኩሎም ዜጋታታ፣
ምድጋሙ ኪከኣል ናይ ትማሊ ያታ፣
ወነንቲ ምዃንና በዓል ስሉስ* ዋልታ፣ (ሰማይ-ምድሪ-ባሕሪ)*
ይዘንቶ ይዘንቶ ይዘንቶ እቲ ዛንታ።

ሓቂ ሒዛ ኤረይ ኪልዕል ርዝነታ፣
እታ ኣደ-ጥልመት ግን ኪረኣ ፍኹሰታ፣
ዝተቖማጥዐት ኣብ ስርቂ ኣብ ዝምታ፣
ወትሩ እንተምባሁቕ ትምነ ዘይናታ፣
ዓመጻ ይነገር ይገለጽ ብዓውታ፣

ይነገር ይዘንቶ እቲ ሓቀይና ዛንታ፣
መኣስ ዋዛ ኮይኑ እቲ ናይ ርእሲ ቅልስ ናይ ርእሲ ጸወታ።

ይጸወ ይጸወ ይጸወ እቲ ጽዋ፣
ከይዕብሉኸና ዶሮና ናይ ተምቤን ደሮና ናይ ዓድዋ፣
ወትሩ ኣብ ጸጽባሕ ሓሶት ዝፈጥርዋ፣
ሕጂ ማሕላ ጌሮም ደሓር ዝጠልምዋ፣
ምዃኖም ይነገር ይጸወ እቲ ጽዋ።

ንለመጭ መልሓሶም እንተኣመቀርዋ፣
ዓመጽቲ ክንሶም ከይመስሉና ጨዋ፣
ሰብ ክልተ ዓንዴል ከምታ ናይ ኣንጭዋ፣
እንኪከፍኦም ትግራይ እንኪጥዕሞም ሸዋ፣
መሽጐራጕር ዝልቦም ሓቂ ዝጠውይዋ፣
ምስባር ምስ ኣበየቶም ዝለዋውይዋ፣
ምዃኖም ይነገር ይጸወ እቲ ጽዋ፣
ይቆረስ ሃምባሻ ይቀዳሕ እቲ ስዋ፣
ይጸወ እቲ ጽዋ ይጸወ እቲ ጽዋ።

ይገንጸል ይነበብ ይዘንቶ እቲ ሰነድ፣
ፍቕሪ ጀጋኑና አባና ኪንብድበድ፣
ኩምራ ሓሶት ጉርሒ ብሓቂ ኪጭደድ፣
ብፍቕሪ ሀገርና ክንመክኽ ኽንነድድ፣
እቲ ሕውነትና ኪትርንዕ ኪስውድ፣
ብመብጽዓ ሓሶት ቀልብና ከይውሰድ፣
ንንብዓት ናይ ሓርገጽ ምእማኑ ከይልመድ፣
ብምስሉይ ጥበራ ቲ’ሰብና ከይስደድ፣
ይነበብ ታሪኽና ጸላኢና ይርዓድ፣
ሻምላ ሓቅነትና ንሽርሖም ይጨልግድ፣
ማዕጺድ ቅንዕናና ንተንኮላቶም ይዕጸድ፣
እቲ ህያው ታሪኽና በሪቑ የንጎድጉድ፣
ኩሉ መሳለጥያ ዘቃልሕ ይዋደድ፣
ዝወዓለ ይንገር ታሪኽና ይሰነድ።

ይዘንቶ ይሰነድ ይነገር ታሪኽና፣
ሓፊሮም ኪተርፉ ወዓገ ጋውና፣
ሓሶት ዘኾምስዑ ኪዘርጉ ፍቕርና፣
ንሕናስ ንሕና ኢና ጅግንነት ኣመልና፣
ብድሕሪት ዘይኮነ ንውቃዕ ግንባርና፣
ቀደም ኮነ ሕጂ ታሪኽ ምስክርና፣
እቲ ዝወዓልናሉ ኪፈልጦ ሕዝብና፣
ብዘይ ናይ ቃል ዓለም ከነዘንቱ ኢና፣
ንሱ ጸላኢና ትምበሉ ዚብለና።

