Ethiopian News, Current Affairs and Opinion Forum
TGAA
Member
Posts: 449
Joined: 07 Apr 2019, 20:34

የአብይ መንግስት መታጠፍ የማይችልበት ቁልቁለት መንገድ ውስጥ እየገባ ነው ካሁኑ እራሱንም ሀገሪቷንም ያድ

Post by TGAA » 10 Jul 2019, 19:08

በአንድ አመት ውስጥ ከዚያ የመስለ አጠቃላይ ህዝባዊ ድጋፍ አሁን የደረሰበት ማጥ ውስጥ መገኝት የብዙ ውድቀቶች ውጤት ነው፡፡ ግን ዋናዎቹ ግልጽ የሆነ ሁሉን በእኩል የሚያቅፍ ከድሮው የጎሰኛ ስርአት ጋር በግልጽ በየደረጃው እየተላቀቀ የሚሄድ መንገድ መቅደድ ባለመቻሉ ነው፡፡ እኩልነት ፤ፍትህ ፤ ዲሞክራሲ አሻሚዎች አይደሉም በቅን ልብ ተግባራዊ ለማድረግ እስከተሞከረ ድረስ ፤ ማንም እራስን በራስ ማስተዳደርን የሚቃወም ወይም የሚፈራ ዲሞክራት ሊኖር አይችልም ፤ ማንም የግለሰብ መብትን የሚያከበር ስርአት የሚጠላ ዲሞክራት ሊኖር አይችልም ፤ ፍትህም በአጠቃላይ ኢትዮጵያ ውስጥ በሁሉም አካባቢ እንዲሰፍር ቢደረግ የሚጠላ ስለፍትህ የሚያቀነቅን ሰው ሊኖር አይችልም ፤ ነገር ግን የአብይ አስተዳደር የሚናገራቸው ነገሮች ስርና አፈሩን ማገናኝት አልቻለም፡ በተፈጥሮ የሚቃረኑ ጉሰኝነትና ዲሞክራሲን አንድ ላይ ጠቅልሎ አብሮ ይሄዳሉ ብሎ ሊያሳምን ይሞክራል ይህ ደግሞ የበለጠ ሰው የበግ ቆዳ የለበሰ ተኩላ ነው ወደሚለው ድምዳሜ ላይ እንዲደርስ እያደረገው ነው ፡፡ ለጎሰኝች ያለው ትግስትና ዲሞክራሲያው ሀገር ወዳዶች ላይ የሚወሰደውን እርምጃ ከአፉ ይልቅ በተግባር የሚወስዳቸው እርምጃዎህች ተቃራኒ እየሆኑ ከመጡ ውለው አድረዋል፤ ከሚመራው ፓርቲ በተለይ ኦዲፓ የሚወጡት መግለጫዎች በጣም ጸረ ኢትዮጵያዊ እየሆኑ መጥተዋል ፤ ለወያኔዎች የሚያሳየው ትግስትና የሚሰጣቸው እከክህ ልከከልህ ምልክቶች ትልቅ ስህተቶች ናቸው፤ ከወያኔዎች አይዞህ በርታ የሚል ማበረታቻ መስማት ትንሽ አስገራሚ ነው ፡፡ የህዝቡን ድጋፍ ወደኋላ ብሎ የወያኔ ጋር ለመሆን ከፈለገ ለፖለቲካ ፍጆታ ሆኖ በጥቂት ግዜ ውስጥ ከእባብ ጋር እየተጫወተ መሆኑን ይደርስበታል፡፡ ለአብይ ይህ ወቅት ወሳኝ እርምጃ ልክ እንደ አብርሀም ሊንከን የሚወስድበት ጊዜ ነው፡፡ የኢትዮጵያ ህዝብ አሁንም ይህን የተጨማለቀ የጎስኝነት መርዝን ትቶ በአንድ ልብ ወደፊት የሚጓዝ ከሆነ አሁንም አብሮት ለመሞት ለመታገል የተዘጋጀ ህዝብ አለ ነገር ግን ልብ ቢስ ከመሆን ወይንም ደግሞ ውሀና ዘይት አደባልቃለሁ ብሎ የሚዳክር ከሆነ የማይገባ ጥፋት ህዝቡ ላይ ያመጣል፡፡ የጎሳ መንገድ የማያዋጣ መሆኑን በግልጽ አሳውቆ ስልጣኑን ቢለቅ ይሻላል ፤ ከጎሳ ፖለቲካ ጋር አገር እመራለሁ ብሎ ከሚወድቅ ፡፡