ልክዕ ከምቲ መስከረም 1 1961: ኢድሪስ ሓምድ ዓዋተ: ኤርትራ ብኢትዮጵያ ተጎቢጣ ካብ ዝርኢ ሞት ይሕሸኒ ብምባል ናብ ጎቦ ኣዳል ከይዱ ብረታዊ ቃልሲ ብምጅማር ናይ ኤርትራውያን ሓቦ: ትብዓት: ዘይተጽዓድነት ንሃጸይ ሃይለ-ስላሴ ከምዘርኣየ:
መስከረም 18 2001 ድማ: ኣሰር ዓዋተ ብምስዓብ: ላዕለዎት ሓለፍቲ ግዝያዊ መንግስቲ ኤርትራ: ብውልቀ-መላኺ እትምሓደር ኤርትራ ካብ ንርኢ ማእሰርቲን ሞትን ይሕሸና ኢሎም ብምብዳህ ነቲ ናይቲ ሽዑ ፕረዚደንት ናይ ሎሚ ውልቀ-መላኺ ኢሰያስ ኣፍወርቂ ናይ ኤርትራውያን ሓቦ: ትብዓት: ዘይተጽዓድነት ዘርኣዩላ ወርሒ እያ።
ልክዕ ከምቲ ኣብ መስከረም 1961 ኤርትራውያን ኣሰር ጅግና ኣቦና ዓዋተ ስዒቦም ኣብ 1991 ናጽነት ዘምጽኡልና: ሕጂ'ውን ኣሰር እቶም ኣብ መስከረም 2001 ዝትኣስሩ ጀጋኑ G-15ን ጋዜጠኛታትን ብምስዓብ ሎሚ መስከረም 18 2020 ንሕና ጊደና ናይ ኤርትራውያን ሓቦ: ትብዓት: ዘይተጽዓድነት እነርእየላን መዓልቲ እያ።
ምልኪ ይፍረስ ሕጊ ይንገስ።
ባይቶ DMV (EC-DMV)
መስከረም 18 2020