ይዘንቶ ይነገር ይሰነድ ብወየ፣
ነፍሱ ንኪፍትሽ ብልሽው እንተጠዓየ።
ኪንሳሕ ኪዝክር መብጽዓ ቀደሙ፣
ከምሎም ከይኮነ ከየርሰሓ ስሙ፣
ከይተቖማጠዐ ሕጂ ደጋጊሙ፣
ብላዕ እናወሰደ ባህልና ሰሚሙ፣
ንሃብቲ ናይ ሃገር ንውልቃዊ ጥቕሙ፣
ሃነፍነፍ ከይበለ ኪቆጽር ከም ገዝሙ።

ይዘንቶ ይነገር ይሰነድ ብወየ፣
ያታ ተወሪሱ ፍቕሪ ምስ ፈረየ፣
ፍትሒ ንኪነግስ ከጉላዕልዕ ከም ስየ።

ይዘንቶ ይነገር ይሰነድ ብማሰ፣
መንከማይ በሃሊ እንተ ተጠዓሰ፣
እከይ ግብሪ ገዲፉ ሕዝቢ እንተከሓሰ፣
ብሥርዓት ይመዝገብ ይሰነድ እቲ ማሰ።

ስውእ በጃ- ሕዝቢ እንተተሞገሰ፣
ስንኩል ወዲሕዝቢ ግምጃ እንተለበሰ፣
ሕዝቢ እንተነበረ ሕጊ ከይጠሓሰ፣
ሓዲሽ ወለዶና ታሪኽ እንተወረሰ፣
ሸፈጥን ሸፋጥን ኩሉ ምስ ኣልገሰ፣
ከምቲ መብጽዓና ሕጊ ምስ ነገሰ፣
እቲ ረቒቕ ክብርና ተቓንዩ ብማሰ፣
ብምዑዝ ዜማታት ታሪኽ ምስዝቋሰ፣
ደዋኒ ምስልና ሽዑ ምሓልከሰ፣
ሓሞት ጸላእትና ሽኡ ምፈሰሰ።

ይዘንቶ ይነገር ይሰነድ ጨፈራ፣
ኣእዛንና ከይጸምም ብከንቱ ፈኸራ፣
ክንሰግሮ ንኩሉ ጽዉድ መፈንጠራ፣
ንመብጽዓ ሓሶት ነለሊ ጥበራ፣
ንቖቓሕ ንፈልጣ ብኣነፋፍራ፣
ጉርሒ ወዲ ጉርሒ ሱራ ንቡንቍራ፣
ዑፍና’ኳ ትፈልጦ ናቶም መናውራ፣
ስኑድ ፊደላትና ትእምርተ መጠራ፣
ንግዕዝ ፈጠርቲ ምስ ጉንዳ ካብ ሱራ፣
ምስቲ ጨናፍራ፣
ንምንጪ ጥበባት ነውሕዛ ከም ዛራ፣
ንቕርሲ ኣያታትና ዓቝርና ንሰትራ፣
ሓቂ ምስ ገለጽና ሓሶት ነሸቑርራ፣
ስሉም በዓትና መኽዘነ-ምስጢራ፣
ንሕና ኣግኣዝያን* እነውጽእ ሓራ፣ (ቕኑዕ ትርጉም አግኣዚ ንዝተረደኣኹም)
ንሕና ሰብ አዱሊስ ታሪኽ ንብርብራ፣
ንሕና እወ ሰብ ቦያ ቅርሲ ንምርምራ፣
ንሕና ሰብ ቢሻ ኢና ማዕድን ንፍሕራ፣
ንሕና እወ ሰብ ናቕፋ ስሕለትና ከም ካራ፣
መረሮም ኪብሉና ሕይወት ነመቅራ፣
እዝጊ ምስሰመራ ንሀገር ንፈጥራ፣
ብሓበን ወነንቲ ንሰማየ ምድራ፣
እንብጀወላ ኣብ ማእከለ-ባሕራ፣
ብእግርን ብርእስን ዚፍትን ኪወራ፣
ጥቁሉብ እነብሎ ወርዊርና ጭማራ፣
ንህና ዋልታ ሃገር ብፍቕሪ ንጠምራ፣
ወሊድና ዘዕኾኽና ካብሱራ ንሰውራ፣
ፍለጡና በሉ ንሕና ኢና ኤርትራ።

