Mereja Forum

[Meleket]

ንደንደን ወሊዱ ካብ ተባህለ አዳል፣
አዳል’ከ ንርእሱ ፍረመን ይበሃል፧

ታሪኽ እምቢታና ኩሉ እንተዝግንጸል፣
አቦ ደንደን አዳል አይዀነን እቲ አወል፣
ድሙቕ ታሪኽ ኣሎ ከቶ ዘይኽወል።

ንቱርኪ መኸተ ንምስሪ መኸተ፣
ንትግራይ መኸተ ንጥልያን መኸተ፣
ንእንግሊዝ መኸተ ንጦቢያ መኸተ፣
ኣብዚ’ዩ ዚጥርነፍ አዳል ምስ ዓዋተ!!!

ኣይበቖለን አዳል ትም ኢሉ ብርእሱ፣
‘ንደንደን ኪወልድ’ ታሪኽ ተተርኢሱ፣
ታሪኽ ሮብሮብያ፣ ሓዝሓዝ ተወከሱ፣
ታሪኽ ናይ እምብለይ ናይ ሓላይ ሰልሱ።


ንሓቂ ምስ ገለጽና ንሓሶት ነሸቍርራ፣
ንጸላኢ ጥምረትና መሬት ነንገርግራ፣
ፍለጡና በሉ ንሕና ኢና ኤርትራ ራ ራ ራ!

[Meleket]

ገለ መወከሲ ታሪኽ - ኵናት ዛላ ኣናብስ ተጻይ ትግራይ - ኵናት በለሳ ተጻይ ውቤ-
ባሕረነጋሲ ኢያሱ - ዛላ ኣናብስ - ጭልቝጡም

https://tigrigna.voanews.com/a/5045439.html

[Meleket]

“ዛንታ ውልቀ-ዝኽሪ ካብ ግዜ ቍልዕነት ክሳብ ሓርነት ናቕፋ” ዚብል ርእስ ዘለዋ መጸሓፍ ዘዳለወ ኣባል ሓይልታት ምክልኻል ኤርትራ፡ ተጋዳላይ ኮለኔል ኣስረስ ኢሳቕ፡ ብዛዕባ ግዜ ቍልዕነቱን፡ ኣብ ጥሪ 1975 ምስ 800 ናብ ገድሊ ዝጽንበሩ ዜጋታትና ካብ ባሕሪ ባራ ናብ ብሌቓት ሳሕል ንምእታው ንዝገበርዎ አድካሚ ናይ 8-9 መዓልታት ጉዕዞን ከምኡዉን ብዛዕባ ከበባን መጥቃዕቲን ናቕፋ ብሸነኹ ንዝረአዮ ታሪኽ ይትርኽ። ከም መጠን አባል ኣሃዱ ከቢድ ብረት፡ ተራ ኣሃዱ ከቢድ ብረት እንታይ ይመስል ከምዝነበረውን ይገልጽ። ግሩም ትረኻ!

ኣብ ግጥምና ንዝሰዃዕናየን “ደንደን”ን “ሓላይን” ዝብላ ቃላት እዉን ኣብ ዛንትኡ ኣብ ገለ ሸነኽ ብከምዚ ጠቂሱወን ይርኸብ፦

“ሰዓት 10:00 ኣቢሉ፡ ነፋሪት ብልዕሊ ዝባን ደንደን (ኣብቲ እዋን’ቲ ደንደን ከም ዝበሃል ኣይንፈልጦን ነይርና) ገፈፍ እናበለት ክትመጽእ እንከላ፡ ቅድሚ ድምጻ፡ ሊላ ክትመስል ብኣካል ረኣናያ። “መጺኣ! መጺኣ!” ኢልና ብህጹጽ ኣብ ምድላው አተና። ደሽካና ናብ ጸረ-ኣየር ለዊጥና ድልውነትና አረጋገጽና። _ _ _ ”

ብምባል ነቱይ ኩነት ይገልጾ። ገጽ 115

እታ ቅድሚ ዓመት ንመጀመርታ ግዜ ኣብ ልዕሊ ናቕፋ መጥቃዕቲ ዘካየድናላ ዕለት 27 መስከረም ኣርከበት። ኩልና ተጋደልቲ መመዝገብና ሒዝና ተዅሲ ዝጅመረሉ ናይ ዜሮ ሰዓት ተጸበና። ሰዓት ክንደይ ተዅሲ ከም ዝጅመር፡ ብዘይካ እቶም ዝምልከቶም ሓለፍቲ፡ ዝፈልጥ ኣይነበረን። መሬት ወጊሓ፡ ጸሓይ’ውን በረቐት። ምብራቓ ጥራይ ዘይኰነ፡ ሰዓት ብሰዓት እናተተኻኽአ ምድሪ ኣጸቢቑ ረፈደ። “ተዅሲ ደኣ መዓስ ድዩ ዝጅመር፧ ግዜ’ምበር ሃዲሙ፧” በለኒ እቲ ምሳይ መድፍዓጂ ዶሽካ ዝነበረ ብጻይ ወልደገርግሽ። “እንታይ’ሞ ፈሊጠ!” ካብ ምባል ሓሊፈ ካልእ ዝሃብኩዎ መልሲ አይነበረን። ካብ’ቲ ዶሽካና ተተኺሉሉ ዝነበረ በሪኽ ጎቦ ሓላይ፡ (ሓላይ መአዘዚ ቦታ ኣባል መሪሕነትን ኣዛዚ ከበባ ናቕፋን ዝነበረ ዓሊሰይድ ዓብደላ’ያ ነይራ) ኣማዕዲና ናብ ናቕፋ ገጽና እንተ ጠመትና፡ ጸላኢ፡ ንመጥቃዕቲ ተዳሊና “ጀምር!” ዝብል ትእዛዝ ንጽበ ከም ዝነበርና፡ ሓበሬታ ከም ዘይነበሮ ዘረድእ፡ ገለ ተሰሪዑ፡ ገለ ብውልቂ ኣብ ማእከል ከተማ ናቕፋ ካብ-ናብ ተውዛሕዛሕ ይብል ነበረ። ገጽ 151

[Meleket]

ንደንደን ወሊዱ ካብ ተባህለ አዳል፣
አዳል’ከ ንርእሱ ፍረመን ይበሃል፧

ታሪኽ እምቢታና ኩሉ እንተዝግንጸል፣
አቦ ደንደን አዳል አይዀነን እቲ አወል፣
ድሙቕ ታሪኽ ኣሎ ከቶ ዘይኽወል።

ንቱርኪ መኸተ ንምስሪ መኸተ፣
ንትግራይ መኸተ ንጥልያን መኸተ፣
ንእንግሊዝ መኸተ ንጦቢያ መኸተ፣
ኣብዚ’ዩ ዚጥርነፍ አዳል ምስ ዓዋተ!!!

ኣይበቖለን አዳል ትም ኢሉ ብርእሱ፣
‘ንደንደን ኪወልድ’ ታሪኽ ተተርኢሱ፣
ታሪኽ ሮብሮብያ፣ ሓዝሓዝ ተወከሱ፣
ታሪኽ ናይ እምብለይ ናይ ሓላይ ሰልሱ።


ንሓቂ ምስ ገለጽና ንሓሶት ነሸቍርራ፣
ንጸላኢ ጥምረትና መሬት ነንገርግራ፣
ፍለጡና በሉ ንሕና ኢና ኤርትራ ራ ራ ራ!