ብዙሕ እዩ ትርጉሙ ምንባር ማለት»
(ኣብርሃም ኣፈወርቂ)
«ገዛኹም እተው፣ ኣይትውፅኡ» ጥራሕ እኹል ኣይኮነን። «ኣንጭዋ ናብ ሓዊ ክትጎዪ እንተሪኢኻያ፣ እቲ እትሃድሞ ዘላ ነገር ካብ ሓዊ ዝኸፈአ እዩ ማለት እዩ» ዝብል ኣበሃህላ ኣሎ።
ጥሜት ክቐትሎ ኣብ ድርኹዂት ገዝኡ ደው ንዝበለ ሰብ ቅድሚ እቲ ቫይረስ ክመውት ምእዛዝ እዩ። ከም መንግስቲ፣ ከም ሕ/ሰብ ሓደ ነገር እንተዘይገይርና ውድቀትና ኢና ነፋጥን ዘለና።
ዕለታዊ ኣስቤዛ ሸይጠን 5 ደቀን ዝጥውራ ኣለዋ፣ እንቋቖሖ ካብ ገጠር ተቐቢለን ቅርሺ 50 ሳንቲም ኣትሪፈን ክንደይ ዝሓመመ ቤተሰብ ዘላዕላ ኣለዋ፣ ቡን ሸይጠን ስድራ ሙሉእ ዝዕንግላ ኣለዋ ወዘተ።
ውሻጠና ጎደሎ እዩ። ዕለታዊ እዩ ናብራ ህዝብና። ነዚ ኢና ኣበይ ኣሎ እቲ ክልተ ሰለስተ ኣሃዝ ዕብየት ንብል ዝነበርና። ናይ ሓሶት ፀብፃብ ንፀሓፊኡ ስልጣን ወሲኹሉ ንህዝብና ቀቲሉዎ እዩ።
ስለዚ ውልቀ ሰባት ኩኑ፣ ሚድያታት ኩኑ ብዓብይኡ ድማ መንግስቲ ሱቕ ኢልካ ገዛኹም እተው፣ ኣይትውፅኡ ኣይትበሉ። እንታይ ክበልዕ? እንታይ ክሰቲ?
ቻይና ዓይና ዓሚታ ኣይኮነትን ምውፃእ ከልኪላ። መንግስቲ ስለዘለዋ እዩ። ልዕሊ 11 ሚልዮን ህዝቢ ቀጥ ኣቢላ ቀሊባቶ፣ ሕክምናዊ ኣገልግሎት ሂባቶ፣ ሓብሒባቶ እያ።
ኣብዚ ገዛውትና በበይኖም እዮም። ውሻጠና ረሳሕ እዩ። ምስ መራሕትና ደቂ ክልተ ዓለም ኢና ንመስል። ገዝኦም ስለዝመለአ ቀደሙ እውን ዕፁው እዩ። ገዛውትና እንታይ ሒዝና ክንዓፅዎ?
ዕፀው ኣይትበሉ፣ ከምዝዕፆ ንግበር።
ዓንዶም ገብረሰላሴ