ይዘንቶ ይነገር ይሰነድ ብኣውሎ፣
ሓሳድ ጸላኢና ስምና ዝበለሎ፣
ንግሩም ምስልና ቀባኢ ጸሎሎ፣
ንንገሮ እቲ ሓቂ ብድሎ ብተሎ፣
ኣፋዊ ያታና ቲ ውሽጥና ዘሎ፣
ማንም ዘይኽእሎ፣
ንማሰ ንወየ ንጨፈራ ኣውሎ፣
ሰንሰለት ውርሻ ባዕልና ነልዕሎ፣ ባዕልና ነዕልሎ፣
እቲ መንነትና ብካልእ ከይጽሎ፣
ማሕላና’ዩ ንህና ኣብ ዘዝበረኸ መሊስና ክንሰቕሎ፣
ድንኳንና’ዩ ኣብ እምባ መን’ከ ኪኽውሎ!?!

ይዘንቶ ይነገር ይሰነድ ምሕሸ፣
ሎምዘመን ካብ ዓሚ ቁሩብ እንተሓሸ፣
ዓደይ ዓደይ ኪብል ዝተሰደ ዝገሸ፣
ኪረዝን ዝግባእ ባዕሉ እንተፈዀሰ፣
ኪእለ ኪጉሓፍ ብልሽው ዝጠስጠሰ፣
ሰሪሑ ዘስርሕ እንተ ተጣየሰ፣
ደም ናይ ጀጋኑና ከንቱ ነይፈሰሰ።

ይነበብ ይዘንቶ ይገለጽ እቲ ማህደር፣
መዝገብ ኣያታትና እቲ ወርቃዊ ደብተር፣
ብራና ናይ ኣበው መኽዘን ዓቢ ምስጢር፣
ታሪኽ ናይ ወደባት ብደቀባት ኪምርመር፣
ጓና ኣብ ማእከል ኣትዩ መታን ከየዕገርግር፣
ወጣም መጣቖሲ ምእንታን ኪሓፍር፣
ሓሶት እናዘርአ ንከየደናግር፣
ኣብ ክንዲ ዚስተር መጺኡ ከይግተር፣
ብዘይ ቃል ዓለም እቲ ሓቂ ይነገር፣
እቲ ውርዙይ ባህልና ኣብ ልብና ይስፈር፣
ይገንጸል ይዘንቶ እቲ ሓቀይና ማሕደር።

ንንበቦ ብዓውታ ይስረጽ ናብ ወለዶ፣
ኣብ ተግባር ነውዕሎ ናይ ቀዳሞት ምዕዶ፣
ሕድሕድ ንመራራሕ ብሓናጺ ጽምዶ፣
ኣብቲ ሓድነትና ፍቕሪ ኪእጐዶ፣
ኣብ ህድሞ ኣብ ኣግነት ትኹል ኩዱኩዶ፣
ታሪኽ ቀዳሞትና እስከ ነንጎድጉዶ፣
መገዲ ኣያታትና ብሓበን ንኺዶ፣
ጉጅምጅም ምስ ጓናስ ከላእ ይዋረዶ።

ይንገር ዝወዓለ ታሪኽ ከይስረቕ፣
ሓሳዊ ኪሕሱ ምእታን ኪስርነቕ፣
እልፊ’ዩ ታሪኽና ኣይንፍራሕ ከይጽንቀቕ፣
ኣመና ኣይንሰከፍ ኣመና ኣንይብቀቕ፣
ይሰነድ ታሪኽና ሓሶት ንኪብርቈቕ፣
ንወርቂ ሃገርና ህዝብና ኪውርቕ፣
ብወርቂ ሃገርና ሕዝብና ይወረቕ፣
ይነገር እቲ ሓቂ ሃገር ይነቓንቕ።

ኣብ መጋርያ ኣብ ባይቶ ሕዝብና ኪሟሙቕ፣
ቀቅድሚ ውድቀቱ ጸላኢ ኪጭነቕ፣
እቲ መንነትና መሊሱ ኪደምቕ፣
ኒሕ ናይ ወለዶና ምናዳ ከብረቕርቕ፣
ሪም ናይ ወለዶና ዝያዳ ኪጽብቕ፣
ሰረተ-እምነትና ዘልዓለም ነይንቕነቕ፣
ሓሞት ወለዶና ፈጺሙ ዘይጽንቀቕ፣
ብደመ ረሃጹ ታሪኽና ዚውርቕ፣
ዋሕስ ህላዌና ጅግና ኣሎ አብ ተጠንቐቕ፣
ጽኑዕ እምባ ኾይኑ እምባ ዘይንቕነቕ።

