አዳም እና ሔዋን በመጀመሪያ ቃየልን እና አቤልን ወለዱ።
አቤልና ቃየል ካላቸው ነገር ለእግዚአብሔር ስጦታ ወይም መሥዋዕት አቀረቡ።
ቃየል ክፉ ልብ ነበረውና እግዚአብሔር አይበላው ብሎ ከአመረተው እህል ጥሩዉን ሳይሆን መጥፎዉ የማይረባውን መናኛውን እህል ለእግዚአብሔር መሥዋዕት አቀረበ።
አቤል ልቡ ንፁህ ነበርና እግዚአብሔር ንጹሐ ባህርይ ማለት ነው ሲል ያላረጀውን በግ ፣ ጥርሱ ያልዘረዘረውን ንጹህ የአንድ አመት ጠቦት በግ ለእግዚአብሔር ንፁህ መሥዋዕት አቀረበ።
እግዚአብሔር ጥሩ ሥራን ስለሚወድ ወደ አቤልና ወደ መሥዋዕቱ ተመለከተ። ነገር ግን ቃየል ጥሩ ሥራ ስላልሰራ ወደ ቃየልና ወደ መሥዋዕቱ አልተመለከተም።
በዚህም ምክንያት ቃየልም እጅግ ተናደደ ፊቱም ጠቆረ።
ከዚህም በኋላ ቃየል ተንኮል ስላሰበ ወንድሙን አቤልን ና ወደ ሜዳ እንሂድ አለው። በሜዳም ሳሉ ቃየል ወንድሙን አቤልን በድንጋይ ገደለው።
እግዚአብሔር ቃየል ተደብቆ የሰራውን ስላወቀበት ፣ ወንድምህ አቤል ወዴት ነው? ብሎ ጠየቀው። ቃየልም አላውቅም፤ የወንድሜ ጠባቂ እኔ ነኝን? ብሎ መለሰ።
እግዚአብሔር እንዲህ ብሎ ተቆጣው። የወንድምህ የደሙ ድምፅና ነፍሱ ከምድር ወደ እኔ ይጮኻል። አንተ የተረገምህ ነህ። በምድርም ላይ ኰብላይና ተቅበዝባዥ ትሆናለህ።
