Ethiopian News, Current Affairs and Opinion Forum
Tintagu wolloye
Member
Posts: 1467
Joined: 02 Sep 2016, 16:59

ያራዳ ልጆች ወግ።የኢህአድግ መግለጫ (ከትንታጉ ዘወሎ )

Post by Tintagu wolloye » 01 Jan 2018, 05:03



“የኢህአድግ መግለጫ አዲስ አይነት መስሎ ታይቶኛል፣አልታየሽም?”

“መግለጫው የወጣበትን ቀን ማለትሽ ባልሆነ አዲስ ነው ስትይ።በይዘት ግን----”

“በይዘትስ ቢሆን?”

“በበኩሌ አዲስ ነገር---”

“በቃ አላጤንሽውም!! ይሄኛው ‘ገምታናል! በስብሰናል’ ይላል? አይለም!”

“እና መግማትና መበስበስ አቆሙ ማለት ነው?”

“እያልኩ ያለሁት ‘በመግለጫው አልተተቀሰም' ነው።ይገባሻል?”

“እና መግለጫውን አዲስ ያስብለዋል ይሄ?”

“ታድያስ!!እንደገሙና እንደበሰበሱ፣እንደሞሰሱና ክራይ እንደሰበሰቡ 26 ዓመታቸው! ለለውጥ ያህል ሳይጠቅሱት ማለፋቸው አዲስ አያደርገውም።”

“ጥልቅ ተሀድሶ ውስጥ ሰምጠን ወጣን ማለታቸው መግማት መበስበሳቸውን፣ መዛግ መደነዛቸውን በተዘዋዋሪ አያሳይም ትያለሽ?”

“እሱንማ ለሚረዳ ሰው ትተውታል።በነገርሽ ላይ እነሱን የሚያድስ የፖለቲካ ጋራጅ ከየት ተገኘ?”

“አንች ደግሞ!!እነሱን ከጨፍጫፊነትና ከዝርፊያ የምያቅብ፣የእነሱን የአደፈ ታሪክና በንጹሃን ደም የጨቀዬ እጅ የሚያነጻ ጋራጅ አልሽው
ላቫጆ በምድር ላይ አይገኝም።”

“በሰማይ ቤትስ ?”

“የእሱንማ መኖር ገና ድሮ ነው የካዱት።ኮሚንስቶች አይደሉ?ማለሊት ምናምን ሲሉ አልሰማሽም?”

“እኔ’ቴ!! ታድያ እንዴት ብለው ነው ጳጳሱን ሊሾሙ የቻሉት?”

“ምን ያግዳቸዋል!ጳጳስ ሆነ ጠቅላይ ሚኒስቴር ሁሉም የፖለቲካ ሹመት ነው ለነሱ።”

“ግን ጳጳሱ እግዜርን በካዱ ተሹመው እግዜርን ሊያገለግሉ ይችላሉ?”

“የተፈለገው እሱ ነው።እግዜርን ቢያገለግሉማ ‘አትግደል!’ ብለው ግድያን ይቃወሙ ነብር።የሳቸው ሥራ ተቃውሞን መቃወም ነው!!”