Meleket
Member
Posts: 3044
Joined: 16 Feb 2018, 05:08

Re: ፍረ “እንዳ ፈለስኪኖስ” ኣብ መበል 31 ዓመት ናጽነት ኤርትራ

Post by Meleket » 23 May 2022, 09:26

:mrgreen:
Meleket wrote:
08 Jun 2018, 01:43
. . .
ንቖቓሕ ንፈልጣ ብኣነፋፍራ፣
ጉርሒ ወዲ ጉርሒ ሱራ ንቡንቍራ፣
ዑፍና’ኳ ትፈልጦ ናቶም መናውራ፣
ስኑድ ፊደላትና ትእምርተ መጠራ፣
ንግዕዝ ፈጠርቲ ምስ ጉንዳ ካብ ሱራ፣
ምስቲ ጨናፍራ፣
ንምንጪ ጥበባት ነውሕዛ ከም ዛራ፣
ንቕርሲ ኣያታትና ዓቝርና ንሰትራ፣
ሓቂ ምስ ገለጽና ሓሶት ነሸቑርራ፣

ስሉም በዓትና መኽዘነ-ምስጢራ፣
ንሕና ኣግኣዝያን* እነውጽእ ሓራ፣ (ቕኑዕ ትርጉም አግኣዚ ንዝተረደኣኹም)
ንሕና ሰብ አዱሊስ ታሪኽ ንብርብራ፣
ንሕና እወ ሰብ ቦያ ቅርሲ ንምርምራ፣
ንሕና ሰብ ቢሻ ኢና ማዕድን ንፍሕራ፣
ንሕና እወ ሰብ ናቕፋ ስሕለትና ከም ካራ፣
መረሮም ኪብሉና ሕይወት ነመቅራ፣
እዝጊ ምስሰመራ ንሀገር ንፈጥራ፣
ብሓበን ወነንቲ ንሰማየ ምድራ፣
እንብጀወላ ኣብ ማእከለ-ባሕራ፣
ብእግርን ብርእስን ዚፍትን ኪወራ፣
ጥቁሉብ እነብሎ ወርዊርና ጭማራ፣
ንህና ዋልታ ሃገር ብፍቕሪ ንጠምራ፣
ወሊድና ዘዕኾኽና ካብሱራ ንሰውራ፣
ፍለጡና በሉ ንሕና ኢና ኤርትራ።

. . .

Meleket
Member
Posts: 3044
Joined: 16 Feb 2018, 05:08

Re: ፍረ “እንዳ ፈለስኪኖስ” ኣብ መበል 31 ዓመት ናጽነት ኤርትራ

Post by Meleket » 04 Mar 2023, 04:32

Meleket wrote:
08 Jun 2018, 01:43
ንኽብሪ ብጽንዓት ንስለ ሓቂን ፍትሕን ርትዕን በጃ ዝሓለፉ ጀጋኑ ስውአት!!! ግጥሚ!

ይዘንቶ ይዘንቶ ይዘንቶ እቲ ዛንታ፣
ትስተዮ ማይ ህይወት ሃገር ብምልእታ፣
ንርኣዪ እንኪትርባዕ ናይ ሽርሒ ለቖታ፣
ንስማዕ እንከጕርዑ ብኣል ኢታ ሚታ።

ከቢሩ ኪነብር ሀገረይ ዶባታ፣
ንታሪኻ ይፍለጡ ኩሎም ዜጋታታ፣
ምድጋሙ ኪከኣል ናይ ትማሊ ያታ፣
ወነንቲ ምዃንና በዓል ስሉስ* ዋልታ፣ (ሰማይ-ምድሪ-ባሕሪ)*
ይዘንቶ ይዘንቶ ይዘንቶ እቲ ዛንታ።

ሓቂ ሒዛ ኤረይ ኪልዕል ርዝነታ፣
እታ ኣደ-ጥልመት ግን ኪረኣ ፍኹሰታ፣
ዝተቖማጥዐት ኣብ ስርቂ ኣብ ዝምታ፣
ወትሩ እንተምባሁቕ ትምነ ዘይናታ፣
ዓመጻ ይነገር ይገለጽ ብዓውታ፣

ይነገር ይዘንቶ እቲ ሓቀይና ዛንታ፣
መኣስ ዋዛ ኮይኑ እቲ ናይ ርእሲ ቅልስ ናይ ርእሲ ጸወታ።

ይጸወ ይጸወ ይጸወ እቲ ጽዋ፣
ከይዕብሉኸና ዶሮና ናይ ተምቤን ደሮና ናይ ዓድዋ፣
:mrgreen:
ወትሩ ኣብ ጸጽባሕ ሓሶት ዝፈጥርዋ፣
ሕጂ ማሕላ ጌሮም ደሓር ዝጠልምዋ፣
ምዃኖም ይነገር ይጸወ እቲ ጽዋ።

ንለመጭ መልሓሶም እንተኣመቀርዋ፣
ዓመጽቲ ክንሶም ከይመስሉና ጨዋ፣
ሰብ ክልተ ዓንዴል ከምታ ናይ ኣንጭዋ፣
እንኪከፍኦም ትግራይ እንኪጥዕሞም ሸዋ፣
መሽጐራጕር ዝልቦም ሓቂ ዝጠውይዋ፣
ምስባር ምስ ኣበየቶም ዝለዋውይዋ፣
ምዃኖም ይነገር ይጸወ እቲ ጽዋ፣
ይቆረስ ሃምባሻ ይቀዳሕ እቲ ስዋ፣
ይጸወ እቲ ጽዋ ይጸወ እቲ ጽዋ።

ይገንጸል ይነበብ ይዘንቶ እቲ ሰነድ፣
ፍቕሪ ጀጋኑና አባና ኪንብድበድ፣
ኩምራ ሓሶት ጉርሒ ብሓቂ ኪጭደድ፣
ብፍቕሪ ሀገርና ክንመክኽ ኽንነድድ፣
እቲ ሕውነትና ኪትርንዕ ኪስውድ፣
ብመብጽዓ ሓሶት ቀልብና ከይውሰድ፣
ንንብዓት ናይ ሓርገጽ ምእማኑ ከይልመድ፣
ብምስሉይ ጥበራ ቲ’ሰብና ከይስደድ፣
ይነበብ ታሪኽና ጸላኢና ይርዓድ፣
ሻምላ ሓቅነትና ንሽርሖም ይጨልግድ፣
ማዕጺድ ቅንዕናና ንተንኮላቶም ይዕጸድ፣
እቲ ህያው ታሪኽና በሪቑ የንጎድጉድ፣
ኩሉ መሳለጥያ ዘቃልሕ ይዋደድ፣
ዝወዓለ ይንገር ታሪኽና ይሰነድ።

ይዘንቶ ይሰነድ ይነገር ታሪኽና፣
ሓፊሮም ኪተርፉ ወዓገ ጋውና፣
ሓሶት ዘኾምስዑ ኪዘርጉ ፍቕርና፣
ንሕናስ ንሕና ኢና ጅግንነት ኣመልና፣
ብድሕሪት ዘይኮነ ንውቃዕ ግንባርና፣
ቀደም ኮነ ሕጂ ታሪኽ ምስክርና፣
እቲ ዝወዓልናሉ ኪፈልጦ ሕዝብና፣
ብዘይ ናይ ቃል ዓለም ከነዘንቱ ኢና፣
ንሱ ጸላኢና ትምበሉ ዚብለና።

ይዘንቶ ይነገር ይሰነድ ብወየ፣
ነፍሱ ንኪፍትሽ ብልሽው እንተጠዓየ።
ኪንሳሕ ኪዝክር መብጽዓ ቀደሙ፣
ከምሎም ከይኮነ ከየርሰሓ ስሙ፣
ከይተቖማጠዐ ሕጂ ደጋጊሙ፣
ብላዕ እናወሰደ ባህልና ሰሚሙ፣
ንሃብቲ ናይ ሃገር ንውልቃዊ ጥቕሙ፣
ሃነፍነፍ ከይበለ ኪቆጽር ከም ገዝሙ።

ይዘንቶ ይነገር ይሰነድ ብወየ፣
ያታ ተወሪሱ ፍቕሪ ምስ ፈረየ፣
ፍትሒ ንኪነግስ ከጉላዕልዕ ከም ስየ።

ይዘንቶ ይነገር ይሰነድ ብማሰ፣
መንከማይ በሃሊ እንተ ተጠዓሰ፣
እከይ ግብሪ ገዲፉ ሕዝቢ እንተከሓሰ፣
ብሥርዓት ይመዝገብ ይሰነድ እቲ ማሰ።

ስውእ በጃ- ሕዝቢ እንተተሞገሰ፣
ስንኩል ወዲሕዝቢ ግምጃ እንተለበሰ፣
ሕዝቢ እንተነበረ ሕጊ ከይጠሓሰ፣
ሓዲሽ ወለዶና ታሪኽ እንተወረሰ፣
ሸፈጥን ሸፋጥን ኩሉ ምስ ኣልገሰ፣
ከምቲ መብጽዓና ሕጊ ምስ ነገሰ፣
እቲ ረቒቕ ክብርና ተቓንዩ ብማሰ፣
ብምዑዝ ዜማታት ታሪኽ ምስዝቋሰ፣
ደዋኒ ምስልና ሽዑ ምሓልከሰ፣
ሓሞት ጸላእትና ሽኡ ምፈሰሰ።

ይዘንቶ ይነገር ይሰነድ ጨፈራ፣
ኣእዛንና ከይጸምም ብከንቱ ፈኸራ፣
ክንሰግሮ ንኩሉ ጽዉድ መፈንጠራ፣
ንመብጽዓ ሓሶት ነለሊ ጥበራ፣
ንቖቓሕ ንፈልጣ ብኣነፋፍራ፣
ጉርሒ ወዲ ጉርሒ ሱራ ንቡንቍራ፣
ዑፍና’ኳ ትፈልጦ ናቶም መናውራ፣
ስኑድ ፊደላትና ትእምርተ መጠራ፣
ንግዕዝ ፈጠርቲ ምስ ጉንዳ ካብ ሱራ፣
ምስቲ ጨናፍራ፣
ንምንጪ ጥበባት ነውሕዛ ከም ዛራ፣
ንቕርሲ ኣያታትና ዓቝርና ንሰትራ፣
ሓቂ ምስ ገለጽና ሓሶት ነሸቑርራ፣
ስሉም በዓትና መኽዘነ-ምስጢራ፣
ንሕና ኣግኣዝያን* እነውጽእ ሓራ፣ (ቕኑዕ ትርጉም አግኣዚ ንዝተረደኣኹም)
ንሕና ሰብ አዱሊስ ታሪኽ ንብርብራ፣
ንሕና እወ ሰብ ቦያ ቅርሲ ንምርምራ፣
ንሕና ሰብ ቢሻ ኢና ማዕድን ንፍሕራ፣
ንሕና እወ ሰብ ናቕፋ ስሕለትና ከም ካራ፣
መረሮም ኪብሉና ሕይወት ነመቅራ፣
እዝጊ ምስሰመራ ንሀገር ንፈጥራ፣
ብሓበን ወነንቲ ንሰማየ ምድራ፣
እንብጀወላ ኣብ ማእከለ-ባሕራ፣
ብእግርን ብርእስን ዚፍትን ኪወራ፣
ጥቁሉብ እነብሎ ወርዊርና ጭማራ፣
ንህና ዋልታ ሃገር ብፍቕሪ ንጠምራ፣
ወሊድና ዘዕኾኽና ካብሱራ ንሰውራ፣
ፍለጡና በሉ ንሕና ኢና ኤርትራ።

ይዘንቶ ይነገር ይሰነድ ብኣውሎ፣
ሓሳድ ጸላኢና ስምና ዝበለሎ፣
ንግሩም ምስልና ቀባኢ ጸሎሎ፣
ንንገሮ እቲ ሓቂ ብድሎ ብተሎ፣
ኣፋዊ ያታና ቲ ውሽጥና ዘሎ፣
ማንም ዘይኽእሎ፣
ንማሰ ንወየ ንጨፈራ ኣውሎ፣
ሰንሰለት ውርሻ ባዕልና ነልዕሎ፣ ባዕልና ነዕልሎ፣
እቲ መንነትና ብካልእ ከይጽሎ፣
ማሕላና’ዩ ንህና ኣብ ዘዝበረኸ መሊስና ክንሰቕሎ፣
ድንኳንና’ዩ ኣብ እምባ መን’ከ ኪኽውሎ!?!

ይዘንቶ ይነገር ይሰነድ ምሕሸ፣
ሎምዘመን ካብ ዓሚ ቁሩብ እንተሓሸ፣
ዓደይ ዓደይ ኪብል ዝተሰደ ዝገሸ፣
ኪረዝን ዝግባእ ባዕሉ እንተፈዀሰ፣
ኪእለ ኪጉሓፍ ብልሽው ዝጠስጠሰ፣
ሰሪሑ ዘስርሕ እንተ ተጣየሰ፣
ደም ናይ ጀጋኑና ከንቱ ነይፈሰሰ።

ይነበብ ይዘንቶ ይገለጽ እቲ ማህደር፣
መዝገብ ኣያታትና እቲ ወርቃዊ ደብተር፣
ብራና ናይ ኣበው መኽዘን ዓቢ ምስጢር፣
ታሪኽ ናይ ወደባት ብደቀባት ኪምርመር፣
ጓና ኣብ ማእከል ኣትዩ መታን ከየዕገርግር፣
ወጣም መጣቖሲ ምእንታን ኪሓፍር፣
ሓሶት እናዘርአ ንከየደናግር፣
ኣብ ክንዲ ዚስተር መጺኡ ከይግተር፣
ብዘይ ቃል ዓለም እቲ ሓቂ ይነገር፣
እቲ ውርዙይ ባህልና ኣብ ልብና ይስፈር፣
ይገንጸል ይዘንቶ እቲ ሓቀይና ማሕደር።

ንንበቦ ብዓውታ ይስረጽ ናብ ወለዶ፣
ኣብ ተግባር ነውዕሎ ናይ ቀዳሞት ምዕዶ፣
ሕድሕድ ንመራራሕ ብሓናጺ ጽምዶ፣
ኣብቲ ሓድነትና ፍቕሪ ኪእጐዶ፣
ኣብ ህድሞ ኣብ ኣግነት ትኹል ኩዱኩዶ፣
ታሪኽ ቀዳሞትና እስከ ነንጎድጉዶ፣
መገዲ ኣያታትና ብሓበን ንኺዶ፣
ጉጅምጅም ምስ ጓናስ ከላእ ይዋረዶ።

ይንገር ዝወዓለ ታሪኽ ከይስረቕ፣
ሓሳዊ ኪሕሱ ምእታን ኪስርነቕ፣
እልፊ’ዩ ታሪኽና ኣይንፍራሕ ከይጽንቀቕ፣
ኣመና ኣይንሰከፍ ኣመና ኣንይብቀቕ፣
ይሰነድ ታሪኽና ሓሶት ንኪብርቈቕ፣
ንወርቂ ሃገርና ህዝብና ኪውርቕ፣
ብወርቂ ሃገርና ሕዝብና ይወረቕ፣
ይነገር እቲ ሓቂ ሃገር ይነቓንቕ።

ኣብ መጋርያ ኣብ ባይቶ ሕዝብና ኪሟሙቕ፣
ቀቅድሚ ውድቀቱ ጸላኢ ኪጭነቕ፣
እቲ መንነትና መሊሱ ኪደምቕ፣
ኒሕ ናይ ወለዶና ምናዳ ከብረቕርቕ፣
ሪም ናይ ወለዶና ዝያዳ ኪጽብቕ፣
ሰረተ-እምነትና ዘልዓለም ነይንቕነቕ፣
ሓሞት ወለዶና ፈጺሙ ዘይጽንቀቕ፣
ብደመ ረሃጹ ታሪኽና ዚውርቕ፣
ዋሕስ ህላዌና ጅግና ኣሎ አብ ተጠንቐቕ፣
ጽኑዕ እምባ ኾይኑ እምባ ዘይንቕነቕ።
:mrgreen:

Post Reply